Chitenje 3
3
Yeremiya wafipa mtima watijipereka ku Ambuya
1Ine nde munthu yo wawona suzgu
pasi pa ndodo yakukara kwake;
2wandidikiska ndi wanditore mu mdima
mwambura ukweru we wose,
3kwakuneska wang'anamuliyapo janja lake
paku ine zuŵa lose pwa.
4Wagugiska nyama yangu ndi khungu langu,
viwanga vyangu waphwanya;
5wandizinga ndi wandikulunga ndi kuŵaŵa ndi suzgu;
6wandiŵika kuja mu mdima
nge ngwakufwa wa mwaka.
7Wandizingiya mu chimati mwakuti nditondeke kuthaŵa;
wandimanga ndi maunyolo ghazitu;
8nanga ndidana kubongole chovyo,
wajariya kubwalo rombu langu;
9wajara nthowa zangu ndi mya yakusema,
wagombeteska nthowa zangu.
10Wandiŵiya chikoko chakukhazga
uli ndi nkharamu yakubisama;
11wangundipatuska munthowa ndi kundiparuwa
tumana-tumana; wandipasuwa;
12watweŵa uta wake ndi kundimika
nge nchendamale cha muvwi wake.
13Wanguserezga mu mtima wangu
mivwi ya phodu lake,
14ndaŵa chisembwere chakusekeka ku ŵanthu wose,
ndaŵa sumu yawo zuŵa lose.
15Wandizaza ndi vyakuŵaŵa
wandigutiska vya nkhanya.
16Minyu ghangu waghakukutiska muchenga,
wandiweska mu vyoto.
17Mzimu wangu wauravi chimangu,
ndaruwa kuti kukondwa kwe uli;
18viyo ndititi, “Unkhankhu wanguwaruta;
ndi chigomezgu changu ku Ambuya.”
19Kumbukani suzgu yangu ndikuŵaŵa kwangu,
vyankhanya ndi nduru!
20Mzimu wangu kaŵikaŵi ughanaghana ichi
ndipo utomboloka mukati mwangu.
21Kweni ku mtima ndikumbuka ichi;
chifukwa cho ndendi chigomezgu.
22Chifundu cha Ambuya kuti chimera cha,
malisungu ghawo kuti ghagota cha;
23ngafya mlenji we wose;
ukongolekwa winu ngukuru mbwenu.
24Mtima wangu utiti, “Ambuya nchigaŵa changu,
chifukwa cho ndigomekezgenge mwaku iwo.”
25Ambuya mbamampha kwaku wo atuŵalindizga,
ku mzimu weniwo utuŵapenja.
26Nkhwamampha kuti munthu walindizgenge
utaski wa Ambuya, chisisi.
27Nkhwamampha kuti munthu wanyamuwenge goli
mu unyamata wake.
28Wajenge chisisi paku yija
penipo waliŵika paku iyo;
29waŵike mlomo wake mu fuvu,
vinu kungaŵa kweche chigomezgu;
30wang'anamukiye dakama lake ku wakumupuma,
ndi wazazike ndi kunyozeka.
31Pakuti Ambuya kuti
akamutayiyanga limu cha;
32chingana angapaska chitima,
akaŵanga ndi lisungu,
kwakuyana ndi uzari wa chifundu cha wo;
33chifukwa kuti ankhumba kusuzga
pamwenga kukalariska ŵana ŵa ŵanthu cha.
34Ambuya kuti azomerezga chakukandirizga pasi rundi,
ŵamagoŵa ŵa charu chapasi,
35kutimbanizga cheruzgu cha munthu
mu maso gha Wapachanya Limu,
36kunyongolo mlando wa munthu,
Ambuya kuti azomerezga cha.
37Njani wakulangula ndipo chikuchitika,
kwambura kuti Ambuya alangula?
38Kumbi kuti nkhu mlomo wa Wapachanya Limu cha;
ko kutuwa chamampha ndi chiheni?
39Wadandauliyanje munthu wamoyo,
pa chilangu cha mphurupuru zake?
40Tiyeni tese ndi tiziwone nthowa zidu,
ndipo tiwere ku Ambuya!
41Tiyeni tiyunuskiye mitima ndi manja ghidu
kwaku Chiuta kuchanya:
42“Talengeska ndi tagaruka,
kweni mulivi kugowoke.
43“Mwajikulunga ndi kukara ndi mwatindondoloska,
mwabaya kwambura lisungu.
44Mwajikulunga ndi mtambo,
viyo kuti palivi rombu lo lingaporota.
45Mwatisanduska viswaswa ndichoto
mukati mu ŵanthu.
46“Ŵarwani ŵidu wose ŵatitiwera,
47mantha ndi zimbuna zakuwamo vyaza paku ifwe,
phasulu ndi kwanangika;
48maso ghangu ghapopoma masozi
chifukwa chakupasuka kwa ŵanthu ŵangu.
49“Maso ghangu ghakapopomanga,
kwambura kureka,
50mpaka Ambuya alereske pasi kutuwa kuchanya ndi awone,
51maso ghangu ghatindichitiska chitima pa soka
la ŵamwali wose ŵamu msumba wangu.
52“Ndaŵingika ulaka nkhayuni
ndi wakupindikana nane kwambura kafukwa;
53wangundipong'a mu zenje wamoyo
ndipo wangundipong'a mya;
54maji ghabizga mutu wangu,
ndinguti, ‘Ndatayika.’
55“Ndingudana pa zina linu, Ambuya,
nde pasi mu zenji;
56mwavwa kuŵeyere kwangu, ‘Mungajaranga
gutu linu cha ku kukuta kwangu chifukwa cha chovyo!’
57Mungundere kufupi zuŵa lo ndingumudaniyani,
munguti, ‘Ungawopanga cha!’
58“Mwandimiriya mlando wangu, Ambuya,
mwawombo umoyo wangu.
59Mwawona uheni wo wachitika kwaku ine, Ambuya;
Yeruzgani mlando wangu.
60Mwaziwona nduzga zawo zose,
ndi kundiyukiya kwawo kose.
61“Mwavwa kuwoya kwawo, Ambuya,
ndi kundiyukiya kwawo kose.
62Milomo ndi maghanaghano ghakuwo ŵatindiyukiya
vimikana nane zuŵa lose.
63Wonani kuja kwawo ndi kuyuka kwawo;
ŵatindimba mu sumu zawo.
64“Muŵawezge iwo, Ambuya,
kwakuyana ndi nchitu ya manja ghawo.
65Muŵapaske kupusa kwamu mtima,
thembo linu liŵe paku iwo.
66Muŵarondo ndi kuŵaparghang'a ndi ukari
kutuwa kuchanya kwinu, Ambuya.”
Currently Selected:
Chitenje 3: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
Chitenje 3
3
Yeremiya wafipa mtima watijipereka ku Ambuya
1Ine nde munthu yo wawona suzgu
pasi pa ndodo yakukara kwake;
2wandidikiska ndi wanditore mu mdima
mwambura ukweru we wose,
3kwakuneska wang'anamuliyapo janja lake
paku ine zuŵa lose pwa.
4Wagugiska nyama yangu ndi khungu langu,
viwanga vyangu waphwanya;
5wandizinga ndi wandikulunga ndi kuŵaŵa ndi suzgu;
6wandiŵika kuja mu mdima
nge ngwakufwa wa mwaka.
7Wandizingiya mu chimati mwakuti nditondeke kuthaŵa;
wandimanga ndi maunyolo ghazitu;
8nanga ndidana kubongole chovyo,
wajariya kubwalo rombu langu;
9wajara nthowa zangu ndi mya yakusema,
wagombeteska nthowa zangu.
10Wandiŵiya chikoko chakukhazga
uli ndi nkharamu yakubisama;
11wangundipatuska munthowa ndi kundiparuwa
tumana-tumana; wandipasuwa;
12watweŵa uta wake ndi kundimika
nge nchendamale cha muvwi wake.
13Wanguserezga mu mtima wangu
mivwi ya phodu lake,
14ndaŵa chisembwere chakusekeka ku ŵanthu wose,
ndaŵa sumu yawo zuŵa lose.
15Wandizaza ndi vyakuŵaŵa
wandigutiska vya nkhanya.
16Minyu ghangu waghakukutiska muchenga,
wandiweska mu vyoto.
17Mzimu wangu wauravi chimangu,
ndaruwa kuti kukondwa kwe uli;
18viyo ndititi, “Unkhankhu wanguwaruta;
ndi chigomezgu changu ku Ambuya.”
19Kumbukani suzgu yangu ndikuŵaŵa kwangu,
vyankhanya ndi nduru!
20Mzimu wangu kaŵikaŵi ughanaghana ichi
ndipo utomboloka mukati mwangu.
21Kweni ku mtima ndikumbuka ichi;
chifukwa cho ndendi chigomezgu.
22Chifundu cha Ambuya kuti chimera cha,
malisungu ghawo kuti ghagota cha;
23ngafya mlenji we wose;
ukongolekwa winu ngukuru mbwenu.
24Mtima wangu utiti, “Ambuya nchigaŵa changu,
chifukwa cho ndigomekezgenge mwaku iwo.”
25Ambuya mbamampha kwaku wo atuŵalindizga,
ku mzimu weniwo utuŵapenja.
26Nkhwamampha kuti munthu walindizgenge
utaski wa Ambuya, chisisi.
27Nkhwamampha kuti munthu wanyamuwenge goli
mu unyamata wake.
28Wajenge chisisi paku yija
penipo waliŵika paku iyo;
29waŵike mlomo wake mu fuvu,
vinu kungaŵa kweche chigomezgu;
30wang'anamukiye dakama lake ku wakumupuma,
ndi wazazike ndi kunyozeka.
31Pakuti Ambuya kuti
akamutayiyanga limu cha;
32chingana angapaska chitima,
akaŵanga ndi lisungu,
kwakuyana ndi uzari wa chifundu cha wo;
33chifukwa kuti ankhumba kusuzga
pamwenga kukalariska ŵana ŵa ŵanthu cha.
34Ambuya kuti azomerezga chakukandirizga pasi rundi,
ŵamagoŵa ŵa charu chapasi,
35kutimbanizga cheruzgu cha munthu
mu maso gha Wapachanya Limu,
36kunyongolo mlando wa munthu,
Ambuya kuti azomerezga cha.
37Njani wakulangula ndipo chikuchitika,
kwambura kuti Ambuya alangula?
38Kumbi kuti nkhu mlomo wa Wapachanya Limu cha;
ko kutuwa chamampha ndi chiheni?
39Wadandauliyanje munthu wamoyo,
pa chilangu cha mphurupuru zake?
40Tiyeni tese ndi tiziwone nthowa zidu,
ndipo tiwere ku Ambuya!
41Tiyeni tiyunuskiye mitima ndi manja ghidu
kwaku Chiuta kuchanya:
42“Talengeska ndi tagaruka,
kweni mulivi kugowoke.
43“Mwajikulunga ndi kukara ndi mwatindondoloska,
mwabaya kwambura lisungu.
44Mwajikulunga ndi mtambo,
viyo kuti palivi rombu lo lingaporota.
45Mwatisanduska viswaswa ndichoto
mukati mu ŵanthu.
46“Ŵarwani ŵidu wose ŵatitiwera,
47mantha ndi zimbuna zakuwamo vyaza paku ifwe,
phasulu ndi kwanangika;
48maso ghangu ghapopoma masozi
chifukwa chakupasuka kwa ŵanthu ŵangu.
49“Maso ghangu ghakapopomanga,
kwambura kureka,
50mpaka Ambuya alereske pasi kutuwa kuchanya ndi awone,
51maso ghangu ghatindichitiska chitima pa soka
la ŵamwali wose ŵamu msumba wangu.
52“Ndaŵingika ulaka nkhayuni
ndi wakupindikana nane kwambura kafukwa;
53wangundipong'a mu zenje wamoyo
ndipo wangundipong'a mya;
54maji ghabizga mutu wangu,
ndinguti, ‘Ndatayika.’
55“Ndingudana pa zina linu, Ambuya,
nde pasi mu zenji;
56mwavwa kuŵeyere kwangu, ‘Mungajaranga
gutu linu cha ku kukuta kwangu chifukwa cha chovyo!’
57Mungundere kufupi zuŵa lo ndingumudaniyani,
munguti, ‘Ungawopanga cha!’
58“Mwandimiriya mlando wangu, Ambuya,
mwawombo umoyo wangu.
59Mwawona uheni wo wachitika kwaku ine, Ambuya;
Yeruzgani mlando wangu.
60Mwaziwona nduzga zawo zose,
ndi kundiyukiya kwawo kose.
61“Mwavwa kuwoya kwawo, Ambuya,
ndi kundiyukiya kwawo kose.
62Milomo ndi maghanaghano ghakuwo ŵatindiyukiya
vimikana nane zuŵa lose.
63Wonani kuja kwawo ndi kuyuka kwawo;
ŵatindimba mu sumu zawo.
64“Muŵawezge iwo, Ambuya,
kwakuyana ndi nchitu ya manja ghawo.
65Muŵapaske kupusa kwamu mtima,
thembo linu liŵe paku iwo.
66Muŵarondo ndi kuŵaparghang'a ndi ukari
kutuwa kuchanya kwinu, Ambuya.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi