ŴaLevi 10
10
Dangu la pakurgha vinthu vyakupaturika
1Sono Nadabu ndi Abihu ŵana ŵaku Aroni, we yose wanguto zinga lake, wanguŵikapo moto ndikuŵikapo vyachema; ndi ŵangupereka moto wa waka paurongo pa Ambuya weniwo ŵengavi kuŵalanguliya. 2Ndipo moto unyake unguza kutuliya ku Ambuya ndi unguŵamara, ŵangufwa paurongo pa Ambuya. 3Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.
4Ndipo Mosese wangudana Mishaele ndi Elezafana ŵana ŵaku Uziele msibweni waku Aroni, ndi wanguti kwaku wo, “Ndereni kufupi, ŵanyamuliyeni ŵasiŵani ŵinu kubwalo kwa ugoŵi ŵatuzgeni mu malo ghakupaturika.” 5Viyo ŵangundere kufupi ndi wanguŵanyamuliya mu maraya ghawo kubwalo kwa ugoŵi, uli ndimo Mosese wangukambiya. 6Mosese wanguti kwaku Aroni ndi Eleazara ndi Itamara ŵana ŵake, “Mungafwatuwanga sisi la mitu yinu cha, ndipo mungaparuwanga saru zinu cha, vinu mungafwa, ndi vinu ukari ungaza pa mpingu wose; kweni ŵana ŵanyinu, wose ŵamu nyumba yaku Yisraele, ŵatenjere pa moto wo Ambuya akozga. 7Ndipo mungatuwanga cha pa khomo la hema lakuwunganamo, vinu mungafwa; pakuti paku imwe pe mafuta ghakupaka kwa Ambuya.” Ndipo ŵanguchita uli ndimo Mosese wanguŵanene.
8Ambuya angurongoro ndi Aroni kuti, 9“Ungamwanga vinyo pamwenga chakuloŵereska cha, iwe chingana mbana ŵako pamoza nawe, muchiruta mu hema lakuwunganamo, vinu mungafwa; likaŵanga langulu muyaya mu migonezi yinu yose. 10Mupatuwenge pakati pa vinthu vyakupaturika ndi vyambura kupaturika, ndi pakati pa vyamunguzgu ndi vyakutozgeka. 11Ndipo mukasambizganga ŵaYisraele malamulu ghose gho Ambuya akukamba kwaku wo mwaku Mosese.”
12Mosese wangunena ndi Aroni, Eleazara, ndi Itamara, ŵana ŵake wo ŵangujapo, “Toni mpasku wa ufwa wo wajoko wakuperekeka wapa moto ku Ambuya, ndi muwurghe wambura mtupu pafupi ndi jochero, chifukwa ngwakupaturika. 13Mukawurghiyanga mu malo ghakupaturika chifukwa ndi phande lako ndi la ŵana ŵako, kutuliya ku mpasku wakuperekeka wapa moto ku Ambuya pakuti viyo ndimo ndingulangulikiya. 14Kweni nganga yo yazungung'ika ndi chigha cho chaperekeka mukarghiyanga mu malo ghe ghose ghakutozgeka, imwe pamoza ndi ŵana ŵinu ŵanthurumi ndi ŵana ŵinu ŵanthukazi pamoza namwe. Pakuti vyo vyapaskika kuŵa phande linu, ndi phande la ŵana ŵinu, kutuwa ku mipasku ya vyakupereka vya chimangu vya ŵaYisraele. 15Chigha cho chaperekeka ndi nganga yo yazungung'ika ŵakazanga navyo pamoza ndi mafuta gha vyakupereka vya pa moto kuŵa mpasku wakuzungung'a paurongo pa Ambuya, ndipo ukaŵanga wako, ndi ŵana ŵako pamoza nawe kuŵa phande linu muyaya; uli ndimo Ambuya alanguliya.”
16Sono Mosese wangufumba kwarwana ghapa mbuzi ya mpasku wapa ulakwi, ndipo ehe, yingocheka! Ndipo wangukaripa ukongwa Eleazara ndi Itamara ŵana ŵaku Aroni wo ŵangujapo, kuti, 17“Chifukwa chine mulivi kurghiya mpasku wapa ulakwi mu malo ghakupaturika pakuwona kuti nchinthu chakupaturika ukongwa, ndipo chikupaskika kwaku imwe alinga kuti munyamuwe ulakwi wa mpingu, kuchitiya mphepeska paku wo paurongo pa Ambuya? 18Awonani, ndopa zake kuti zingutoreke mukati mu malo ghakupaturika cha. Kwakuneneska mungwenere kurgha iyi mu malo ghakupaturika, uli ndimo ndingulanguliya.”
19Ndipo Aroni wanguti kwaku Mosese, “Ehe, msana wale ŵapereka mpasku wawo wapa ulakwi ndi mpasku wakocha paurongo pa Ambuya; kweni ndipuuli ndiwona vinthu vyakuŵa nge ndi ivi vyandiwiya Ine! Asani ndingurgha mpasku wapa ulakwi msana wale, kumbi chatinge chiŵenge chamarondeka mu maso gha Ambuya?” 20Ndipo po Mosese wanguvwa ichi, wangukhorwa.
Currently Selected:
ŴaLevi 10: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
ŴaLevi 10
10
Dangu la pakurgha vinthu vyakupaturika
1Sono Nadabu ndi Abihu ŵana ŵaku Aroni, we yose wanguto zinga lake, wanguŵikapo moto ndikuŵikapo vyachema; ndi ŵangupereka moto wa waka paurongo pa Ambuya weniwo ŵengavi kuŵalanguliya. 2Ndipo moto unyake unguza kutuliya ku Ambuya ndi unguŵamara, ŵangufwa paurongo pa Ambuya. 3Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.
4Ndipo Mosese wangudana Mishaele ndi Elezafana ŵana ŵaku Uziele msibweni waku Aroni, ndi wanguti kwaku wo, “Ndereni kufupi, ŵanyamuliyeni ŵasiŵani ŵinu kubwalo kwa ugoŵi ŵatuzgeni mu malo ghakupaturika.” 5Viyo ŵangundere kufupi ndi wanguŵanyamuliya mu maraya ghawo kubwalo kwa ugoŵi, uli ndimo Mosese wangukambiya. 6Mosese wanguti kwaku Aroni ndi Eleazara ndi Itamara ŵana ŵake, “Mungafwatuwanga sisi la mitu yinu cha, ndipo mungaparuwanga saru zinu cha, vinu mungafwa, ndi vinu ukari ungaza pa mpingu wose; kweni ŵana ŵanyinu, wose ŵamu nyumba yaku Yisraele, ŵatenjere pa moto wo Ambuya akozga. 7Ndipo mungatuwanga cha pa khomo la hema lakuwunganamo, vinu mungafwa; pakuti paku imwe pe mafuta ghakupaka kwa Ambuya.” Ndipo ŵanguchita uli ndimo Mosese wanguŵanene.
8Ambuya angurongoro ndi Aroni kuti, 9“Ungamwanga vinyo pamwenga chakuloŵereska cha, iwe chingana mbana ŵako pamoza nawe, muchiruta mu hema lakuwunganamo, vinu mungafwa; likaŵanga langulu muyaya mu migonezi yinu yose. 10Mupatuwenge pakati pa vinthu vyakupaturika ndi vyambura kupaturika, ndi pakati pa vyamunguzgu ndi vyakutozgeka. 11Ndipo mukasambizganga ŵaYisraele malamulu ghose gho Ambuya akukamba kwaku wo mwaku Mosese.”
12Mosese wangunena ndi Aroni, Eleazara, ndi Itamara, ŵana ŵake wo ŵangujapo, “Toni mpasku wa ufwa wo wajoko wakuperekeka wapa moto ku Ambuya, ndi muwurghe wambura mtupu pafupi ndi jochero, chifukwa ngwakupaturika. 13Mukawurghiyanga mu malo ghakupaturika chifukwa ndi phande lako ndi la ŵana ŵako, kutuliya ku mpasku wakuperekeka wapa moto ku Ambuya pakuti viyo ndimo ndingulangulikiya. 14Kweni nganga yo yazungung'ika ndi chigha cho chaperekeka mukarghiyanga mu malo ghe ghose ghakutozgeka, imwe pamoza ndi ŵana ŵinu ŵanthurumi ndi ŵana ŵinu ŵanthukazi pamoza namwe. Pakuti vyo vyapaskika kuŵa phande linu, ndi phande la ŵana ŵinu, kutuwa ku mipasku ya vyakupereka vya chimangu vya ŵaYisraele. 15Chigha cho chaperekeka ndi nganga yo yazungung'ika ŵakazanga navyo pamoza ndi mafuta gha vyakupereka vya pa moto kuŵa mpasku wakuzungung'a paurongo pa Ambuya, ndipo ukaŵanga wako, ndi ŵana ŵako pamoza nawe kuŵa phande linu muyaya; uli ndimo Ambuya alanguliya.”
16Sono Mosese wangufumba kwarwana ghapa mbuzi ya mpasku wapa ulakwi, ndipo ehe, yingocheka! Ndipo wangukaripa ukongwa Eleazara ndi Itamara ŵana ŵaku Aroni wo ŵangujapo, kuti, 17“Chifukwa chine mulivi kurghiya mpasku wapa ulakwi mu malo ghakupaturika pakuwona kuti nchinthu chakupaturika ukongwa, ndipo chikupaskika kwaku imwe alinga kuti munyamuwe ulakwi wa mpingu, kuchitiya mphepeska paku wo paurongo pa Ambuya? 18Awonani, ndopa zake kuti zingutoreke mukati mu malo ghakupaturika cha. Kwakuneneska mungwenere kurgha iyi mu malo ghakupaturika, uli ndimo ndingulanguliya.”
19Ndipo Aroni wanguti kwaku Mosese, “Ehe, msana wale ŵapereka mpasku wawo wapa ulakwi ndi mpasku wakocha paurongo pa Ambuya; kweni ndipuuli ndiwona vinthu vyakuŵa nge ndi ivi vyandiwiya Ine! Asani ndingurgha mpasku wapa ulakwi msana wale, kumbi chatinge chiŵenge chamarondeka mu maso gha Ambuya?” 20Ndipo po Mosese wanguvwa ichi, wangukhorwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi