CHIDZIWISO 12

Pya mkazi na nthonga

1Tenepo kudzulu kudaoneka chidziwiso chikulu chakudodomesa: pakhali mkazi wakuvala dzuwa, mwezi mbukhala pansi pa manyalo pache na chipewu chachifumu cha nyenyezi khumi na ziwiri kumsolo kwache. 2Iye akhali chifupi kubala mbalira na mtswotswo wa kubalako. 3Chidziwiso chinango chidaoneka kuthambo. Padaoneka nthonga ikulu yakufira na misolo minomwe, nyanga khumi na chipewu chachifumu m'misolo yonsene minomwe.#Dan. 7.7. 4Chidagwinya khundu ibodzi ya makhundu matatu a nyenyezi zakudzulu na mchirache mbaziponyera padziko yapansi. Chidaimira patsogolo pamkazi kuti amdyere mwanache sindzidzi nkhumbala.#Dan. 8.10. 5Tenepo adabala mwana wamamuna, ule anatonga madzinza onsene na mthondodzo wasimbi. Mbwenye mwana ule adagonkhwa mbayendeswa kuna Mulungu, pontho kumpando wache wachifumu.#Yes. 66.7; Mas. 2.9. 6Mkazi ule adathawira kuthando yatchetcha kule kudamsasanyira kale Mulungu mbuto yache kuti akakoyiwe mwadidi nsiku chikwi na madzana mawiri na makumatanthatu.

7Tenepo nkhondo idagundika kudzulu. Mikaele na angelo ache adamenyana na nthonga ile; nthonga idamenyambo na angelo ache,#Dan. 10.13, 21; 12.1; Yud. 9. 8mbwenye nthonga idakundwa. Tenepo icho pabodzi na angelo ache hadatawirisweve kukhala m'mbuto zawo kudzulu tayu. 9Nthonga ikulu idaponyerwa kunja, nyoka yakale ile yakuchemerwa Nyakuipa, penu Satana. Nthonga yeneyi idanyengeza anthu a padziko yonsene yapansi. Yeneyi pabodzi na angelo ache adaponyerwa padziko yapansi.#Kut. 3.1; Lk. 10.18.

10Kubuluka penepo ndidava pontho fala yakugaluza kubulukira kudzulu kuti, “Chinchino chipulumuso cha Mulungu chafika! Chinchino Mulungu aonesadi mphamvu zache ninga mfumu! Chinchino Nyankhombo adasankhula iye kukhala Mfumu aonesadi utongi wache. Thangwi nyakupangirira abale athu pamaso pa Mulungu wathu mosiku na masikati ule, aponywa padziko yapansi.#Yob. 1.9-11; Zek. 3.1. 11Abale athu adamkunda na chiropa cha Mwanabira, pontho na umboni udachita iwo; iwo adapipereka okha ene kufa okhonda ikha konta kutaya moyo wawo. 12Natenepo kudzulu na anthu onsene akukhala kweneko mbakomerwe! Mbwenye dzedze kuna dziko yapansi na bara! Thangwi Satana atchithira kuna imwe. Iye ngwakudzala na ukali thangwi akupidziwa kuti ndzidzi wache wasala pang'ono basi.”

13Pidaona nthonga ile kuti yaponywa padziko yapansi, idatoma kuthamangisa mkazi adabala mwana wamamuna ule. 14Mkazi ule adapaswa maphaphido mawiri a gokomola kuti akwanise kuthawira kumbuto yache kuthando yatchetcha kule kunafuna iye dzakoyiwa mwadidi pyaka pitatu na theka gopesera kuphatwa na nthonga ile.#Dan. 7.25; 12.7. 15Tenepo nthonga ile idapaira madzi makulu m'nduli mwa mkazi ule, towera akukulule mkazi ule. 16Mbwenye dziko yapansi idaphedza mkazi ule, idayashamula kukanwa kwache mbakhudyula madzi makulu adapaira nthonga ile. 17Nthonga ile idazhangali naye mkazi ule mbienda kamenyana na pidzukulu pyache pikhadasala pile. Enewa akhali ale ambavera matongero a Mulungu mbakukhulupirika kuna pyakuonadi pidatchulula Yesu pile. 18Nthonga ile idenda kaimira#12.18 Nthonga ile idenda kaimira: Pyakulembwa pinango pyakale pyalonga Tenepo ndaimira, malingana na mafala anango atewezana na vesi yeneyi. m'khundu mwa bara.

Currently Selected:

CHIDZIWISO 12: SenaMw

Highlight

Copy

Compare