ŴaEfeso 6
6
Ŵana ndi ŵapapi
1Mwaŵana, vwiyani ŵapapi ŵinu muMbuya: chifukwa chenichi nchakurunjika. 2“Tumbika ausu ndi anyoko” (lenilo ndi dangu lakudanga lo le ndi phanganu), 3“alinga kuti kuŵiyenge iwe umampha, ndipo kuti ujaririyenge nyengo yitali pa chara.” 4Ndipo mwaŵauskeu, mungakaralizga ŵana ŵinu cha, kweni muŵalere mu kulanga ndi kuchichizga kwa Mbuya.
Ŵaŵanda ndi ŵambuyawo
5Mwaŵaŵanda mwe, vwiyani wo mbambuyamwe kuchiri ku liŵavu, ndi chopu ndi chitenthe, mu wanangwa wa mtima, uli nkhwaku Kristu; 6kwakutataliya jiso cha, nge mbakukondweska ŵanthu, kweni nge mbateŵeti ŵaku Kristu, ŵakuchita khumbu laku Chiuta mu mtima; 7ŵakuteŵeta ndi ulemu nge nkhu Ambuya, ndi ku ŵanthu cha: 8pakuziŵa kuti chose chamampha chenicho munthu ndi munthu wangachita, chenicho wamronde so ku Ambuya, chingana ndi muŵanda, chingana ndi mwanangwa. 9Ndipo, mwaŵambuya mwe, chitiyani iwo vyenivyo pe, kwambura lifingafinga, pakuziŵa kuti Ambuya, ŵawo ndi ŵinu, ŵe kuchanya, ndipo kuti kwaku iwo urumba-chisku kulive.
Kuŵa ndi vidya vyose vyaku Chiuta
10Pakumariya, muŵe ŵanthazi mu Mbuya, ndi mu likongono la ukhomi wake. 11Jiphatiyeni vidya vyose vyaku Chiuta, kuti muŵe ŵanthazi imwe kumikirana ndi mauthyanithyani gha diabolo yo. 12Pakuti limbanu lidu kuti le ku ŵanthu cha, kweni ndi maufumu, ndi mitufu, ndi ŵakuwusa charu ŵa mdima wamakono, ndi vya mzimu vya uheni mu vyakuchanya. 13Chifukwa chenichi mujitole vidya vyose vyaku Chiuta, alinga kuti mungaziŵa kumikirana navyo mu zuŵa lo liheni, ndipo, mwati mwachita vyose, kuma chi. 14Viyo mani, pakujichinyiriya mu chiunu ndi uneneska, ndi kuvwara chapachifuŵa cha urunji, 15kujimangiya ku marwayo ghinu dongosoru la evangeli wa chimangu; 16pachanya paku vyose mujitole nguru ya chivwanu, ndi yeniyo muziŵa kuzimwa mivwi yose yakukole ya muheni yo. 17Ndipo jitoleni chivekeru chaku mutu cho mbutaski, ndi so lipanga la Mzimu, lenilo ndi mazu ghaku Chiuta. 18Mu kuromba ndi kuninizika murombiyenge nyengo zose mu Mzimu, ndi kucherezga kwakufwiririyapo limu kuninizikiya pa chifukwa chakuwose ŵakupaturika, 19ndi pa chifukwa chaku ine, kuti kwaku ine ghapaskike mazu kubanuwa mlomo wangu, kuvumbuwa ndi chiganga mangari gha evangeli, 20pa chifukwa chaku wo ine nde thenga mu mkoŵa; alinga kuti ndimemeze evangeli pakweru nge ndi mo nditenere kukambiya.
Matauzgu
21Kweni kuti muziŵe namwe vyakuchiri kwangu, mo ndiriri, wamziŵiskeninge vyose Tukhiko, mbali yo wakwanjiwa ndi mteŵeti wamagomekezgeka mu Mbuya. 22Mweniyo ndamutuma kwinu pa chifukwa chenichi chakuti muziŵe vyapaku ifwe, ndi kuti wachinthiske mitima yinu.
23Chimangu chiŵaŵiye ŵabali, ndi chanju pamoza ndi chivwanu, kutuwa kwaku Chiuta Dada ndi Mbuya Yesu Kristu. 24Wezi uŵiye wose ŵakuŵanja Ambuyafwe Yesu Kristu mu chanju chambura kumara.
Currently Selected:
ŴaEfeso 6: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
ŴaEfeso 6
6
Ŵana ndi ŵapapi
1Mwaŵana, vwiyani ŵapapi ŵinu muMbuya: chifukwa chenichi nchakurunjika. 2“Tumbika ausu ndi anyoko” (lenilo ndi dangu lakudanga lo le ndi phanganu), 3“alinga kuti kuŵiyenge iwe umampha, ndipo kuti ujaririyenge nyengo yitali pa chara.” 4Ndipo mwaŵauskeu, mungakaralizga ŵana ŵinu cha, kweni muŵalere mu kulanga ndi kuchichizga kwa Mbuya.
Ŵaŵanda ndi ŵambuyawo
5Mwaŵaŵanda mwe, vwiyani wo mbambuyamwe kuchiri ku liŵavu, ndi chopu ndi chitenthe, mu wanangwa wa mtima, uli nkhwaku Kristu; 6kwakutataliya jiso cha, nge mbakukondweska ŵanthu, kweni nge mbateŵeti ŵaku Kristu, ŵakuchita khumbu laku Chiuta mu mtima; 7ŵakuteŵeta ndi ulemu nge nkhu Ambuya, ndi ku ŵanthu cha: 8pakuziŵa kuti chose chamampha chenicho munthu ndi munthu wangachita, chenicho wamronde so ku Ambuya, chingana ndi muŵanda, chingana ndi mwanangwa. 9Ndipo, mwaŵambuya mwe, chitiyani iwo vyenivyo pe, kwambura lifingafinga, pakuziŵa kuti Ambuya, ŵawo ndi ŵinu, ŵe kuchanya, ndipo kuti kwaku iwo urumba-chisku kulive.
Kuŵa ndi vidya vyose vyaku Chiuta
10Pakumariya, muŵe ŵanthazi mu Mbuya, ndi mu likongono la ukhomi wake. 11Jiphatiyeni vidya vyose vyaku Chiuta, kuti muŵe ŵanthazi imwe kumikirana ndi mauthyanithyani gha diabolo yo. 12Pakuti limbanu lidu kuti le ku ŵanthu cha, kweni ndi maufumu, ndi mitufu, ndi ŵakuwusa charu ŵa mdima wamakono, ndi vya mzimu vya uheni mu vyakuchanya. 13Chifukwa chenichi mujitole vidya vyose vyaku Chiuta, alinga kuti mungaziŵa kumikirana navyo mu zuŵa lo liheni, ndipo, mwati mwachita vyose, kuma chi. 14Viyo mani, pakujichinyiriya mu chiunu ndi uneneska, ndi kuvwara chapachifuŵa cha urunji, 15kujimangiya ku marwayo ghinu dongosoru la evangeli wa chimangu; 16pachanya paku vyose mujitole nguru ya chivwanu, ndi yeniyo muziŵa kuzimwa mivwi yose yakukole ya muheni yo. 17Ndipo jitoleni chivekeru chaku mutu cho mbutaski, ndi so lipanga la Mzimu, lenilo ndi mazu ghaku Chiuta. 18Mu kuromba ndi kuninizika murombiyenge nyengo zose mu Mzimu, ndi kucherezga kwakufwiririyapo limu kuninizikiya pa chifukwa chakuwose ŵakupaturika, 19ndi pa chifukwa chaku ine, kuti kwaku ine ghapaskike mazu kubanuwa mlomo wangu, kuvumbuwa ndi chiganga mangari gha evangeli, 20pa chifukwa chaku wo ine nde thenga mu mkoŵa; alinga kuti ndimemeze evangeli pakweru nge ndi mo nditenere kukambiya.
Matauzgu
21Kweni kuti muziŵe namwe vyakuchiri kwangu, mo ndiriri, wamziŵiskeninge vyose Tukhiko, mbali yo wakwanjiwa ndi mteŵeti wamagomekezgeka mu Mbuya. 22Mweniyo ndamutuma kwinu pa chifukwa chenichi chakuti muziŵe vyapaku ifwe, ndi kuti wachinthiske mitima yinu.
23Chimangu chiŵaŵiye ŵabali, ndi chanju pamoza ndi chivwanu, kutuwa kwaku Chiuta Dada ndi Mbuya Yesu Kristu. 24Wezi uŵiye wose ŵakuŵanja Ambuyafwe Yesu Kristu mu chanju chambura kumara.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi