2 Korint 2
2
1Naha dukiara sika wilin takri, yang kli balamna apia man nani sarkam paskaia. 2Yang bui man nani sarkam paskisna kaka, ¿ya yang na lilia ai sâkbia ki? Upla wala âpu sa, sarka paskri uplika nani mita baman sa. 3Baha mita dîa daukri ba tânka kat man nani ra ulbri, kan yang balamna piua lilia ai daukaia kan uplika nani mita, sairka kra paskbiara sîa; kuna kau ni lilia ai dauki banhwaia kan. Bamna kasak daira wali kapri yang lilia kamna, bara man nani sut sin lilia bri kama. 4Bara baha wauhkataya man nani ra ulbri ba ra, uya kupi ra trabil bri kapri, bara sari ai daukan ban sin ini katna; sakuna sari bri kama wisi lika ulbras katna, kuna kaikma man nani ra latwan mai kaikisna ba lika tara pali sa.
Pal mapara buan uplika saurka swih tikan ba
5Bamna upla tila wan sarka paskan sa kaka, baha lika yang ra baman apia, kuna man nani sarkam sin wiria pan paskan sa. Yang “wiria pan” wisna, uya wirha mai taibaia apia dukiara. 6Man nani asla aidrubi banhram bara baha uplika ra klala yaram ba, baha ba nanara mahka ban swiaia aitani sa. 7Bamna nanara lika kau pain kabia, witin ba saurka swih tikaia lâka bara maisa nihkaia, sarka lâka uya ba mita, baha uplika ban tanis tiwbiara sîa. 8Baha mita man nani ra mamkabisna, yarka baha uplika kaikbia witin ra latwan kaikisma ba tânka. 9Naha diara na tânka pat mai ulbri kata, bara baha lika man nani ba, yang smalkanki kat ban kaia banhwisma sapa tânkam pliki kaikisna. 10Bamna nanara, ya dîa dîa saurka daukan ba ban swih tikma kaka, yang sin baha uplika saurka ba swih tikamna. Saurka swih tikri ba lika, swih tikaia dukia bâra kan kaka, baha lika man nani tâmwan Kraist mawanra swih tikri, 11bara baku mika Sitan yawan wina diara sâkbia apia; kan witin ai daukanka saura ba yawan kaikisa bamna.
Pal Troas ra ai kupia kumi apia kan ba
12Bamna Troas tawanka ra Kraist sturka yamni smalkaia wari ba ra, bahara piua pain kum briri Dawan sturka smalkaia. 13Kuna kupi sip lilia apia kapri, wan muihni Taitus wal prawras kapri bamna. Baha mita, uplika nani ba ra lakula baman wih, mahka taki Macedonia tasbaya ra wari.#Ap St 20.1.
Kraist ra sa pura luanka lâka ba
14¡Sakuna Gâd ra tingki kabia! Kan witin mita Kraist Jisas ra wan praki yawan na pura lalura nani wan daukisa, bara yawan bâk sin ai smalkanka ba latan marikisa, bara baha ba kîa damni pain kum baku tasba aiska ra kiawalisa. 15Kan yawan na lika Kraist mita, Gâd ra kîa damni yamni painkira angki yabi ba baku sa, bara baha dus nani mâka kiawalisa, swaki saki uplika nani bara tanis tiwi uplika nani sin. 16Tanis tiwi uplika nani ba mapa ra lika, baha dus nani angkan kîa painkira ba prura kîa; sakuna swaki saki uplika nani mapa ra lika baha rayaka kaia kîa yabisa. ¿Bara ya baha mapara sip kabia? 17Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.
Currently Selected:
2 Korint 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
2 Korint 2
2
1Naha dukiara sika wilin takri, yang kli balamna apia man nani sarkam paskaia. 2Yang bui man nani sarkam paskisna kaka, ¿ya yang na lilia ai sâkbia ki? Upla wala âpu sa, sarka paskri uplika nani mita baman sa. 3Baha mita dîa daukri ba tânka kat man nani ra ulbri, kan yang balamna piua lilia ai daukaia kan uplika nani mita, sairka kra paskbiara sîa; kuna kau ni lilia ai dauki banhwaia kan. Bamna kasak daira wali kapri yang lilia kamna, bara man nani sut sin lilia bri kama. 4Bara baha wauhkataya man nani ra ulbri ba ra, uya kupi ra trabil bri kapri, bara sari ai daukan ban sin ini katna; sakuna sari bri kama wisi lika ulbras katna, kuna kaikma man nani ra latwan mai kaikisna ba lika tara pali sa.
Pal mapara buan uplika saurka swih tikan ba
5Bamna upla tila wan sarka paskan sa kaka, baha lika yang ra baman apia, kuna man nani sarkam sin wiria pan paskan sa. Yang “wiria pan” wisna, uya wirha mai taibaia apia dukiara. 6Man nani asla aidrubi banhram bara baha uplika ra klala yaram ba, baha ba nanara mahka ban swiaia aitani sa. 7Bamna nanara lika kau pain kabia, witin ba saurka swih tikaia lâka bara maisa nihkaia, sarka lâka uya ba mita, baha uplika ban tanis tiwbiara sîa. 8Baha mita man nani ra mamkabisna, yarka baha uplika kaikbia witin ra latwan kaikisma ba tânka. 9Naha diara na tânka pat mai ulbri kata, bara baha lika man nani ba, yang smalkanki kat ban kaia banhwisma sapa tânkam pliki kaikisna. 10Bamna nanara, ya dîa dîa saurka daukan ba ban swih tikma kaka, yang sin baha uplika saurka ba swih tikamna. Saurka swih tikri ba lika, swih tikaia dukia bâra kan kaka, baha lika man nani tâmwan Kraist mawanra swih tikri, 11bara baku mika Sitan yawan wina diara sâkbia apia; kan witin ai daukanka saura ba yawan kaikisa bamna.
Pal Troas ra ai kupia kumi apia kan ba
12Bamna Troas tawanka ra Kraist sturka yamni smalkaia wari ba ra, bahara piua pain kum briri Dawan sturka smalkaia. 13Kuna kupi sip lilia apia kapri, wan muihni Taitus wal prawras kapri bamna. Baha mita, uplika nani ba ra lakula baman wih, mahka taki Macedonia tasbaya ra wari.#Ap St 20.1.
Kraist ra sa pura luanka lâka ba
14¡Sakuna Gâd ra tingki kabia! Kan witin mita Kraist Jisas ra wan praki yawan na pura lalura nani wan daukisa, bara yawan bâk sin ai smalkanka ba latan marikisa, bara baha ba kîa damni pain kum baku tasba aiska ra kiawalisa. 15Kan yawan na lika Kraist mita, Gâd ra kîa damni yamni painkira angki yabi ba baku sa, bara baha dus nani mâka kiawalisa, swaki saki uplika nani bara tanis tiwi uplika nani sin. 16Tanis tiwi uplika nani ba mapa ra lika, baha dus nani angkan kîa painkira ba prura kîa; sakuna swaki saki uplika nani mapa ra lika baha rayaka kaia kîa yabisa. ¿Bara ya baha mapara sip kabia? 17Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua