Romu 1
1
1Ana ta Paula lala kala pado nabulu lala vo Jisu Karisito vo ni kala pado apositolo vo Baṉara o nokaeleni lala ni o pitoeleni lala ni o soroeleni lala kai bazutole ko Uri ama Bazu. 2Ko ikio koa Uri ama Bazu vo Baṉara o kasekema lulavo voko poropita madu kasi koko rikiziovima ko Tabu ama Riki kale. 3Koko raki komia Uri ama Bazu ta vo Baṉara vo Meqora animevo Lekasa Jisu Karisito ikio. Vo maba jaria ereilo ni alilo o eveni vo Devita ko vikuvikula kale, 4melai vo Tabu ala Auvana ko pizato kale, Baṉara ta kasa o ivake vo Jisu ta vota Baṉara vo Meqora inio, vo o saevive keru vo voukale azo voko pizato kale. 5Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo. 6Me Romu peuru kale amu mela melai lula o nokaemela vo Baṉara tu meta vo Jisu Karisito ko mela me elo.
7Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.
Uriavo ko vararaito
8Kuleto aṉata a qaseka aṉako uriavo vo Baṉara kasi vo Jisu Karisito kale kude mea kiada mela kale avo, ako komia pado ama peuru ma peuru ta ko viqa meko oqu ko bazu sole. 9Aṉata ava nabuluputa vo Baṉara aṉako pado ama bulo sate kai bazubazuto kale vo Baṉara vo Meqora ko Uri ama Bazu. Ni vo Baṉara ta o rovea zomano aṉa a qasekako quli kale. Vota okai nianiia aṉako kerukeruemelo me 10kiada keru aṉako vararaito kale. Aṉako paseto ta o ṉavi Baṉara inio ola pitoekou kama pado uri ama keve, ola zarievou tea, tu a melai baro me. 11Ako aṉata aqa matu zaria tu mela lelo me, tu a melai puariko ko Auvana ko mauruto tu kota ko pizatimelou me. 12Ko aṉa so ka kialake quli ta omadeu tauvekinio me elou, me ni aṉako oqu kale.
13A visi poso mela, aṉata aqai zaria tu melai bazueko ko eri, aṉata aqa zariani lala inio kilo soipimelole me, tu aṉako iruruputo ta ko epamatou mekasi, omadeuvo kota lula ko epamata jari se pui Jiu amu kasi. Kubo taku aṉata aqa zaria soipimelo me, melai koko noqoelako quli aṉa ta ikoana. 14Aṉata aqa zaria soipimelo me, ako aṉata kama pado sake salala kiadama maba poso kasi komia pado ama peuru ma peuru kale amu.#1:14 kiadama maba poso kasi komia pado ama peuru ma peuru kale amu: ko ikio Paula kiovevo ko kio ni kalo; Quriki pesio kale ama riki ta eri kikola: ‘se Quriki mu ni se pui Quriki mu kasi, se nianiiomu ni se puliama nianiio samu kasi.’ 15Sokale avo inio aṉata aqa matu zaria so jaria kai bazuto komia Uri ama Bazu me Romu peuru kale me evani mela kasi.
Uri ama Bazu ko pizato
16Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu. 17Ako ko Uri ama Bazu ta kasa ko ika vo Baṉara ko sidopu imo se maba poso o ṉaviko vilu kasa: kota oqu ko kiada kale inio. Omadeuvo ko Tabu ama Riki kikovevo jari, “Voa maba voko oqu kale sidopu va kiolani vo Baṉara, vo o kiada inio o saevou.”
Kuiripato se maba poso kasi
18Vo Baṉara ko korakorailo ta kasa ko eva aukale azo se ruqe ama maba madu ko sarueko ni ruqe ama keve kale seke tizaekani ko tuveano seko ruqe kale. 19Baṉara ta o katima se ko koqotato, ako o ṉavi ta lula o mati vakakuka sole, so sole kota ko male tu seta ke paqumuvo vo. 20Vo Baṉara ta pui opa keazai maba ko vilu kale, melai ko peuru ma peuru ko erei keru azo inio voko noqola kama pizato ni voko Baṉara elo ta kasa ko evake voko iruruputo kale; so sole sea maba poso ta pui keta ka rovea zolio kiadama seko ruqe ama iruruputo. 21Seta kevai nianiia vo Baṉara, melai seta pui ke rauraeva vo ni ke ilusiva vo voko malezivako raurailo kale, ako ko utube ama kerukeru poso ta niuniala ni kutumana kota ma ika seko bulo poso sole. 22Seko kerukeru kale ta seta nianiiomu inio kikela, melai seta sarube amu, 23ako seta kekai besieka vo noqola kala Baṉara ko ilusato, seko beku poso ke erekako omadeuvo vo puju ama saevo sala maba jari amu, ma koko akazako biaṉabiaṉa poso ma ko ariku kiti ama biaṉa poso ma koko vaerako ni koko rajaivako biaṉa ko ilusiko kale.
24So sole vo Baṉara ta o vaema se seko ruqe ama kerukeru ni vatolo sama bulo sate, tu ke ereko ko quraqurati ama quli seko pauvekinio kale, kiola. 25Seta kekai besieka vo Baṉara ko tuveano lipalipa kama quli kale, ni seta ke ilusika vo Baṉara o erekema quli, ni pui vo o erekeni ko quli, vo raura o elo ala latau ṉaniu ni ka ṉaniu! Emeni.
26Sokale inio vo Baṉara ta o vaemake se seko ruqe ama viluloqu kale. Ako se rekoreko melai ke besieka koa uri ama iruruputo seko pauvezato kale ni seta ruqe ke ika ko. 27Ni koa omadeuma kalo kale se lasive amu ta ke vaeka ko sidopu ama kalo seko reko poso kasi, nio seta keta saruekinia ke ṉavio kude—seta ke ereka quraqurati ama quli, ni seta kekai buzara seko tupu koa ruqe ama iruruputo ko ereko kale.
28Seta ke vaeva kerukeruevo vo Baṉara, so sole vo Baṉara ta omai luavika koa ruqe ni kaido ama kerukeru tu seta ke ereko ko quli ko se pui koma zariziako tu ke ereko. 29So sole kubo azaazama ruqe poso ta komai sukata, ruqe, muino, sebito, konoilo, vouvato, pazokinio, lipalipato ni kideipo; maba vai pesio 30ni ruqe kasekinio, kanaekivo vo Baṉara, peripato, aikailo ni rauraraurailo; seta ke kerukerueka kubo keve tu seta ke ereko ko ruqe; seta ke bikoirima seko mama ni niania poso; 31puliama seko uponianiio, seta ke ukaka pueka seko leveleveo, ni seta muino amu ni pui ke tauvezatani, roquano pide amu edolomu kasi. 32Kebe paqumuka vo Baṉara ko bazu kale ta so ke kalo amu ta keta vouvou kio. Melai seta kebe ereka ko quli ni seta kema zoleiva sea maba poso, seke erekani koa ruqe poso.
Currently Selected:
Romu 1: BLBNT
Highlight
Share
Copy
Want to have your highlights saved across all your devices? Sign up or sign in
The New Testament in the Bilua language, Solomon Islands © The Bible Society of the South Pacific, 1995.
Romu 1
1
1Ana ta Paula lala kala pado nabulu lala vo Jisu Karisito vo ni kala pado apositolo vo Baṉara o nokaeleni lala ni o pitoeleni lala ni o soroeleni lala kai bazutole ko Uri ama Bazu. 2Ko ikio koa Uri ama Bazu vo Baṉara o kasekema lulavo voko poropita madu kasi koko rikiziovima ko Tabu ama Riki kale. 3Koko raki komia Uri ama Bazu ta vo Baṉara vo Meqora animevo Lekasa Jisu Karisito ikio. Vo maba jaria ereilo ni alilo o eveni vo Devita ko vikuvikula kale, 4melai vo Tabu ala Auvana ko pizato kale, Baṉara ta kasa o ivake vo Jisu ta vota Baṉara vo Meqora inio, vo o saevive keru vo voukale azo voko pizato kale. 5Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo. 6Me Romu peuru kale amu mela melai lula o nokaemela vo Baṉara tu meta vo Jisu Karisito ko mela me elo.
7Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.
Uriavo ko vararaito
8Kuleto aṉata a qaseka aṉako uriavo vo Baṉara kasi vo Jisu Karisito kale kude mea kiada mela kale avo, ako komia pado ama peuru ma peuru ta ko viqa meko oqu ko bazu sole. 9Aṉata ava nabuluputa vo Baṉara aṉako pado ama bulo sate kai bazubazuto kale vo Baṉara vo Meqora ko Uri ama Bazu. Ni vo Baṉara ta o rovea zomano aṉa a qasekako quli kale. Vota okai nianiia aṉako kerukeruemelo me 10kiada keru aṉako vararaito kale. Aṉako paseto ta o ṉavi Baṉara inio ola pitoekou kama pado uri ama keve, ola zarievou tea, tu a melai baro me. 11Ako aṉata aqa matu zaria tu mela lelo me, tu a melai puariko ko Auvana ko mauruto tu kota ko pizatimelou me. 12Ko aṉa so ka kialake quli ta omadeu tauvekinio me elou, me ni aṉako oqu kale.
13A visi poso mela, aṉata aqai zaria tu melai bazueko ko eri, aṉata aqa zariani lala inio kilo soipimelole me, tu aṉako iruruputo ta ko epamatou mekasi, omadeuvo kota lula ko epamata jari se pui Jiu amu kasi. Kubo taku aṉata aqa zaria soipimelo me, melai koko noqoelako quli aṉa ta ikoana. 14Aṉata aqa zaria soipimelo me, ako aṉata kama pado sake salala kiadama maba poso kasi komia pado ama peuru ma peuru kale amu.#1:14 kiadama maba poso kasi komia pado ama peuru ma peuru kale amu: ko ikio Paula kiovevo ko kio ni kalo; Quriki pesio kale ama riki ta eri kikola: ‘se Quriki mu ni se pui Quriki mu kasi, se nianiiomu ni se puliama nianiio samu kasi.’ 15Sokale avo inio aṉata aqa matu zaria so jaria kai bazuto komia Uri ama Bazu me Romu peuru kale me evani mela kasi.
Uri ama Bazu ko pizato
16Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu. 17Ako ko Uri ama Bazu ta kasa ko ika vo Baṉara ko sidopu imo se maba poso o ṉaviko vilu kasa: kota oqu ko kiada kale inio. Omadeuvo ko Tabu ama Riki kikovevo jari, “Voa maba voko oqu kale sidopu va kiolani vo Baṉara, vo o kiada inio o saevou.”
Kuiripato se maba poso kasi
18Vo Baṉara ko korakorailo ta kasa ko eva aukale azo se ruqe ama maba madu ko sarueko ni ruqe ama keve kale seke tizaekani ko tuveano seko ruqe kale. 19Baṉara ta o katima se ko koqotato, ako o ṉavi ta lula o mati vakakuka sole, so sole kota ko male tu seta ke paqumuvo vo. 20Vo Baṉara ta pui opa keazai maba ko vilu kale, melai ko peuru ma peuru ko erei keru azo inio voko noqola kama pizato ni voko Baṉara elo ta kasa ko evake voko iruruputo kale; so sole sea maba poso ta pui keta ka rovea zolio kiadama seko ruqe ama iruruputo. 21Seta kevai nianiia vo Baṉara, melai seta pui ke rauraeva vo ni ke ilusiva vo voko malezivako raurailo kale, ako ko utube ama kerukeru poso ta niuniala ni kutumana kota ma ika seko bulo poso sole. 22Seko kerukeru kale ta seta nianiiomu inio kikela, melai seta sarube amu, 23ako seta kekai besieka vo noqola kala Baṉara ko ilusato, seko beku poso ke erekako omadeuvo vo puju ama saevo sala maba jari amu, ma koko akazako biaṉabiaṉa poso ma ko ariku kiti ama biaṉa poso ma koko vaerako ni koko rajaivako biaṉa ko ilusiko kale.
24So sole vo Baṉara ta o vaema se seko ruqe ama kerukeru ni vatolo sama bulo sate, tu ke ereko ko quraqurati ama quli seko pauvekinio kale, kiola. 25Seta kekai besieka vo Baṉara ko tuveano lipalipa kama quli kale, ni seta ke ilusika vo Baṉara o erekema quli, ni pui vo o erekeni ko quli, vo raura o elo ala latau ṉaniu ni ka ṉaniu! Emeni.
26Sokale inio vo Baṉara ta o vaemake se seko ruqe ama viluloqu kale. Ako se rekoreko melai ke besieka koa uri ama iruruputo seko pauvezato kale ni seta ruqe ke ika ko. 27Ni koa omadeuma kalo kale se lasive amu ta ke vaeka ko sidopu ama kalo seko reko poso kasi, nio seta keta saruekinia ke ṉavio kude—seta ke ereka quraqurati ama quli, ni seta kekai buzara seko tupu koa ruqe ama iruruputo ko ereko kale.
28Seta ke vaeva kerukeruevo vo Baṉara, so sole vo Baṉara ta omai luavika koa ruqe ni kaido ama kerukeru tu seta ke ereko ko quli ko se pui koma zariziako tu ke ereko. 29So sole kubo azaazama ruqe poso ta komai sukata, ruqe, muino, sebito, konoilo, vouvato, pazokinio, lipalipato ni kideipo; maba vai pesio 30ni ruqe kasekinio, kanaekivo vo Baṉara, peripato, aikailo ni rauraraurailo; seta ke kerukerueka kubo keve tu seta ke ereko ko ruqe; seta ke bikoirima seko mama ni niania poso; 31puliama seko uponianiio, seta ke ukaka pueka seko leveleveo, ni seta muino amu ni pui ke tauvezatani, roquano pide amu edolomu kasi. 32Kebe paqumuka vo Baṉara ko bazu kale ta so ke kalo amu ta keta vouvou kio. Melai seta kebe ereka ko quli ni seta kema zoleiva sea maba poso, seke erekani koa ruqe poso.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in the Bilua language, Solomon Islands © The Bible Society of the South Pacific, 1995.