ŴaFilipi 3
3
Kukondwere mu Mbuya
1Pakumariya mwa ŵabali ŵangu, kondwereni mu Mbuya. Kumlembiyani vyenivyo pe kuti kutindivuska cha, ndipo nge nkhwaku imwe nkhwakukhozga.
2Cheŵani nawo ŵagaru wo, cheŵani ndi ŵanchitu ŵaheni, cheŵani ndi ŵakujichinja ku liŵavu, 3chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu. 4Chingana ine ndingagomekezga mu liŵavu. Asani munyake watiti wendi kafukwa kakugomekezge mu liŵavu, iku ine ukongwako: 5ndawakuchinjika pa zuŵa lachinkhonde ndi chitatu, wa khamu laku Yisraele, wa fuku laku Benjamini, muHebere wamu ŵaHebere, kuchiri ku langulu mufarisi, 6uli nkhu pamphu, wakuŵemba eklesiya lo; nge nkhu urunjiwamu chilangulu, nda wambura kafukwa. 7Kweni vyo vyose vingundiŵiya vyanduwu, ndavyesa chitayiku chifukwa chaku Kristu. 8Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu, 9ndipo kuti ndisanirike mwaku iyo, pakuŵa ndi urunji wangu wamu chilangulu cha, kweni wo we mu chivwanu cha mwaku Kristu, urunji wakutuwa kwaku Chiuta wo uyegeme, pa chivwanu icho, 10kuti ndimziŵe iyo, ndi nthazi yo ya chiyuka chake, ndikuti ndisangane nayo mu vyakukomwa vyake, kuŵa nge ndiyo mu nyifwa yake, 11mwakuti vinu nane ndingafikapo pa chiyuka cho cha ku ŵakufwa. 12Kuti ndikamba kuti ichi ndikuronde kali pamwenga kuti nde wakuphotoka kali cha; ndilimbalimba kuti chiŵi changu, chifukwa Kristu Yesu wandisanduska kuŵa wake. 13Mwa ŵabali, kuti ndijipima ine kuti ndachibwakiya sono cha; kweni chinthu chimoza ndichita, pakujiruwiya vyakuvuli, ndi kutambazukiya ku vyakuurongo, 14ndichimbiriya ku chichiri ku mphotu ya mdanu wakuchanya waku Chiuta mwaku Kristu Yesu. 15Viyo tose pakuŵa ndi vinjeru tighanaghane chenichi; ndipo asani mughanaghana kamwenga, Chiuta wakavumbuliyenge ko kwaku imwe. 16Kweni tiyeni cho taronde tichikoreze mu uneneska.
17Mundezge, mwa ŵabali, ndipo ŵathoŵeni wo ŵatenda ulaka ndimo muliri ndi ifwe nge nchikozgu. 18Chifukwa ŵatenda ŵanandi, ŵeniwo ndamkambiyani panandi, ndipo sono napu ndawakuliya ndikamba, kuti mbamawongu ŵa mphinjika yaku Kristu. 19Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi. 20Chifukwa ifwe msumba widu ngwa kuchanya, kutuwa kweniko tilindizga Mtaski, Mbuyafwe Yesu Kristu: 21mweniyo wamsanduska liŵavu lidu la kuyuyulika kuti lilinganizgike ndi liŵavu la unkhankhu wake, kwakuyana ndi nthazi yo ye mwaku iyo yeniyo so wathereskiyenge vinthu vyose kwaku iyo mweneko.
Currently Selected:
ŴaFilipi 3: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
ŴaFilipi 3
3
Kukondwere mu Mbuya
1Pakumariya mwa ŵabali ŵangu, kondwereni mu Mbuya. Kumlembiyani vyenivyo pe kuti kutindivuska cha, ndipo nge nkhwaku imwe nkhwakukhozga.
2Cheŵani nawo ŵagaru wo, cheŵani ndi ŵanchitu ŵaheni, cheŵani ndi ŵakujichinja ku liŵavu, 3chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu. 4Chingana ine ndingagomekezga mu liŵavu. Asani munyake watiti wendi kafukwa kakugomekezge mu liŵavu, iku ine ukongwako: 5ndawakuchinjika pa zuŵa lachinkhonde ndi chitatu, wa khamu laku Yisraele, wa fuku laku Benjamini, muHebere wamu ŵaHebere, kuchiri ku langulu mufarisi, 6uli nkhu pamphu, wakuŵemba eklesiya lo; nge nkhu urunjiwamu chilangulu, nda wambura kafukwa. 7Kweni vyo vyose vingundiŵiya vyanduwu, ndavyesa chitayiku chifukwa chaku Kristu. 8Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu, 9ndipo kuti ndisanirike mwaku iyo, pakuŵa ndi urunji wangu wamu chilangulu cha, kweni wo we mu chivwanu cha mwaku Kristu, urunji wakutuwa kwaku Chiuta wo uyegeme, pa chivwanu icho, 10kuti ndimziŵe iyo, ndi nthazi yo ya chiyuka chake, ndikuti ndisangane nayo mu vyakukomwa vyake, kuŵa nge ndiyo mu nyifwa yake, 11mwakuti vinu nane ndingafikapo pa chiyuka cho cha ku ŵakufwa. 12Kuti ndikamba kuti ichi ndikuronde kali pamwenga kuti nde wakuphotoka kali cha; ndilimbalimba kuti chiŵi changu, chifukwa Kristu Yesu wandisanduska kuŵa wake. 13Mwa ŵabali, kuti ndijipima ine kuti ndachibwakiya sono cha; kweni chinthu chimoza ndichita, pakujiruwiya vyakuvuli, ndi kutambazukiya ku vyakuurongo, 14ndichimbiriya ku chichiri ku mphotu ya mdanu wakuchanya waku Chiuta mwaku Kristu Yesu. 15Viyo tose pakuŵa ndi vinjeru tighanaghane chenichi; ndipo asani mughanaghana kamwenga, Chiuta wakavumbuliyenge ko kwaku imwe. 16Kweni tiyeni cho taronde tichikoreze mu uneneska.
17Mundezge, mwa ŵabali, ndipo ŵathoŵeni wo ŵatenda ulaka ndimo muliri ndi ifwe nge nchikozgu. 18Chifukwa ŵatenda ŵanandi, ŵeniwo ndamkambiyani panandi, ndipo sono napu ndawakuliya ndikamba, kuti mbamawongu ŵa mphinjika yaku Kristu. 19Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi. 20Chifukwa ifwe msumba widu ngwa kuchanya, kutuwa kweniko tilindizga Mtaski, Mbuyafwe Yesu Kristu: 21mweniyo wamsanduska liŵavu lidu la kuyuyulika kuti lilinganizgike ndi liŵavu la unkhankhu wake, kwakuyana ndi nthazi yo ye mwaku iyo yeniyo so wathereskiyenge vinthu vyose kwaku iyo mweneko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi