Yoele 3
3
Chiuta wakayeruzganga mitundu
1“Chifukwa wonani, mu mazuŵa
gho, ndi nyengo yiya,
penipo ndiwezgenge ŵaku Yuda ndi Yerusalemu,
2ndiunjikenge mitundu yose,
ndisikiyenge nayo ku dambo laku Yehoshafati,
ndilimbana nayo chifukwa cha, ŵakusankhika ŵangu ŵaYisraele,
wo ŵambininiskika mukati mu mitundu, ndi kugaŵana charu changu,
3ndipo ŵanguchitiya ŵanthu ŵangu mphenduzga,
ŵangupereka mwana mhurwa kugulizgana ndi munthukazi mureŵi,
ndi kuguliska mwana musungwana ndi vinyo kuti wamwe.
4“Mwe ayani imwe kwaku ine, imwe Turo ndi Sidoni,
ndi mphaka zose za ŵaFilisti?
Kumbi mutindiwezge thayu?
Asani mutindiwezge thayu ruŵi ndiwezgenge thayu linu, pa mutu winu.
5Chifukwa mwato siliva ndi golide langu, mwapinga
usambasi wangu wakuzirwa ndi kuserezga mu nyumba zinu zakupempheriyamo.
6Mwaguliska ŵana ŵaku Yuda ndi ŵana ŵaku Yerusalemu ku ŵa Giriki,
kuŵatuzgiya kutali ndi mphaka yawo.
7Kweni sono ndiŵaunjiskenge ku malo ghenigho mwaŵaguliskako,
ndipo ndiwezgiyenge thayu pa mitu yinu chifukwa chaku vyo mwachita.
8Ndiguliskenge ŵana ŵinu,
ŵanthurumi ndi ŵana ŵinu ŵanthukazi mu janja la ŵana ŵaku Yuda,
ndipo iwo aŵaguliskenge ku ŵaku Sabea mtundu wakutali;
chifukwa Ambuya akamba.”
9Wandiskani ichi mu mitundu: nozgani nkhondo;
yuskani vinkhara.
Ŵarekeni ŵankhondo wose ŵandere pafupi;
ŵarekeni ŵakwere.
10Sulani mayembe ghinu ghaŵe malipanga,
ndi vipopo vinu viŵe mikondo.
Warekeni ŵakulombotoka ŵanene, “Nde chinkhara.”
11Endeskani ndi zani,
mose imwe mwa mitundu kwakuzunguriya;
muungane kweniko.
Siskani ŵankhondo ŵinu Ambuya.
12Yirekani mitundu yijiyuske,
ndi yizi ku dambo laku Yehoshafati
chifukwa ndiku ndamkuŵa kweruzga mitundu yose kwa kuzunguriya.
13Serezgani chisenga, chifukwa vuna yafya.
Sereni, ndi pondani, chifukwa chakupondiyamo mphereska chazaza.
Vyakuŵikamo vifwapuka chifukwa uheni wawo ngukuru.
14Mizinda, mizinda,
mu dambo lakweruzgiya!
Chifukwa zuŵa la Ambuya le pafupi
mu dambo lakweruzgiya.
15Dazi ndi mwezi vifipenge,
nyenyezi nazo zifuŵiyenge.
16Ambuya abongo mu Zioni,
ndi atuzga mazu ghawo kutuliya mu Yerusalemu,
machanya ndi charu chapasi visukunikenge;
kweni Ambuya nchakutaskikiyamo cha ŵanthu ŵawo
linga lakukho ku ŵana ŵaku Yisraele.
17“Viyo mukaziŵanga kuti ine ndine Ambuya Chiuta winu,
yo waja mu Zioni, phiri langu lakupaturika.
Ndipo Yerusalemu waŵenge wakupaturika
ndipo ŵalendo ŵaporotengemo so cha.
Chiuta wakatumbikanga ŵanthu ŵake
18“Ndipo mu zuŵa lo mapiri ghanthonenge vinyo mufya,
ndi tumapiri tutaŵarenge mkaka,
ndi tumisinji tose twaku Yuda twendenge maji;
ndipo chisimi chibwibwitukenge kutuliya ku nyumba ya Ambuya
chamdiriya dambo la Shitimu.
19“Egipiti waŵenge phasulu
ndi Edomu mahame ghakupasuka,
chifukwa cha nkhaza zakuchitika ku ŵanthu ŵaku Yuda,
chifukwa ŵadiska ndopa zambura kafukwa mu charu chawo.
20Kweni Yuda waŵenge ndi ŵanthu ŵakujamo muyaya,
ndi Yerusalemu ku migonezi yose.
21Nditayiyenge thayu pa ndopa zawo,
ndipo kuti ndiphotonge ŵalakwi cha,
chifukwa Ambuya ŵaja mu Zioni.”
Currently Selected:
Yoele 3: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
Yoele 3
3
Chiuta wakayeruzganga mitundu
1“Chifukwa wonani, mu mazuŵa
gho, ndi nyengo yiya,
penipo ndiwezgenge ŵaku Yuda ndi Yerusalemu,
2ndiunjikenge mitundu yose,
ndisikiyenge nayo ku dambo laku Yehoshafati,
ndilimbana nayo chifukwa cha, ŵakusankhika ŵangu ŵaYisraele,
wo ŵambininiskika mukati mu mitundu, ndi kugaŵana charu changu,
3ndipo ŵanguchitiya ŵanthu ŵangu mphenduzga,
ŵangupereka mwana mhurwa kugulizgana ndi munthukazi mureŵi,
ndi kuguliska mwana musungwana ndi vinyo kuti wamwe.
4“Mwe ayani imwe kwaku ine, imwe Turo ndi Sidoni,
ndi mphaka zose za ŵaFilisti?
Kumbi mutindiwezge thayu?
Asani mutindiwezge thayu ruŵi ndiwezgenge thayu linu, pa mutu winu.
5Chifukwa mwato siliva ndi golide langu, mwapinga
usambasi wangu wakuzirwa ndi kuserezga mu nyumba zinu zakupempheriyamo.
6Mwaguliska ŵana ŵaku Yuda ndi ŵana ŵaku Yerusalemu ku ŵa Giriki,
kuŵatuzgiya kutali ndi mphaka yawo.
7Kweni sono ndiŵaunjiskenge ku malo ghenigho mwaŵaguliskako,
ndipo ndiwezgiyenge thayu pa mitu yinu chifukwa chaku vyo mwachita.
8Ndiguliskenge ŵana ŵinu,
ŵanthurumi ndi ŵana ŵinu ŵanthukazi mu janja la ŵana ŵaku Yuda,
ndipo iwo aŵaguliskenge ku ŵaku Sabea mtundu wakutali;
chifukwa Ambuya akamba.”
9Wandiskani ichi mu mitundu: nozgani nkhondo;
yuskani vinkhara.
Ŵarekeni ŵankhondo wose ŵandere pafupi;
ŵarekeni ŵakwere.
10Sulani mayembe ghinu ghaŵe malipanga,
ndi vipopo vinu viŵe mikondo.
Warekeni ŵakulombotoka ŵanene, “Nde chinkhara.”
11Endeskani ndi zani,
mose imwe mwa mitundu kwakuzunguriya;
muungane kweniko.
Siskani ŵankhondo ŵinu Ambuya.
12Yirekani mitundu yijiyuske,
ndi yizi ku dambo laku Yehoshafati
chifukwa ndiku ndamkuŵa kweruzga mitundu yose kwa kuzunguriya.
13Serezgani chisenga, chifukwa vuna yafya.
Sereni, ndi pondani, chifukwa chakupondiyamo mphereska chazaza.
Vyakuŵikamo vifwapuka chifukwa uheni wawo ngukuru.
14Mizinda, mizinda,
mu dambo lakweruzgiya!
Chifukwa zuŵa la Ambuya le pafupi
mu dambo lakweruzgiya.
15Dazi ndi mwezi vifipenge,
nyenyezi nazo zifuŵiyenge.
16Ambuya abongo mu Zioni,
ndi atuzga mazu ghawo kutuliya mu Yerusalemu,
machanya ndi charu chapasi visukunikenge;
kweni Ambuya nchakutaskikiyamo cha ŵanthu ŵawo
linga lakukho ku ŵana ŵaku Yisraele.
17“Viyo mukaziŵanga kuti ine ndine Ambuya Chiuta winu,
yo waja mu Zioni, phiri langu lakupaturika.
Ndipo Yerusalemu waŵenge wakupaturika
ndipo ŵalendo ŵaporotengemo so cha.
Chiuta wakatumbikanga ŵanthu ŵake
18“Ndipo mu zuŵa lo mapiri ghanthonenge vinyo mufya,
ndi tumapiri tutaŵarenge mkaka,
ndi tumisinji tose twaku Yuda twendenge maji;
ndipo chisimi chibwibwitukenge kutuliya ku nyumba ya Ambuya
chamdiriya dambo la Shitimu.
19“Egipiti waŵenge phasulu
ndi Edomu mahame ghakupasuka,
chifukwa cha nkhaza zakuchitika ku ŵanthu ŵaku Yuda,
chifukwa ŵadiska ndopa zambura kafukwa mu charu chawo.
20Kweni Yuda waŵenge ndi ŵanthu ŵakujamo muyaya,
ndi Yerusalemu ku migonezi yose.
21Nditayiyenge thayu pa ndopa zawo,
ndipo kuti ndiphotonge ŵalakwi cha,
chifukwa Ambuya ŵaja mu Zioni.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi