Daniel 1
1
Tâ krikanka bîla nani ba
1Joaquim Juda ra mani yumhpa king aimaki kan ba piua ra, Babilon wina king Nabucodonosor war aiklaklabra nani wal aikuki wan bara Jerusalem tawanka aiska ba kutban.#2 Ki 24.1; 2 Kr 36.5-7. 2Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin. 3Baha purkara, king watla aiska warkka dadaukra nani lalka Aspenaz ra win, Israel luhpia nani tila wina king kiamka nani bara upla kulkanka tara bri nani ba bri balbia; 4wahma nani, siknis âpu nani, skahwa apia ba, kulkanka tara bri bara sinskira nani, sins lâka bri ba, diara tânka kaikaia lâka mapara sip ba, baha nani king watla ra takaskaia. Witin nani ra smalkan kabia Caldea uplika nani bîla aisaia bara ulbaia tânka ba sin.#2 Ki 20.17-18; 24.10-16; 2 Kr 36.10; Ais 39.7-8. 5King Nabucodonosor naha sin witin nani ra win: “Baha wahma nani ra yu bani yang ra plun piaia bara wain diaia aiki ba baku, witin nani ra sin yabi kabia; bara mani yumhpa smalki kabia, baha ningkara yang ai kaikaia brih balbia.”
Daniel ai pânika nani aikuki, king ra brih wan
6Baha wahmika nani tilara Juda kiamka wina Daniel, Ananías, Misael bara Azarías bâra kan. 7King watla ra dukia dadaukra nani lalka ba bui naha wahma nani nina ba mâkan Daniel nina ba Beltsasar; Ananías ba Sadrac; Misael ra Mesac mâkan; bara Azarías ba Abed-negó mâkan. 8Sakuna Daniel lukan king pata dauki ba wina pi, wainka dauki ba sin di tâski takaia apia, bara Aspenaz makaban witin ra taibi munaia apia, king pata bara wainka ba wina piaia bara diaia. 9Gâd ai warkka dauki ba mita, Aspenaz Daniel ra yamni kaikan. 10Ban sakuna witin naku win:
—Dawanki king ra sibrin ai daukisa. Witin bui ai win sa, man nani dîa piaia bara sin dîa diaia sma ba, bara witin wahma wala nani ba wal mai praki mai kaikbia bara man nani ba kau biawan kama kaka, man nani baha daukma tâka yang ra ai ikaia pâtka ra ai lakbia.
11Bamna Daniel wan Aspenaz mita witin nani ra main kaiki kaia waitnika mangkan ba ra wiaia:
12—Makabisna yu matawalsip baman naha dauki kaikma upan âpu pata ba bara lî wal baman aiki bas. 13Baha yua nani ba lubia ba ra, yang nani maiwan na baha wahma nani king pata pi nani mawan sin wal praki kaikma, man dîa kaikma ba dauks dîa daukaia lukma ba kat.
14Bara witin nani ra main kaiki ba waitnika ba aitani lukan bara yu matawalsip kat baha nani mawan aikuki praki kaikan. 15Bara yu matawalsip ba luan, bara witin nani ba kau karna bara mawan sin kau pain kan, baha wahmika nani king pata pi banhwi ba wal. 16Baku bamna, baha yua wina witin nani lalka ba pata piaia kan ba bara wainka sin brih wan, sakuna Daniel bara pânika nani wal ra dus mâ nani lî wal bri si yan.
17Naha wahma walhwal ra, Gâd bui sins lâka bara diara tânka kaikaia lâka yan wauhkataya ulban ba ni, sinska lâka nani sut tânka briaia. Daniel ra lika baha purkara diara aihka nani yaprisauhkan nani kaikaia tânka yaban. 18Baha wahma nani ba king ra marikaia piua mangkan ba yua aimakan ba ra, Aspenaz balan bara wahma nani ba, witin ra marikaia brih wan. 19King baha nani sut wal aisin; bara kaikan wahma nani ba tilara kumi sin âpu kata Daniel, Ananías, Misael bara Azarías wal prakaia; bamna baha nani baman king lamara kaia takaskan warkka sin dauki kaia. 20Sins lâka nani sut bara diara tânka kaikaia lâka sut, king dukiara witin nani ra makabi walan, bara kaikan witin nani aima matawalsip prais kau sinskira kan ai kingka tasbaya ra âiulbra nani bara smaya kakaira nani sut ba wal. 21Bara Daniel ban bahara takaskan Ciro king mani pas aimakan piua ba kat.#Esd 1.1.
Currently Selected:
Daniel 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua