Mateo 10
10
Cama 12 ebä lä yaileno wei tä a̦
1Ö̦jö däjä, cama 12 ebä lä nocamabono wei bä lä cui, Jesúsnö bä nacaa fa ajedealalönö, fecula bä yashubeje bä tablamalema. Bluca tä wayunö täbä lä jaliliaö wei bä ma cui, täbä bluca lä wa̦lidii bä ma cui, ö̦jö bä ca̦i jalomaö cuaabeje bä tablamalema.
2Jesucristonö bä lä shömöleno wei, ei bä li cuoma. Simón balöwä, Pedro a wa̦fa ca̦i lä cule. Bä fääshä Andrés e ca̦i. Sebedeo bä ijilubö Santiago e ca̦i, ö̦jö bä fääshä Juan e ca̦i. 3Felipe a ca̦i, Badolomei a ca̦i. Tomás a ca̦i. Mateo a ca̦i, Lomateli bada bä befi bä blada lä doano wei a lä cui. Afeo bä ijilubö Santiago e ca̦i. Tadeo a ca̦i. 4Simón a ca̦i, cama bä ulifibö jamö täbä shomi lämabou nofi lä wa̦libono wei a Simón lä cui. Juda Icaliode a ca̦i, Jesús a nia lä nomojoliano wei a lä cui.
Jesúsnö cama ebä lä
shömöleno wei tä a̦
5Jesús ebä 12 lä cui, abinaja ebä nowa talanö ebä shömölema.
—Judio bä lä mlai bä nijamö wamacö nia juimi. Samaliateli bä lä bälöle jamö ca̦i mlai. 6Isaeli ebä nodiwä nijamö bä shino da jufälö, iba oweja bä nö yamili lä beblalole bä nijamö. 7Wamacö juu cuaalanö, täbä yömölaö da cuaafälöje. “Yai Bada tänö cama ebä ca̦i nia lä cuo wei, etä ajedou waiquia lä cuimi”, wama bä nowa taö cuaabä. 8Bä lä jalili wei wama bä nia jalomaö cuaaö. Täbä lä nomaö wei wama bä demi nia ca̦i jocädamaö. Bä sicö lä jodei wei wama bä ca̦i nia dodijidablamaö co̦o. Fecula wama bä nia ca̦i yashuu. No mlai ja wamacö lä bayeliblamono weinaja, inaja showawä, no mlai ja wama bä nia bayeliblaö cuo.
9’Olo bä ma cui, blada bä ma cui, täbä madofi luluamobä ai bä mö feduwä ma cui, ö̦jö wama bä befi ca̦i nia ya̦boimi —a cuma—. 10Wamacö lä jublole däjä, shinoco wamacö nia juu. Wama täbä didibofälöbä, wama täbä nia däboimi. Camishi wama bä nia bolacafälöimi. Wamacö mamicö didiobä täbä ma cui, inaja showawä. Fii wama defibä nia ca̦i bofälöimi. ¿Ö̦jö tawä? Shinoco täbä ma juu wei ma cui, bä ojodamou yalo, bä iyamabeje bä li waiquiwä malä cui.
11’Ai täbä shabonobö jamö wamacö co̦blaliyou ja, wamacö bälömabou lä ojode wejei bä lä cui nijamö, ö̦jamö bä da yanöcöicu —a cuma—. Wamacö juu co̦ofälöö ja, ö̦jamö lä culanö wamacö nia jocäö co̦o. 12Wamacö yafii däjä, ö̦jamö bä lä bälöle wama bä nia bayelimaö showadao, bä bufi ca̦i yanöcöwä cuobä. 13Dodijidawä wamacö waloamaöje ja, Yai Bada tänö bä bufi nia yanöcömabou. Ö̦jö ma cui, dodijidawä wamacö waloamaimi dicooje ja, bä nia bayeliblamoimi. Bä bufi yanöcömabobä bämi.
14’¿Ö̦jö tawä? —a cuma—. Ai bänö wamacö bälömabou bufiomije ja, wamacö a̦ ca̦i ji̦liaö bufiomi dicoweje ja, abinaja wamacö nia cuaaö. Ö̦jö wama bä tabi feiaö yalo wamacö sibolanö, bei wamacö mamicö busi jamö bä libu libu lä sudile, wama ebä nia yaösöblalefälöö. Ö̦jö lä tänö, bä nö nia lä bleaaö wei wama tä nia jömaö. 15Cafä wamacö nija ei ya wa̦ lä cui, bejedi lä ya wa̦. Yai Bada tänö täbä jömabä etä cublou däjä, Sodomateli bä nö nia ma bleaaö wei ma cui, Comolateli bä nö nia ca̦i ma bleaaö wei ma cui, ö̦jö lä bä nö nia shino yai bleaaö dodijio.
Jesús ebä nö nia lä
bleaamano wejei tä a̦
16’Bämacö shömaö lä cule —Jesús a cuma—. Ji̦ima bä waiteli lä läle jamö, oweja bä shäablamou si ijejewä lä cuo weinaja, wamacö nia cuo. Olu bä moyawe lä culenaja, bä moyawäa da cuicu. Joledo bä a̦ ji̦limamou oquejewä lä culenaja, bä a̦ ca̦i oquewä cuo mö da feduo. 17Yanowamö täbä nija bä da moyaweicu. Judio bä bada lä yododoblai bä nijamö wamacö noshi nia ö̦jödabouje, wamacö nö bleaamabeje. Judio bä yododabä yafi bä jamö wamacö si nia ca̦i yafelimaöje. 18Iba wamacö yalo, bada bä yai bälöo lä dodijio wei bä nijamö wamacö nia lulubou fe yadioje. Bada bänö cama ebä lämabou mö lä feduo wejei bä ma cui nijamö, inaja showawä. Judio bä ma cui nija, judio bä lä mlai bä ma cui nija, ö̦jö bä nija wamale a̦fa wäyäbä, ö̦jö tä ca̦i nia cuo.
19’Bada bä nija wamacö noshi ö̦jödabouje däjä, wamacö nofi nia lä bäyäo wei tä a̦ ja, bä bufi jo̦lijou dicoo dijä —a cuma—. Wamacö wa̦liije däjä wamacö a̦ moyawe juobä, ö̦jö däjä showawä, wamacö a̦ nia bayeliblamou. 20Cafä wamacö a̦ mlai, Faafä a lä culadi bei Bufinö wamacö a̦ nia macocamaö.
21’Tä nia wa̦lidiblou —a cuma—. Cama bä mashi ma cuinö bä noshi nia ö̦jödabouje, bä shäbeje. Bä fö̦ö bä ma cuinö, bä ijilubö ebä noshi nia ö̦jödabouje. Bä ijilubö ebä ma cuinö, bä fö̦ö, bä nöö ebä nabä nia shömaöje, bä shäbeje. 22Iba wamacö yalo, bluca bänö wamacö nofi nia wa̦libouje. Ö̦jö ma cui, a shämobä etä ma cuo däjä ma cui, a nö wa̦lojaö fe lä yadio wei a lä cui, ö̦jö a nia jucäamou fe yadio.
23’Ai täbä shabonobö jamö wamacö nö bleaamaöje ja, ai lä täbä shabonobö nomöjöwä jamö, bä docua cuablalou da majöofälö —a cuma—. Cafä wamacö nija ei ya wa̦ lä cui, bejedi lä ya wa̦. Isaeli ebä nodiwä lä bälöblai jamö wamale a̦fa wäyäö jödödou cuaaö showao mlao däjä, camiyä ya lä yanowamöblaleyoluno wei ya lä cui, ya nia waloo co̦oyoluu.
24’Tä a̦ lä wäyäö wei a wa̦ ji̦liaö mlaoje däjä, cama ebä lä nocale bä a̦ nia ji̦liaö ayaomije —a cuma—. Inaja showawä, bada a lä cui a nofi tabou mlaoje däjä, cama ebä nofi tabou ayao mlajeicätä. 25Tä a̦ lä wäyäö wei a wa̦ ji̦liaö lä mlajeinaja, inaja showawä cama ebä lä nocao wei bä a̦ nia ji̦liaimi cuo mö feduoje. Bada a nofi tabou lä mlajeinaja, inaja showawä cama ebä nofi nia taboimi cuo mö feduoje. Inaja lä waiquiwä. Bä ca̦i lä cule a bada lä cui, a wa̦fa Sadanasi taö waiquiweje yalo, cama ebä lä cule bei ebä a̦fa wayobou dodijia yaiqueije.
Bä quilii lä wasöno wei tä a̦
26’Yanowamö täbä nö quili ta dijejä, ö̦jö lä —Jesús a cuma—. Tä a̦ fei däjä wäyämamou lä ja̦too wei, wawädowä tä a̦ nia wäyämamou malä nomöjöo wei. Tä a̦ lä jo̦yabou wejei, tä a̦ nia jödödöwä wawäblamou malä cui. 27Cafä wamacö nija ya tä a̦ wäyäö lä ja̦too wei tä a̦ lä cui, wawädowä tä a̦ da wäyäje. Wajado wama tä a̦ lä ji̦liablaö wei tä a̦ lä cui, wamacö a̦ nacläalanö tä a̦ fe da dolemaje. 28Yanowamö täbä nö quili ta dijejä. Bei wamacö shäö ma cujei, bei wamacö bufi nia nomamaimije. Ma, Yai Bada a nö quili yai shino da taje. Ö̦jönö täbä shäö däjä, bei täbä ma cui, bei täbä bufi ma cui, shobali wacö jamö täbä nö yai bleaamaö lä daö wei, ö̦jö a.
29’Blada moli a wai ja, biyomö bolacabö cäcöbö wai däamamou talei. ¿Ö̦jö tawä? —a cuma—. Biyomö bä nowa bluca ma mlai ma cui, Faafä a lä culadinö bä nofi bluca jaducubou. Bä lä nomablou wei bä ca̦i daö. 30Bä nofi jo̦lio dijä. Bei wamacö feta u̦cu ma cui, Yai Bada tänö wamacö feta u̦cu bluca daö. 31Bä quili dijä, ö̦jö lä. Biyomö bä nowa lä culenaja mlai, Yai Bada tänö cafä wamacö nowa yai blucabou —a cuma.
Jesucristo cama ebä a̦fa nia
wäamou lä quilii wei tä a̦
32Abinaja Jesús a cuma.
—Yanowamö täbä nija, quilii mlai ja iba bä a̦fa wäamou lä wawädoo wei bä lä cui, iba ya bä a̦fa nia ca̦i wawädowä wäyäö mö feduo. Camiyä ya lä yanowamöblaleyoluno wei ya lä cuinö, Fayä a lä culadi jamö iba ya bä a̦fa nia ca̦i wawädowä wäadayou. 33Ö̦jö ma cui, yanowamö täbä nija iba bä a̦fa wäamou lä quilii wei bä lä cui, Fayä a lä culadi jamö ö̦jö ya bä a̦fa nia ca̦i wäyäimi mö feduo.
Jesúsnö täbä lä
sheleleblamaö wei tä a̦
34Jesús abinaja a cuma.
—Bita jamö yanowamö ya täbä yanöcömabobä, ya junomi. ¿Ö̦jö tawä? Inaja bä bufi cu dijä. Ma, ya täbä shino yai sheleleblamabä, ya juma. 35Bä fö̦ö nija bä ijilubö e a̦ nia läblou. Bä nöö nija bä tää e a̦ ca̦i nia läo mö feduo. Bä yesi nija bä tatä e a̦ ca̦i nia läo mö feduo. 36Iba wamacö yalo, afä bä mashi cadidiwä ma cuinö wamacö nofi nia yai wa̦libouje.
37’Wale jo̦wa ma bufii wejei ma cui, bä fö̦ö ebä nija bä bufi mö blucao dicoo ja, bä nöö ebä nija bä bufi mö ca̦i blucao dicoo ja, iba bä cuobä bämi waiquiwä. Bä ijilubö ebä ma cui, bä tää ebä ma cui, inaja showawä. Ö̦jö bä nija bä bufi mö blucao dicoo ja, iba bä nia cuomi. 38Camiyä nija bä nia lä nocao wei bä lä cui, bä cuaaö bufi lä doblao wei tä ja, bä yai nia wasöo. Wale bufiije yalo bä ma shäö wejei ma cui, bä nia ojode cudio fe yadio. Bä nia nocao fe yadio. 39Eja bä demi nia lä cudio wei tä ja bä bufi mö lä blucao wei bä lä cui, bä ba̦limi nia cuoimi. Ö̦jö ma cui, camiyä ya nowa ja bä shämou lä ojodao wei bä lä cui, ö̦jö bä nia shino ba̦limi cuo ayao.
Yai Bada tänö täbä nowa
nia lä co̦amaö wei tä a̦
40Abinaja Jesús a cuma.
—Cafä dodijidawä wamacö co̦blamaöje ja, camiyä ma cui wale dodijidawä co̦blamaö mö feduoje. Inaja showawä, dodijidawä wale lä co̦blamaö wejei bä lä cuinö, wale lä shömöleno wei a ma cui, ö̦jö a ca̦i dodijidawä co̦blamaö mö feduoje.
41’Yai Bada a wa̦no wäyäö yalo a dodijidawä lä co̦blamaö wejei bä lä cui, Yai Bada a wa̦no wäyälewä bä nia dobämou lä culenaja, ö̦jö bä nia ca̦i dobämou cuo mö feduodayou. ¿Ö̦jö tawä? —a cuma—. A cadidou yalo a dodijidawä lä co̦blamaö wejei bä lä cui, bä lä cadidou wei bä nia dobämou lä culenaja, inaja showawä ö̦jö bä nia ca̦i dobämou cuo mö feduodayou.
42’Iba ai a wai bädawä ma cui, camiyä nija a nocao yalo a lä dobäö wejei bä lä cui, inaja showawä ö̦jö bä nia ca̦i dobämou cuo mö feduodayou. Cafä wamacö nija ei ya wa̦ lä cui, bejedi lä ya wa̦. Mau si ajiwä u ja a dobäö bädao ma cujei, bä nia dobämodayou —a cuma.
Currently Selected:
Mateo 10: GUU
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved
Mateo 10
10
Cama 12 ebä lä yaileno wei tä a̦
1Ö̦jö däjä, cama 12 ebä lä nocamabono wei bä lä cui, Jesúsnö bä nacaa fa ajedealalönö, fecula bä yashubeje bä tablamalema. Bluca tä wayunö täbä lä jaliliaö wei bä ma cui, täbä bluca lä wa̦lidii bä ma cui, ö̦jö bä ca̦i jalomaö cuaabeje bä tablamalema.
2Jesucristonö bä lä shömöleno wei, ei bä li cuoma. Simón balöwä, Pedro a wa̦fa ca̦i lä cule. Bä fääshä Andrés e ca̦i. Sebedeo bä ijilubö Santiago e ca̦i, ö̦jö bä fääshä Juan e ca̦i. 3Felipe a ca̦i, Badolomei a ca̦i. Tomás a ca̦i. Mateo a ca̦i, Lomateli bada bä befi bä blada lä doano wei a lä cui. Afeo bä ijilubö Santiago e ca̦i. Tadeo a ca̦i. 4Simón a ca̦i, cama bä ulifibö jamö täbä shomi lämabou nofi lä wa̦libono wei a Simón lä cui. Juda Icaliode a ca̦i, Jesús a nia lä nomojoliano wei a lä cui.
Jesúsnö cama ebä lä
shömöleno wei tä a̦
5Jesús ebä 12 lä cui, abinaja ebä nowa talanö ebä shömölema.
—Judio bä lä mlai bä nijamö wamacö nia juimi. Samaliateli bä lä bälöle jamö ca̦i mlai. 6Isaeli ebä nodiwä nijamö bä shino da jufälö, iba oweja bä nö yamili lä beblalole bä nijamö. 7Wamacö juu cuaalanö, täbä yömölaö da cuaafälöje. “Yai Bada tänö cama ebä ca̦i nia lä cuo wei, etä ajedou waiquia lä cuimi”, wama bä nowa taö cuaabä. 8Bä lä jalili wei wama bä nia jalomaö cuaaö. Täbä lä nomaö wei wama bä demi nia ca̦i jocädamaö. Bä sicö lä jodei wei wama bä ca̦i nia dodijidablamaö co̦o. Fecula wama bä nia ca̦i yashuu. No mlai ja wamacö lä bayeliblamono weinaja, inaja showawä, no mlai ja wama bä nia bayeliblaö cuo.
9’Olo bä ma cui, blada bä ma cui, täbä madofi luluamobä ai bä mö feduwä ma cui, ö̦jö wama bä befi ca̦i nia ya̦boimi —a cuma—. 10Wamacö lä jublole däjä, shinoco wamacö nia juu. Wama täbä didibofälöbä, wama täbä nia däboimi. Camishi wama bä nia bolacafälöimi. Wamacö mamicö didiobä täbä ma cui, inaja showawä. Fii wama defibä nia ca̦i bofälöimi. ¿Ö̦jö tawä? Shinoco täbä ma juu wei ma cui, bä ojodamou yalo, bä iyamabeje bä li waiquiwä malä cui.
11’Ai täbä shabonobö jamö wamacö co̦blaliyou ja, wamacö bälömabou lä ojode wejei bä lä cui nijamö, ö̦jamö bä da yanöcöicu —a cuma—. Wamacö juu co̦ofälöö ja, ö̦jamö lä culanö wamacö nia jocäö co̦o. 12Wamacö yafii däjä, ö̦jamö bä lä bälöle wama bä nia bayelimaö showadao, bä bufi ca̦i yanöcöwä cuobä. 13Dodijidawä wamacö waloamaöje ja, Yai Bada tänö bä bufi nia yanöcömabou. Ö̦jö ma cui, dodijidawä wamacö waloamaimi dicooje ja, bä nia bayeliblamoimi. Bä bufi yanöcömabobä bämi.
14’¿Ö̦jö tawä? —a cuma—. Ai bänö wamacö bälömabou bufiomije ja, wamacö a̦ ca̦i ji̦liaö bufiomi dicoweje ja, abinaja wamacö nia cuaaö. Ö̦jö wama bä tabi feiaö yalo wamacö sibolanö, bei wamacö mamicö busi jamö bä libu libu lä sudile, wama ebä nia yaösöblalefälöö. Ö̦jö lä tänö, bä nö nia lä bleaaö wei wama tä nia jömaö. 15Cafä wamacö nija ei ya wa̦ lä cui, bejedi lä ya wa̦. Yai Bada tänö täbä jömabä etä cublou däjä, Sodomateli bä nö nia ma bleaaö wei ma cui, Comolateli bä nö nia ca̦i ma bleaaö wei ma cui, ö̦jö lä bä nö nia shino yai bleaaö dodijio.
Jesús ebä nö nia lä
bleaamano wejei tä a̦
16’Bämacö shömaö lä cule —Jesús a cuma—. Ji̦ima bä waiteli lä läle jamö, oweja bä shäablamou si ijejewä lä cuo weinaja, wamacö nia cuo. Olu bä moyawe lä culenaja, bä moyawäa da cuicu. Joledo bä a̦ ji̦limamou oquejewä lä culenaja, bä a̦ ca̦i oquewä cuo mö da feduo. 17Yanowamö täbä nija bä da moyaweicu. Judio bä bada lä yododoblai bä nijamö wamacö noshi nia ö̦jödabouje, wamacö nö bleaamabeje. Judio bä yododabä yafi bä jamö wamacö si nia ca̦i yafelimaöje. 18Iba wamacö yalo, bada bä yai bälöo lä dodijio wei bä nijamö wamacö nia lulubou fe yadioje. Bada bänö cama ebä lämabou mö lä feduo wejei bä ma cui nijamö, inaja showawä. Judio bä ma cui nija, judio bä lä mlai bä ma cui nija, ö̦jö bä nija wamale a̦fa wäyäbä, ö̦jö tä ca̦i nia cuo.
19’Bada bä nija wamacö noshi ö̦jödabouje däjä, wamacö nofi nia lä bäyäo wei tä a̦ ja, bä bufi jo̦lijou dicoo dijä —a cuma—. Wamacö wa̦liije däjä wamacö a̦ moyawe juobä, ö̦jö däjä showawä, wamacö a̦ nia bayeliblamou. 20Cafä wamacö a̦ mlai, Faafä a lä culadi bei Bufinö wamacö a̦ nia macocamaö.
21’Tä nia wa̦lidiblou —a cuma—. Cama bä mashi ma cuinö bä noshi nia ö̦jödabouje, bä shäbeje. Bä fö̦ö bä ma cuinö, bä ijilubö ebä noshi nia ö̦jödabouje. Bä ijilubö ebä ma cuinö, bä fö̦ö, bä nöö ebä nabä nia shömaöje, bä shäbeje. 22Iba wamacö yalo, bluca bänö wamacö nofi nia wa̦libouje. Ö̦jö ma cui, a shämobä etä ma cuo däjä ma cui, a nö wa̦lojaö fe lä yadio wei a lä cui, ö̦jö a nia jucäamou fe yadio.
23’Ai täbä shabonobö jamö wamacö nö bleaamaöje ja, ai lä täbä shabonobö nomöjöwä jamö, bä docua cuablalou da majöofälö —a cuma—. Cafä wamacö nija ei ya wa̦ lä cui, bejedi lä ya wa̦. Isaeli ebä nodiwä lä bälöblai jamö wamale a̦fa wäyäö jödödou cuaaö showao mlao däjä, camiyä ya lä yanowamöblaleyoluno wei ya lä cui, ya nia waloo co̦oyoluu.
24’Tä a̦ lä wäyäö wei a wa̦ ji̦liaö mlaoje däjä, cama ebä lä nocale bä a̦ nia ji̦liaö ayaomije —a cuma—. Inaja showawä, bada a lä cui a nofi tabou mlaoje däjä, cama ebä nofi tabou ayao mlajeicätä. 25Tä a̦ lä wäyäö wei a wa̦ ji̦liaö lä mlajeinaja, inaja showawä cama ebä lä nocao wei bä a̦ nia ji̦liaimi cuo mö feduoje. Bada a nofi tabou lä mlajeinaja, inaja showawä cama ebä nofi nia taboimi cuo mö feduoje. Inaja lä waiquiwä. Bä ca̦i lä cule a bada lä cui, a wa̦fa Sadanasi taö waiquiweje yalo, cama ebä lä cule bei ebä a̦fa wayobou dodijia yaiqueije.
Bä quilii lä wasöno wei tä a̦
26’Yanowamö täbä nö quili ta dijejä, ö̦jö lä —Jesús a cuma—. Tä a̦ fei däjä wäyämamou lä ja̦too wei, wawädowä tä a̦ nia wäyämamou malä nomöjöo wei. Tä a̦ lä jo̦yabou wejei, tä a̦ nia jödödöwä wawäblamou malä cui. 27Cafä wamacö nija ya tä a̦ wäyäö lä ja̦too wei tä a̦ lä cui, wawädowä tä a̦ da wäyäje. Wajado wama tä a̦ lä ji̦liablaö wei tä a̦ lä cui, wamacö a̦ nacläalanö tä a̦ fe da dolemaje. 28Yanowamö täbä nö quili ta dijejä. Bei wamacö shäö ma cujei, bei wamacö bufi nia nomamaimije. Ma, Yai Bada a nö quili yai shino da taje. Ö̦jönö täbä shäö däjä, bei täbä ma cui, bei täbä bufi ma cui, shobali wacö jamö täbä nö yai bleaamaö lä daö wei, ö̦jö a.
29’Blada moli a wai ja, biyomö bolacabö cäcöbö wai däamamou talei. ¿Ö̦jö tawä? —a cuma—. Biyomö bä nowa bluca ma mlai ma cui, Faafä a lä culadinö bä nofi bluca jaducubou. Bä lä nomablou wei bä ca̦i daö. 30Bä nofi jo̦lio dijä. Bei wamacö feta u̦cu ma cui, Yai Bada tänö wamacö feta u̦cu bluca daö. 31Bä quili dijä, ö̦jö lä. Biyomö bä nowa lä culenaja mlai, Yai Bada tänö cafä wamacö nowa yai blucabou —a cuma.
Jesucristo cama ebä a̦fa nia
wäamou lä quilii wei tä a̦
32Abinaja Jesús a cuma.
—Yanowamö täbä nija, quilii mlai ja iba bä a̦fa wäamou lä wawädoo wei bä lä cui, iba ya bä a̦fa nia ca̦i wawädowä wäyäö mö feduo. Camiyä ya lä yanowamöblaleyoluno wei ya lä cuinö, Fayä a lä culadi jamö iba ya bä a̦fa nia ca̦i wawädowä wäadayou. 33Ö̦jö ma cui, yanowamö täbä nija iba bä a̦fa wäamou lä quilii wei bä lä cui, Fayä a lä culadi jamö ö̦jö ya bä a̦fa nia ca̦i wäyäimi mö feduo.
Jesúsnö täbä lä
sheleleblamaö wei tä a̦
34Jesús abinaja a cuma.
—Bita jamö yanowamö ya täbä yanöcömabobä, ya junomi. ¿Ö̦jö tawä? Inaja bä bufi cu dijä. Ma, ya täbä shino yai sheleleblamabä, ya juma. 35Bä fö̦ö nija bä ijilubö e a̦ nia läblou. Bä nöö nija bä tää e a̦ ca̦i nia läo mö feduo. Bä yesi nija bä tatä e a̦ ca̦i nia läo mö feduo. 36Iba wamacö yalo, afä bä mashi cadidiwä ma cuinö wamacö nofi nia yai wa̦libouje.
37’Wale jo̦wa ma bufii wejei ma cui, bä fö̦ö ebä nija bä bufi mö blucao dicoo ja, bä nöö ebä nija bä bufi mö ca̦i blucao dicoo ja, iba bä cuobä bämi waiquiwä. Bä ijilubö ebä ma cui, bä tää ebä ma cui, inaja showawä. Ö̦jö bä nija bä bufi mö blucao dicoo ja, iba bä nia cuomi. 38Camiyä nija bä nia lä nocao wei bä lä cui, bä cuaaö bufi lä doblao wei tä ja, bä yai nia wasöo. Wale bufiije yalo bä ma shäö wejei ma cui, bä nia ojode cudio fe yadio. Bä nia nocao fe yadio. 39Eja bä demi nia lä cudio wei tä ja bä bufi mö lä blucao wei bä lä cui, bä ba̦limi nia cuoimi. Ö̦jö ma cui, camiyä ya nowa ja bä shämou lä ojodao wei bä lä cui, ö̦jö bä nia shino ba̦limi cuo ayao.
Yai Bada tänö täbä nowa
nia lä co̦amaö wei tä a̦
40Abinaja Jesús a cuma.
—Cafä dodijidawä wamacö co̦blamaöje ja, camiyä ma cui wale dodijidawä co̦blamaö mö feduoje. Inaja showawä, dodijidawä wale lä co̦blamaö wejei bä lä cuinö, wale lä shömöleno wei a ma cui, ö̦jö a ca̦i dodijidawä co̦blamaö mö feduoje.
41’Yai Bada a wa̦no wäyäö yalo a dodijidawä lä co̦blamaö wejei bä lä cui, Yai Bada a wa̦no wäyälewä bä nia dobämou lä culenaja, ö̦jö bä nia ca̦i dobämou cuo mö feduodayou. ¿Ö̦jö tawä? —a cuma—. A cadidou yalo a dodijidawä lä co̦blamaö wejei bä lä cui, bä lä cadidou wei bä nia dobämou lä culenaja, inaja showawä ö̦jö bä nia ca̦i dobämou cuo mö feduodayou.
42’Iba ai a wai bädawä ma cui, camiyä nija a nocao yalo a lä dobäö wejei bä lä cui, inaja showawä ö̦jö bä nia ca̦i dobämou cuo mö feduodayou. Cafä wamacö nija ei ya wa̦ lä cui, bejedi lä ya wa̦. Mau si ajiwä u ja a dobäö bädao ma cujei, bä nia dobämodayou —a cuma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved