KALEMBERA Mafala akutoma nawo
Mafala akutoma nawo
Bukhu ya Kalembera ikulonga pya mbiri ya Aisraele kubulukira ndzidzi udabuluka iwo paphiri ya Sinai mpakana pidafika iwo kumabulukiro dzuwa kwa madire a dziko ikhadadumbira Mulungu kuti anaapasa ile. Ulendo wenewu udaakwatira nenene pyaka makumanayi. Dzina ya bukhuyi nkhulonga pya chinthu chakudziwika chidachitika cha mbiri yeneyi. Chenechi ndi kalembera wa Aisraele adachita Mose paphiri ya Sinai mbadzati lamuka kwenda ulendo wawo, pontho kalembera adachita iye m'dziko ya Moabu kumabulukiro dzuwa a mkulo wa Yorodani, pidagwanda mfendu ubodzi. Pandzidzi wa pakati pa kalembera wakutoma na wachiwiriyi, Aisraele adenda ku Kadeshi Barinea kumadire akumwera kwa Kanani, mbwenye iwo adachimwana kupita na penepo m'dziko idadumbira Mulungu ile. Pidamala iwo pyaka pizinji pambuto yeneyo, iwo adenda kunthemba yakumabulukiro dzuwa a mkulo wa Yorodani kudakhazikika anango a iwo, pontho kule kudasasanyika onsene akusalira pyakuwambuka mkulo wa Yorodani kwenda mu Kanani.
Bukhu ya Kalembera ndi mbiri ya anthu ale ndzidzi uzinji akhataya mtima na kuchita mantha pandzidzi wa nyatwa, pontho ale akhapandukira Mulungu pontho Mose, munthu adaasankhulira Mulungu kuti aatsogolere ule. Yeneyi ndi mbiri ya kukhulupirika kwa Mulungu kuyang'anira kwache anthu ache mwakukhonda lekeza podi kwene kuti iwo ngakudawika pontho ngokhonda vera. Pontho ndi mbiri ya kulonga pya kuimira dzololo kwa Mose, podi kwene ndzidzi unango hakhauphata mtima tayu, kupipereka yekha ene kutumikira Mulungu na anthu ache ene.
Pya m'bwalomu
Aisraele asasanyika pyakubuluka paphiri ya Sinai 1.1—9.23
a. Kalembera wakutoma wa anthu 1.1—4.49
b. Mwambo na matongero akusiyana-siyana 5.1—8.26
c. Phwando yachiwiri ya Paska 9.1-23
Kubulukira pa phiri ya Sinai kwenda ku Moabu 10.1—21.35
Pyakuchitika m'Moabu 22.1—38.42
Kulonga mwachigwandira ulendo wakubuluka ku Iguputo kwenda ku Moabu 33.1-49
Kupangwa pyakuchita mbadzati wambuka mkulo wa Yorodani 33.50—36.13
Currently Selected:
KALEMBERA Mafala akutoma nawo: SenaMw
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Malawi