'Ba Rumia 'Diyi 11
11
’Ba Israeli ma joloko acepi ’diyi
1 #
Fil 3:5; Zab 94:14; 1 Sam 12:22; Yer 31:37 Ka’dini ma ’yo, Mungu eri ’be suru eriniri ra ya? Aluni yo! Te ma’i indi ma ovu ’ba Israelini, Iburahimu ovu a’bi mani, suruti mani eri Benyaminini. 2#1 Opi 19:10, 14Mungu ’beni suru erini, ndra erini nile okori ku. Emi nini e’yo sizani ’yole Elia ma e’yosiri ku ya, e’yo erini asu suzu ’ba Israelini ma ruaa Mungu vuri ya? 3#1 Opi 19:10, 14Opi, yi ofu nabi mini ’bo, yi asu pari edeta edezu mi dri ’diyi va ’bo, ace kiri ma’i a’dule, te yi ndru ma fuzu indi. 4#1 Opi 19:18Te Mungu omvi e’yo eri tia ngoni ya? Ma ku ’ba alifu aziri ma ngulupiniru, kumuti osipi Baali drilia ku ’diyi. 5#Rum 9:27Eri ovu ’dini indi o’du ’dorisi, ’ba jolokoru erini pele ’yeta anzutirisi ’diyi indi. 6#Gal 3:18Te eri ka yi ope ’yeta anzutirisi, eri ovuni azisi ku; eri ka ovu azisi, ’yeta anzutiri ovuni di ’yeta anzutiri ku.
7 #
Rum 9:31
Ka’dini ngoni ya? E’yo ndra ’ba Israelini ndruleri, yi isuni ku. Te ’ba opele ’diyi isuni, te acepi ’diyi ma asi ovu mbazaru, 8#Azi 29:4; Isa 29:10ekile e’yo sizani ’yolerile,
Mungu fe ndra yi dri orindi o’du kozaniri,
mile ecopi nepi kuri, azini bile ecopi eripi kuri,
ecazu kpere andru.
9 #
Zab 69:22-23; 35:8 Daudi ’yo vini indi,
Mi ’ba mesa yini ma ovu gbagbale, azini vuluvulule,
ekile kumu pa sizurile, ekile panga ofezu yi vurile;
10mi obi yi mile ci yi kazu ndrezuku,
te mi fe nguku yini ma avuva ’dani.
Pata ’bajururu ’diyini
11 #
Azi 32:21; ’Yeta 13:46; Rum 10:19 ’Dini ma ’yo, pa yini aba ra ’dini yi ma ’de va ya? Aluni yo! Te e’deza yinisi pata eca suru dria vu, ma’yala ’bazu Israeli ma alia. 12Te e’deza yini ka lonyi fe ’ba wudrikuruni dri, azini omviza yini wereri ka lonyi fe suru dria dri, agapi turi, zota yini zozu tre treri nga lonyi amboru eji ngopi ya!
13Te ma ’yo emi ’ba suru azini ’diyi vu. Mani ovule ’ba tini pele suru azini ’diyi vuri’irisi, ma inzi azi mani ma’i, 14#1 Tim 4:16kani geri awa’disi ma eco ani ma’yala ’bazu ma adripi ruasi ’diyi ma asia, ’dini ma eco yi azini ’diyi opazaru. 15Te ’beza yini ka fe ’ba wudrikuruni ti ecizu Mungu beni, Munguni ngazu yi a’izu i vuri nga ovu ngoni ya? Eri ovuni idri dra ma vutiari’i ku ya? 16#Kal 15:17-21Te anya kapi okori eri ka ovu alatararu, anya dria eri ovu ’dinile indi; te pati ola ka ovu alatararu, pati arakala eri ovu ’dinile indi.
17 #
Efe 2:11-19
Te Mungu ka ndra pati arakala azini ’diyi onyo ra, ka mi mizeitu pati aseari su mizeitu pati ngaari ma ruaa, ’dini mi mvu su azini odu ola mizeituniari’i, 18#Yoh 4:22te mi ma ovu asi afu be pati arakala azini ’diyi ’bazu tokoru ku. Mi ka ovu asi afusi ti, mi ma avi ku mi edreni pati olani ku, te pati ola eri mi edreni. 19Kani mi nga ’yo, Onyo ndra pati arakala azini ’diyi ma suzu ani parinia beni. 20#Rum 12:16Tandi! Onyo yi a’itaakosi, te mi pa so a’itasi. Mi ma ovu egata asi afusiri be ku, te mi ovu urisi. 21Te Mungu ka ndra arakala adari ku ku, eri ngani mi ku ku indi. 22#Yoh 15:2, 4; Ebra 3:14’Dini emi ndre asi ndriza Munguni pi asi oka erini be: ’ba e’depi va ’diyi vu asi okani, te mi vu asi ndrizani mi ka te ’dani asi ndriza nderi ma alia; te ka ’dini yo eri nga mi li va indi. 23#2 Kor 3:16Te yi indi, yi ka te a’itaako yini ma alia ’dani ku, eri nga yi su dika, te Mungu eri ovu okpo be yi osuzu dika ra. 24Te eri ka ndra mi li va mi vile mizeitu pati esele aseari ma aliarisi, mi suzu esele onyiru mi sipi kuri ma ruaa; te eri ngani vini yi osu mizeitu pati esele yi vileri ma alia indi aga ra ku ya?
Israeli omvizu pata vu
25 #
Luk 21:24; Yoh 10:16; Rum 12:16 Te ma leni emi ovu e’yo niza kokoru ku, ma adripi, e’yo zizaru ’dirisi, ’dini emi kazu ovuzu onduaru emi ngulupi ma milia ku; emi ma ni kini ’ba Israelini ma esele azini ma asi eca mbazaru ’bo, eri nga ovu ’dini ’dani de nga ewu pele ’ba suru dria azini ’diyi driri gani tre ku, 26#Isa 59:20; 27:9; Mat 23:39; Zab 14:7te, dini Israeli dria yi nga yi pa ra; ekile erini ovule sizarurile,
’Ba ’ba Aripiri nga enga Zionia,
eri nga asi Mungu inzizu kuri nze suru Yakoboni ma aliarisi;
27 #
Yer 31:33-34; Isa 27:9 te ’diri eri e’yo aziza mani ngale azile yi vu o’du mani ngazu e’yo onzi yini wuzurisiri’i.
28E’yo barisi, yi ovu ari’baru emi ma e’yosi; te e’yo pezasi yi ovu lezaru a’bi yini ma e’yosi. 29Te afa feza Munguni fele ’yeta anzutirisi ’diyi ojani yi ku. 30Te ekile emini ndra Mungu inzile ku, te curu’do emini yiki isule inzitaako ’ba nde ’diyini ma e’yosirile, 31te ’dinile indi curu’do ama isu ’ba ’diyi inzini ndra ku yiki emini ma e’yosi, ’dini yi’i vini indi ma isu yiki curu’do ra. 32#Gal 3:22; 1 Tim 2:4Te Mungu ombe ’ba dria inzitaako alia, ’dini eri eco ani yiki fezaru ’ba dria dri beni. 33#Isa 55:8; 45:15; Rum 9:23; 10:12’A ’a, ondua Munguni ma lonyi e’yo niza beri ma alini zo ’doni ya! ’Ba econi e’yo erini lile ’diyi vazaru ku, azini ’ba econi leti erini ’diyi ma pamvu bizaru ku!
34 #
Isa 40:13; Yob 15:8; Yer 23:18; 1 Kor 2:16 A’dini adri asisile Opini nini ya?
A’dini adri e’yo ama eri drini ya?
35 #
Yob 41:11
A’dini adri afa fe Mungu dri oko eri ma nga arotini ofe eri dri ani ndonini ya?
36 #
1 Kor 8:6
Te afa dria efu erisi, afa dria so pa erisi, afa dria yi ovu eri vu. Diza ma ovu eri vu ’dani ’dani. Amena.
Currently Selected:
'Ba Rumia 'Diyi 11: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
'Ba Rumia 'Diyi 11
11
’Ba Israeli ma joloko acepi ’diyi
1 #
Fil 3:5; Zab 94:14; 1 Sam 12:22; Yer 31:37 Ka’dini ma ’yo, Mungu eri ’be suru eriniri ra ya? Aluni yo! Te ma’i indi ma ovu ’ba Israelini, Iburahimu ovu a’bi mani, suruti mani eri Benyaminini. 2#1 Opi 19:10, 14Mungu ’beni suru erini, ndra erini nile okori ku. Emi nini e’yo sizani ’yole Elia ma e’yosiri ku ya, e’yo erini asu suzu ’ba Israelini ma ruaa Mungu vuri ya? 3#1 Opi 19:10, 14Opi, yi ofu nabi mini ’bo, yi asu pari edeta edezu mi dri ’diyi va ’bo, ace kiri ma’i a’dule, te yi ndru ma fuzu indi. 4#1 Opi 19:18Te Mungu omvi e’yo eri tia ngoni ya? Ma ku ’ba alifu aziri ma ngulupiniru, kumuti osipi Baali drilia ku ’diyi. 5#Rum 9:27Eri ovu ’dini indi o’du ’dorisi, ’ba jolokoru erini pele ’yeta anzutirisi ’diyi indi. 6#Gal 3:18Te eri ka yi ope ’yeta anzutirisi, eri ovuni azisi ku; eri ka ovu azisi, ’yeta anzutiri ovuni di ’yeta anzutiri ku.
7 #
Rum 9:31
Ka’dini ngoni ya? E’yo ndra ’ba Israelini ndruleri, yi isuni ku. Te ’ba opele ’diyi isuni, te acepi ’diyi ma asi ovu mbazaru, 8#Azi 29:4; Isa 29:10ekile e’yo sizani ’yolerile,
Mungu fe ndra yi dri orindi o’du kozaniri,
mile ecopi nepi kuri, azini bile ecopi eripi kuri,
ecazu kpere andru.
9 #
Zab 69:22-23; 35:8 Daudi ’yo vini indi,
Mi ’ba mesa yini ma ovu gbagbale, azini vuluvulule,
ekile kumu pa sizurile, ekile panga ofezu yi vurile;
10mi obi yi mile ci yi kazu ndrezuku,
te mi fe nguku yini ma avuva ’dani.
Pata ’bajururu ’diyini
11 #
Azi 32:21; ’Yeta 13:46; Rum 10:19 ’Dini ma ’yo, pa yini aba ra ’dini yi ma ’de va ya? Aluni yo! Te e’deza yinisi pata eca suru dria vu, ma’yala ’bazu Israeli ma alia. 12Te e’deza yini ka lonyi fe ’ba wudrikuruni dri, azini omviza yini wereri ka lonyi fe suru dria dri, agapi turi, zota yini zozu tre treri nga lonyi amboru eji ngopi ya!
13Te ma ’yo emi ’ba suru azini ’diyi vu. Mani ovule ’ba tini pele suru azini ’diyi vuri’irisi, ma inzi azi mani ma’i, 14#1 Tim 4:16kani geri awa’disi ma eco ani ma’yala ’bazu ma adripi ruasi ’diyi ma asia, ’dini ma eco yi azini ’diyi opazaru. 15Te ’beza yini ka fe ’ba wudrikuruni ti ecizu Mungu beni, Munguni ngazu yi a’izu i vuri nga ovu ngoni ya? Eri ovuni idri dra ma vutiari’i ku ya? 16#Kal 15:17-21Te anya kapi okori eri ka ovu alatararu, anya dria eri ovu ’dinile indi; te pati ola ka ovu alatararu, pati arakala eri ovu ’dinile indi.
17 #
Efe 2:11-19
Te Mungu ka ndra pati arakala azini ’diyi onyo ra, ka mi mizeitu pati aseari su mizeitu pati ngaari ma ruaa, ’dini mi mvu su azini odu ola mizeituniari’i, 18#Yoh 4:22te mi ma ovu asi afu be pati arakala azini ’diyi ’bazu tokoru ku. Mi ka ovu asi afusi ti, mi ma avi ku mi edreni pati olani ku, te pati ola eri mi edreni. 19Kani mi nga ’yo, Onyo ndra pati arakala azini ’diyi ma suzu ani parinia beni. 20#Rum 12:16Tandi! Onyo yi a’itaakosi, te mi pa so a’itasi. Mi ma ovu egata asi afusiri be ku, te mi ovu urisi. 21Te Mungu ka ndra arakala adari ku ku, eri ngani mi ku ku indi. 22#Yoh 15:2, 4; Ebra 3:14’Dini emi ndre asi ndriza Munguni pi asi oka erini be: ’ba e’depi va ’diyi vu asi okani, te mi vu asi ndrizani mi ka te ’dani asi ndriza nderi ma alia; te ka ’dini yo eri nga mi li va indi. 23#2 Kor 3:16Te yi indi, yi ka te a’itaako yini ma alia ’dani ku, eri nga yi su dika, te Mungu eri ovu okpo be yi osuzu dika ra. 24Te eri ka ndra mi li va mi vile mizeitu pati esele aseari ma aliarisi, mi suzu esele onyiru mi sipi kuri ma ruaa; te eri ngani vini yi osu mizeitu pati esele yi vileri ma alia indi aga ra ku ya?
Israeli omvizu pata vu
25 #
Luk 21:24; Yoh 10:16; Rum 12:16 Te ma leni emi ovu e’yo niza kokoru ku, ma adripi, e’yo zizaru ’dirisi, ’dini emi kazu ovuzu onduaru emi ngulupi ma milia ku; emi ma ni kini ’ba Israelini ma esele azini ma asi eca mbazaru ’bo, eri nga ovu ’dini ’dani de nga ewu pele ’ba suru dria azini ’diyi driri gani tre ku, 26#Isa 59:20; 27:9; Mat 23:39; Zab 14:7te, dini Israeli dria yi nga yi pa ra; ekile erini ovule sizarurile,
’Ba ’ba Aripiri nga enga Zionia,
eri nga asi Mungu inzizu kuri nze suru Yakoboni ma aliarisi;
27 #
Yer 31:33-34; Isa 27:9 te ’diri eri e’yo aziza mani ngale azile yi vu o’du mani ngazu e’yo onzi yini wuzurisiri’i.
28E’yo barisi, yi ovu ari’baru emi ma e’yosi; te e’yo pezasi yi ovu lezaru a’bi yini ma e’yosi. 29Te afa feza Munguni fele ’yeta anzutirisi ’diyi ojani yi ku. 30Te ekile emini ndra Mungu inzile ku, te curu’do emini yiki isule inzitaako ’ba nde ’diyini ma e’yosirile, 31te ’dinile indi curu’do ama isu ’ba ’diyi inzini ndra ku yiki emini ma e’yosi, ’dini yi’i vini indi ma isu yiki curu’do ra. 32#Gal 3:22; 1 Tim 2:4Te Mungu ombe ’ba dria inzitaako alia, ’dini eri eco ani yiki fezaru ’ba dria dri beni. 33#Isa 55:8; 45:15; Rum 9:23; 10:12’A ’a, ondua Munguni ma lonyi e’yo niza beri ma alini zo ’doni ya! ’Ba econi e’yo erini lile ’diyi vazaru ku, azini ’ba econi leti erini ’diyi ma pamvu bizaru ku!
34 #
Isa 40:13; Yob 15:8; Yer 23:18; 1 Kor 2:16 A’dini adri asisile Opini nini ya?
A’dini adri e’yo ama eri drini ya?
35 #
Yob 41:11
A’dini adri afa fe Mungu dri oko eri ma nga arotini ofe eri dri ani ndonini ya?
36 #
1 Kor 8:6
Te afa dria efu erisi, afa dria so pa erisi, afa dria yi ovu eri vu. Diza ma ovu eri vu ’dani ’dani. Amena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.