ŴaLevi 14
14
Kutozgeka kwa wamakhate
1Ambuya angunena ndi Mosese, 2“Ili ndi dangu la wamakhate pa zuŵa la kutozgeka kwake. Watolekiyenge ku mzukuru; 3ndipo mzukuru wakatuliyanga kubwalo kwa ugoŵi; wakapimanga wamakhate. Asani makhate ghamara mu wamakhate yo, 4mzukuru wakaŵalanguliyanga kumutole wamakhate yo wakutozgekanga viyuni viŵi vyamoyo vyambura kalema ndi chivwa cha muti wa mkunkhura, uzu uyera ndi husope; 5ndipo mzukuru wakaŵalanguliyanga kubaya chimoza cha viyuni mu chiyaŵi cha dongo pa maji ghakwenda. 6Wakatonga chiyuni cha moyo ndi chivwa cha muti wa mkunkhura ndi uzu uyera ndi husope, kuvibizga vyose mu ndopa za chiyuni chiya chikabayikiyanga pa maji ghakwenda; 7ndipo wakaziwazgiyanga paku yo watozgekenge ku makhate kankhonde ndi kaŵi; sono wakanenanga kuti watozgeka, ndipo wataye chiyuni chamoyo cho chiphururikiye ku dondo. 8Ndipo wakutozgeka yo wasuke saru zake, ndi kusenga sisi lake lose; ndi kusamba mu maji; ndipo wakatozgekanga; pavuli wasere, mu ugoŵi, kweni wakajanga kubwalo kwa hema lake mazuŵa ghankhonde ndi ghaŵi. 9Ndipo pa zuŵa la chinkhonde ndi chiŵi wamete sisi lose laku mutu wake. Wachape saru, ndi wasambe, ndipo wakatozgekanga.
10“Ndipo pa zuŵa la chinkhonde ndi chitatu wakatonga mberere ziŵi zinthurumi zambura kalema, mberere yinthukazi yimoza ya chirimika chimoza yambura kalema, ndi mpasku wa ufwa wachigaŵa cha chitatu cha vigaŵa chumi vya mwesu wa ufwa wamampha wakusazgika ndi mafuta ndi supa yimoza ya mafuta. 11Ndipo mzukuru yo watimutozga wakarongonga ku Ambuya munthu yo watenere kutozgeka pamoza ndi vinthu vyo, pakhomo la hema lakuwunganamo. 12Ndipo mzukuru wakatonga yimoza ya mberere zinthurumi kuyipereka kuŵa mpasku wapa kwananga pamoza ndi supa ya mafuta, ndi kuvizungung'a kuŵa mpasku wakuzungung'a paurongo pa Ambuya. 13Ndipo wakabayanga mberere yo mu malo mo ŵabayiya mpasku wapa ulakwi ndi mpasku wakocha, mu malo ghakupaturika; pakuti mpasku wa kwananga nge ndi mpasku wapa ulakwi, ngwamzukuru ngwakupaturika kwakuruska. 14Mzukuru wakatongapo ndopa zinyake za mpasku wapa kwananga wakaziŵikanga pa songo pa gutu laku marghe laku yo wakatozgekanga, ndi pa chikumbu chikuru cha janja lake laku marghe, ndi pa chikumbu chikuru cha rundi lake laku marghe. 15Mzukuru wakatonga mafuta ghanyake mu supa, kughadira mu janja la maze la mweneko, 16ndi kubizga munwe waku marghe mu mafuta gho ghe mu janja lake la maze, kughawazga ndi munwe wake kankhonde ndi kaŵi paurongo pa Ambuya. 17Ndipo ghanyake gha mafuta ghakujapo mu janja lake, mzukuru wakaghaŵikanga pa songo pa gutu laku marghe laku yo wakatozgekanga ndi pa chikumbu chikuru cha rundi lake laku marghe pachanya pa ndopa za mpasku wapa kwananga; 18ndipo mafuta ghose ghanyake gho ghe mu janja la mzukuru wakapakanga pa mutu paku yo wakatozgekanga. Ndipo mzukuru wakamuchitiyanga mphepeska paurongo pa Ambuya. 19Mzukuru wakaperekanga sembe yapa ulakwi kumuchitiya mphepeska yo wakatozgekanga ku munguzgu wake. Ndipo pavuli wakabayanga sembe yakocha; 20ndipo wakaperekanga sembe yakocha ndi sembe ya ufwa pa jochero. Viyo ndimu mzukuru wakamuchitiyanga mphepeska ndipo wakaphotorekanga.
21“Kweni asani ndi msauchi, ndipo kuti wangavipereka vyo vyose cha, iku wakatonga mberere yinthurumi yimoza ya sembe ya pa kwananga kwachiyizungung'a yakupepeske iyo ndi mweso umoza wa chichumi wa ufwa wamampha wakusazgako mafuta, kuŵa sembe ya ufwa, ndi supa ya mafuta, 22ndipo so tunjiŵa tuŵi pamwenga tuviunda tuŵi twa nkhunda, to wangaziŵa kutusaniya, kamoza kakaŵanga kasembe ya ulakwi, kanyake kakaŵanga ka sembe yakocha. 23Ndipo pa zuŵa la chinkhonde ndi chitatu wakazanga navyo ku mzukuru ku khomo la hema lakuwunganamo, paurongo pa Ambuya, kuti watozgeke. 24Sono mzukuru wakatonga mberere yo ya sembe ya pa kwananga, ndi supa ya mafuta. Ndipo mzukuru wakavizungung'anga kuŵa sembe yakuzungung'a paurongo pa Ambuya. 25Ndipo wakabayanga mberere yo ya sembe ya pakwananga, wakatongapo ndopa zinyake za sembe ya kwananga kuziŵika pa songo pa gutu la marghe laku yo wakatozgekanga, ndi pa chikumbu chikuru cha janja lake laku marghe, ndi chikumbu chikuru cha rundi lake laku marghe. 26Ndipo mzukuru wakadiranga mafuta ghanyake mu janja lake laku maze; 27ndipo wakawazganga ndi munwe wake waku marghe mafuta ghanyake gho ghe mu janja lake laku maze kankhonde ndi kaŵi paurongo pa Ambuya; 28wakaŵikanga mafuta ghanyake gho ghe mu janja laku marghe pa songo pa gutu laku marghe la wakutozgeka yo, ndi pa chikumbu chikuru cha janja lake laku marghe, ndi chikumbu chikuru cha rundi lake laku marghe, pa malo gho ndopa za sembe ya kwananga zinguŵikika. 29Mafuta ghose gho ghe mu janja la mzukuru wakapakanga pa mutu paku yo wakaphotorekanga, kumupepeske paurongo pa Ambuya. 30Iyo wakaperekanga tunjiŵa to tuŵi pamwenga tuviunda twa nkhunda to wangaziŵa kutusaniya, 31kamoza pa sembe yapa ulakwi ndi kanyake pa sembe yakocha, pamoza ndi sembe ya ufwa; mzukuru wakamupepeskiyanga paurongo pa Ambuya yo wakatozgekanga. 32Ili ndi dangu lapa munthu wa nthenda ya makhate, yo wangatondeka kusaniya sembe zapa kutozgeka kwake.”
33Ambuya anguti kwaku Mosese ndi Aroni. 34“Po mwamufika mu charu cha Kanani cho ndakupaskani kuŵa chinu, ndipo ine ndiŵika nthenda ya makhate mu nyumba mu charu cho nchinu, 35sono mweneko wa nyumba wakazanga kuzachinene mzukuru kuti muwoneka nthenda mu nyumba yangu. 36Sono mzukuru wakalangulanga kuti watuzgemo vinthu vyose mu nyumba, wenga wandarute mzukuru kwachiwona nthenda yo, kopa kuti vinu vyose vya mu nyumba vingasanirika kuŵa vyamunguzgu; pavuli mzukuru warute mu nyumba kwachiyiwona. 37Wakawonanga nthenda yo; asani nthenda ye mu chiliŵa cha nyumba yo, mu kawonekedu ka vitanga vya manimani, pamwenga viyera, ndipo yiwoneka kuti yasere mpaka mukati, 38po ndipo mzukuru watuliye kubwalo, warute ku khomo la nyumba wajare nyumba yo kwa mazuŵa ghankhonde ndi ghaŵi. 39Ndipo mzukuru wazi so pa zuŵa la chinkhonde ndi chiŵi, wazilereske; asani nthenda yathaza mu chimati cha nyumba yo, 40mzukuru wakalangulanga kuti watuzgemo mya mwaku yo mwe nthenda yo, ndi kuyitaya mu malo ghambura kutozgeka kubwalo kwa muzi. 41Ndipo wakaŵachiskanga kuti ŵaparapate mose mukati mwa nyumba yo dongo lo ŵaparapata ŵakadire mu malo ghambura kutozgeka kubwalo kwa msumba; 42sono wakatonga mya yinyake kuyiŵika mu malo gha mya yo ŵatuzgamo, ŵato dongo linyake ndi kukuluŵa nyumba yo.
43“Asani nthenda yibuka mu nyumba yo, pavuli pakutuzgamo mya ndi kuparapata ndi kuyikuluŵa so, 44mzukuru wakarutanga kwachiyiwona; asani nthenda yo yathaza mu nyumba, mbwenu njakunguzgika. 45Ndipo wakabwanganduliyanga pasi nyumba yo, mya yake ndi mathabwa ndi dongo lose lo wakukuluŵiya; wakavitayanga kubwalo kwa msumba ku malo ghambura kutozgeka. 46Ndipo so yo waserenge mu nyumba yo po yajarika, wakaŵanga wakunguzgika mpaka mazulo; 47yo wakalanga pasi mu nyumba yo wakachapanga saru zake, ndipo wakarghiyangamo kurgha mu nyumba yo wakachapanga saru zake.
48“Kweni asani mzukuru waza ndipo wapima ndi wasaniya kuti nthenda yilivi kuthaza mu nyumba yo pavuli yati yakuluŵika, sono mzukuru wakanenenga kuti nyumba njakutozgeka; pakuti nthenda yamara. 49Ndipo pakuyitozga nyumba yo wakatonga tuyuni tumanatumana tuŵi ndi chivwa cha muti wa mkunkhura ndi uzu uyera ndi husope, 50ndipo wakabayiyanga kamoza kaku to mu chiyaŵi cha dongo pachanya pa maji ghakwenda; 51ndipo wakatonga chivwa cha muti wa mlanje, ndi husope ndi uzu uyera pamoza ndi kayuni kamoyo kondi kuvibizga mu ndopa za kayuni kakubayika ndi mu maji ghakwenda, ndi kuwazgiya nyumba yo kankhonde ndi kaŵi. 52Viyo ndimu wakatozgiyanga nyumba yo ndi ndopa za kayuni, ndi maji ghakwenda, ndi kayuni kamoyo ndi chivwa cha muti wa mlanje ndi husope ndi uzu uyera; 53ndipo wakaphururiskiyanga kayuni kamoyo kubwalo kwa msumba kuti karutenge; viyo ndimu wakapepeskiyanga nyumba yo ndipo yikaŵanga yakutozgeka.”
54Ili ndi dangu lapa nthenda ya makhate; lapa vitupatupa, 55lapa makhate gha mu chakuvwara pamwenga mu nyumba, 56ndi lapa chitufya, pamwenga chakuphumuka, pamwenga chiŵawo, 57kurongo po nchakunguzgika ndi penipo nchakutozgeka. Dangu lapa makhate ndenili.
Currently Selected:
ŴaLevi 14: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
ŴaLevi 14
14
Kutozgeka kwa wamakhate
1Ambuya angunena ndi Mosese, 2“Ili ndi dangu la wamakhate pa zuŵa la kutozgeka kwake. Watolekiyenge ku mzukuru; 3ndipo mzukuru wakatuliyanga kubwalo kwa ugoŵi; wakapimanga wamakhate. Asani makhate ghamara mu wamakhate yo, 4mzukuru wakaŵalanguliyanga kumutole wamakhate yo wakutozgekanga viyuni viŵi vyamoyo vyambura kalema ndi chivwa cha muti wa mkunkhura, uzu uyera ndi husope; 5ndipo mzukuru wakaŵalanguliyanga kubaya chimoza cha viyuni mu chiyaŵi cha dongo pa maji ghakwenda. 6Wakatonga chiyuni cha moyo ndi chivwa cha muti wa mkunkhura ndi uzu uyera ndi husope, kuvibizga vyose mu ndopa za chiyuni chiya chikabayikiyanga pa maji ghakwenda; 7ndipo wakaziwazgiyanga paku yo watozgekenge ku makhate kankhonde ndi kaŵi; sono wakanenanga kuti watozgeka, ndipo wataye chiyuni chamoyo cho chiphururikiye ku dondo. 8Ndipo wakutozgeka yo wasuke saru zake, ndi kusenga sisi lake lose; ndi kusamba mu maji; ndipo wakatozgekanga; pavuli wasere, mu ugoŵi, kweni wakajanga kubwalo kwa hema lake mazuŵa ghankhonde ndi ghaŵi. 9Ndipo pa zuŵa la chinkhonde ndi chiŵi wamete sisi lose laku mutu wake. Wachape saru, ndi wasambe, ndipo wakatozgekanga.
10“Ndipo pa zuŵa la chinkhonde ndi chitatu wakatonga mberere ziŵi zinthurumi zambura kalema, mberere yinthukazi yimoza ya chirimika chimoza yambura kalema, ndi mpasku wa ufwa wachigaŵa cha chitatu cha vigaŵa chumi vya mwesu wa ufwa wamampha wakusazgika ndi mafuta ndi supa yimoza ya mafuta. 11Ndipo mzukuru yo watimutozga wakarongonga ku Ambuya munthu yo watenere kutozgeka pamoza ndi vinthu vyo, pakhomo la hema lakuwunganamo. 12Ndipo mzukuru wakatonga yimoza ya mberere zinthurumi kuyipereka kuŵa mpasku wapa kwananga pamoza ndi supa ya mafuta, ndi kuvizungung'a kuŵa mpasku wakuzungung'a paurongo pa Ambuya. 13Ndipo wakabayanga mberere yo mu malo mo ŵabayiya mpasku wapa ulakwi ndi mpasku wakocha, mu malo ghakupaturika; pakuti mpasku wa kwananga nge ndi mpasku wapa ulakwi, ngwamzukuru ngwakupaturika kwakuruska. 14Mzukuru wakatongapo ndopa zinyake za mpasku wapa kwananga wakaziŵikanga pa songo pa gutu laku marghe laku yo wakatozgekanga, ndi pa chikumbu chikuru cha janja lake laku marghe, ndi pa chikumbu chikuru cha rundi lake laku marghe. 15Mzukuru wakatonga mafuta ghanyake mu supa, kughadira mu janja la maze la mweneko, 16ndi kubizga munwe waku marghe mu mafuta gho ghe mu janja lake la maze, kughawazga ndi munwe wake kankhonde ndi kaŵi paurongo pa Ambuya. 17Ndipo ghanyake gha mafuta ghakujapo mu janja lake, mzukuru wakaghaŵikanga pa songo pa gutu laku marghe laku yo wakatozgekanga ndi pa chikumbu chikuru cha rundi lake laku marghe pachanya pa ndopa za mpasku wapa kwananga; 18ndipo mafuta ghose ghanyake gho ghe mu janja la mzukuru wakapakanga pa mutu paku yo wakatozgekanga. Ndipo mzukuru wakamuchitiyanga mphepeska paurongo pa Ambuya. 19Mzukuru wakaperekanga sembe yapa ulakwi kumuchitiya mphepeska yo wakatozgekanga ku munguzgu wake. Ndipo pavuli wakabayanga sembe yakocha; 20ndipo wakaperekanga sembe yakocha ndi sembe ya ufwa pa jochero. Viyo ndimu mzukuru wakamuchitiyanga mphepeska ndipo wakaphotorekanga.
21“Kweni asani ndi msauchi, ndipo kuti wangavipereka vyo vyose cha, iku wakatonga mberere yinthurumi yimoza ya sembe ya pa kwananga kwachiyizungung'a yakupepeske iyo ndi mweso umoza wa chichumi wa ufwa wamampha wakusazgako mafuta, kuŵa sembe ya ufwa, ndi supa ya mafuta, 22ndipo so tunjiŵa tuŵi pamwenga tuviunda tuŵi twa nkhunda, to wangaziŵa kutusaniya, kamoza kakaŵanga kasembe ya ulakwi, kanyake kakaŵanga ka sembe yakocha. 23Ndipo pa zuŵa la chinkhonde ndi chitatu wakazanga navyo ku mzukuru ku khomo la hema lakuwunganamo, paurongo pa Ambuya, kuti watozgeke. 24Sono mzukuru wakatonga mberere yo ya sembe ya pa kwananga, ndi supa ya mafuta. Ndipo mzukuru wakavizungung'anga kuŵa sembe yakuzungung'a paurongo pa Ambuya. 25Ndipo wakabayanga mberere yo ya sembe ya pakwananga, wakatongapo ndopa zinyake za sembe ya kwananga kuziŵika pa songo pa gutu la marghe laku yo wakatozgekanga, ndi pa chikumbu chikuru cha janja lake laku marghe, ndi chikumbu chikuru cha rundi lake laku marghe. 26Ndipo mzukuru wakadiranga mafuta ghanyake mu janja lake laku maze; 27ndipo wakawazganga ndi munwe wake waku marghe mafuta ghanyake gho ghe mu janja lake laku maze kankhonde ndi kaŵi paurongo pa Ambuya; 28wakaŵikanga mafuta ghanyake gho ghe mu janja laku marghe pa songo pa gutu laku marghe la wakutozgeka yo, ndi pa chikumbu chikuru cha janja lake laku marghe, ndi chikumbu chikuru cha rundi lake laku marghe, pa malo gho ndopa za sembe ya kwananga zinguŵikika. 29Mafuta ghose gho ghe mu janja la mzukuru wakapakanga pa mutu paku yo wakaphotorekanga, kumupepeske paurongo pa Ambuya. 30Iyo wakaperekanga tunjiŵa to tuŵi pamwenga tuviunda twa nkhunda to wangaziŵa kutusaniya, 31kamoza pa sembe yapa ulakwi ndi kanyake pa sembe yakocha, pamoza ndi sembe ya ufwa; mzukuru wakamupepeskiyanga paurongo pa Ambuya yo wakatozgekanga. 32Ili ndi dangu lapa munthu wa nthenda ya makhate, yo wangatondeka kusaniya sembe zapa kutozgeka kwake.”
33Ambuya anguti kwaku Mosese ndi Aroni. 34“Po mwamufika mu charu cha Kanani cho ndakupaskani kuŵa chinu, ndipo ine ndiŵika nthenda ya makhate mu nyumba mu charu cho nchinu, 35sono mweneko wa nyumba wakazanga kuzachinene mzukuru kuti muwoneka nthenda mu nyumba yangu. 36Sono mzukuru wakalangulanga kuti watuzgemo vinthu vyose mu nyumba, wenga wandarute mzukuru kwachiwona nthenda yo, kopa kuti vinu vyose vya mu nyumba vingasanirika kuŵa vyamunguzgu; pavuli mzukuru warute mu nyumba kwachiyiwona. 37Wakawonanga nthenda yo; asani nthenda ye mu chiliŵa cha nyumba yo, mu kawonekedu ka vitanga vya manimani, pamwenga viyera, ndipo yiwoneka kuti yasere mpaka mukati, 38po ndipo mzukuru watuliye kubwalo, warute ku khomo la nyumba wajare nyumba yo kwa mazuŵa ghankhonde ndi ghaŵi. 39Ndipo mzukuru wazi so pa zuŵa la chinkhonde ndi chiŵi, wazilereske; asani nthenda yathaza mu chimati cha nyumba yo, 40mzukuru wakalangulanga kuti watuzgemo mya mwaku yo mwe nthenda yo, ndi kuyitaya mu malo ghambura kutozgeka kubwalo kwa muzi. 41Ndipo wakaŵachiskanga kuti ŵaparapate mose mukati mwa nyumba yo dongo lo ŵaparapata ŵakadire mu malo ghambura kutozgeka kubwalo kwa msumba; 42sono wakatonga mya yinyake kuyiŵika mu malo gha mya yo ŵatuzgamo, ŵato dongo linyake ndi kukuluŵa nyumba yo.
43“Asani nthenda yibuka mu nyumba yo, pavuli pakutuzgamo mya ndi kuparapata ndi kuyikuluŵa so, 44mzukuru wakarutanga kwachiyiwona; asani nthenda yo yathaza mu nyumba, mbwenu njakunguzgika. 45Ndipo wakabwanganduliyanga pasi nyumba yo, mya yake ndi mathabwa ndi dongo lose lo wakukuluŵiya; wakavitayanga kubwalo kwa msumba ku malo ghambura kutozgeka. 46Ndipo so yo waserenge mu nyumba yo po yajarika, wakaŵanga wakunguzgika mpaka mazulo; 47yo wakalanga pasi mu nyumba yo wakachapanga saru zake, ndipo wakarghiyangamo kurgha mu nyumba yo wakachapanga saru zake.
48“Kweni asani mzukuru waza ndipo wapima ndi wasaniya kuti nthenda yilivi kuthaza mu nyumba yo pavuli yati yakuluŵika, sono mzukuru wakanenenga kuti nyumba njakutozgeka; pakuti nthenda yamara. 49Ndipo pakuyitozga nyumba yo wakatonga tuyuni tumanatumana tuŵi ndi chivwa cha muti wa mkunkhura ndi uzu uyera ndi husope, 50ndipo wakabayiyanga kamoza kaku to mu chiyaŵi cha dongo pachanya pa maji ghakwenda; 51ndipo wakatonga chivwa cha muti wa mlanje, ndi husope ndi uzu uyera pamoza ndi kayuni kamoyo kondi kuvibizga mu ndopa za kayuni kakubayika ndi mu maji ghakwenda, ndi kuwazgiya nyumba yo kankhonde ndi kaŵi. 52Viyo ndimu wakatozgiyanga nyumba yo ndi ndopa za kayuni, ndi maji ghakwenda, ndi kayuni kamoyo ndi chivwa cha muti wa mlanje ndi husope ndi uzu uyera; 53ndipo wakaphururiskiyanga kayuni kamoyo kubwalo kwa msumba kuti karutenge; viyo ndimu wakapepeskiyanga nyumba yo ndipo yikaŵanga yakutozgeka.”
54Ili ndi dangu lapa nthenda ya makhate; lapa vitupatupa, 55lapa makhate gha mu chakuvwara pamwenga mu nyumba, 56ndi lapa chitufya, pamwenga chakuphumuka, pamwenga chiŵawo, 57kurongo po nchakunguzgika ndi penipo nchakutozgeka. Dangu lapa makhate ndenili.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi