KUBULUKA 31
31
Anyaluso pa Chikhumbi cha Mulungu
(Kub. 35.30—36.1)
1MBUYA adalonga kuna Mose mbati, 2“Yang'ana, ine ndasankhula Bezalele, mwana wamamuna wa Uri, ule ndi mdzukuluache Huri, wa dzinza ya Yuda, 3pontho ndamdzaza na Mzimu wa Mulungu.#31.3 Mzimu wa Mulungu: penu mphamvu zanga. Ine ndampasa nzeru kuvesa pinthu, luso pontho kukwanisa kuphata basa yamtundu onsene yamanja, 4kukwanisa kutanda makhaliro a pinthu mwaluso, pontho kupisasanya na siliva, golidi na nkuwa; 5kugwanda miyala na kuiikha m'pyakuthemesera; kusema miti; pontho na basa yamtundu onsene yamanja. 6Ndasankhula pontho Oholiabu, mwana wamamuna wa Ahisamaki, wa dzinza ya Dani kuti aphate naye pabodzi basa. Ndapereka pontho luso kuna anango onsene akuphata basa yamtundu onsene yamanja, towera akwanise kusasanya pyonsene pyaatonga ine kuti pisasanywe: 7Chikhumbi cha Mulungu, Bokosi ya Chiverano na mphamphache, pinthu pinango pyonsene pya m'Chikhumbi, 8thebulu na pinthu pyache pyonsene, chakuikhirapo nyale chagolidi chadi-chadi na pinthu pyache pyonsene, guwa yakufukizirapo pyakununkhira, 9guwa yakuperekerapo nsembe zakupyerera na pinthu pyache pyonsene, mphale na thako yache, 10nguwo zakuthemeserwa na usalu zakupambulika za Aroni na anache zakuphatisa basa ndzidzi unaphata iwo basa ya unyansembe, 11mafuta akudzoza nawo, na pyakufukiza pyakununkhira pya Mbuto Yakuchena. Ndzidzi unasasanywa pinthu penepi, pyathema kusasanywa sasawa ninga mwakupangira ine.”
Nsiku Yakupuma
12MBUYA adatonga Mose 13kulonga kuna Aisraele kuti, “Koyani Sabudu, Nsiku Yakupuma, thangwi ntchidzindikiro pakati pa imwe na ine mifendu yonsene inadzayo, kuonesa kuti ine, MBUYA, ndakusanduzani imwe kukhala anthu anga. 14Imwe mwathema kukoya Nsiku Yakupuma, thangwi njakupambulika. Munthu anakhonda kuikoya mbaphata pyache basa pansikuyi, athema kuphiwa. 15Imwe muna nsiku zitanthatu zakuphata mabasanu, mbwenye nsiku yachinomwe ndi Nsiku Yakupuma yakupambulika kuna ine. Munthu anaphata basa pansiku yeneyo, athema kuphiwa.#Kub. 20.8-11; 23.12; 34.21; 35.2; Lev. 23.3; Deut. 5.12-14. 16Aisraele a mifendu yonsene athema kukoya nsikuyi ninga chidzindikiro cha chiverano kwenda na kwenda. 17Chenechi ntchidzindikiro chakukhazikika pakati pa Aisraele na ine, thangwi MBUYA adasasanya kudzulu na dziko yapansi nsiku zitanthatu, tenepo adalekeza basache kupuma pansiku yachinomwe.”#Kub. 20.11.
18Pikhadamala Mulungu kulonga kuna Mose paphiri ya Sinai, adampasa pyakulemberapo piwiri pyamiyala, pale pakhadalembapo Mulungu mwenechiro matongero.
Currently Selected:
KUBULUKA 31: SenaMw
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Malawi
KUBULUKA 31
31
Anyaluso pa Chikhumbi cha Mulungu
(Kub. 35.30—36.1)
1MBUYA adalonga kuna Mose mbati, 2“Yang'ana, ine ndasankhula Bezalele, mwana wamamuna wa Uri, ule ndi mdzukuluache Huri, wa dzinza ya Yuda, 3pontho ndamdzaza na Mzimu wa Mulungu.#31.3 Mzimu wa Mulungu: penu mphamvu zanga. Ine ndampasa nzeru kuvesa pinthu, luso pontho kukwanisa kuphata basa yamtundu onsene yamanja, 4kukwanisa kutanda makhaliro a pinthu mwaluso, pontho kupisasanya na siliva, golidi na nkuwa; 5kugwanda miyala na kuiikha m'pyakuthemesera; kusema miti; pontho na basa yamtundu onsene yamanja. 6Ndasankhula pontho Oholiabu, mwana wamamuna wa Ahisamaki, wa dzinza ya Dani kuti aphate naye pabodzi basa. Ndapereka pontho luso kuna anango onsene akuphata basa yamtundu onsene yamanja, towera akwanise kusasanya pyonsene pyaatonga ine kuti pisasanywe: 7Chikhumbi cha Mulungu, Bokosi ya Chiverano na mphamphache, pinthu pinango pyonsene pya m'Chikhumbi, 8thebulu na pinthu pyache pyonsene, chakuikhirapo nyale chagolidi chadi-chadi na pinthu pyache pyonsene, guwa yakufukizirapo pyakununkhira, 9guwa yakuperekerapo nsembe zakupyerera na pinthu pyache pyonsene, mphale na thako yache, 10nguwo zakuthemeserwa na usalu zakupambulika za Aroni na anache zakuphatisa basa ndzidzi unaphata iwo basa ya unyansembe, 11mafuta akudzoza nawo, na pyakufukiza pyakununkhira pya Mbuto Yakuchena. Ndzidzi unasasanywa pinthu penepi, pyathema kusasanywa sasawa ninga mwakupangira ine.”
Nsiku Yakupuma
12MBUYA adatonga Mose 13kulonga kuna Aisraele kuti, “Koyani Sabudu, Nsiku Yakupuma, thangwi ntchidzindikiro pakati pa imwe na ine mifendu yonsene inadzayo, kuonesa kuti ine, MBUYA, ndakusanduzani imwe kukhala anthu anga. 14Imwe mwathema kukoya Nsiku Yakupuma, thangwi njakupambulika. Munthu anakhonda kuikoya mbaphata pyache basa pansikuyi, athema kuphiwa. 15Imwe muna nsiku zitanthatu zakuphata mabasanu, mbwenye nsiku yachinomwe ndi Nsiku Yakupuma yakupambulika kuna ine. Munthu anaphata basa pansiku yeneyo, athema kuphiwa.#Kub. 20.8-11; 23.12; 34.21; 35.2; Lev. 23.3; Deut. 5.12-14. 16Aisraele a mifendu yonsene athema kukoya nsikuyi ninga chidzindikiro cha chiverano kwenda na kwenda. 17Chenechi ntchidzindikiro chakukhazikika pakati pa Aisraele na ine, thangwi MBUYA adasasanya kudzulu na dziko yapansi nsiku zitanthatu, tenepo adalekeza basache kupuma pansiku yachinomwe.”#Kub. 20.11.
18Pikhadamala Mulungu kulonga kuna Mose paphiri ya Sinai, adampasa pyakulemberapo piwiri pyamiyala, pale pakhadalembapo Mulungu mwenechiro matongero.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Malawi