Kalafe 21
21
’Ba Kanania ’diyini a’di ’dizu Israeli beri
1 #
Kal 33:40; Lip 1:16 Te ’ba Kananini ovupi opiru Aradia angu Uruleruari eri e’yo Israelini emuzu geri Atarimuarisiri ra; eri nga di a’di ’di I sraeli be, nga ’ba azini obi ati’baru. 2#E’do 28:20; Lip 11:20; Lev 27:28Te Israeli nga oyo so ci Yehova vu, kini, Mi ka nga ’ba ’diyi fe ama dria ada, ka’dini ma nga aku yini ma dri ja teketeke ra. 3Yehova nga Israeli ma o’duko eri ra, nga ’ba Kananini ’diyi fe yi dri; yi nga di yi ma dri ja teketeke aku yini be; nga angu nde ma ru ’da Horima’i.
Uri aciru ’diyi
4 #
Azi 2:1
Yi ko dri oni Horiasi acizu muzu geri Miri Ekaru vualerurisi angu Edomuni onazu kalaasi; te ’ba ma asi fu mgbo geri nde ma e’yosi. 5#1 Kor 10:9; Zab 78:19; Efu 16:3; O’be 27:7’Ba yi nga ani e’yo onzi ’yo Mungu pi ma ruaa Musa be, kini, Emi ofu ndra ama ejizu Misiriasi amani ani odrazu angu roko driaria a’disi ya? A’disiku enya yo, yi mvuza vini yo, te ama tileni acu acu nyaka onzikanyaru ’dirisi. 6#Amo 9:3, 4; 1 Kor 10:9; Azi 8:15Yehova nga uri aciru ’diyi ma ti pe ’ba ma eselesi, yi nga ’ba oga ra, ’ba Israelini karakarau nga odra ani ra. 7#Zab 78:34; Isa 26:16; Hos 5:15; Efu 8:8, 28; 1 Sam 12:19; 1 Opi 13:6; ’Yeta 8:24’Ba yi nga eca Musa vu, nga ’yo kini, Ama eza ra amani e’yo onzi ’yole Yehova pi ma ruaa mi berisi; mi zi Yehova tia, eri ma ’du uri ’diyi ama vurisi ra. Musa nga di Mungu zi yi dri ani. 8Yehova nga ’yo Musa ma tia, Mi ma ede uri aciru ma wura ’bazu pati lokoru ma sia; te eri nga ovu ’dini, ’ba dria alu alu urini galeri ka eri ndre ra, eri nga ovu idriru. 9#2 Opi 18:4; Yoh 3:14, 15Musa nga di uri ede molasi, nga eri ’ba pati lokoru ma sia; te eri eca ’dini, uri ka ’ba azini ga ra, agu nde ka uri edele molasiri lu ra, eri nga i pa ra ovuzu idriru.
’Ba Israelini ’diyini acizu Moabu ma kalaa
10Anzi Israelini nga dri ko acizu, nga di hema yini aso Obotia. 11Yi nga dri ko Obotiasi acizu, nga hema aso Iye-abarimu roko Moabu ma drilia etuni efurialeruria. 12Nga vini dri ko ’daarisi acizu, nga hema aso e’bu Zerediaria. 13#Kal 22:36; Lip 11:18Nga vini dri ko ’daarisi acizu, nga hema aso Arinoni ovupi roko efupi ’ba Amorini ma lokiri ma aliari ma kala ’aa’dasiria; te Arinoni eri lokiri Moabuniri, Moabu pi ma esele cozu ’ba Amonini be. 14Ka’dini ’yo buku omba Yehovani ’bale ’diyi ma e’yo ecezuri ma alia ’dini, kini,
Vahebu Sufa ma aliari pi,
e’bu Arinonia ’diyi pie,
15angu eluza e’bu ndeni,
i elupi aku Ariari vuleru,
i atipi lokiri Moabuni vualeruri pie.
16 #
Lip 9:21; Eceza 7:17 Nga dri ko ’daarisi acizu Beeria, ’diri yi a’di Yehovani ndra e’yoni ’yole Musa ma tia, kini, Mi oku ’ba tualu, ma nga yi fe yi driri’i. 17#Efu 15:1; Zab 105:2Etu ’dasi Israeli ngo ongo ’diri kini: Mi ma adi adi, mi yi a’di gale gari la!-Emi ngo ongo eri tia fo!-
18 #
Azi 33:4; Isa 33:22 yi a’di nde ’ba opiru ’diyini gale,
’ba ’wara ’ba drilia ’diyini ’bileni ovale,
kali opiniri pisi lote yini beri’i.
Yi nga dri ko rokoa ’darisi acizu Matanaa. 19Enga Matanaasi cazu Nahalielia, enga Nahalieliasi cazu Bamotia, 20#Kal 23:28enga Bamotiasi cazu e’bu angu Moabuniaria, kpere Pisiga angu lupi va roko yi kokoruri vualeruri ma dri mbiliria uru.
Israelini Sihonini agazu ombasiri
21 #
Azi 2:26; Lip 11:19 Israeli nga ojio ti pe Sihoni opi ’ba Amorini ma driliari vu kini, 22#Kal 20:17Mi ma ku ma ma aga angu mini ma alesi fo! Ama ngani ama oja kalasi fizu amvu pi ma alia amvu zabibuni be ku; ama ngani yi a’di gale ga ’diyi mvu ku; ama nga aci gboko opiniria, de nga ama deni kalati miniri agazu ku. 23#Azi 29:7; 2:32, 33Te Sihoni a’ini Israelini agazu angu ini ma alesi ku; te Sihoni oku ba erini ’diyi dria tualu, fuzu a’di ’dizu Israeli be rokoa, nga eca Yahazia, a’di ’dizu Israeli be. 24#Azi 29:7; Yos 12:1, 2; 24:8; Neh 9:22; Zab 135:10; 136:19; Amo 2:9Te Israeli nga eri ofu seisi, nga angu erini pa nyazu yiniru engazu Arinonia kpere Yabokia, ada kpere Amoni anzipi vu; a’disiku lokiri Amoni anzipiniri ovu okporu. 25Israeli nga aku ’diyi opa dria; Israeli nga ovu aku ambo ambo ’ba Amorini ’diyini ma alia dria, Hesiboni pia, aku erini ambo ambo ’diyi be dria. 26Te Hesibonini aku Sihoni opi ’ba Amorini ma driliarini, Sihoni nde ’di ndra a’di opi ndraka Moabu ma driliari be, opa angu erini dria eri ma driarisi, ada kpere Arinonia. 27E’yo ’disi ’ba e’yo o’beza o’bepi ’diyi ’yo ndra ’dinile,
Emi emu Hesibonia,
mi fe ’ba ma si aku Sihonini,
eri ’bazu kirikiri.
28 #
Yer 48:45-46; Isa 15:4; Azi 2:9; Isa 15:1 Te aci enga Hesiboniasi ’bo,
aci ma andre enga aku Sihoniniasi ra.
Eri ve Ari Moabuari teketeke,
’ba opiru pari uruleru Arinonia ’diyini be.
29 #
Lip 11:24; 1 Opi 11:7, 33 Eyawaye Moabu ye! Candi mi dri,
mi ’ba Kemosi vile ’diyi la! Eri fe i anzipini apazu,
eri fe i ezopini muzu ati’baru,
Sihoni opi ’ba Amorini ma driliari dri yoo!
30 #
Yer 48:18, 22 Ama gbi yi ra,
Hesiboni ja dri kpere Dibonia ’bo,
ama eza angu kpere Nofa capi Medebaaria ra.
Israelini Ogi Basaniari agazu ombasiri
31’Dini Israeli ovu ’ba Amorini ma angua. 32#Yer 48:32Musa nga ’ba ti pe Yazeri ma orile gazu; yi nga aku erini opa, nga ’ba Amorini ovupi ’dale ’diyi odro ra. 33#Yos 13:12Yi nga vini yi oja, tuzu geri Basaniarisi; te Ogi opi Basaniari nga fu a’di ’dizu yi be Edreia, eri’i ’ba erini be dria. 34#Azi 3:2; Zab 135:10; 136:20Yehova nga ’yo Musa tia, Mi ma ’ye erisi urisi ku; mani eri fele mi ma dria, ’ba erini ’diyi pie dria, angu erini pie ’borisi; mi nga eri ’ye ekile mini Sihoni opi ’ba Amorini ma drilia ovupi Hesiboniari ’yelerile. 35#Azi 3:3, 4Yi nga di eri fu ani anzipi pie, ’ba erini ’diyi pie dria, kpere ’ba alunini acezu erini kuria; yi pa angu erini nyazu yiniru.
Currently Selected:
Kalafe 21: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
Kalafe 21
21
’Ba Kanania ’diyini a’di ’dizu Israeli beri
1 #
Kal 33:40; Lip 1:16 Te ’ba Kananini ovupi opiru Aradia angu Uruleruari eri e’yo Israelini emuzu geri Atarimuarisiri ra; eri nga di a’di ’di I sraeli be, nga ’ba azini obi ati’baru. 2#E’do 28:20; Lip 11:20; Lev 27:28Te Israeli nga oyo so ci Yehova vu, kini, Mi ka nga ’ba ’diyi fe ama dria ada, ka’dini ma nga aku yini ma dri ja teketeke ra. 3Yehova nga Israeli ma o’duko eri ra, nga ’ba Kananini ’diyi fe yi dri; yi nga di yi ma dri ja teketeke aku yini be; nga angu nde ma ru ’da Horima’i.
Uri aciru ’diyi
4 #
Azi 2:1
Yi ko dri oni Horiasi acizu muzu geri Miri Ekaru vualerurisi angu Edomuni onazu kalaasi; te ’ba ma asi fu mgbo geri nde ma e’yosi. 5#1 Kor 10:9; Zab 78:19; Efu 16:3; O’be 27:7’Ba yi nga ani e’yo onzi ’yo Mungu pi ma ruaa Musa be, kini, Emi ofu ndra ama ejizu Misiriasi amani ani odrazu angu roko driaria a’disi ya? A’disiku enya yo, yi mvuza vini yo, te ama tileni acu acu nyaka onzikanyaru ’dirisi. 6#Amo 9:3, 4; 1 Kor 10:9; Azi 8:15Yehova nga uri aciru ’diyi ma ti pe ’ba ma eselesi, yi nga ’ba oga ra, ’ba Israelini karakarau nga odra ani ra. 7#Zab 78:34; Isa 26:16; Hos 5:15; Efu 8:8, 28; 1 Sam 12:19; 1 Opi 13:6; ’Yeta 8:24’Ba yi nga eca Musa vu, nga ’yo kini, Ama eza ra amani e’yo onzi ’yole Yehova pi ma ruaa mi berisi; mi zi Yehova tia, eri ma ’du uri ’diyi ama vurisi ra. Musa nga di Mungu zi yi dri ani. 8Yehova nga ’yo Musa ma tia, Mi ma ede uri aciru ma wura ’bazu pati lokoru ma sia; te eri nga ovu ’dini, ’ba dria alu alu urini galeri ka eri ndre ra, eri nga ovu idriru. 9#2 Opi 18:4; Yoh 3:14, 15Musa nga di uri ede molasi, nga eri ’ba pati lokoru ma sia; te eri eca ’dini, uri ka ’ba azini ga ra, agu nde ka uri edele molasiri lu ra, eri nga i pa ra ovuzu idriru.
’Ba Israelini ’diyini acizu Moabu ma kalaa
10Anzi Israelini nga dri ko acizu, nga di hema yini aso Obotia. 11Yi nga dri ko Obotiasi acizu, nga hema aso Iye-abarimu roko Moabu ma drilia etuni efurialeruria. 12Nga vini dri ko ’daarisi acizu, nga hema aso e’bu Zerediaria. 13#Kal 22:36; Lip 11:18Nga vini dri ko ’daarisi acizu, nga hema aso Arinoni ovupi roko efupi ’ba Amorini ma lokiri ma aliari ma kala ’aa’dasiria; te Arinoni eri lokiri Moabuniri, Moabu pi ma esele cozu ’ba Amonini be. 14Ka’dini ’yo buku omba Yehovani ’bale ’diyi ma e’yo ecezuri ma alia ’dini, kini,
Vahebu Sufa ma aliari pi,
e’bu Arinonia ’diyi pie,
15angu eluza e’bu ndeni,
i elupi aku Ariari vuleru,
i atipi lokiri Moabuni vualeruri pie.
16 #
Lip 9:21; Eceza 7:17 Nga dri ko ’daarisi acizu Beeria, ’diri yi a’di Yehovani ndra e’yoni ’yole Musa ma tia, kini, Mi oku ’ba tualu, ma nga yi fe yi driri’i. 17#Efu 15:1; Zab 105:2Etu ’dasi Israeli ngo ongo ’diri kini: Mi ma adi adi, mi yi a’di gale gari la!-Emi ngo ongo eri tia fo!-
18 #
Azi 33:4; Isa 33:22 yi a’di nde ’ba opiru ’diyini gale,
’ba ’wara ’ba drilia ’diyini ’bileni ovale,
kali opiniri pisi lote yini beri’i.
Yi nga dri ko rokoa ’darisi acizu Matanaa. 19Enga Matanaasi cazu Nahalielia, enga Nahalieliasi cazu Bamotia, 20#Kal 23:28enga Bamotiasi cazu e’bu angu Moabuniaria, kpere Pisiga angu lupi va roko yi kokoruri vualeruri ma dri mbiliria uru.
Israelini Sihonini agazu ombasiri
21 #
Azi 2:26; Lip 11:19 Israeli nga ojio ti pe Sihoni opi ’ba Amorini ma driliari vu kini, 22#Kal 20:17Mi ma ku ma ma aga angu mini ma alesi fo! Ama ngani ama oja kalasi fizu amvu pi ma alia amvu zabibuni be ku; ama ngani yi a’di gale ga ’diyi mvu ku; ama nga aci gboko opiniria, de nga ama deni kalati miniri agazu ku. 23#Azi 29:7; 2:32, 33Te Sihoni a’ini Israelini agazu angu ini ma alesi ku; te Sihoni oku ba erini ’diyi dria tualu, fuzu a’di ’dizu Israeli be rokoa, nga eca Yahazia, a’di ’dizu Israeli be. 24#Azi 29:7; Yos 12:1, 2; 24:8; Neh 9:22; Zab 135:10; 136:19; Amo 2:9Te Israeli nga eri ofu seisi, nga angu erini pa nyazu yiniru engazu Arinonia kpere Yabokia, ada kpere Amoni anzipi vu; a’disiku lokiri Amoni anzipiniri ovu okporu. 25Israeli nga aku ’diyi opa dria; Israeli nga ovu aku ambo ambo ’ba Amorini ’diyini ma alia dria, Hesiboni pia, aku erini ambo ambo ’diyi be dria. 26Te Hesibonini aku Sihoni opi ’ba Amorini ma driliarini, Sihoni nde ’di ndra a’di opi ndraka Moabu ma driliari be, opa angu erini dria eri ma driarisi, ada kpere Arinonia. 27E’yo ’disi ’ba e’yo o’beza o’bepi ’diyi ’yo ndra ’dinile,
Emi emu Hesibonia,
mi fe ’ba ma si aku Sihonini,
eri ’bazu kirikiri.
28 #
Yer 48:45-46; Isa 15:4; Azi 2:9; Isa 15:1 Te aci enga Hesiboniasi ’bo,
aci ma andre enga aku Sihoniniasi ra.
Eri ve Ari Moabuari teketeke,
’ba opiru pari uruleru Arinonia ’diyini be.
29 #
Lip 11:24; 1 Opi 11:7, 33 Eyawaye Moabu ye! Candi mi dri,
mi ’ba Kemosi vile ’diyi la! Eri fe i anzipini apazu,
eri fe i ezopini muzu ati’baru,
Sihoni opi ’ba Amorini ma driliari dri yoo!
30 #
Yer 48:18, 22 Ama gbi yi ra,
Hesiboni ja dri kpere Dibonia ’bo,
ama eza angu kpere Nofa capi Medebaaria ra.
Israelini Ogi Basaniari agazu ombasiri
31’Dini Israeli ovu ’ba Amorini ma angua. 32#Yer 48:32Musa nga ’ba ti pe Yazeri ma orile gazu; yi nga aku erini opa, nga ’ba Amorini ovupi ’dale ’diyi odro ra. 33#Yos 13:12Yi nga vini yi oja, tuzu geri Basaniarisi; te Ogi opi Basaniari nga fu a’di ’dizu yi be Edreia, eri’i ’ba erini be dria. 34#Azi 3:2; Zab 135:10; 136:20Yehova nga ’yo Musa tia, Mi ma ’ye erisi urisi ku; mani eri fele mi ma dria, ’ba erini ’diyi pie dria, angu erini pie ’borisi; mi nga eri ’ye ekile mini Sihoni opi ’ba Amorini ma drilia ovupi Hesiboniari ’yelerile. 35#Azi 3:3, 4Yi nga di eri fu ani anzipi pie, ’ba erini ’diyi pie dria, kpere ’ba alunini acezu erini kuria; yi pa angu erini nyazu yiniru.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.