AROMA Mafala akutoma nawo
Mafala akutoma nawo
Kalata ya Paulo kulembera mpingo wa ku Roma idalembwa kuti isasanye pya ulendo wa Paulo ukhafuna iye kafambira mpingo wa ku Roma. Manyerezero ache akhali akuti akaphate basa pakati pa akhristu a kweneko ndzidzi pang'ono, kubuluka penepo aende kudziko ya Spanya na chiphedzo cha akhristuwo. Iye adalemba kuti alonge mwakuveka pya chikhulupiro chachikhristu, pontho na mule munasanduzira icho makhaliro m'moyo wachikhristu. M'bukhumu Paulo akulonga monsene mwene pya mphangwa zikhalalika iye.
Pidamala iye mwenyika mpingo wa ku Roma, pontho kuapanga kuti iye ambaapempherera, Paulo akulonga msolo wa kalatache kuti, “Mphangwa Zadidi zimbaonesa mule mumbachitisira Mulungu anthu kukhala akulungama pamaso pache nkhudzera muna chikhulupiro basi, kutomera pakutoma mpakana kumamalisiro.” (1.17)
Tenepo Paulo akulonga pinango kuthimizira pa msolo wenewu. Munthu onsene, Myuda penu okhonda khala Myuda, athema kulungamiswa na Mulungu thangwi onsenewo ali pansi pa mphamvu za pyakudawa. Anthu ambalungamiswa na Mulungu kudzera m'chikhulupiro muna Khristu Yesu. Kubuluka penepo Paulo akulonga pya moyo wachinchino wakuphatanizana na Khristu ule umbadza thangwi ya ubale utswa na Mulungu. Nyakukhulupira ana mtendere na Mulungu, pontho asudzulwa na Mzimu Wakuchena kubuluka kuna mphamvu za pyakudawa na ya imfa. Mundima 5-8 Paulo akulonga pontho pya basa ya mwambo wa Mulungu, pontho mphamvu za Mzimu wa Mulungu m'moyo wa nyakukhulupira. Tenepo nyakutumwa Paulo abonera na mvunzo yakuti Myuda na munthu okhonda khala Myuda akuthema tani papinthu pidasasanya Mulungu kusasanyira munthu. Iye akumalisira kulonga kuti kukhonda Yesu kudachita Ayuda ndi khundu ibodzi idasasanya Mulungu kudzesa anthu onsene kuti adziwe kukoma mtima kwa Mulungu kudzera muna Yesu Khristu. Pontho iye ambakhulupira kuti Ayuda ndzidzi onsene hanamkhonda Yesu tayu. Pakumalisa Paulo akulemba pya mule mwathema mkhristu kukhala m'moyo wachikhristu, maka-maka pya mule mwathema anthu kufunana unango na mwanzache. Iye akulonga pya kuphatira Mulungu basa, basa ya akhristu kuna Boma na kuna unango na mwanzache, pontho na mvunzo ya pya chikumbu mtima. Iye amalisa kalata na mphangwa zache zene pontho na mafala akukuza nawo Mulungu.
Pya m'bwalomu
Mafala akutoma nawo na msolo 1.1-17
Kusowa chipulumuso kwa munthu 1.18—3.20
Njira ya Mulungu yakupulumusira nayo anthu 3.21—4.25
Moyo wachinchino muna Khristu 5.1—8.39
Israele papinthu pidasasanya Mulungu 9.1—11.36
Makhaliro achikhristu 12.1—15.13
Mafala akumalisa nawo na kupereka mwenyikiro 15.14—16.27
Currently Selected:
AROMA Mafala akutoma nawo: SenaMw
Highlight
Share
Compare
Copy
Want to have your highlights saved across all your devices? Sign up or sign in
© Bible Society of Malawi