1 Korintus Kitab ini pe keterangan
Kitab ini pe keterangan
Orang yang tulis kitab ini: Kitab 1 Korintus ini, satu surat yang Paulus tulis. Paulus itu orang Yahudi dari aliran Farisi, yang pegang kuat aturan-aturan di lima kitab Musa (Flp. 3:5-6). Dulu, dia yang jaga siksa pa orang-orang percaya pa Yesus Kristus karna dia kira kata, dorang iko ajaran sesat. Tapi, satu kali dia dapa penglihatan dari Yesus Kristus, kong Yesus pangge pa Paulus untuk iko pa Dia. Yesus me utus pa Paulus untuk kase tau Kabar Bae tentang Yesus Kristus pa orang-orang yang bukang Yahudi (Kis. 9:1-19). Paulus perna tinggal di kota Korintus selama satu taong stenga, kong dia ada rencana untuk bale ulang pa dorang di situ (1Kor. 16:5-12).
Kitab ini untuk sapa: Kitab 1 Korintus ini surat yang pertama yang Paulus tulis untuk jemaat di kota Korintus. Korintus itu ibu kota di daera Akhaya yang skarang ada di negara Yunani. Di kota Korintus ini, ada pelabuhan penting, yang jadi pusat bajual deng babili. Kong karna itu, orang yang tinggal di kota Korintus banya pendatang. Orang-orang di kota itu ada banya skali yang tara kanal pa Tuhan Allah, kong dorang semba-semba pa dong pe puji-puji, deng dorang lagi biking banya kalakuang yang jahat. Paulus yang pertama kase tau Kabar Bae tentang Yesus Kristus di kota Korintus itu, sampe ada yang jadi percaya (Kis. 18:1-11).
Ajaran-ajaran di kitab ini: Waktu Paulus ada di Efesus, dia dengar kabar tentang masala-masala di jemaat Korintus (1Kor. 1:11, 3:1-9). Karna itu dia tulis surat ini, kong togor pa orang-orang yang biking hal-hal tara bae macam bagini: suka tapisa-pisa (1Kor. 1:10-17), anggap diri pande (1Kor. 1:18–2:15, 3:18-23), biking kalakuang yang tara pantas (1Kor. 5–6), biking masala waktu perjamuan (1Kor. 11:17-34), sala mangarti tentang Yesus Kristus mati kong so hidup ulang (1Kor. 15), deng hal-hal laeng lagi. Ada lagi yang antar surat dari jemaat Korintus yang minta nasehat dari Paulus tentang babarapa hal ini: tentang kawing, tara kawing, deng bolong kawing (1Kor. 7:1-16), tentang karunia-karunia (1Kor. 12 deng 14), tentang apa dorang bole makang makanang yang so kase pa orang pe puji-puji (1Kor. 8 deng 10), deng hal-hal laeng lagi. Paulus harap orang-orang Korintus bisa butul-butul baku sayang (1Kor. 13), deng sama-sama bantu kase doi sumbangan untuk orang-orang susa yang ada di kota Yerusalem (1Kor. 16:1-4).
Currently Selected:
1 Korintus Kitab ini pe keterangan: PB MMU
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020
1 Korintus Kitab ini pe keterangan
Kitab ini pe keterangan
Orang yang tulis kitab ini: Kitab 1 Korintus ini, satu surat yang Paulus tulis. Paulus itu orang Yahudi dari aliran Farisi, yang pegang kuat aturan-aturan di lima kitab Musa (Flp. 3:5-6). Dulu, dia yang jaga siksa pa orang-orang percaya pa Yesus Kristus karna dia kira kata, dorang iko ajaran sesat. Tapi, satu kali dia dapa penglihatan dari Yesus Kristus, kong Yesus pangge pa Paulus untuk iko pa Dia. Yesus me utus pa Paulus untuk kase tau Kabar Bae tentang Yesus Kristus pa orang-orang yang bukang Yahudi (Kis. 9:1-19). Paulus perna tinggal di kota Korintus selama satu taong stenga, kong dia ada rencana untuk bale ulang pa dorang di situ (1Kor. 16:5-12).
Kitab ini untuk sapa: Kitab 1 Korintus ini surat yang pertama yang Paulus tulis untuk jemaat di kota Korintus. Korintus itu ibu kota di daera Akhaya yang skarang ada di negara Yunani. Di kota Korintus ini, ada pelabuhan penting, yang jadi pusat bajual deng babili. Kong karna itu, orang yang tinggal di kota Korintus banya pendatang. Orang-orang di kota itu ada banya skali yang tara kanal pa Tuhan Allah, kong dorang semba-semba pa dong pe puji-puji, deng dorang lagi biking banya kalakuang yang jahat. Paulus yang pertama kase tau Kabar Bae tentang Yesus Kristus di kota Korintus itu, sampe ada yang jadi percaya (Kis. 18:1-11).
Ajaran-ajaran di kitab ini: Waktu Paulus ada di Efesus, dia dengar kabar tentang masala-masala di jemaat Korintus (1Kor. 1:11, 3:1-9). Karna itu dia tulis surat ini, kong togor pa orang-orang yang biking hal-hal tara bae macam bagini: suka tapisa-pisa (1Kor. 1:10-17), anggap diri pande (1Kor. 1:18–2:15, 3:18-23), biking kalakuang yang tara pantas (1Kor. 5–6), biking masala waktu perjamuan (1Kor. 11:17-34), sala mangarti tentang Yesus Kristus mati kong so hidup ulang (1Kor. 15), deng hal-hal laeng lagi. Ada lagi yang antar surat dari jemaat Korintus yang minta nasehat dari Paulus tentang babarapa hal ini: tentang kawing, tara kawing, deng bolong kawing (1Kor. 7:1-16), tentang karunia-karunia (1Kor. 12 deng 14), tentang apa dorang bole makang makanang yang so kase pa orang pe puji-puji (1Kor. 8 deng 10), deng hal-hal laeng lagi. Paulus harap orang-orang Korintus bisa butul-butul baku sayang (1Kor. 13), deng sama-sama bantu kase doi sumbangan untuk orang-orang susa yang ada di kota Yerusalem (1Kor. 16:1-4).
Currently Selected:
:
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020