Nahumu 1
1
Thayu la Ambuya pa ŵarwani ŵawo
1Uchimi wakunena ndi Nineve. Buku la chiwona chaku Nahumu waku Elikoso.
2Ambuya ndi Chiuta wasanji ndi wakuwezge thayu, ndi wakukaripa,
Ambuya awezge thayu pa ŵakupindikana ŵawo,
ndipo aŵikiya ukari pa ŵarwani ŵawo.
3Ambuya mbachizita ku ukari ndi anthazi zikuru,
ndipo kuti Ambuya afwatuwenge ŵalakwi cha.
Nthowa yawo yemu kavuru-vuru ndi chimphunga,
mitambo ndi fuvu la marundi ghawo.
4Achenya nyanja ndi kuyikamuska,
aphwiska misinji yose;
Bashani ndi Karmele ŵafota,
luŵa laku Lebanoni nalo lifota.
5Mapiri ghasukunika paurongo pawo,
tumapiri tusongonoka;
charu chapasi chipasuka paurongo pawo,
charu ndi wose ŵakujamo.
6Ndiyani wangama paurongo pa ukari wawo?
Ndiyani waziŵa kukunthiyapo mu chifundizi cha ukari wawo?
Ukari wawo upungulika nge ndi moto,
ndi majalawi ghasweka ndi iwo.
7Ambuya mbamampha, linga lakukho mu zuŵa la suzgu,
atuŵaziŵa wo ŵabendama mwaku iwo.
8Kweni ndi kusapatiya kwa zandi
amalizgiyenge limu ŵakupindikana nawo, ndi kudikiskiya ŵarwani ŵawo ku mdima.
9Chifukwa nchine cho mumikiyana ndi Ambuya?
Amaliyenge limu;
kuti awezgiyenge thayu kaŵi cha pa ŵamawongo ŵawo.
10Nge ndi minga yakuhoma
ŵanyekenge, nge nchivwati chakumira.
11Kumbi kuti yumoza wangutuliya
mwaku imwe cha, yo wanguchita uheni kumikana ndi Ambuya, ndikupereka fundu yakupusika?
12Viyo atiti Ambuya,
“Chingana ŵangaŵa ŵanthazi
pamwenga ŵanandi, ŵakadumulikanga ndi ŵakamaranga.
Chingana ndamusuzgani, kuti ndimusuzgeninge so cha.
13Ndipo sono ndiswenge goŵa lake
lituweko kwako, ndi ndidumuwenge vimangilo vyako pakati.”
14Ambuya alangula ndi iwe:
“Kuti zina lako likarutiliyanga so cha;
mu nyumba ya ŵachiuta ŵako ndibwangandu wenge, ŵangoza ŵakusema ndi ŵangoza ŵakusongono.
Ndichitenge muunda wako chifukwa ungukazuzgika.”
15Wona, pa mapiri marundi ghaku yo watuza ndi uthenga wamampha,
yo wawandiska chimangu!
Sunga madghera ghako, Yuda,
fiska marapu ghako,
chifukwa wazenge so cha muheni kumikana nawe,
wamalizgike teteti.
Currently Selected:
Nahumu 1: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
