ŴaEfeso 2

Kutuwa ku nyifwa kurata ka umoyo

1Imwe namwe mwenga ŵakufwa mu mamphuru ndi maulakwi, 2mwaku ghenigho mungwendayenda ulaka ndi mgonezi wa charu chenichi, kwakuzomerezgana ndi fumu ya mitufu ya mude mzimu yo sono watataliyamo mu ŵana ŵa mtafu; 3mukati mwaku ŵeniwo nafwe so tingujijariya tose mu maulakalaka gha liŵavu lidu, ndi kutataliya makhumbu gha liŵavu ndi maghanaghano, ndipo taŵanga mu kaŵiru ŵana ŵachikaralizga, nge mbakujapo nawo: 4kweni chiuta, pakuŵa msambasi mu lisungu, chifukwa cha chanju chake chikuru chenicho wangwanja nacho ifwe, 5teche ŵakufwa ifwe mu mamphuru, wangutichita ŵamoyo pamoza ndi Kristu iyo (ndi wezi mwataskika), 6ndipo wangutiyuska pamoza nayo, ndi kutijarika pamoza nayo mu vyakuchanya vyo, mwaku Kristu Yesu. 7Alinga kuti mu migonezi yo yikazanga warongonge usambasi ukuru wa wezi wake mu wanangwa kuchiri kwaku ifwe mwaku Kristu Yesu: 8chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta; 9chakutuwa ku zinchitu cha, kuti wareke munthu kujikuzga. 10Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.

Umoza mwaku Kristu

11Viyo kumbukani kuti kali imwe, mwa ŵaMitundu kuchiri ku liŵavu, ŵakuzumbulika ŵambura kuchinjika ndi cho chizumbulika Mchinju mu liŵavu, wakuchitika ndi manja, 12kumbukani kuti pa nyengo yiya mwenga pade pambura Kristu, ŵakugaukako ku ufumu wakuYisraele, ndi ŵalendo ku marayizganu gha chipanganu cho, ŵambura chigomekezgu ndi ŵambura kuziŵa Chiuta mu charu. 13Kweni sono mwaku Kristu Yesu imwe, mwaŵakuŵa kutari kali, mwanderezgeka kufupi mu ndopa zaku Kristu. 14Chifukwa ndiyo chimangu chidu, yo wachita viŵi vyo chimoza, ndi wadengenduwa chimati chapakati chakugauwa, 15wati wakotole limu mu liŵavu lake umawongu wo, chilangulu nacho cha marangu ghakulamulika; alinga kuti mwaku yija waŵalenge wo ŵaŵi munthu yumoza mufya, ndi kuchata viyo chimangu; 16ndipo kuti mu liŵavu limoza wasopeskane wo ŵaŵi kwaku Chiuta mu mphinjika yo, pakubayiya umawongu wo mwenimo: 17ndipo wanguzamtauliya chimangu kwaku imwe mwaŵakutari, ndi kwaku wo ŵakufupi: 18pakuti mwakuiyo tose taŵaŵi tiŵandikiya mu Mzimu yumoza ku Dada. 19Viyo na kuti mweche ŵalendo so cha ndi ŵakutandara, kweni mwe ŵaufumu, ŵanase ŵa ŵakupaturika wo, 20ndi ŵa ŵanambumba ŵaku Chiuta, pakuzengeka pa chiŵanja cho cha ŵakutumika ndi ŵamchimi, Kristu Yesu mweneko wakuŵa chikhozge-nyondo; 21mwaku mweniyo uzengi wose, pakurunjiskirana limu, ukuwa kuŵa kasopi wakupaturika mu Mbuya; 22mwaku mweniyo imwe namwe muzengeka pamoza kuŵa chakujamo chaku Chiuta mu Mzimu.

Currently Selected:

ŴaEfeso 2: TongaMw

Highlight

Copy

Compare