AROMA 3
3
1Apo kukhala Myuda pana kuganyali kwanji? Penu pana kuganyali kwanji pontho munthu ungagwandwa? 2Pana kuganyali kukulu kukhala Myuda! Chakutoma Mulungu adapasa Ayuda mphangwa zache kuti azikoye. 3Apo ngakhala anango pakati pawo hanakhulupirika tayu, kadi ndiye kuti Mulungu hanakhulupirika tayu, thangwi yakukhonda kwawo khulupirika? 4Nkhabe na pang'ono pene! Mbwenye anthu apidziwe kuti Mulungu ngwakuonadi podi kwene kuti munthu onsene ngwakunama. Ninga munalongera Malemba kuti,
“Imwe mwathema kuoneka wakulungama mungalonga,
pontho mungatongwa mseru, mseruwo mbukukomereni.”#Mas. 51.4.
5Mbwenye ngakhala kukhonda lungama kwathu kukuonesa pakwecha kuti Mulungu ngwakulungama tinalonga tani? Kadi tinakwanisa kulonga kuti Mulungu ngokhonda lungama thangwi akutitchunyusa? (Ndikulonga penepi ninga mumbalongerambo anthu). 6Nkhabe tayu! Ngakhala Mulungu si wakulungama tayu, anakwanisa tani kutonga mseru anthu a padziko yapansi?
7Apo ngakhala kunama kwanga kukuchitisa kuti demelero ya Mulungu na pyakuonadi pioneke mwadidi mwene kupiringana pakutoma, thangwi yache ninji ndikutongwa kuti ndine wakudawa. 8Apo mwatani mumbakhonda longa kuti, “Tendeni tidawe pyathu towera udidi udze.” Ndimomwene kuti anthu anango akunditikana thangwi iwo akulonga kuti ndimbalonga penepi! Anthu enewa athema dzakonwa.
Nkhabe na mbodzi ene wakulungama
9Tinalonga tani? Kadi ife Ayuda tili pyadidi kupiringana anthu okhonda khala Ayuda? Nkhabe na pang'ono pene!#3.9 Ayuda tili…pang'ono pene: penu tina nyatwa kupiringana anthu okhonda khala Ayuda? Nee monsene mwene tayu! Ndapilonga kale kuti Ayuda na anthu okhonda khala Ayuda ntchibodzi-bodzi, tonsene tili pansi pa mphamvu za pyakudawa 10ninga munalongera Malemba kuti,
“Nkhabe na mbodzi ene wakulungama,#Mas. 14.1-3; 53.1-3.
11nkhabe na mbodzi ene wanzeru
penu wakusaka-saka Mulungu.
12Anthu onsene abauka kubuluka kuna Mulungu onsene
mbasanduka anthu apezi.
Nkhabe na mbodzi ene ambachita pyakulungama tayu.
13Mafala ambalonga iwo ngakupha;
lulume yawo imbalonga pyakunama pyakuipa,
pontho pyakuthuswa pyakugoswa ninga ukali wa nyoka
pimbabuluka pamulomo pawo.#Mas. 5.9; 140.3.
14M'kanwa mwawo mumbadzala na mafala akutemberera pontho akuipa.#Mas. 10.7.
15Iwo ambachimbiza kupha na kukuwaza anthu;#Yes. 59.7, 8.
16konsene kwene kunaenda iwo ambasakaziratu na kusiya anthu panyatwa.
17Iwo nkhabe funa pya mtendere tayu,
18pontho iwo nkhabe gopa Mulungu tayu.”#Mas. 36.1.
19Mbwenye chinchino tikupidziwa kuti pyonsene pili m'mwambomu pikulonga kuna ale ali pansi pa utongi wa mwambowo, towera anthu onsene asowe chakulonga, pontho kuti anthu a padziko yapansi yonsene adze kuna Mulungu dzatongwa mseru. 20Nkhabe munthu anakwanisa kulongwa tayu kuti ngwakulungama pamaso pa Mulungu, na thangwi yakuti iye ateweza mwambo. Mwambo umbachitisa kuti munthu adziwe kuti iye adawa.#Mas. 143.2; Agal. 2.16.
Mulungu ambalungamisa tani anthu pamaso pache
21Mbwenye chinchino njira ya Mulungu yakulungamisira nayo anthu pamaso pache yaoneswa pakwecha, pontho nkhabeve pinthu na mwambo tayu, podi kwene kuti mwambo wa Mose na maprofeti adapichitira umboni. 22Mulungu ambalungamisa anthu pamaso pache kudzera muna chikhulupiro chawo pana Khristu. Iye ambachita sasawa kuna anthu onsene ambakhulupira Yesu Khristu, thangwi nkhabe kusiyana pakati pawo tayu,#Agal. 2.16. 23thangwi anthu onsene adadawa, mbachimwana kufika pamaso pa Mulungu, Nyankhombo. 24Mbwenye na thangwi ya kukoma mtima kwa Mulungu iye adaalungamisa pamaso pache mwakukhonda pagali kudzera muna Yesu Khristu, ambaaombola ule. 25Mulungu adampereka, towera kudzera muna imfache ninga nsembe, iye akhale njira yakulekerera pyakudawa pyawo kudzera muna chikhulupiro chawo pana iye. Mulungu adachita tenepo towera aonese kuti iye ngwakulungama. Yesu mbadzati perekwa Mulungu adapirira nawo pontho hadaikhe konta pyakudawa pyawo tayu, 26mbwenye chinchino Mulungu ampereka kuonesa kulungama kwache. Pakuchita tenepa Mulungu akuonesa kuti iye ngwakulungama, pontho kuti ambalungamisa anthu onsene pamaso pache ambakhulupira Yesu ale.
27Apo chinchino ninji chinakwanisa ife kunyadira? Nkhabe! Thangwi yache njanji? Ayi ndi thangwi yakuti timbavera mwambo? Nkhabe, mbwenye kuti timbakhulupira. 28Penepa tinakwanisa kulonga kuti chimbalungamisa munthu pamaso pa Mulungu ntchikhulupiro chene basi, nee kuti kuvera mwambo tayu. 29Kadi Mulungu ndi Mulungu wa Ayuda okha? Kadi iye pontho si Mulungu wa anthu okhonda khala Ayuda tayu? Ndimomwene iye ndiyedi. 30Mulungu ndi mbodzi ene basi, iye analungamisa Ayuda pamaso pache kudzera muna chikhulupiro chawo, pontho analungamisa anthu okhonda khala Ayuda pamaso pache kudzera muna chikhulupiro chawo.#Deut. 6.4; Agal. 3.20. 31Kadi penepi pikulonga kuti pinaphatisa ife basa pya chikhulupiro tikutaya mwambo? Nkhabe tayu, mbwenye tikuuchitisa kuti ukhale wakufunika.
Currently Selected:
AROMA 3: SenaMw
Highlight
Share
Compare
Copy
Want to have your highlights saved across all your devices? Sign up or sign in
© Bible Society of Malawi
AROMA 3
3
1Apo kukhala Myuda pana kuganyali kwanji? Penu pana kuganyali kwanji pontho munthu ungagwandwa? 2Pana kuganyali kukulu kukhala Myuda! Chakutoma Mulungu adapasa Ayuda mphangwa zache kuti azikoye. 3Apo ngakhala anango pakati pawo hanakhulupirika tayu, kadi ndiye kuti Mulungu hanakhulupirika tayu, thangwi yakukhonda kwawo khulupirika? 4Nkhabe na pang'ono pene! Mbwenye anthu apidziwe kuti Mulungu ngwakuonadi podi kwene kuti munthu onsene ngwakunama. Ninga munalongera Malemba kuti,
“Imwe mwathema kuoneka wakulungama mungalonga,
pontho mungatongwa mseru, mseruwo mbukukomereni.”#Mas. 51.4.
5Mbwenye ngakhala kukhonda lungama kwathu kukuonesa pakwecha kuti Mulungu ngwakulungama tinalonga tani? Kadi tinakwanisa kulonga kuti Mulungu ngokhonda lungama thangwi akutitchunyusa? (Ndikulonga penepi ninga mumbalongerambo anthu). 6Nkhabe tayu! Ngakhala Mulungu si wakulungama tayu, anakwanisa tani kutonga mseru anthu a padziko yapansi?
7Apo ngakhala kunama kwanga kukuchitisa kuti demelero ya Mulungu na pyakuonadi pioneke mwadidi mwene kupiringana pakutoma, thangwi yache ninji ndikutongwa kuti ndine wakudawa. 8Apo mwatani mumbakhonda longa kuti, “Tendeni tidawe pyathu towera udidi udze.” Ndimomwene kuti anthu anango akunditikana thangwi iwo akulonga kuti ndimbalonga penepi! Anthu enewa athema dzakonwa.
Nkhabe na mbodzi ene wakulungama
9Tinalonga tani? Kadi ife Ayuda tili pyadidi kupiringana anthu okhonda khala Ayuda? Nkhabe na pang'ono pene!#3.9 Ayuda tili…pang'ono pene: penu tina nyatwa kupiringana anthu okhonda khala Ayuda? Nee monsene mwene tayu! Ndapilonga kale kuti Ayuda na anthu okhonda khala Ayuda ntchibodzi-bodzi, tonsene tili pansi pa mphamvu za pyakudawa 10ninga munalongera Malemba kuti,
“Nkhabe na mbodzi ene wakulungama,#Mas. 14.1-3; 53.1-3.
11nkhabe na mbodzi ene wanzeru
penu wakusaka-saka Mulungu.
12Anthu onsene abauka kubuluka kuna Mulungu onsene
mbasanduka anthu apezi.
Nkhabe na mbodzi ene ambachita pyakulungama tayu.
13Mafala ambalonga iwo ngakupha;
lulume yawo imbalonga pyakunama pyakuipa,
pontho pyakuthuswa pyakugoswa ninga ukali wa nyoka
pimbabuluka pamulomo pawo.#Mas. 5.9; 140.3.
14M'kanwa mwawo mumbadzala na mafala akutemberera pontho akuipa.#Mas. 10.7.
15Iwo ambachimbiza kupha na kukuwaza anthu;#Yes. 59.7, 8.
16konsene kwene kunaenda iwo ambasakaziratu na kusiya anthu panyatwa.
17Iwo nkhabe funa pya mtendere tayu,
18pontho iwo nkhabe gopa Mulungu tayu.”#Mas. 36.1.
19Mbwenye chinchino tikupidziwa kuti pyonsene pili m'mwambomu pikulonga kuna ale ali pansi pa utongi wa mwambowo, towera anthu onsene asowe chakulonga, pontho kuti anthu a padziko yapansi yonsene adze kuna Mulungu dzatongwa mseru. 20Nkhabe munthu anakwanisa kulongwa tayu kuti ngwakulungama pamaso pa Mulungu, na thangwi yakuti iye ateweza mwambo. Mwambo umbachitisa kuti munthu adziwe kuti iye adawa.#Mas. 143.2; Agal. 2.16.
Mulungu ambalungamisa tani anthu pamaso pache
21Mbwenye chinchino njira ya Mulungu yakulungamisira nayo anthu pamaso pache yaoneswa pakwecha, pontho nkhabeve pinthu na mwambo tayu, podi kwene kuti mwambo wa Mose na maprofeti adapichitira umboni. 22Mulungu ambalungamisa anthu pamaso pache kudzera muna chikhulupiro chawo pana Khristu. Iye ambachita sasawa kuna anthu onsene ambakhulupira Yesu Khristu, thangwi nkhabe kusiyana pakati pawo tayu,#Agal. 2.16. 23thangwi anthu onsene adadawa, mbachimwana kufika pamaso pa Mulungu, Nyankhombo. 24Mbwenye na thangwi ya kukoma mtima kwa Mulungu iye adaalungamisa pamaso pache mwakukhonda pagali kudzera muna Yesu Khristu, ambaaombola ule. 25Mulungu adampereka, towera kudzera muna imfache ninga nsembe, iye akhale njira yakulekerera pyakudawa pyawo kudzera muna chikhulupiro chawo pana iye. Mulungu adachita tenepo towera aonese kuti iye ngwakulungama. Yesu mbadzati perekwa Mulungu adapirira nawo pontho hadaikhe konta pyakudawa pyawo tayu, 26mbwenye chinchino Mulungu ampereka kuonesa kulungama kwache. Pakuchita tenepa Mulungu akuonesa kuti iye ngwakulungama, pontho kuti ambalungamisa anthu onsene pamaso pache ambakhulupira Yesu ale.
27Apo chinchino ninji chinakwanisa ife kunyadira? Nkhabe! Thangwi yache njanji? Ayi ndi thangwi yakuti timbavera mwambo? Nkhabe, mbwenye kuti timbakhulupira. 28Penepa tinakwanisa kulonga kuti chimbalungamisa munthu pamaso pa Mulungu ntchikhulupiro chene basi, nee kuti kuvera mwambo tayu. 29Kadi Mulungu ndi Mulungu wa Ayuda okha? Kadi iye pontho si Mulungu wa anthu okhonda khala Ayuda tayu? Ndimomwene iye ndiyedi. 30Mulungu ndi mbodzi ene basi, iye analungamisa Ayuda pamaso pache kudzera muna chikhulupiro chawo, pontho analungamisa anthu okhonda khala Ayuda pamaso pache kudzera muna chikhulupiro chawo.#Deut. 6.4; Agal. 3.20. 31Kadi penepi pikulonga kuti pinaphatisa ife basa pya chikhulupiro tikutaya mwambo? Nkhabe tayu, mbwenye tikuuchitisa kuti ukhale wakufunika.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Bible Society of Malawi