Amosi 8
8
Chiwona cha sokola ya vipasi
1Ambuya Chiuta wangundiwoneska viyo; wonani sokora ya vipasi vya chihanya, 2ndipo wanguti, “Amosi, uwonanji?” Ndipo ndinguti, “Sokora ya vipasi vya chihanya.” Viyo Ambuya anguti kwaku ine, “Umari wafika pa ŵanthu ŵangu ŵa Yisraele; kuti ndiŵajumphenge so cha.
3Sumu za mu Kasopi zisandukenge chitenje mu zuŵa lo,” atiti Ambuya Chiuta;
“viŵanda vyamukuŵa vinandi; mu malo ghose; vitayikenge kwa chisisi.”
4Vwani ichi, imwe mukandirizga ŵasauchi,
ndi mumara ŵakavuŵamu charu,
5mutiti, “Mwezi uwu waŵalikaukabilanga zukwanji, ndi sabata,
mwakuti tiguliskenge trigu
mwakuti tichepeske mweso ndi kukuzga shekelo,#8.5 shekelo: nkhandrama kamanvi ka chiYuda.
ndi kusanduska vipimukuŵa vyakupusika,
6mwakuti tiguli ŵakavu ndi siliva
ndi ŵakusauka ndi skapatu ziŵi,
ndi kuguliska gaga wa trigu?”
7Ambuya arapa ndi kuzirwa kwaku Yakobe:
“Nadi kuti ndiruwenge cha, chingana ngumoza wa milimu yawo.
8Kumbi charu kuti chitenthemenge cha pa chifukwa ichi,
ndi munthu yose kuliya yo wajamo,
ndi chose kuyuka nge ndi Nile,
ndi kupong'eka ndi kubizgika so,
nge ndi Nile waku Egipiti?”
9“Ndipo pazuŵa liya,” atiti Ambuya Chiuta,
“nkhaserezganga dazi ndi msanapakati
ndi kufipiska charu mu ukweru wa msana pakati.
10Ndisanduskenge madghera ghinu kuŵa chitenje,
ndi sumu zinu zose kuŵa chitenje;
ndivwalikenge viwunu vinu vyose ndi vigudulu,
ndi phara pa mutu wose;
nkhachichitanga nge nchitenje chapa mwana yumoza pe munthurumi,
ndi umari wake nge ndi zuŵa la urwirwi.
11“Wonani, mazuŵa ghakazanga,” atiti Ambuya Chiuta,
“penipo nkhatumanga nja mu charu;
kuti ndi nja ya sima cha, pamwenga nyota ya maji;
kweni yakuvwiya mazu gha Ambuya.
12Ŵakayinganga kutuwa ku nyanja mpaka ku nyanja yinyake,
kutuwa ku nkhonde mpaka ku vuma;
ŵakachimbiyanga uku ndi uku, kupenja mazu gha Ambuya,
kweni kuti ŵakaghasaniyanga cha.
13“Mu zuŵa lenilo ŵamwali ŵakutowa ndi ŵanyamata
ŵamukufwa msara ndi nyota.
14Ŵeniwo ŵarapa pa Ashima waku Samaria,
ndipo ŵatiti, mo ‘Chiuta wako waliri wamoyo, O Dani,’
ndipo, ‘Nge ndimo Beresheba wajaliya’;
wakawanga, kwambura kuyuka so.”
Currently Selected:
Amosi 8: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
