ŴaGalatia 4
4
1Kweni ndiditi kuti mhara yo pa nyengo yose weche mjedu, kuti wapambananako kanthu cha ndi muŵanda, chingana ndi mweneko waku vyose; 2kweni we pasi pa ŵalinda ndi ŵalereze mpaka ku nyengo yo yakutemeka ndi awiske. 3Viyo ifwe nafwe, tenga teche ŵamjedu, tenga ŵaŵanda pasi pa vyamtendeku vyacharu: 4kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu, 5alinga kuti wawombo ŵapasi pa langulu, kuti tirondenge ulezi wa ŵana. 6Ndipo pakuti mwe ŵana, Chiuta watuma Mzimu wa Mwana wake mu mitima yinu, wakubongo, “Aba, Ada!” 7Ndiviyo kuti weche muŵanda so cha, kweni mwana; ndipo asani mwana, mhara so mwaku Chiuta. 8Kweni pa nyengo yiya, mwengavi kuziŵa Chiuta, munguŵa ŵaŵanda kwaku wo pa kawi kuti mbachiuta cha. 9Kweni sono, pakuziŵa Chiuta, ndi ukongwako pakuziŵikwa ndi Chiuta, muwere uli kuvuli ku vyamtendeku viteta ndi visauchi vyo, kwaku vyenivyo mukhumba kuŵa so ŵaŵanda kachiŵi? 10Mupatuwa mazuŵa ndi myezi ndi zinyengo ndi virimika. 11Nditope imwe, vinu posepose ndatakatakiya imwe kwaŵaka.
12Ndikuŵeyereni, mwa ŵabali, muŵe ulaka ndine, pakuti nane so ndinguŵa uli ndimwe. Kuti mungunangiya ine kanthu cha: 13kweni muziŵa kuti chifukwa cha unthomboru wamu liŵavu langu ndingumtauliyani evangeli pakudanga pa: 14ndipo kesedu ko kamu liŵavu langu ko kangwesa imwe, kuti mungutoza cha, chingana nkhuzira; kweni mungundironde nge ndi mungelo waku Chiuta, uli ndi Kristu Yesu iyo. 15Viyo kwepani kukankhaŵiya kwinu kuwa? Chifukwa ndikusimikizgiyani kuti, asani kwenga kwamachitika kuti ndizowo maso ghinu, mphanyi mungughapaska kwaku ine! 16Viyo na, kumbi ndaŵa wamawongo winu pakumuneneskiyani? 17Ŵanthu ŵenaŵa kuti wakukhumbiyani umampha cha; kweni ŵakhumba kukujariyani kubwaro, viyo kuti mukhumbire iwo. 18Nadi nkhwakwenere kuti muchitenge chamampha nyengo zose, penipo nde namwe pamoza pe cha. 19Mwatwana twangu, paku twenito ndilimbiya so mu urwirwi mpaka Kristu wangaumbika mwinu, 20ndakhumbanga kuŵapo namwe sono, ndi kughasanduska mazu ghangu, pakuti ndizizikika namwe.
Chakulinganizgiyapo chaku Hagara ndi Sara
21Ndineniyeni, mwaŵakukhumba kuwa pasi pa chilangulu, asi muvwenge chilangulu cho? 22Chifukwa kwalembeka, “Kuti Abrahamu wanguŵa ndi ŵana ŵanthurumi ŵaŵi, yumoza ku muŵanda munthukazi yo, ndi yumoza ku munthukazi mwanangwa yo.” 23Kweni yo wa ku muŵanda-munthukazi wangupapika kwakulingana ndi liŵavu; kweni waku mwanangwa yo wangupapikiya mu chipanganu. 24Vyenivyo vyose vyakambika kwantharika: pakuti ŵanthukazi wo ŵe mapanganu ghaŵi; limoza lakutuwa ku phiri Sinai, lakupapiya ŵana ku uŵanda, lenilo ndi Hagara. 25Chifukwa Sinai lo ndi phiri lamu Arabia, ndipo lilingana ndi Yerusalemu wasono: pakuti iyo we mu uŵanda pamoza ndi ŵana ŵake. 26Kweni Yerusalemu wakuchanya ngwanangwa, ndipo ndiyo nyinafwe. 27Chifukwa kwalembeka,
“Kondwa, chumba mzirakupapa iwe;
banuka ndi luluta, wambura kulimbiya kupapa iwe:
chifukwa mbanandi ŵana ŵa mranda
kwakuruska ŵaku yo we ndi munthurumi.”
28Kweni imwe, mwaŵabali, mwe ŵana ŵa chipanganu, kwakulingana ndi Yisaki. 29Kweni nge ndi penipa yo wangupapika kwakulingana ndi liŵavu wangumuŵemba yo wangupapika kwakulingana ndi Mzimu, viyo sono nako. 30Kweni lembo lo lititinji? “Dikamo muŵanda-munthukazi yo ndi mwana wake; chifukwa mwana yo wa muŵanda-munthukazi wangahara cha pamoza ndi mwana yo wa mwanangwa.” 31Viyo na, mwaŵabali, kuti teŵanaŵa muŵanda-munthukazi cha, kweni ŵa munthukazi mwanangwa yo.
Currently Selected:
ŴaGalatia 4: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
ŴaGalatia 4
4
1Kweni ndiditi kuti mhara yo pa nyengo yose weche mjedu, kuti wapambananako kanthu cha ndi muŵanda, chingana ndi mweneko waku vyose; 2kweni we pasi pa ŵalinda ndi ŵalereze mpaka ku nyengo yo yakutemeka ndi awiske. 3Viyo ifwe nafwe, tenga teche ŵamjedu, tenga ŵaŵanda pasi pa vyamtendeku vyacharu: 4kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu, 5alinga kuti wawombo ŵapasi pa langulu, kuti tirondenge ulezi wa ŵana. 6Ndipo pakuti mwe ŵana, Chiuta watuma Mzimu wa Mwana wake mu mitima yinu, wakubongo, “Aba, Ada!” 7Ndiviyo kuti weche muŵanda so cha, kweni mwana; ndipo asani mwana, mhara so mwaku Chiuta. 8Kweni pa nyengo yiya, mwengavi kuziŵa Chiuta, munguŵa ŵaŵanda kwaku wo pa kawi kuti mbachiuta cha. 9Kweni sono, pakuziŵa Chiuta, ndi ukongwako pakuziŵikwa ndi Chiuta, muwere uli kuvuli ku vyamtendeku viteta ndi visauchi vyo, kwaku vyenivyo mukhumba kuŵa so ŵaŵanda kachiŵi? 10Mupatuwa mazuŵa ndi myezi ndi zinyengo ndi virimika. 11Nditope imwe, vinu posepose ndatakatakiya imwe kwaŵaka.
12Ndikuŵeyereni, mwa ŵabali, muŵe ulaka ndine, pakuti nane so ndinguŵa uli ndimwe. Kuti mungunangiya ine kanthu cha: 13kweni muziŵa kuti chifukwa cha unthomboru wamu liŵavu langu ndingumtauliyani evangeli pakudanga pa: 14ndipo kesedu ko kamu liŵavu langu ko kangwesa imwe, kuti mungutoza cha, chingana nkhuzira; kweni mungundironde nge ndi mungelo waku Chiuta, uli ndi Kristu Yesu iyo. 15Viyo kwepani kukankhaŵiya kwinu kuwa? Chifukwa ndikusimikizgiyani kuti, asani kwenga kwamachitika kuti ndizowo maso ghinu, mphanyi mungughapaska kwaku ine! 16Viyo na, kumbi ndaŵa wamawongo winu pakumuneneskiyani? 17Ŵanthu ŵenaŵa kuti wakukhumbiyani umampha cha; kweni ŵakhumba kukujariyani kubwaro, viyo kuti mukhumbire iwo. 18Nadi nkhwakwenere kuti muchitenge chamampha nyengo zose, penipo nde namwe pamoza pe cha. 19Mwatwana twangu, paku twenito ndilimbiya so mu urwirwi mpaka Kristu wangaumbika mwinu, 20ndakhumbanga kuŵapo namwe sono, ndi kughasanduska mazu ghangu, pakuti ndizizikika namwe.
Chakulinganizgiyapo chaku Hagara ndi Sara
21Ndineniyeni, mwaŵakukhumba kuwa pasi pa chilangulu, asi muvwenge chilangulu cho? 22Chifukwa kwalembeka, “Kuti Abrahamu wanguŵa ndi ŵana ŵanthurumi ŵaŵi, yumoza ku muŵanda munthukazi yo, ndi yumoza ku munthukazi mwanangwa yo.” 23Kweni yo wa ku muŵanda-munthukazi wangupapika kwakulingana ndi liŵavu; kweni waku mwanangwa yo wangupapikiya mu chipanganu. 24Vyenivyo vyose vyakambika kwantharika: pakuti ŵanthukazi wo ŵe mapanganu ghaŵi; limoza lakutuwa ku phiri Sinai, lakupapiya ŵana ku uŵanda, lenilo ndi Hagara. 25Chifukwa Sinai lo ndi phiri lamu Arabia, ndipo lilingana ndi Yerusalemu wasono: pakuti iyo we mu uŵanda pamoza ndi ŵana ŵake. 26Kweni Yerusalemu wakuchanya ngwanangwa, ndipo ndiyo nyinafwe. 27Chifukwa kwalembeka,
“Kondwa, chumba mzirakupapa iwe;
banuka ndi luluta, wambura kulimbiya kupapa iwe:
chifukwa mbanandi ŵana ŵa mranda
kwakuruska ŵaku yo we ndi munthurumi.”
28Kweni imwe, mwaŵabali, mwe ŵana ŵa chipanganu, kwakulingana ndi Yisaki. 29Kweni nge ndi penipa yo wangupapika kwakulingana ndi liŵavu wangumuŵemba yo wangupapika kwakulingana ndi Mzimu, viyo sono nako. 30Kweni lembo lo lititinji? “Dikamo muŵanda-munthukazi yo ndi mwana wake; chifukwa mwana yo wa muŵanda-munthukazi wangahara cha pamoza ndi mwana yo wa mwanangwa.” 31Viyo na, mwaŵabali, kuti teŵanaŵa muŵanda-munthukazi cha, kweni ŵa munthukazi mwanangwa yo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi