KALEMBERA 26
26
Kalembera wachiwiri
1Pidamala muliri ule MBUYA adalonga kuna Mose na Eleazara mwana Aroni mbati,#Kal. 1.1-46. 2“Chitani kalembera wa dzinza yonsene malingana na mabanjawo, maka amuna a pyaka makumawiri pyakubalwa penu akupiringana penepo, ale anakwanisa kuphata basa ya unyankhondo.” 3-4Mose na Eleazara adaveradi MBUYA mbachemeresa pabodzi amuna onsene a pyaka penepi. Iwo adagumanyiswa m'maphedi a Moabu kukhundu inango ya mkulo wa Yorodani kubulukira ku Yeriko.
Aisraele ale adabuluka m'dziko ya Iguputo mbawa.
5Dzinza ya Rubeni, ule akhali mwana wautombo wa Yakobo: nkhonda Hanoki, Palu, 6Hezironi na Karimi. 7Onsene pabodzi pene akhalipo pikwi makumanayi na pitatu, pontho na madzana manomwe na makumatatu. 8Pidzukulu pya Palu pikhali Eliabu 9na anache achimuna Nemuele, Datani na Abiramu. Datani na Abiramu ngontho ale adasankhulwa na dzinza yonsene ya Israele. Iwo adapandukira Mose na Aroni mbakhala gulu ibodzi na anyakutewera Kora, pidapandukira iwo MBUYA. 10Mataka adafunguka mbaakhudyula onsene. Tenepo iwo adafa pabodzi pene Kora na anyakutewerache pidadza moto kuvunga amuna madzana mawiri na makumashanu; iwo adakhala ninga chinthu chakucheuza nacho anthu. 11Mbwenye ana achimuna a Kora hadaphiwe tayu.
12Dzinza ya Simioni: nkhonda Nemuele, Yamini, Yakini, 13Zera na Shauli. 14Onsene pabodzi pene akhalipo amuna pikwi makumawiri na piwiri na madzana mawiri.
15Dzinza ya Gadi: nkhonda Zefoni, Hagi, Shuni, 16Ozini, Eri, 17Arodi na Areli. 18Onsene pabodzi pene akhalipo amuna pikwi makumanayi na madzana mashanu.
19-21Dzinza ya Yuda: nkhonda Shela, Perezi, Zera, Hezironi na Hamuli. Ana achimuna awiri a Yuda, Eri na Onani akhadafera m'dziko ya Kanani. 22Onsenewa pabodzi pene akhalipo amuna pikwi makumanomwe na pitanthatu pontho na madzana mashanu. 23Dzinza ya Isakara: nkhonda Tola, Pua, 24Yashubu na Shimironi. 25Onsene pabodzi pene akhalipo amuna pikwi makumatanthatu na pinayi pontho na madzana matatu.
26Dzinza ya Zebuloni: nkhonda Seredi, Eloni na Yaheleele. 27Onsene pabodzi pene akhalipo amuna pikwi makumatanthatu na madzana mashanu.
28Madzinza a Yosefe ule akhali na ana awiri achimuna, Manase na Eferemu.
29Dzinza ya Manase: Makiri mwana manase adabala Gileadi. Tenepo anthu onsene ali m'tchindewa mphidzukulu pya Gileadi: 30nkhonda Izere, Heleki, 31Asriele, Shekemu, 32Shemida na Hefere. 33Zelofehadi mwana wamamuna wa Hefere akhali nkhabe ana achimuna mbwenye achikazi okhokha. Anawo madzinawo mbawa: Mala, Nowa, Hogila, Milika na Tiriza. 34Onsene pabodzi pene akhalipo amuna pikwi makumashanu na piwiri pontho na madzana manomwe.
35Dzinza ya Eferemu: nkhonda Shutela, Bekeri na Tahani. 36Nkhonda Erani mphidzukulu pya Shutela. 37Onsene pabodzi pene akhalipo amuna pikwi makumatatu na piwiri pontho na madzana mashanu. Mbumba yonseneyi ikhali pidzukulu pya Yosefe.
38Dzinza ya Benjemani: nkhonda Bela, Ashibele, Ahiramu, 39Shefufamu na Hufamu. 40Nkhonda Aridi na Naamani mphidzukulu pya Bela. 41Onsene pabodzi pene akhalipo amuna pikwi makumanayi na pishanu pontho na madzana makumatanthatu.
42Dzinza ya Dani: nkhonda Shuhamu. 43Iwo onsene pabodzi pene akhalipo amuna pikwi makumatanthatu na pinayi pontho na madzana manayi.
44Dzinza ya Asheri: nkhonda Imina, Ishivi na Beria. 45Nkhonda Heberi na Malikiele mphidzukulu pya Beria. 46Asheri akhadabala mwana wamkazi dzinache Sera. 47Onsene pabodzi pene akhalipo amuna pikwi makumashanu na pitatu pontho na madzana manayi.
48Dzinza ya Nafitali: nkhonda Yazeele, Guni, 49Yezeri na Shilemu. 50Onsene pabodzi pene akhalipo amuna pikwi makumanayi na pishanu pontho na madzana manayi.
51Konta yonsene ya amuna a mu Israele idakwana pikwi madzana matanthatu na chibodzi pontho na madzana manomwe na makumatatu.
52MBUYA adalonga kuna Mose mbati,#Kal. 34.13; Yos. 14.1, 2. 53“Gawa dzikoyo pakati pa madzinza malingana na kuinjipa kwa anthu adalembwa ale. 54-56Ungafuna kuigawa uphatise basa ntsango, pontho upereke mbuto ikulu kuna dzinza ikulumbo, mbuto ing'ono kuna dzinzambo ing'ono.”
57Dzinza ya Levi idadzala na nkhonda Gereshoni, Kohati na Merari. 58Pidzukulu pyache pidavungazikana na nkhonda Libini, Hebroni, Mahili, Mushi na Kora. Kohati adabala Amuramu, 59ule adasemba mwana wamkazi wa Levi dzinzache Yokebedi, ule adabalwa mu Iguputo. Iye adambalira Amuramu ana awiri achimuna, Aroni na Mose, pontho na nyamaingawo Miriamu. 60Aroni adabala ana anayi achimuna Nadabu, Abihu, Eleazara na Itamara.#Kal. 3.2. 61Nadabu na Abihu adafa pidapereka iwo moto okhonda tawiriswa pamaso pa Mulungu.#Lev. 10.1, 2; Kal. 3.4. 62Ana achimuna a Levi, ale akhali na mwezi ubodzi wakubalwa penu kupiringana penepo akhalipo pikwi makumawiri na pitatu. Iwo adalembwa paokha enembo nee kuavungaza kubodzi na Aisraele anzawo tayu, thangwi iwo hadapaswe mbuto mu Israele tayu.
63Anthu onsenewa adalembwa na Mose pontho Eleazara pikhachita iwo kalembera kukhundu inango ya mkulo wa Yorodani kubulukira ku Yeriko. 64Nkhabe mamuna mbodzi akhadasala tayu pakati pa anthu ale adalembwa na Mose pontho Aroni pandzidzi udachita iwo kalembera wakutoma m'thando yatchetcha ya Sinai. 65MBUYA akhadalonga kuti onsene anamala kufa m'thando yatchetcha. Nee mbodzi wa iwo adasala na moyo tayu, kupambula Kalebu mwana Yefune na Yoswa mwana Nuni.#Kal. 14.26-35.
Currently Selected:
KALEMBERA 26: SenaMw
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Malawi
