1 Yohane 1

Charu cha umoyo

1Cho chengako kutuliya ku mtendeku, cho tavwa, cho tawona ndi maso ghidu, cho tinguthoŵa, ndi manja ghidu ghangukwaska, chapa Mazu gha Umoyo, 2(ndipo Umoyo wo ungurongoleka, ndipo tauwona ndipo tisimikizga ndi tikutauliyani Umoyo wo wamwuyaya, wo wenga nawo Dada, ndipo ungurongoleke kwaku ifwe); 3chenicho tawona ndi tavwa timtauliyani imwe so, alinga kuti namwe muŵe ndi wanase pamoza nafwe; ndipo nadi wanase widu ngwa pamoza ndi Dada, ndi pamoza ndi Mwana wake Yesu Kristu. 4Ndipo vyenivi tikulembiyani, kuti chimwemwe chidu chifisike.

Chiuta mbukweru

5Ndipo wenuwu mbuthenga weniwo tavwa kwaku iyo, ndi timtauliyani, kuti Chiuta iyo nkhungweruka, ndipo mwaku iyo mdima mulive mbwenu. 6Asani tinena kuti te ndi wanase ndi iyo, ndipo titenda mu mdima wo, titeta, ndipo kuti tiuchita uneneska cha; 7kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

8Asani tinena kuti ulakwi tirive, tijipusika, ndipo uneneska wo kuti we mwaku ifwe cha. 9Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose. 10Asani tinena kuti tirive kulakwa, timsanduska mtesi, ndipo mazu ghake mwaku ifwe mulive.

Currently Selected:

1 Yohane 1: TongaMw

Highlight

Copy

Compare