1 Timote 3
3
Ŵarongozgi ŵa mpingu
1Ndamagomekezgeka nenedu lo: Asani yumoza walembe ura wa mpingu, wakhumbira mlimu weneko. 2Viyo kutenere mura kuŵa wambura kalema mrumi wa munthukazi yumoza, mkanavinyo, wakujitintha, mkongorekwa, mwanja ŵalendo, warwana kusambizga; 3wabwawatu cha, wambembe cha; kweni mpovu, wambura lisonji, mwanja ndrama cha; 4wakweruzga umampha nyumba yaku yija, wakuŵa nawo ŵana mu chithera ndi uziza wose; 5kweni asani munthu wareka kuziŵa kweruzga nyumba yaku yija, waphwerenge uli eklesiya laku Chiuta? 6Mteta#3.6 Mteta: uku ndiku kuti yo wasere mu uKristu sosonukweni. cha, vinu pakututumuka wangawiya mu chisusa cha diabolo. 7Ndipo so watenere kuŵa ndi mbiri yeneko kwaku wo mbakubwaro; vinu wangawiya mu kawereri ndi chikhwiriki cha diabolo.
Ŵakovya mu mpingu
8Kwakulingana nako ŵateŵeti ŵakaŵanga ŵakongorekwa, ŵa malilime ghaŵi cha, ŵakumwa vinyo cha, wanduzi vyasoni cha, 9wakuŵa ndi mangari gha chivwanu cho mu njuŵi yikhovu. 10Kweni yaŵa nawo ŵeseke danga, pavuli po ŵamiriyenge nge mbateŵeti, asani mbakuwura masumurika. 11Kwakulingana so ŵanthukazi ŵakaŵanga ŵakongorekwa, ŵakuparamula cha, ŵamkanavinyo; ŵamagomekezgeka mwaku vyose. 12Ŵateŵeti ŵakaŵanga ŵarumi ŵa munthukazi yumoza, ŵakweruzga kweneko ŵana ndi nyumba zaku ŵija. 13Chifukwa ŵakuteŵeta kweneko ŵajanduliya kamidu keneko, ndi chiganga chikuru mu chivwanu chamwaku Kristu Yesu.
14Vyenivi ndikulembe ndawakugomekezga kuza kwako ruŵiruŵi, 15kweni asani ndiziulika, alinga kuti ungaziŵa mo kutenere kujariya mu nyumba yaku Chiuta, yeniyo ndi eklesiya laku Chiuta Wamoyo, mzati ndi chijarikiru cha uneneska. 16Ndipo kwakuzomerezgeka ngakuru mangari gha uwopa Chiuta.
Mweniyo wangurongoreke muliŵavu,
wangurunjiskikiya mu Mzimu,
wanguwoneka ndi ŵangelo,
wangumemezeka mu ŵaMitundu,
wangugomekezgeka mu charu,
wangurondeke kuchanya mu unkhankhu.
Currently Selected:
1 Timote 3: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi
