Baruc 1
1
Babilon ra asla taki aisi kaikan ba
1Naha wauhkataya na sika, Baruc, Nerías luhpia ba,#1.1 Jir 36.4. Maaseías, Sedequías, Hasadías bara Hilquías nani kiamka wina ba bui ulban Babilon tawanka ra. 2Ulban kata kati yua 7 ra, mani nani matsip alkan ra,#1.2 Kati bilara yua 7: Sip sa kati matsip dukiara aisi kaia. Cf. 2 Ki 25.8-12. Caldea uplika nani bui Jerusalem tawanka aiska ba dakbi angkan ba ningkara.
3Baruc naha wauhkataya na aisi kaikan kata, Jeconías, Joaquim luhpia, Juda kingka ba mawanra bara upla nani ailal witin ra walaia wan nani ba mawanra sin. 4Baku sin gabamint uplika nani ailal naha ba walan kata, king pamalika uplika nani sin walan, almuk nani bara upla nani ai iwanka sât sât bri ba sut, wibia sa kaka, Babilon tasbaya ra, awala tara Sud un ra iwi nani ba aiska sin baha ba walan kata. 5Aisi kaikanka ba walan ningkara, upla nani bâra kan ba sarikira inan, plun piras aihwaki ai pura suni banhwan, Dawan ra sin ai lula kriki ai pura sunan kata. 6Baku sin witin nani lalah wahbi asla daukan, upla bani dîa yabaia sip ba kat, 7bara Jerusalem ra blikan wan, prîs tara Joaquim, Hilquías luhpia, Salom mulika ra, bara prîs wala nani ra, upla wala nani witin aikuki bâra kan nani ra sin blikan kata. 8Lalahka wahbi sakan ba, Siván katka yua matawalsip alkan kat blikan wan,#1.8 Siván: lih mairin kati-lî kati. baha yua ba sika Baruc ai mihta ra tempel kapka nani silbar ni paskan brih wata ba brin yua ra, baha nani ba Juda uplika nani ra kli laki yabaia dukiara. Kapka nani tânka ba sika, Sedequías,#1.8 2 Ki 24.18—25.7. Josías luhpia waitna, Juda kingka ba bui yan paskan kata, 9Babilon kingka Nabucodonosor bui Jeconías ra gabamint warkka uplika nani ra, wark lalka tara wala nani, bara tawan uplika sut ra sin, Jerusalem tasbaya wina kangbi sakan bara Babilon ra blikan wan ba ningkara, baha sut ba takan kata.#1.9 2 Ki 24.14; Jir 24.1.
10Lalahka wahban ba, naha bîla nani wal blikan wan kata: “Naha lalahka mai bliki banhwisna, man nani baha wal sip kama daiwan iki angki sakripais nani daukaia, saurkam nani daukram ba dukiara bara awas mâka sin. Prisantka sâtka nani ailal ridi dauki banhs, bara wan Dawanka Gâd altarka purara bri si yas. 11Man nani Babilon kingka Nabucodonosor bara ai luhpia waitna Belsasar wal dukiara puram suni banhs, baku witin nani wâl ba sip kabia naha tasba purara kau piua wihka raya iwi kaia.#1.11-12 Jir 29.7. 12Dawan bui karnika wankbia, wan nakra nani sin ilingkbia, bara baku yawan sut ba king Nabucodonosor bara ai luhpia Belsasar wal karnika ra iwi kabia, bara piu wihka witin nani ra kulkanka yabi kabia; bara baku lika witin nani bui yamni wan munan kabia. 13Baku sin wan Dawan Gâd ra yawan nani dukiara puram suni banhs, kan yawan nani ba witin ai mapara saura yabi banhwan sa; baha tâka mita sika naiwa yua kat, Dawan ai kupia baiwanka lâka yawan wan purara ban brisa.
14“Man nani ba Gâd tempelka ra Utla Papakni liliaka daukaia dukiara asla taki banhwisma piua ra, baku sin kulkanka wala nani daukisma ba ra, naha wauhkataya mai bliki banhwisna na aisi kaiki banhs bara saurkam nani watawi daukram ba aisi padin taks.
Israel luhpia nani ai saurka daukan ba aisan
15-16“Naku aisi banhs:
‘Wan Dawan Gâd dukia sa lâ kasak nani ba; sakuna swira lâka ra bik taki tauki kaia ba, yawan nani Juda bara Jerusalem uplika nani, wan kingka nani, kuntri tâ bri uplika nani, prapit nani, prîs nani bara wan aisika nani sut wan dukia sa.#1.15-18 Dn 9.7-10; Dn (dc) 3.29-31. 17Kan yawan nani ba wan Dawan mawanra saura daukan sa. 18Witin ra yawan bui bîla walras bara lâ kasak nani wankan ba tânka kat iwbia dukiara wisi adar wankan taim yawan baku daukras kata, baha lâka nani sika wan mawanra kahbata ba. 19Wan Dawan bui wan almukka nani ra Idsip tasbaya wina sakan yua ba wina naiwa kat, yawan nani witin ai bîla walras lâka ba ban dauki aula, bara dîa daukbia wan wi ba daukaia sin lukras sa. 20Baha ba mita wan purara pât saura nani ailal balan sa, nanara yawan nani ba Dawan bui ai luhpia Moses ra adar yan aisan ba saurka nani tilara iwisa, baha lika wan almukka nani Idsip tasbaya wina sakan piua ra tasba kum wankaia win, baha ba tialka laya bara nasma wal ba lî baku laiwi tasbaya.#1.20 Kli S 28. 21Baku sin, wan Dawan Gâd bui ai prapitka nani wan blikan bâk sturi nani wan aisan ba, bîla walras kata. 22Upla bani ai kupia lâka kat saurka nani daukan, gâd bahki nani ra mayunan, bara Dawan wan Gâdka bui yamni kaikras dukia nani daukan.
Currently Selected:
Baruc 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua