ŴaEfeso 1
1
1Kalata wakutuwa kwaku Paulo, wakutumika waku Kristu Yesu mu khumbu laku Chiuta, ku ŵakupaturika wo ŵe mu Efeso, ŵamagomekezgeka mwaku Kristu Yesu. 2Wezi kwaku imwe ndi chimangu kutuwa kwaku Chiuta Auskefwe ndi Ambuya Yesu Kristu.
Vitumbiku vya Mzimu mwaku Kristu
3Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu: 4uli ndimo wangutisankhiya limu mwaku iyo, chenga chindajarikike charu, kuti tiŵenge ŵakupaturika ndi ŵambura kalema paurongo pake. 5Wangutiteme limu mu chanju kuŵa ŵana ŵake mwaku Yesu Kristu, kwakuyana ndi likondwa la khumbu lake, 6kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo. 7Mwaku mweniyo te nawo uwombozi mu ndopa zake, chireke icho cha mamphuru ghidu, kwakuyana ndi usambasi wa wezi wake, 8wo wangwandaniskiya ifwe mu zeru yose ndi vinjeru, 9pakuti watiziŵiska ungari wa khumbu lake, uli ndi likondwa lake, lenilo wanguteme limu mwaku iyo, kuti, 10yati yafika nyengo vinthu vyose, vyakuchanya ndi vyapanupasi vyo, viŵe vimoza mwaku Kristu iyo.
11Nadi mwaku iyo, mwaku mweniyo so tinguchitika chihara (tati tatemeke limu mu chitema chaku mweniyo watataliya vyose tataliya vyose kwakulingana ndi chipangu cha khumbu lake), 12kuti ifwe tiŵenge rumbu la unkhankhu wake, ifwe taŵakugomekezgeka kali mwaku Kristu: 13ndipo kuŵenge viyo kwaku imwe: penipo munguvwa evangeli wa uneneska, uthenga wamampha wo ungumziyani ndi utaski, mungugomezga mwaku Kristu, ndipo Chiuta wangumudindane ndi chidindu chake chamzimu pakumpaskani Mzimu Wakupaturika wo wangupangana, 14yo ndi ndindira ya chihara chidu, ku uwombozi wa chiwetu chake ku rumbu la unkhankhu wake.
Rombu laku Paulo
15Chifukwa chenichi ine nane, ndatindavwa ndi chivwanu mu Ambuya Yesu cha mwinu, ndipo ndi chanju chinu cha ku ŵakupaturika wose, 16kuti ndirekezga cha kumwongiyani, pakumpataulani mu maniniziku ghangu, 17kuti Chiuta iyo wa Ambuyafwe Yesu Kristu, Dada wa Unkhankhu, wakupaskeni mzimu wa zeru ndi wa uvumbuzi mu kumuziŵa iyo, 18ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo, 19ndiwo ukuru wa nthazi yake kuchiri kwaku ifwe taŵakuvwana, nthazi uli ndi kachitidu ka ukumu wa nthazi zake, 20zenizo wangutataliya mwaku Kristu, wachimyuska ku ŵakufwa, ndi kumjarika pa janja lake lamarghe mu vyakuchanya vyo, 21pachanya limu pa ufumu wose, ndi mtufu, ndi nthazi, ndi umbuya, ndi zina lose lakuzumbulika, mu mgonezi uno pe cha, kweni so mwaku wo ukazanga, 22ndipo vyose wanguthereske kusi ku marwayo ghake, ndipo wangupaska iyo kuŵa Mutu pachanya paku vyose ku eklesiya lo, 23ndilo liŵavu lake, uzali wo waku mweniyo wazaziya vyose mwaku vyose.
Currently Selected:
ŴaEfeso 1: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
ŴaEfeso 1
1
1Kalata wakutuwa kwaku Paulo, wakutumika waku Kristu Yesu mu khumbu laku Chiuta, ku ŵakupaturika wo ŵe mu Efeso, ŵamagomekezgeka mwaku Kristu Yesu. 2Wezi kwaku imwe ndi chimangu kutuwa kwaku Chiuta Auskefwe ndi Ambuya Yesu Kristu.
Vitumbiku vya Mzimu mwaku Kristu
3Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu: 4uli ndimo wangutisankhiya limu mwaku iyo, chenga chindajarikike charu, kuti tiŵenge ŵakupaturika ndi ŵambura kalema paurongo pake. 5Wangutiteme limu mu chanju kuŵa ŵana ŵake mwaku Yesu Kristu, kwakuyana ndi likondwa la khumbu lake, 6kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo. 7Mwaku mweniyo te nawo uwombozi mu ndopa zake, chireke icho cha mamphuru ghidu, kwakuyana ndi usambasi wa wezi wake, 8wo wangwandaniskiya ifwe mu zeru yose ndi vinjeru, 9pakuti watiziŵiska ungari wa khumbu lake, uli ndi likondwa lake, lenilo wanguteme limu mwaku iyo, kuti, 10yati yafika nyengo vinthu vyose, vyakuchanya ndi vyapanupasi vyo, viŵe vimoza mwaku Kristu iyo.
11Nadi mwaku iyo, mwaku mweniyo so tinguchitika chihara (tati tatemeke limu mu chitema chaku mweniyo watataliya vyose tataliya vyose kwakulingana ndi chipangu cha khumbu lake), 12kuti ifwe tiŵenge rumbu la unkhankhu wake, ifwe taŵakugomekezgeka kali mwaku Kristu: 13ndipo kuŵenge viyo kwaku imwe: penipo munguvwa evangeli wa uneneska, uthenga wamampha wo ungumziyani ndi utaski, mungugomezga mwaku Kristu, ndipo Chiuta wangumudindane ndi chidindu chake chamzimu pakumpaskani Mzimu Wakupaturika wo wangupangana, 14yo ndi ndindira ya chihara chidu, ku uwombozi wa chiwetu chake ku rumbu la unkhankhu wake.
Rombu laku Paulo
15Chifukwa chenichi ine nane, ndatindavwa ndi chivwanu mu Ambuya Yesu cha mwinu, ndipo ndi chanju chinu cha ku ŵakupaturika wose, 16kuti ndirekezga cha kumwongiyani, pakumpataulani mu maniniziku ghangu, 17kuti Chiuta iyo wa Ambuyafwe Yesu Kristu, Dada wa Unkhankhu, wakupaskeni mzimu wa zeru ndi wa uvumbuzi mu kumuziŵa iyo, 18ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo, 19ndiwo ukuru wa nthazi yake kuchiri kwaku ifwe taŵakuvwana, nthazi uli ndi kachitidu ka ukumu wa nthazi zake, 20zenizo wangutataliya mwaku Kristu, wachimyuska ku ŵakufwa, ndi kumjarika pa janja lake lamarghe mu vyakuchanya vyo, 21pachanya limu pa ufumu wose, ndi mtufu, ndi nthazi, ndi umbuya, ndi zina lose lakuzumbulika, mu mgonezi uno pe cha, kweni so mwaku wo ukazanga, 22ndipo vyose wanguthereske kusi ku marwayo ghake, ndipo wangupaska iyo kuŵa Mutu pachanya paku vyose ku eklesiya lo, 23ndilo liŵavu lake, uzali wo waku mweniyo wazaziya vyose mwaku vyose.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi