Mateo 13
13
Mobä lä shäyäjano wei tä a̦fa wäyäö lä yacläono wei tä a̦
1Ö̦jö tä mö jalu showawä ja, yafi jamö Jesús a faa fa co̦lufälönö, modu u casö jamö a loalecölöma. 2Cama nija bluca täbä fa co̦camoliyolunö, täbä mashicou dodijioma. Ö̦jö däjä, a bacäjamaö mlaobeje, canawä a jamö Jesús a döcäbaliyoma. ¿Ö̦jö tawä? Modu u casö jamö bä bluca lä co̦camolayono wei bä cuo däjä, ajede jamö a befi ca̦i ca̦lanö 3bä yömölama. Bä yömölaö ja, shominaja tä a̦ bluca wäyäö yacläablalou ja, bä bufi dayäamama. Abinaja a cuma.
—Ai anö mobä shäyäjaö mö alayoma. 4Mobä shäyäjaö cuaafälöö däjä, bei yo jamö ai mobä fa blälälalunö, biyomö bänö mobä owa nocaa jäalalemaje. 5Bei masi blaobä jamö ai mobä blälälaliyoma, mashita a bluca cuono lä mlai jamö. Mashita a fa maquedionö, mobä lobe caua showadalaliyoma ma cui, 6motoca a ösöblou däjä mosibä shi̦liquia nocalayoma. Nasöcö daloblou fa mlacunö, mosibä fälaliyoma. 7Tä mösöcöböobä jamö ai mobä fa blälälalunö, mobä caua ma bälayono wei ma cui, mösöcö bä caua mö fa fedulalunö mosibä baömölayoma. 8Mashita a lä dodijidai jamö ai mobä fa blälälalunö, mobä caua fa liyäjälalunö mosibä badalayoma. Ai mosibä jamö, moli mosi ma cui ja, 30 mobä cublou majölayoma. Ai mosibä jamö, 60. Ai mosibä jamö, 100.
9’¿Ö̦jö tawä? —a cuma—. Wamacö yömöcacö lä walalai, bä yömöca daa da dodijiicu.
Tä a̦ shominajawä
lä wa̦lino wejei tä a̦
10Cama ebä lä nocamabono wei bä lä cui, Jesús nija bä icua ajedea fa jäicunö, a wa̦lii juomaje.
—Wa täbä yömölaö däjä, ¿wedi tabä bei wa wa̦ li faö yacläablalou? —bä cuma.
11Abinaja Jesúsnö bä nowa tama.
—Yai Bada tänö cama ebä ca̦i lä cuo wei tä a̦ lä cui ja, cafä wamacö bufi jaducumabou. Tä a̦ ji̦limamou walalao showadao ma mlai ma cui, dodijidawä wama tä a̦ bluca ji̦liaö fe yadiobä, wamacö bufi damaö. Ö̦jö ma cui, ai bä mö feduwä lä cui, bä bufi jaducumaboimi.
12’¿Ö̦jö tawä? —a cuma—. Bä bufi jaducuwä lä waiquii, ö̦jö bei bä bufi jamö tä lä didile, Yai Bada tänö etä nia balamafälöö. Ö̦jö däjä, bä bufi nia yai jaducublou. Ö̦jö ma cui, bä bufi jaducudalou lä mlai bä lä cui nija, etä wai wiisibö daö lä bädale etä nia co̦aö, tä a̦ nofi mojodubou majöobeje.
13’¿Ö̦jö tawä? —a cuma—. Ai bä lä cui, bä bufi nö jaducublobimi waiquiwä ja, shominaja ya tä a̦ li showadi wäyäö yacläo. Bä mamo ma showao wei ma cui, bä bufi möblou malä mlai. Bä yömöca ma dao wei ma cui, wale a̦ ji̦liaö cadidiomije. 14Yai Bada a wa̦no wäyäö ja, Isaianö ö̦jö bä a̦fa wäyäö balöoma. Abinaja tä a̦ cuu.
Bejedi lä, fei bä lä cuinö tä a̦ nia ma ji̦liadii wejei ma cui, bä bufi nia jaducubloimi waiquiwä. Bä mamo nia ma showadio wei ma cui, bä bufi nia möbloimi. 15Bä bufi jaducudalou malä mlai. Jai bä yömöcacö quefublawä, jai bä mamo casö miblawä bä cuwä. Tä lä dablaö wejei tä nö ö̦jöböaö mlaobeje. Tä a̦ lä ji̦liaö wejei tä a̦ ca̦i ji̦liaö walalao mlaobeje. Bä bufi yai jaducublou mlaobä. Yai Bada nija bä bufi mö fa yabajadalonö, bä demi cudio mlaobä.
’Einaja tä a̦ cuu —Jesús a cuma—. 16Ö̦jö ma cui, cafä wamacö lä cuinö, ei däjä tä lä cuaale wama tä fa mönö wamacö bufi yai möblou yalo, wama tä a̦ lä ji̦liaö wei wama tä a̦ ca̦i ji̦liaö walalao cudeenö, wamacö bufi yai doblalobä wamacö. 17Cafä wamacö nija ei ya wa̦ lä cui, bejedi lä ya wa̦. Yai Bada a wa̦no wäyälewä bä cuo lä balöono wei bä bluca ma cuinö, ai bä ca̦i dodijaö mö lä feduono wei bä ma cuinö, fei däjä wama tä lä möö wei tä möö bufi ma doblaono wejei ma cui tä mönomije. Wama tä a̦ lä ji̦liaö wei, tä a̦ ca̦i ji̦lii bufi ma doblaono wejei ma cui tä a̦ ji̦lianomije.
Jesúsnö bei tä a̦ yai wawäa
lä nomöjömaleno wei tä a̦
18’Bei —Jesús a cuma—. Mobä lä shäyäjaö wei ya wa̦fa wäyäö lä yaclämoblei, abinaja ya yai cuma. 19Bei yo jamö ai mobä bläläö lä cuaaö weinaja, ai bänö Yai Bada etä a̦ ji̦liaö cuaaöje. Tä a̦ ji̦liaö ma cujei, bä bufi jaducubloimi dicowä ja, tä yai lä wa̦lidii tä waloa fa showadaicunö, bei bä bufi jamö tä a̦ lä didio wei etä a̦ däa nocalei.
20’Bei masi blaobä jamö ai mobä bläläa lä culaliyono weinaja, ai bä mö feduwänö tä a̦ ca̦i ji̦liaö cuaaöje —a cuma—. Tä a̦ ji̦liaöje däjä, bufi doblalolanö tä a̦ däaöje. 21Ö̦jö ma cui, mobä nasöcö daloblou fa mlacunö mosibä nö dedejebloimi. Ö̦jö mosibä lä culenaja bä lä cui, bä nö jaba wa̦lojaö ma bäquei wei ma cui, bä yabäcamou däjä yedu bä waiquidou. Tä a̦ lä däaö wejei tä a̦ nowa ja, bä nö bleaamaöje däjä, inaja showawä bä waicou.
22’Tä mösöcöböobä jamö mobä bläläa lä culaliyono weinaja, ai bä ma cuinö tä a̦ ji̦liaö cuwä mö feduweje —a cuma—. Tä a̦ ma ji̦liablaö wejei ma cui, täbä showadi lä yabäcäblou wei tä ja, bä yabäcäablalou majöblao dicoo. Madofi bä ca̦i tabou bufi doblaoje. Ö̦jö däjä, Yai Bada nija bä bufi badadalou fa mlacunö, tä lä dodijidai etä wawädaloimi.
23’Ö̦jö ma cui, a mashita lä dodijidai jamö ai mobä bläläa lä culayono weinaja, ai bä ma cuinö tä a̦ ji̦liaö cuwä mö feduweje —a cuma—. Tä a̦ fa ji̦liajenö, tä a̦ nofi jaducubou dodijioje. Tä lä dodijidai ö̦jö bei etä shino li yai wawäblou. Ai mosibä jamö, 30 mobä faa lä culayono weinaja, ai bä nija inaja etä dodijidawä cublou. Ai mosibä jamö, 60 mobä faa lä culayono weinaja, inaja showawä ai bä nija etä cublou mö feduo. Ai mosibä jamö, 100 mobä faa lä culayono weinaja, inaja showawä ai bä nija etä yai dodijidawä cublaliyo—Jesús a cuma.
Wa̦lidiwä mobä a̦fa wayoaö
lä yacläono wei tä a̦
24Jesúsnö täbä yömölaö co̦o ja, jolemolewä bä showadi lä coyocoblai, bei tä a̦fa wawämaö nomöjöoma. Ficali täca a̦fa wäyäö yäclämou ja, abinaja a cuma.
—Yai Bada tänö cama ebä ca̦i lä cuo wei tä lä cui, abinaja tä ca̦i cuwä. Ai a lä cui, a ficalimou ja, dodijidawä mobä döalema. 25Ö̦jö ma cui, cama ebä mio däjä, ai a juu fa ja̦toimanö, dodijidawä mobä lä döaleno wei jamö, wa̦lidiwä mobä döa coyocoa jäalema. Mobä fa döalönö a alayoma.
26’Mosibä fa badalönö, mobä yädäcämou waiquio däjä, wa̦lidiwä mosibä ca̦i bluca dablamoa coyocoa showalaliyoma —a cuma—. 27Ficali etäca lä cule a nija cama ebä a̦ fayoluma. “Bada tä”, bä cuma. “Ficalifä ca jamö, ¿dodijidawä wa mobä döa yaiale nowa tawä? ¿Wedinaja tä li fa cublalunö, wa̦lidiwä bei mosibä dablamou coyocoa dicoa cule?”, bä cuma.
28’Abinaja bada e cuma. “A nö lä nabämou wei anö, mobä döa coyocoa jäalema”, a cuma. Inaja a fa cunö, abinaja cama ebä cuu nomöjöoma. “Ja̦o. ¿Wedinaja wa bufi yai cuu? ¿Wa̦lidiwä yama mosibä joyaö showadaobä daanö?”, bä cuma ma cui, 29bä wasöma. “Ma, wa̦lidiwä wama mosibä ucäö däjä, dodijidawä wama mosibä nia befi ca̦i joyaö dicoo. 30Nii bäma bä tabä tä cublou showao mlao däjä, bä bluca cublao balöobä. Nii bäma bä yai taö däjä, iba bä nija ya wa̦ faö weicätä, wa̦lidiwä mosibä doaö balöafälöbeje. Mosibä fa manölalöjenö, mosibä bäshäcu fa o̦calalöjenö, mosibä o̦cama nia yablaöje. Dodijidawä mosibö manöa fa nomöjölalöjenö, ya mobä shi̦liqui lä nowamaö wei jamö mobä nia cuo”, a cuma. ¿Ö̦jö tawä? —Jesús a cuma.
Bluca täbä a̦fa wayoaö
lä yacläablalono wei tä a̦
31Jesúsnö tä a̦ wäablalaö yacläablalou ja, ei tä a̦ ca̦i wäyäma.
—Yai Bada tänö cama ebä ca̦i lä cuo wei tä lä cui, nana shimono wai lä culenaja tä cuwä. Ficali ca jamö ai anö nana shimono wai döquei. 32Ai mobä wai cublawä ma cui, ö̦jö nana shimono yai wiisibö dodijiwä. Shimono fa dömoicunö, shimono fa caulunö, bei shifi cublaliyou. Shifi fa badalönö, shifi yai ösölayou. Ö̦jö däjä, ö̦jö shifi bococu jamö, biyomö bä yabäcabö nia tamoyoluu —a cuma.
33Abinaja Jesús a ca̦i cuu yacläo co̦oma.
—Yai Bada tänö cama ebä ca̦i lä cuo wei, suwä anö nii bä lä julumano weinaja tä cuwä. Nii bä lä julumaö wei tä lä cui, nii 3 ji̦bä jamö, wiisibö tä wai coyocoa ma bäqueno wei ma cui, ö̦jö tä wai bädawänö bä bluca julumalema —a cuma.
34Täbä bluca lä co̦camono wei täbä nija, Jesúsnö ei tä a̦ bluca wäyäö yacläoma. A wa̦ ja̦loablalou mlai ja, täbä yömölanomi. 35Yai Bada a wa̦no wäyälewä a cuu lä balöono wei tä a̦ bejedi cublobä, inaja a li cuaama. Abinaja tä a̦ cuu.
Ya bä yömölaö ja, ya wa̦ nia faö yacläablalou. Yedu ja, bita tä jaba colo lä lojodoblamaleno wei däjä, tä a̦ jo̦yao lä showaono wei ya tä a̦ nia wawäblamaö.
Einaja tä a̦ cuu.
Wa̦lidiwä mobä a̦fa
lä wäyäno wei tä a̦ lä
wawäblamaleno wei tä a̦
36Ö̦jö däjä, bä lä co̦camono wei bä fa dacöfälönö, yafi a jamö Jesús a lucäa co̦layoma. Ö̦jamö lä, cama ebä lä nocamabono wei bä lucäa fa yaulunö, abinaja bä cuma.
—Wa̦lidiwä wa mobä a̦fa wayoaö lä yacläoblei, tä a̦ yai da wawämalö. ¿Wedinaja bei wa cuu da cufanö? —bä cuma.
37Abinaja a cuma.
—Dodijidawä mobä lä döaö wei a lä cui, ö̦jö camiyä bei ya waiquiwä, ya lä yanowamöblaleyoluno wei ya lä cui. 38Ficali ya täca a̦fa wäyäö lä yacläoblei, ei bita a lä blaucui, ö̦jö lä täca. Dodijidawä mobä lä cui, Yai Bada tänö cama ebä nia ca̦i lä cuo wei, ö̦jö mobä li. ¿Ö̦jö tawä? Wa̦lidiwä mosibä lä cui, tä yai lä wa̦lidii ö̦jö bä ijilubö ebä. 39A nö lä nabämou wei a lä cui, fecula bada cätä, wa̦lidiwä mobä döa coyocoa lä ja̦toaleno wei a lä cui. Nii bä nia obi lä tamou wei tä a̦ mö feduwä lä cui, Yai Bada tänö obi täbä bluca nia lä jömadayou wei, ö̦jö tä a̦. Nii bä nia lä taö wejei bä lä cui, a̦jele cäbä.
40’¿Ö̦jö tawä? —a cuma—. Wa̦lidiwä mosibä yaabeje mosibä co̦aö lä culajeinaja, Yai Bada tänö täbä jödödöwä jömadayobä jamö, inaja tä ca̦i nia cuo. 41Ya lä yanowamöblaleyoluno wei ya lä cuinö, iba a̦jele ya bä nia shömaö. Yai Bada ebä nijamö bä wa̦lidiwä talewä lä coyocole bä nia co̦aöje, täbä lä wa̦lidiaamaö wejei bä ca̦i. 42Cowa wacö bada jamö bä nia shäyäblaaöje. Ö̦jamö lä bä nia ö̦cöö. Bä nö beblalou yalo, bä nia lalöö. 43Ö̦jö däjä, bä lä cadidou wei bä lä cui, Fayänö bä nia ca̦i lä cuo wei jamö, bä nia dodijaö dablamou, motoca a wawädowä lä dablamou weinaja showawä. Wamacö yömöcacö lä walalai, bä yömöca daa da dodijiicu.
Tä nowa lä bluca wei
tä lä jo̦yaono wei tä a̦
44’Yai Bada tänö cama ebä ca̦i lä cuo wei tä lä cui, abinaja tä ca̦i cuwä —Jesús a cuma—. Ficali ca jamö tä nowa yai lä bluca wei, tä jo̦yao balöoma. Ö̦jö täca jamö ai a ojodamou ja, tä daa bädalalema. Tä daa fa bädalalönö, tä tabou bufi ma doblaono wei ma cui, shomi täbä ulifibö cuoma cudeenö, tä däanomi. Lobe tä batelia co̦quema, ai bänö tä dablaö mlaobeje. Ö̦jö lä däjä, cama etä ulifi yai däabä, a bufi fa dayäonö, abinaja a bufi doblao ca̦i cuaama. Cama ebä madofi bluca jöböaquema, blada bä ja. Ö̦jö däjä, ö̦jö lä bä blada ja, täca befi ca̦i lulua showadalema —Jesús a cuma.
Yai Bada nija bä nia lä cuo wei tä ja bä bufi mö blucaobä, a wa̦ li cuoma.
Dobä a nowa wai lä
blucaono wei tä a̦
45—Yai Bada tänö cama ebä ca̦i lä cuo wei tä lä cui, abinaja tä ca̦i cuwä mö feduwä —Jesús a cuma—. Madofi bä lä nomöjöablaö wei, ai a wa̦lo cuoma. Dobä bä nowa au lä bluca wei bä showadi dayäaö cuaadima. 46Ya̦cumö, a nowa yai lä bluca wei, moli a wai dobä dalalema. Ö̦jö a wai luluaö bufi fa doblaonö, jödödöwä a madofibö jöbömoquema, blada bä ja. Ö̦jö lä bä blada ja, a wai dobä lulua showadalema —a cuma.
Yai Bada nija bä nia lä cuo wei tä ja bä bufi mö blucaobä, a wa̦ li cuoma.
Yuli bä lä ya̦camono wei tä a̦
47—Yai Bada tänö cama ebä ca̦i lä cuo wei tä lä cui, abinaja tä ca̦i cuwä mö feduwä —Jesús a cuma—. Yuli bä lä ya̦camou wei täcö lä culenaja tä cuwä. Modu u jamö täcö fa quemabalöjenö, bluca bä yuli shomitawä lucälayoma. 48Yuli bä cublou jödödölayono wei ja, bä befi ca̦i shaimamaje, bä washölöblamabeje. Ö̦jö däjä, mau u casö jamö bä fa loicunö, bä yuli yaii majöomaje. Bä lä dodijidai bä tablamaje, bä lä wa̦lidii bä queamaö mö yabao co̦omaje.
49’¿Ö̦jö tawä? —a cuma—. Yai Bada tänö täbä jödödöwä jömabä jamö, inaja showawä tä ca̦i nia cuo. A̦jele bä fa wawälönö, yanowamö täbä nia yaii cuaaöje. Bä lä cadidou wei bä nijamö, bä wa̦lidiwä lä coyocoblai bä fa yailalöjenö, 50cowa wacö bada jamö bä nia shäyäblaaöje. ¿Ö̦jö tawä? Ö̦jamö lä bä nia ö̦cöö. Bä nö beblalou yalo bä nia lalöö—a cuma.
51Ö̦jö däjä, Jesúsnö cama ebä wa̦lima.
—Ei ya tä a̦ bluca lä wäyäfe tä a̦ ja, ¿wamacö bufi jaducublou cule? —a cuma.
—Awei —ebä cuma.
52Abinaja a cuu nomöjöoma.
—Ja̦o. Ö̦jö cudeenö, abinaja ya nia cuu co̦o. Moisesi etä a̦ lä cui, yedu ja etä a̦ li cuo balöoma tä a̦ li. Yai Bada tänö cama ebä ca̦i lä cuo wei tä a̦ lä cui, fei däjä dude ya tä a̦ lä wawämale tä a̦. ¿Ö̦jö tawä? Jaba tä a̦ ja bä bufi lä jaducuo wei bä lä cui, dude tä a̦ ma cui ja, bä bufi jaducuo mö feduo ja, inaja yai. Abinaja ö̦jö bä cuwä. Cama ebä ca̦i lä cuo wei a wa̦lo lä culenaja, ö̦jö bä cuwä mö feduwä. Cama etäbä bluca lä nowamaö wei täbä ja, dude täbä wawäblamaö. Yedu ja täbä tabou lä balöono wei täbä ca̦i. ¿Ö̦jö tawä? —a cuma.
Camateli bänö Jesús a wa̦
lä waileno wejei tä a̦
53Jesúsnö tä a̦ wäyäö lä yacläablalono wei tä a̦ ja a fa waiquidonö, a co̦a co̦layoma. 54Cama etä ulifi jamö a waloa co̦aliyoma, a oshe lä cuono wei jamö. Ö̦jamö a fa waloicunö, judio bä yododabä yafi jamö täbä yömölama. A wa̦ lä ji̦lino wejei bä lä cui, bä bufi bluca shädayaimolanö, abinaja bä nowa tayoma.
—Fei a lä cui, ¿wedi nija a bufi li jaducublamolayoma tawä? ¿Wedinaja a li fa taamamonö, tä nö lä quilijii bei tä wawämaö majöa cule? 55Fii fibä ja täbä showadi madofi lä taö wei, ¿fei bä ijilubö emi daanö? ¿Bä nöö e lä cui, ö̦jö María emi? Santiago, José, Juda, Simón bä lä cui, ö̦jö bä a̦iyobö e nofi showawä lä cui. 56Camiyä bämacönö ¡fei bä yaö bäma ebä ca̦i nofi lä bälöle! ¿Wedinaja a li fa taamamonö, bei a li shomiblou nomöjölayoma? —bä nowa tayoma.
57Einaja a nofi tabomaje yalo, a wa̦ wailemaje. Ö̦jö ma cui, abinaja Jesúsnö bä nowa tama.
—Yai Bada a wa̦no wäyälewä bä lä cui, shomi täbä ulifibö jamö bä a̦ ji̦liaö bufi ma doblao wejei ma cui, cama bä ulifibö yai ja showadi bä a̦ ji̦liblaimije. Cama e yafi jamö bä lä bälöle bä ma cuinö, showadi bä a̦ waibouje —bä nowa tama.
58A nofi mölabonomije yalo, a nia yai lojode lä dablamou wei tä bluca wawämanomi.
Currently Selected:
Mateo 13: GUU
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved
Mateo 13
13
Mobä lä shäyäjano wei tä a̦fa wäyäö lä yacläono wei tä a̦
1Ö̦jö tä mö jalu showawä ja, yafi jamö Jesús a faa fa co̦lufälönö, modu u casö jamö a loalecölöma. 2Cama nija bluca täbä fa co̦camoliyolunö, täbä mashicou dodijioma. Ö̦jö däjä, a bacäjamaö mlaobeje, canawä a jamö Jesús a döcäbaliyoma. ¿Ö̦jö tawä? Modu u casö jamö bä bluca lä co̦camolayono wei bä cuo däjä, ajede jamö a befi ca̦i ca̦lanö 3bä yömölama. Bä yömölaö ja, shominaja tä a̦ bluca wäyäö yacläablalou ja, bä bufi dayäamama. Abinaja a cuma.
—Ai anö mobä shäyäjaö mö alayoma. 4Mobä shäyäjaö cuaafälöö däjä, bei yo jamö ai mobä fa blälälalunö, biyomö bänö mobä owa nocaa jäalalemaje. 5Bei masi blaobä jamö ai mobä blälälaliyoma, mashita a bluca cuono lä mlai jamö. Mashita a fa maquedionö, mobä lobe caua showadalaliyoma ma cui, 6motoca a ösöblou däjä mosibä shi̦liquia nocalayoma. Nasöcö daloblou fa mlacunö, mosibä fälaliyoma. 7Tä mösöcöböobä jamö ai mobä fa blälälalunö, mobä caua ma bälayono wei ma cui, mösöcö bä caua mö fa fedulalunö mosibä baömölayoma. 8Mashita a lä dodijidai jamö ai mobä fa blälälalunö, mobä caua fa liyäjälalunö mosibä badalayoma. Ai mosibä jamö, moli mosi ma cui ja, 30 mobä cublou majölayoma. Ai mosibä jamö, 60. Ai mosibä jamö, 100.
9’¿Ö̦jö tawä? —a cuma—. Wamacö yömöcacö lä walalai, bä yömöca daa da dodijiicu.
Tä a̦ shominajawä
lä wa̦lino wejei tä a̦
10Cama ebä lä nocamabono wei bä lä cui, Jesús nija bä icua ajedea fa jäicunö, a wa̦lii juomaje.
—Wa täbä yömölaö däjä, ¿wedi tabä bei wa wa̦ li faö yacläablalou? —bä cuma.
11Abinaja Jesúsnö bä nowa tama.
—Yai Bada tänö cama ebä ca̦i lä cuo wei tä a̦ lä cui ja, cafä wamacö bufi jaducumabou. Tä a̦ ji̦limamou walalao showadao ma mlai ma cui, dodijidawä wama tä a̦ bluca ji̦liaö fe yadiobä, wamacö bufi damaö. Ö̦jö ma cui, ai bä mö feduwä lä cui, bä bufi jaducumaboimi.
12’¿Ö̦jö tawä? —a cuma—. Bä bufi jaducuwä lä waiquii, ö̦jö bei bä bufi jamö tä lä didile, Yai Bada tänö etä nia balamafälöö. Ö̦jö däjä, bä bufi nia yai jaducublou. Ö̦jö ma cui, bä bufi jaducudalou lä mlai bä lä cui nija, etä wai wiisibö daö lä bädale etä nia co̦aö, tä a̦ nofi mojodubou majöobeje.
13’¿Ö̦jö tawä? —a cuma—. Ai bä lä cui, bä bufi nö jaducublobimi waiquiwä ja, shominaja ya tä a̦ li showadi wäyäö yacläo. Bä mamo ma showao wei ma cui, bä bufi möblou malä mlai. Bä yömöca ma dao wei ma cui, wale a̦ ji̦liaö cadidiomije. 14Yai Bada a wa̦no wäyäö ja, Isaianö ö̦jö bä a̦fa wäyäö balöoma. Abinaja tä a̦ cuu.
Bejedi lä, fei bä lä cuinö tä a̦ nia ma ji̦liadii wejei ma cui, bä bufi nia jaducubloimi waiquiwä. Bä mamo nia ma showadio wei ma cui, bä bufi nia möbloimi. 15Bä bufi jaducudalou malä mlai. Jai bä yömöcacö quefublawä, jai bä mamo casö miblawä bä cuwä. Tä lä dablaö wejei tä nö ö̦jöböaö mlaobeje. Tä a̦ lä ji̦liaö wejei tä a̦ ca̦i ji̦liaö walalao mlaobeje. Bä bufi yai jaducublou mlaobä. Yai Bada nija bä bufi mö fa yabajadalonö, bä demi cudio mlaobä.
’Einaja tä a̦ cuu —Jesús a cuma—. 16Ö̦jö ma cui, cafä wamacö lä cuinö, ei däjä tä lä cuaale wama tä fa mönö wamacö bufi yai möblou yalo, wama tä a̦ lä ji̦liaö wei wama tä a̦ ca̦i ji̦liaö walalao cudeenö, wamacö bufi yai doblalobä wamacö. 17Cafä wamacö nija ei ya wa̦ lä cui, bejedi lä ya wa̦. Yai Bada a wa̦no wäyälewä bä cuo lä balöono wei bä bluca ma cuinö, ai bä ca̦i dodijaö mö lä feduono wei bä ma cuinö, fei däjä wama tä lä möö wei tä möö bufi ma doblaono wejei ma cui tä mönomije. Wama tä a̦ lä ji̦liaö wei, tä a̦ ca̦i ji̦lii bufi ma doblaono wejei ma cui tä a̦ ji̦lianomije.
Jesúsnö bei tä a̦ yai wawäa
lä nomöjömaleno wei tä a̦
18’Bei —Jesús a cuma—. Mobä lä shäyäjaö wei ya wa̦fa wäyäö lä yaclämoblei, abinaja ya yai cuma. 19Bei yo jamö ai mobä bläläö lä cuaaö weinaja, ai bänö Yai Bada etä a̦ ji̦liaö cuaaöje. Tä a̦ ji̦liaö ma cujei, bä bufi jaducubloimi dicowä ja, tä yai lä wa̦lidii tä waloa fa showadaicunö, bei bä bufi jamö tä a̦ lä didio wei etä a̦ däa nocalei.
20’Bei masi blaobä jamö ai mobä bläläa lä culaliyono weinaja, ai bä mö feduwänö tä a̦ ca̦i ji̦liaö cuaaöje —a cuma—. Tä a̦ ji̦liaöje däjä, bufi doblalolanö tä a̦ däaöje. 21Ö̦jö ma cui, mobä nasöcö daloblou fa mlacunö mosibä nö dedejebloimi. Ö̦jö mosibä lä culenaja bä lä cui, bä nö jaba wa̦lojaö ma bäquei wei ma cui, bä yabäcamou däjä yedu bä waiquidou. Tä a̦ lä däaö wejei tä a̦ nowa ja, bä nö bleaamaöje däjä, inaja showawä bä waicou.
22’Tä mösöcöböobä jamö mobä bläläa lä culaliyono weinaja, ai bä ma cuinö tä a̦ ji̦liaö cuwä mö feduweje —a cuma—. Tä a̦ ma ji̦liablaö wejei ma cui, täbä showadi lä yabäcäblou wei tä ja, bä yabäcäablalou majöblao dicoo. Madofi bä ca̦i tabou bufi doblaoje. Ö̦jö däjä, Yai Bada nija bä bufi badadalou fa mlacunö, tä lä dodijidai etä wawädaloimi.
23’Ö̦jö ma cui, a mashita lä dodijidai jamö ai mobä bläläa lä culayono weinaja, ai bä ma cuinö tä a̦ ji̦liaö cuwä mö feduweje —a cuma—. Tä a̦ fa ji̦liajenö, tä a̦ nofi jaducubou dodijioje. Tä lä dodijidai ö̦jö bei etä shino li yai wawäblou. Ai mosibä jamö, 30 mobä faa lä culayono weinaja, ai bä nija inaja etä dodijidawä cublou. Ai mosibä jamö, 60 mobä faa lä culayono weinaja, inaja showawä ai bä nija etä cublou mö feduo. Ai mosibä jamö, 100 mobä faa lä culayono weinaja, inaja showawä ai bä nija etä yai dodijidawä cublaliyo—Jesús a cuma.
Wa̦lidiwä mobä a̦fa wayoaö
lä yacläono wei tä a̦
24Jesúsnö täbä yömölaö co̦o ja, jolemolewä bä showadi lä coyocoblai, bei tä a̦fa wawämaö nomöjöoma. Ficali täca a̦fa wäyäö yäclämou ja, abinaja a cuma.
—Yai Bada tänö cama ebä ca̦i lä cuo wei tä lä cui, abinaja tä ca̦i cuwä. Ai a lä cui, a ficalimou ja, dodijidawä mobä döalema. 25Ö̦jö ma cui, cama ebä mio däjä, ai a juu fa ja̦toimanö, dodijidawä mobä lä döaleno wei jamö, wa̦lidiwä mobä döa coyocoa jäalema. Mobä fa döalönö a alayoma.
26’Mosibä fa badalönö, mobä yädäcämou waiquio däjä, wa̦lidiwä mosibä ca̦i bluca dablamoa coyocoa showalaliyoma —a cuma—. 27Ficali etäca lä cule a nija cama ebä a̦ fayoluma. “Bada tä”, bä cuma. “Ficalifä ca jamö, ¿dodijidawä wa mobä döa yaiale nowa tawä? ¿Wedinaja tä li fa cublalunö, wa̦lidiwä bei mosibä dablamou coyocoa dicoa cule?”, bä cuma.
28’Abinaja bada e cuma. “A nö lä nabämou wei anö, mobä döa coyocoa jäalema”, a cuma. Inaja a fa cunö, abinaja cama ebä cuu nomöjöoma. “Ja̦o. ¿Wedinaja wa bufi yai cuu? ¿Wa̦lidiwä yama mosibä joyaö showadaobä daanö?”, bä cuma ma cui, 29bä wasöma. “Ma, wa̦lidiwä wama mosibä ucäö däjä, dodijidawä wama mosibä nia befi ca̦i joyaö dicoo. 30Nii bäma bä tabä tä cublou showao mlao däjä, bä bluca cublao balöobä. Nii bäma bä yai taö däjä, iba bä nija ya wa̦ faö weicätä, wa̦lidiwä mosibä doaö balöafälöbeje. Mosibä fa manölalöjenö, mosibä bäshäcu fa o̦calalöjenö, mosibä o̦cama nia yablaöje. Dodijidawä mosibö manöa fa nomöjölalöjenö, ya mobä shi̦liqui lä nowamaö wei jamö mobä nia cuo”, a cuma. ¿Ö̦jö tawä? —Jesús a cuma.
Bluca täbä a̦fa wayoaö
lä yacläablalono wei tä a̦
31Jesúsnö tä a̦ wäablalaö yacläablalou ja, ei tä a̦ ca̦i wäyäma.
—Yai Bada tänö cama ebä ca̦i lä cuo wei tä lä cui, nana shimono wai lä culenaja tä cuwä. Ficali ca jamö ai anö nana shimono wai döquei. 32Ai mobä wai cublawä ma cui, ö̦jö nana shimono yai wiisibö dodijiwä. Shimono fa dömoicunö, shimono fa caulunö, bei shifi cublaliyou. Shifi fa badalönö, shifi yai ösölayou. Ö̦jö däjä, ö̦jö shifi bococu jamö, biyomö bä yabäcabö nia tamoyoluu —a cuma.
33Abinaja Jesús a ca̦i cuu yacläo co̦oma.
—Yai Bada tänö cama ebä ca̦i lä cuo wei, suwä anö nii bä lä julumano weinaja tä cuwä. Nii bä lä julumaö wei tä lä cui, nii 3 ji̦bä jamö, wiisibö tä wai coyocoa ma bäqueno wei ma cui, ö̦jö tä wai bädawänö bä bluca julumalema —a cuma.
34Täbä bluca lä co̦camono wei täbä nija, Jesúsnö ei tä a̦ bluca wäyäö yacläoma. A wa̦ ja̦loablalou mlai ja, täbä yömölanomi. 35Yai Bada a wa̦no wäyälewä a cuu lä balöono wei tä a̦ bejedi cublobä, inaja a li cuaama. Abinaja tä a̦ cuu.
Ya bä yömölaö ja, ya wa̦ nia faö yacläablalou. Yedu ja, bita tä jaba colo lä lojodoblamaleno wei däjä, tä a̦ jo̦yao lä showaono wei ya tä a̦ nia wawäblamaö.
Einaja tä a̦ cuu.
Wa̦lidiwä mobä a̦fa
lä wäyäno wei tä a̦ lä
wawäblamaleno wei tä a̦
36Ö̦jö däjä, bä lä co̦camono wei bä fa dacöfälönö, yafi a jamö Jesús a lucäa co̦layoma. Ö̦jamö lä, cama ebä lä nocamabono wei bä lucäa fa yaulunö, abinaja bä cuma.
—Wa̦lidiwä wa mobä a̦fa wayoaö lä yacläoblei, tä a̦ yai da wawämalö. ¿Wedinaja bei wa cuu da cufanö? —bä cuma.
37Abinaja a cuma.
—Dodijidawä mobä lä döaö wei a lä cui, ö̦jö camiyä bei ya waiquiwä, ya lä yanowamöblaleyoluno wei ya lä cui. 38Ficali ya täca a̦fa wäyäö lä yacläoblei, ei bita a lä blaucui, ö̦jö lä täca. Dodijidawä mobä lä cui, Yai Bada tänö cama ebä nia ca̦i lä cuo wei, ö̦jö mobä li. ¿Ö̦jö tawä? Wa̦lidiwä mosibä lä cui, tä yai lä wa̦lidii ö̦jö bä ijilubö ebä. 39A nö lä nabämou wei a lä cui, fecula bada cätä, wa̦lidiwä mobä döa coyocoa lä ja̦toaleno wei a lä cui. Nii bä nia obi lä tamou wei tä a̦ mö feduwä lä cui, Yai Bada tänö obi täbä bluca nia lä jömadayou wei, ö̦jö tä a̦. Nii bä nia lä taö wejei bä lä cui, a̦jele cäbä.
40’¿Ö̦jö tawä? —a cuma—. Wa̦lidiwä mosibä yaabeje mosibä co̦aö lä culajeinaja, Yai Bada tänö täbä jödödöwä jömadayobä jamö, inaja tä ca̦i nia cuo. 41Ya lä yanowamöblaleyoluno wei ya lä cuinö, iba a̦jele ya bä nia shömaö. Yai Bada ebä nijamö bä wa̦lidiwä talewä lä coyocole bä nia co̦aöje, täbä lä wa̦lidiaamaö wejei bä ca̦i. 42Cowa wacö bada jamö bä nia shäyäblaaöje. Ö̦jamö lä bä nia ö̦cöö. Bä nö beblalou yalo, bä nia lalöö. 43Ö̦jö däjä, bä lä cadidou wei bä lä cui, Fayänö bä nia ca̦i lä cuo wei jamö, bä nia dodijaö dablamou, motoca a wawädowä lä dablamou weinaja showawä. Wamacö yömöcacö lä walalai, bä yömöca daa da dodijiicu.
Tä nowa lä bluca wei
tä lä jo̦yaono wei tä a̦
44’Yai Bada tänö cama ebä ca̦i lä cuo wei tä lä cui, abinaja tä ca̦i cuwä —Jesús a cuma—. Ficali ca jamö tä nowa yai lä bluca wei, tä jo̦yao balöoma. Ö̦jö täca jamö ai a ojodamou ja, tä daa bädalalema. Tä daa fa bädalalönö, tä tabou bufi ma doblaono wei ma cui, shomi täbä ulifibö cuoma cudeenö, tä däanomi. Lobe tä batelia co̦quema, ai bänö tä dablaö mlaobeje. Ö̦jö lä däjä, cama etä ulifi yai däabä, a bufi fa dayäonö, abinaja a bufi doblao ca̦i cuaama. Cama ebä madofi bluca jöböaquema, blada bä ja. Ö̦jö däjä, ö̦jö lä bä blada ja, täca befi ca̦i lulua showadalema —Jesús a cuma.
Yai Bada nija bä nia lä cuo wei tä ja bä bufi mö blucaobä, a wa̦ li cuoma.
Dobä a nowa wai lä
blucaono wei tä a̦
45—Yai Bada tänö cama ebä ca̦i lä cuo wei tä lä cui, abinaja tä ca̦i cuwä mö feduwä —Jesús a cuma—. Madofi bä lä nomöjöablaö wei, ai a wa̦lo cuoma. Dobä bä nowa au lä bluca wei bä showadi dayäaö cuaadima. 46Ya̦cumö, a nowa yai lä bluca wei, moli a wai dobä dalalema. Ö̦jö a wai luluaö bufi fa doblaonö, jödödöwä a madofibö jöbömoquema, blada bä ja. Ö̦jö lä bä blada ja, a wai dobä lulua showadalema —a cuma.
Yai Bada nija bä nia lä cuo wei tä ja bä bufi mö blucaobä, a wa̦ li cuoma.
Yuli bä lä ya̦camono wei tä a̦
47—Yai Bada tänö cama ebä ca̦i lä cuo wei tä lä cui, abinaja tä ca̦i cuwä mö feduwä —Jesús a cuma—. Yuli bä lä ya̦camou wei täcö lä culenaja tä cuwä. Modu u jamö täcö fa quemabalöjenö, bluca bä yuli shomitawä lucälayoma. 48Yuli bä cublou jödödölayono wei ja, bä befi ca̦i shaimamaje, bä washölöblamabeje. Ö̦jö däjä, mau u casö jamö bä fa loicunö, bä yuli yaii majöomaje. Bä lä dodijidai bä tablamaje, bä lä wa̦lidii bä queamaö mö yabao co̦omaje.
49’¿Ö̦jö tawä? —a cuma—. Yai Bada tänö täbä jödödöwä jömabä jamö, inaja showawä tä ca̦i nia cuo. A̦jele bä fa wawälönö, yanowamö täbä nia yaii cuaaöje. Bä lä cadidou wei bä nijamö, bä wa̦lidiwä lä coyocoblai bä fa yailalöjenö, 50cowa wacö bada jamö bä nia shäyäblaaöje. ¿Ö̦jö tawä? Ö̦jamö lä bä nia ö̦cöö. Bä nö beblalou yalo bä nia lalöö—a cuma.
51Ö̦jö däjä, Jesúsnö cama ebä wa̦lima.
—Ei ya tä a̦ bluca lä wäyäfe tä a̦ ja, ¿wamacö bufi jaducublou cule? —a cuma.
—Awei —ebä cuma.
52Abinaja a cuu nomöjöoma.
—Ja̦o. Ö̦jö cudeenö, abinaja ya nia cuu co̦o. Moisesi etä a̦ lä cui, yedu ja etä a̦ li cuo balöoma tä a̦ li. Yai Bada tänö cama ebä ca̦i lä cuo wei tä a̦ lä cui, fei däjä dude ya tä a̦ lä wawämale tä a̦. ¿Ö̦jö tawä? Jaba tä a̦ ja bä bufi lä jaducuo wei bä lä cui, dude tä a̦ ma cui ja, bä bufi jaducuo mö feduo ja, inaja yai. Abinaja ö̦jö bä cuwä. Cama ebä ca̦i lä cuo wei a wa̦lo lä culenaja, ö̦jö bä cuwä mö feduwä. Cama etäbä bluca lä nowamaö wei täbä ja, dude täbä wawäblamaö. Yedu ja täbä tabou lä balöono wei täbä ca̦i. ¿Ö̦jö tawä? —a cuma.
Camateli bänö Jesús a wa̦
lä waileno wejei tä a̦
53Jesúsnö tä a̦ wäyäö lä yacläablalono wei tä a̦ ja a fa waiquidonö, a co̦a co̦layoma. 54Cama etä ulifi jamö a waloa co̦aliyoma, a oshe lä cuono wei jamö. Ö̦jamö a fa waloicunö, judio bä yododabä yafi jamö täbä yömölama. A wa̦ lä ji̦lino wejei bä lä cui, bä bufi bluca shädayaimolanö, abinaja bä nowa tayoma.
—Fei a lä cui, ¿wedi nija a bufi li jaducublamolayoma tawä? ¿Wedinaja a li fa taamamonö, tä nö lä quilijii bei tä wawämaö majöa cule? 55Fii fibä ja täbä showadi madofi lä taö wei, ¿fei bä ijilubö emi daanö? ¿Bä nöö e lä cui, ö̦jö María emi? Santiago, José, Juda, Simón bä lä cui, ö̦jö bä a̦iyobö e nofi showawä lä cui. 56Camiyä bämacönö ¡fei bä yaö bäma ebä ca̦i nofi lä bälöle! ¿Wedinaja a li fa taamamonö, bei a li shomiblou nomöjölayoma? —bä nowa tayoma.
57Einaja a nofi tabomaje yalo, a wa̦ wailemaje. Ö̦jö ma cui, abinaja Jesúsnö bä nowa tama.
—Yai Bada a wa̦no wäyälewä bä lä cui, shomi täbä ulifibö jamö bä a̦ ji̦liaö bufi ma doblao wejei ma cui, cama bä ulifibö yai ja showadi bä a̦ ji̦liblaimije. Cama e yafi jamö bä lä bälöle bä ma cuinö, showadi bä a̦ waibouje —bä nowa tama.
58A nofi mölabonomije yalo, a nia yai lojode lä dablamou wei tä bluca wawämanomi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved