Impakan Sturka 26
26
Dawan wal aisaia tintka watla
(Imp St 36.8-38)
1“Utla ba mâkma bara durka kwalka ba, linin kwalka matawalsip pitban kabia, mapla blu, balianta bara pauni, baku sin insal wâl lilka ba bahara pain maman kabia. 2Durka kwalka sut ba, yahpika kumi baman bri kabia: yarika ba 14 yar, bîla yahpika ba yar wâl. 3Kwalka matsip ba tnaya praki sipaia sa, bara matsip wala nani ba sin tnaya praki sipaia sa, bara matsip wala nani ba sin tnaya praki sipaia sa. 4Durka kwalka kum ba un nani ra, unta dauks, baku sin dur kwalka wala matsip praki kumi daukan nani ba sin baku daukbia. 5Bara kwalka pas ba un ra 50 unta nani daukbia, bara sin baku kwalka wala nani ba sin daukbia, Bara unta wilkaika bani ba, ai mawan kat kaia sa. 6Bara baha kwalka nani ba wal praki alkaia dukiara, untika nani ra dingki alkaika dukia gul ni 50 alkaika nani dauks, ningkara utla kumi dauks takbia.
7“Guts tâwa ni kwala tara nani 11 paskma, baha ba utla pura prakaia dukiara kabia. 8Baha kwalka kumi bani ba yahpika bri kabia: yarika ba lika 15 yar, bîla yahpika ba yar wâl. 9Bara kwalka matsip ba asla praki tara kumi sipma, bara wala matlalkahbi ba sin asla praki tara kumi sipma, bara kwala matlalkahbi praki sipan tâ ba wal utla ba pura prakma. 10Bara kwalka nani ba un ra 50 unta nani daukma, baha kwala matsip ba asla prakaia, bara kli 50 unta wala nani daukma, baha kwala wala nani ba un ra sin. 11Baku sin, baha untika nani ra dingki alkaika dukia nani 50 bras ni daukma. Bara kwala tara ba wal praki, pura prakaika tara kumi daukma. 12Bara nanara pura prakaika kwalka ba kau yari takan ba mita, tâ ba wal utla ba prakma. 13Baku sin, tnaya wâl ra bîla yahpika wina kau luan tâka nani ba wal, tnaya yumhpa pîska ba prakma.
14“Baku kli utla ba dukiara, sîp wainhka taya pauni dauki, baha ni kwala tara wal paskma, bara taya ba ra kli wala kau pain kum paskma, baha purara prakaia.
15“Bara akasia dusa tatka nani bris, baha tatka ba ni watla ba kutbi mâkaia dukiara, bara tatka nani ba wapni kaia sa. 16Tatka kumi bani yarika ba 15 pît bri kaia sa, bîla yahpika ba lika 27 ins. 17Tatka kumi bani, un wâlsut ba, pana pana alkaia napa nani daukaia sa, tat wala ba wal pain prawaia dukiara. Utla mâkaia tatka nani ba sut baku daukma. 18Tatka un nani ba daukma ba ra, tat 20 ba waupasa tani tnaya ba prakaia dauks, 19bara silbar ni playka nani 40 paskma, tat tâ nani ba mununhtara dingkma, tat un wâl ba praki alkaia dukiara, tat bani ba mununhtara playa wâl.
20“Bara kli 20 tat wala nani un ba dauks, utla tnaya yahbra tani ba paskaia dukiara. 21Baha sin silbar ni playa nani 40 paskma, bara tat bani ba mununhtara playa wâl kaia sa, bara playa wala wâl ba lika tat wala mununhtara kabia. 22Watla tnaya muna tani ba mâkaia dukiara, tat matlalkahbi un ba dauks, 23bara watla banhta pîska unyukwika mangkaia tatka sin wâl dauks. 24Naha tatka ba wâl wina kumi ra prakaia sa, bara tâ ba pura wina mâya kat alkaia. Sim baku daukaia sa unyukwika wâl ra tat wâl ba untika ba kat praki alkaia. 25Baku bamna, tat ba asla 8 kaia sa bara silbar ni paskan playka nani sin 16 kaia sa. Tat tâ nani ba dingki alkaia untika nani sin, tat bani munhtara playa wâl kabia.
26“Akasia dusa ni dus yari matsip dauks utla tnaya kum tatka nani ba alkaia, 27bara dusa wala matsip ba lika utla tnaya wala ba alkaia dukiara, bara dusa kau matsip ba lika, utla tnaya muna tani ba tatka alkaia dusa. 28Baha lila kat mangkaia dusa ba lika purara bukaia, tat ba lila kat tâ kumi wina tâ wala ba kat sabaia. 29Bara tatka nani taya ba gul ni lalaubaia, bara gul ni baha tâ nani ba dingkaia untika nani daukaia, bara dusa nani taya ba sin gul ni lalaubaia. 30Bamna utla ba nahki mâkaia patrangka, il purara mamrikatna ba baku mâkma.
31“Pamaia kwalka sin kum daukma, mapla blu, balianta talia, pauni bara linin kwalka painkira ni pitbi daukaia. Baha ba wan mihta ni mamaia bara insal wâl lilka ni sin sakahki painkira dauks. 32Baha ningkara gul ni paskan pînka nani ba brih, akasia dusa ni playa tara walhwal daukan ba playka ra pami swis. Playka nani taya ba gul ni lalauban kaia sa, silbar playka tara walhwal ba purara kabia. 33Bara kwala tara ba, pamaika nani ba ra pami swis, bara baha kutbanka ba bilara, lâ nani auhbaika watla ba bri si swis. Bara kwala paman ba mita Holi Pali pliska ba, aihka dakbi saki maikbia.#Hib 6.19; 9.3-5. 34Baha ningkara lâ auhbaika watlika ba pura prakaika ba bri si pura praki swis, Holi Pali pliska ba ra. 35Bara tibil ba lika kwala paman ba bilara dingkpara, lamara yahbra tani ra swis, bara tibil ba lamara waupasa tani ra, kiandil bapaika ba swis.
36“Bara utla dimaia durka ba kat kwala pami swis, blu, pauni pali, linin kwalka ai mihta ni pitbi mami prana daukan ba. 37Bara akasia dusa wina playa matsip daukma, bara baha ba gul ni lalawma, bara kli playa tara matsip wala bras ni daukma, bara baha purara matsip ba bapi kwala ba ra pami swima.
Currently Selected:
Impakan Sturka 26: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Impakan Sturka 26
26
Dawan wal aisaia tintka watla
(Imp St 36.8-38)
1“Utla ba mâkma bara durka kwalka ba, linin kwalka matawalsip pitban kabia, mapla blu, balianta bara pauni, baku sin insal wâl lilka ba bahara pain maman kabia. 2Durka kwalka sut ba, yahpika kumi baman bri kabia: yarika ba 14 yar, bîla yahpika ba yar wâl. 3Kwalka matsip ba tnaya praki sipaia sa, bara matsip wala nani ba sin tnaya praki sipaia sa, bara matsip wala nani ba sin tnaya praki sipaia sa. 4Durka kwalka kum ba un nani ra, unta dauks, baku sin dur kwalka wala matsip praki kumi daukan nani ba sin baku daukbia. 5Bara kwalka pas ba un ra 50 unta nani daukbia, bara sin baku kwalka wala nani ba sin daukbia, Bara unta wilkaika bani ba, ai mawan kat kaia sa. 6Bara baha kwalka nani ba wal praki alkaia dukiara, untika nani ra dingki alkaika dukia gul ni 50 alkaika nani dauks, ningkara utla kumi dauks takbia.
7“Guts tâwa ni kwala tara nani 11 paskma, baha ba utla pura prakaia dukiara kabia. 8Baha kwalka kumi bani ba yahpika bri kabia: yarika ba lika 15 yar, bîla yahpika ba yar wâl. 9Bara kwalka matsip ba asla praki tara kumi sipma, bara wala matlalkahbi ba sin asla praki tara kumi sipma, bara kwala matlalkahbi praki sipan tâ ba wal utla ba pura prakma. 10Bara kwalka nani ba un ra 50 unta nani daukma, baha kwala matsip ba asla prakaia, bara kli 50 unta wala nani daukma, baha kwala wala nani ba un ra sin. 11Baku sin, baha untika nani ra dingki alkaika dukia nani 50 bras ni daukma. Bara kwala tara ba wal praki, pura prakaika tara kumi daukma. 12Bara nanara pura prakaika kwalka ba kau yari takan ba mita, tâ ba wal utla ba prakma. 13Baku sin, tnaya wâl ra bîla yahpika wina kau luan tâka nani ba wal, tnaya yumhpa pîska ba prakma.
14“Baku kli utla ba dukiara, sîp wainhka taya pauni dauki, baha ni kwala tara wal paskma, bara taya ba ra kli wala kau pain kum paskma, baha purara prakaia.
15“Bara akasia dusa tatka nani bris, baha tatka ba ni watla ba kutbi mâkaia dukiara, bara tatka nani ba wapni kaia sa. 16Tatka kumi bani yarika ba 15 pît bri kaia sa, bîla yahpika ba lika 27 ins. 17Tatka kumi bani, un wâlsut ba, pana pana alkaia napa nani daukaia sa, tat wala ba wal pain prawaia dukiara. Utla mâkaia tatka nani ba sut baku daukma. 18Tatka un nani ba daukma ba ra, tat 20 ba waupasa tani tnaya ba prakaia dauks, 19bara silbar ni playka nani 40 paskma, tat tâ nani ba mununhtara dingkma, tat un wâl ba praki alkaia dukiara, tat bani ba mununhtara playa wâl.
20“Bara kli 20 tat wala nani un ba dauks, utla tnaya yahbra tani ba paskaia dukiara. 21Baha sin silbar ni playa nani 40 paskma, bara tat bani ba mununhtara playa wâl kaia sa, bara playa wala wâl ba lika tat wala mununhtara kabia. 22Watla tnaya muna tani ba mâkaia dukiara, tat matlalkahbi un ba dauks, 23bara watla banhta pîska unyukwika mangkaia tatka sin wâl dauks. 24Naha tatka ba wâl wina kumi ra prakaia sa, bara tâ ba pura wina mâya kat alkaia. Sim baku daukaia sa unyukwika wâl ra tat wâl ba untika ba kat praki alkaia. 25Baku bamna, tat ba asla 8 kaia sa bara silbar ni paskan playka nani sin 16 kaia sa. Tat tâ nani ba dingki alkaia untika nani sin, tat bani munhtara playa wâl kabia.
26“Akasia dusa ni dus yari matsip dauks utla tnaya kum tatka nani ba alkaia, 27bara dusa wala matsip ba lika utla tnaya wala ba alkaia dukiara, bara dusa kau matsip ba lika, utla tnaya muna tani ba tatka alkaia dusa. 28Baha lila kat mangkaia dusa ba lika purara bukaia, tat ba lila kat tâ kumi wina tâ wala ba kat sabaia. 29Bara tatka nani taya ba gul ni lalaubaia, bara gul ni baha tâ nani ba dingkaia untika nani daukaia, bara dusa nani taya ba sin gul ni lalaubaia. 30Bamna utla ba nahki mâkaia patrangka, il purara mamrikatna ba baku mâkma.
31“Pamaia kwalka sin kum daukma, mapla blu, balianta talia, pauni bara linin kwalka painkira ni pitbi daukaia. Baha ba wan mihta ni mamaia bara insal wâl lilka ni sin sakahki painkira dauks. 32Baha ningkara gul ni paskan pînka nani ba brih, akasia dusa ni playa tara walhwal daukan ba playka ra pami swis. Playka nani taya ba gul ni lalauban kaia sa, silbar playka tara walhwal ba purara kabia. 33Bara kwala tara ba, pamaika nani ba ra pami swis, bara baha kutbanka ba bilara, lâ nani auhbaika watla ba bri si swis. Bara kwala paman ba mita Holi Pali pliska ba, aihka dakbi saki maikbia.#Hib 6.19; 9.3-5. 34Baha ningkara lâ auhbaika watlika ba pura prakaika ba bri si pura praki swis, Holi Pali pliska ba ra. 35Bara tibil ba lika kwala paman ba bilara dingkpara, lamara yahbra tani ra swis, bara tibil ba lamara waupasa tani ra, kiandil bapaika ba swis.
36“Bara utla dimaia durka ba kat kwala pami swis, blu, pauni pali, linin kwalka ai mihta ni pitbi mami prana daukan ba. 37Bara akasia dusa wina playa matsip daukma, bara baha ba gul ni lalawma, bara kli playa tara matsip wala bras ni daukma, bara baha purara matsip ba bapi kwala ba ra pami swima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua