Ŵeruzgi 10
10
Tola ndi Yairo ŵaŵa ŵeruzgi mu Yisraele
1Pavuli paku Abimeleke kunguyuka ŵakuwombo Yisraele Tola mwana waku Pua, mwana waku Dodo, mwina Isakara; wajanga pa Shamiri mu charu cha mitunthu chaku Efraimu. 2Ndipo iyo wangweruzga Yisraele virimika machumi ghaŵi ndi vitatu (23). Pavuli wangufwa, ndipo wanguŵikika pa Shamiri. 3Pavuli paku iyo wanguyuka Jairi mwina Gileada, mweniyo wangweruzga Yisraele virimika machumi ghaŵi ndi viŵi (22). 4Wenga ndi ŵana ŵanthurumi machumi ghatatu (30) wo ŵakweranga pa mbunda machumi ghatatu (30); ndipo wenga ndi misumba machumi ghatatu (30), yakudanika Havotiyairo mpaka zuŵa lino, wo ŵemu charu cha Gileada. 5Ndipo Yairo wangufwa, wanguŵikika mu Kamono.
ŴaYisraele walakwiya Ambuya, ŵapundika ndi ŵaFilisti ndi Amoni
6Ndipo ŵaYisraele ŵanguwerezgapo kuchita uheni mu maso gha Ambuya, ŵangutataliya ŵaBala, ndi Ashitaroto, ŵachiuta ŵa Siriya, ŵachiuta ŵa Sidoni, ŵachiuta ŵa Moabu, ŵachiuta ŵa Amori, ndi ŵachiuta ŵa ŵaFilisti; ndipo ŵangujowo Ambuya, ndi kureka kuŵatataliya. 7Ndipo ukari wa Ambuya ungukole pa ŵaYisraele, ndipo anguŵaguliska mu janja la ŵaFilisti ndi mu janja la Amoni, 8wanguŵapweteka ndikuŵayuzga ŵaYisraele chirimika chiya. Kwa virimika chumi pachanya nkhonde ndi vitatu (18) wanguyuzga ŵaYisraele wo ŵenga ku sirgha la Yordane mu charu cha Amori, cho chemu Gileada. 9Ndipo Amoni wangwambuka Yordane kwachirwa so ndi Yuda, ndi Benjamini, ndi kumikana ndi nyumba yaku Efraimu; viyo kuti Yisraele wanguyuzgika kwakuŵaŵa.
10Ndipo ŵaYisraele ŵangubongole ku Ambuya, ŵanguti, “Talakwiya imwe, chifukwa tareka Chiuta widu tatataliya ŵaBala.” 11Ambuya anguti ku ŵaYisraele, “Asi ndingukuwomboni ku ŵaEgipiti ndi ku Amori; ku Amoni, ndiku ŵaFilisti? 12ŴaSidoni so nawo, ndi Amaleke, ndi ŵina Maono, ŵangumuyuzgani ndipo mungubongole kwangu, ndingukuwomboni kumutuzgani mu janja lawo. 13Kweni imwe mwandijowo ndi kutataliya ŵachiuta ŵanyake; chifukwa cho kuti ndikamupozomoskaninga so cha. 14Rutani kabongoliyeni ku ŵachiuta wo mukusankha; iwo ndiwo ŵamupozomoskeni mu nyengo yinu ya suzgu.” 15Ndipo ŵaYisraele ŵanguti ku Ambuya, “Talakwa; tichitiyeni chose cho nchamampha kwaku imwe; kweni titukuŵeyani tipozomoskeni, msana wale.” 16Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.
17Pavuli ŵina Amoni ŵangudanikiya ku nkhondo, ŵangugoŵa mu Gileada; ŵaYisraele ŵanguwungana pamoza, ndi ŵangugoŵa pa Mizipa. 18Ndipo ŵanthu, ŵarongozgi ŵamu Gileada, ŵangunenerana, “Munthu yo wadankhenge kurwa ndi Amoni ndiyani? Iyo ndiyo wakaŵanga mutu paku wose ŵakuja mu Gileada.”
Currently Selected:
Ŵeruzgi 10: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
