Kalafe 10
10
Guka dahaburu ’diyi
1Yehova nga ’yo Musa tia, kini, 2#Zab 81:3; 89:15; Isa 1:13; Hos 8:1; Yoe 1:14Mi ede mi dri guka iri dahabusi, mi ede yi dahabu dile dirisi, mi nga ani guka ’diyisi ’ba ongulumuru omve, mi nga guka ’diyi vu ’ba pari hema asozu ’diyia ’diyi ma acita ma e’yosi indio 3#Yer 4:5; Yoe 2:15; Zab 22:22; 35:18; Isa 55:1-4; Zek 8:21-23; Eceza 22:17Yi ka guka ’diyi vu ra, ’ba ongulumuru dria nga yi oku mi vu hema ti ecizaniri ma jotilia. 4#Kal 1:16; 7:2; Efu 18:21Yi ka guka vu alu a’dule, ’ba opiru ’ba Israelini alifu alifu ma dri cepi ’diyi nga yi oku mi vuni. 5#Kal 2:3Emi ka guka vu alicerele, ’ba ovupi pari hema asozu etuni efurialeru ’diyia ’diyi nga dri ko acizuni. 6Emi ka guka vu alicerele pale iririsi, ’ba ovupi pari hema asozu woko uruleruria ’diyia ’diyi nga dri ko acizuni, Emi ma vu guka alicerele acita yini ma e’yosi. 7#Yoe 2:1Te emi ka le ’ba ongulumuru okuzu tualu, emi ma vu guka ra, te emi vu alicerele ku. 8#Kal 31:6; Yos 6:4; 1 Sur 14:24; 16:6; 2 Sur 13:12Aroni anzipi kuhaniru ’diyi nga guka vuni. Guka ’diyi ma ovu e’yo azitaru emi dri ’dani ’dani a’bianzi emini vusiri’i. 9#Lip 2:18; 3:27; 1 Sam 10:18; Zab 106:42; E’do 8:1; 1 Opi 8:44; Zab 106:4Emi ka fu mu a’di ’dizu angu emini ma alia ari’ba emi inzapi ’diyi be, emi ma vu di guka alicerele, Yehova Mungu emini nga e’yo emini ega, emi nga ovu pazaru ari’ba emini ma dria ani. 10#Lev 23:24; 1 Sur 15:24; 2 Sur 7:6; Ezr 3:10; Neh 12:35; Zab 81:3; Efu 28:29; 30:16; Yos 4:7; 1 Kor 11:24-26Emi ma vu vini guka emini ayiko ’bazurisi, omu e’yoni azile azi ’diyisi, azini o’du mbani egaria ’diyisi, edeta emini vezaru ’diyi pi ma dria, edeta emini asi anzuruni ’diyi be; yi nga ovu emi dri e’yo egale egariru Mungu emini ma drilia: ma Yehova Mungu eminiri’i.
’Ba Israelinini Sinaini kuzuri
11 #
Kal 9:17
Eri nga eca ’dini, eli iriri, mba iriri ma o’du kali iririsi, iriti nga nga bere e’yo eti nzezaniri ma driarisi uru. 12#Efu 40:36; Kal 1:1; Efu 19:1; Kal 12:16; 13:3, 26; E’do 21:21; Azi 1:1; 32:2; 1 Sam 25:1; Hab 3:3Anzi Israelini nga di dri ko acizu aci yini vusi, efuzu roko Sinaiariasi; iriti nde nga ri roko Paraniaria. 13#Kal 2:34Yi nga aci yini e’do ekile Yehovani azile geri Musa vurisirile. 14Pari okori ma alia, pari Yuda anzipini hema asozuri ma bendera ce drini, ’ba yini ongulumuru ’diyi vusi; ’ba ’ba erini ongulumuru ’diyi ma driliari eri Nasoni Abinadabu mvi’i. 15’Ba ongulumuru Isakari anzipini ma driliari Netaneli Zuari mvi’i. 16’Ba ongulumuru suru Zebuluni anzipini ma driliari eri Eliabu Heloni mvi’i.
17 #
Kal 1:51; 4:24, 31 Yi nga bereni anzu ra, Gerisoni anzipi azini Merari anzipi, ’ba bere ’dupi ’diyi, nga di dri ko acizuni. 18Pari Rubeni anzipini hema asozuri ma bendera nga dri ko acizu drile ’ba yini ongulumuru ’diyi vusi; ’ba yini ongulumuru ’diyi ma driliari eri Elizuri Sedeuri mvi’i. 19’Ba ongulumuru suru Simeoni anzipini ma driliari eri Selumieli Zurisadai mvi’i. 20’Ba ongulumuru suru Gadi anzipini ma driliari eri Eliasafu Deueli mvi’i.
21’Ba Kohatini nga di dri ko acizu, nga pari alatararuri ’du, de ’ba ’dayi ji mu bere asosi ’daa de nga yi ecani ku. 22Pari Efiraimu anzipini hema asozuri ma bendera ce drini, ’ba yini ongulumuru ’diyi vusi; ’ba yini ongulumuru ’diyi ma driliari eri Elisama Amihudi mvi, 23’Ba ongulumuru suru Manase anzipini ma driliari eri Gamalieli Pedazuri mvi’i. 24’Ba ongulumuru suru Benyamini anzipini ma driliari eri Abidani Gideoni mvi’i.
25 #
Yos 6:9
Pari Dani anzipini hema asozu ovupi pari hema asozu ’diyi ma vutia vile asizuri ma bendera, nga dri ko acizu ’ba ongulumuru yini vusi; ’ba yini ongulumuru ’diyi ma driliari eri Ahiezeri Amisadai mvi’i, 26’Ba ongulumuru suru Aseri anzipini ma driliari eri Pagieli Okirani mvi’i, 27’Ba ongulumuru suru Nafutali anzipini ma driliari eri Ahira Enani mvi’i. 28#Zab 80:1; Ong 6:10Anzi Israelini ma aci ndra ’dini, ’ba yini ongulumuru ’diyi vusi yini dri koria.
29 #
Efu 2:18; E’do 12:7; Lip 1:16; 4:11; E’do 32:12; Efu 6:7, 8 Musa nga ’yo Hobabu Reueli ’ba Midianini, Musa ma anyi ma mvi ma tia, Ama di aci pari ndra Yehovani e’yoni ’yole kini, Ma nga eri fe emi dri raria; mi emu ama be, ama nga mi ’ye onyiru; Yehovani e’yo onyiru ’yole Israeli ma e’yosi ’borisi, 30Eri nga ’yo eri tia, Ma ngani mu ku, te ma nga mvi ama vile angua, ’ba ama vile ’diyi vu. 31#Yob 29:15Eri ’yo eri tia, Ma zi mi tia, mi ma ku ama ku fo! A’disiku mini nile ama nga hema aso roko dria rarisi, mi nga ovu ama dri mileru, 32Te eri nga ovu ’dini, mi ka nga mu ama be, ada eri nga ovu ’dini, ka tro nga ovu e’yo onyiru ngonini ti Yehovani ngale ’yele ama vuri, ama nga ’ye mi vu trotro, 33#Efu 3:2; Azi 1:33; Yer 31:2Yi nga di dri ko engazu oni Yehovaniria, acizu o’du pale na; sanduku aziza Yehovanirini ce dri yi drilea acizu o’du pale na, pari ava lizuri ndazu yi dri. 34#Efu 13:21; Neh 9:12, 19; Zab 105:39Iriti Yehovani ovu yi ma dria etusi, yini dri koria pari yini hema asozuriasi.
35 #
Zab 68:1, 2; Isa 51:9 Eri nga di ovu ’dini, sandukuni dri koria acizu drileria, Musa nga ’yo, Mi nga uru, Yehova la! Mi fe ari’ba mini ma ere yi ra; mi fe ’ba mi ngupi onzi ’diyi ma apa mi driliasi fo! 36#Zab 90:14, 17; 132:8Te sandukuni riria ava liria, eri kini, Yehova la, mi mvi ’ba alifu mudri ’ba Israelini alifu alifu ’diyi vu.
Currently Selected:
Kalafe 10: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
Kalafe 10
10
Guka dahaburu ’diyi
1Yehova nga ’yo Musa tia, kini, 2#Zab 81:3; 89:15; Isa 1:13; Hos 8:1; Yoe 1:14Mi ede mi dri guka iri dahabusi, mi ede yi dahabu dile dirisi, mi nga ani guka ’diyisi ’ba ongulumuru omve, mi nga guka ’diyi vu ’ba pari hema asozu ’diyia ’diyi ma acita ma e’yosi indio 3#Yer 4:5; Yoe 2:15; Zab 22:22; 35:18; Isa 55:1-4; Zek 8:21-23; Eceza 22:17Yi ka guka ’diyi vu ra, ’ba ongulumuru dria nga yi oku mi vu hema ti ecizaniri ma jotilia. 4#Kal 1:16; 7:2; Efu 18:21Yi ka guka vu alu a’dule, ’ba opiru ’ba Israelini alifu alifu ma dri cepi ’diyi nga yi oku mi vuni. 5#Kal 2:3Emi ka guka vu alicerele, ’ba ovupi pari hema asozu etuni efurialeru ’diyia ’diyi nga dri ko acizuni. 6Emi ka guka vu alicerele pale iririsi, ’ba ovupi pari hema asozu woko uruleruria ’diyia ’diyi nga dri ko acizuni, Emi ma vu guka alicerele acita yini ma e’yosi. 7#Yoe 2:1Te emi ka le ’ba ongulumuru okuzu tualu, emi ma vu guka ra, te emi vu alicerele ku. 8#Kal 31:6; Yos 6:4; 1 Sur 14:24; 16:6; 2 Sur 13:12Aroni anzipi kuhaniru ’diyi nga guka vuni. Guka ’diyi ma ovu e’yo azitaru emi dri ’dani ’dani a’bianzi emini vusiri’i. 9#Lip 2:18; 3:27; 1 Sam 10:18; Zab 106:42; E’do 8:1; 1 Opi 8:44; Zab 106:4Emi ka fu mu a’di ’dizu angu emini ma alia ari’ba emi inzapi ’diyi be, emi ma vu di guka alicerele, Yehova Mungu emini nga e’yo emini ega, emi nga ovu pazaru ari’ba emini ma dria ani. 10#Lev 23:24; 1 Sur 15:24; 2 Sur 7:6; Ezr 3:10; Neh 12:35; Zab 81:3; Efu 28:29; 30:16; Yos 4:7; 1 Kor 11:24-26Emi ma vu vini guka emini ayiko ’bazurisi, omu e’yoni azile azi ’diyisi, azini o’du mbani egaria ’diyisi, edeta emini vezaru ’diyi pi ma dria, edeta emini asi anzuruni ’diyi be; yi nga ovu emi dri e’yo egale egariru Mungu emini ma drilia: ma Yehova Mungu eminiri’i.
’Ba Israelinini Sinaini kuzuri
11 #
Kal 9:17
Eri nga eca ’dini, eli iriri, mba iriri ma o’du kali iririsi, iriti nga nga bere e’yo eti nzezaniri ma driarisi uru. 12#Efu 40:36; Kal 1:1; Efu 19:1; Kal 12:16; 13:3, 26; E’do 21:21; Azi 1:1; 32:2; 1 Sam 25:1; Hab 3:3Anzi Israelini nga di dri ko acizu aci yini vusi, efuzu roko Sinaiariasi; iriti nde nga ri roko Paraniaria. 13#Kal 2:34Yi nga aci yini e’do ekile Yehovani azile geri Musa vurisirile. 14Pari okori ma alia, pari Yuda anzipini hema asozuri ma bendera ce drini, ’ba yini ongulumuru ’diyi vusi; ’ba ’ba erini ongulumuru ’diyi ma driliari eri Nasoni Abinadabu mvi’i. 15’Ba ongulumuru Isakari anzipini ma driliari Netaneli Zuari mvi’i. 16’Ba ongulumuru suru Zebuluni anzipini ma driliari eri Eliabu Heloni mvi’i.
17 #
Kal 1:51; 4:24, 31 Yi nga bereni anzu ra, Gerisoni anzipi azini Merari anzipi, ’ba bere ’dupi ’diyi, nga di dri ko acizuni. 18Pari Rubeni anzipini hema asozuri ma bendera nga dri ko acizu drile ’ba yini ongulumuru ’diyi vusi; ’ba yini ongulumuru ’diyi ma driliari eri Elizuri Sedeuri mvi’i. 19’Ba ongulumuru suru Simeoni anzipini ma driliari eri Selumieli Zurisadai mvi’i. 20’Ba ongulumuru suru Gadi anzipini ma driliari eri Eliasafu Deueli mvi’i.
21’Ba Kohatini nga di dri ko acizu, nga pari alatararuri ’du, de ’ba ’dayi ji mu bere asosi ’daa de nga yi ecani ku. 22Pari Efiraimu anzipini hema asozuri ma bendera ce drini, ’ba yini ongulumuru ’diyi vusi; ’ba yini ongulumuru ’diyi ma driliari eri Elisama Amihudi mvi, 23’Ba ongulumuru suru Manase anzipini ma driliari eri Gamalieli Pedazuri mvi’i. 24’Ba ongulumuru suru Benyamini anzipini ma driliari eri Abidani Gideoni mvi’i.
25 #
Yos 6:9
Pari Dani anzipini hema asozu ovupi pari hema asozu ’diyi ma vutia vile asizuri ma bendera, nga dri ko acizu ’ba ongulumuru yini vusi; ’ba yini ongulumuru ’diyi ma driliari eri Ahiezeri Amisadai mvi’i, 26’Ba ongulumuru suru Aseri anzipini ma driliari eri Pagieli Okirani mvi’i, 27’Ba ongulumuru suru Nafutali anzipini ma driliari eri Ahira Enani mvi’i. 28#Zab 80:1; Ong 6:10Anzi Israelini ma aci ndra ’dini, ’ba yini ongulumuru ’diyi vusi yini dri koria.
29 #
Efu 2:18; E’do 12:7; Lip 1:16; 4:11; E’do 32:12; Efu 6:7, 8 Musa nga ’yo Hobabu Reueli ’ba Midianini, Musa ma anyi ma mvi ma tia, Ama di aci pari ndra Yehovani e’yoni ’yole kini, Ma nga eri fe emi dri raria; mi emu ama be, ama nga mi ’ye onyiru; Yehovani e’yo onyiru ’yole Israeli ma e’yosi ’borisi, 30Eri nga ’yo eri tia, Ma ngani mu ku, te ma nga mvi ama vile angua, ’ba ama vile ’diyi vu. 31#Yob 29:15Eri ’yo eri tia, Ma zi mi tia, mi ma ku ama ku fo! A’disiku mini nile ama nga hema aso roko dria rarisi, mi nga ovu ama dri mileru, 32Te eri nga ovu ’dini, mi ka nga mu ama be, ada eri nga ovu ’dini, ka tro nga ovu e’yo onyiru ngonini ti Yehovani ngale ’yele ama vuri, ama nga ’ye mi vu trotro, 33#Efu 3:2; Azi 1:33; Yer 31:2Yi nga di dri ko engazu oni Yehovaniria, acizu o’du pale na; sanduku aziza Yehovanirini ce dri yi drilea acizu o’du pale na, pari ava lizuri ndazu yi dri. 34#Efu 13:21; Neh 9:12, 19; Zab 105:39Iriti Yehovani ovu yi ma dria etusi, yini dri koria pari yini hema asozuriasi.
35 #
Zab 68:1, 2; Isa 51:9 Eri nga di ovu ’dini, sandukuni dri koria acizu drileria, Musa nga ’yo, Mi nga uru, Yehova la! Mi fe ari’ba mini ma ere yi ra; mi fe ’ba mi ngupi onzi ’diyi ma apa mi driliasi fo! 36#Zab 90:14, 17; 132:8Te sandukuni riria ava liria, eri kini, Yehova la, mi mvi ’ba alifu mudri ’ba Israelini alifu alifu ’diyi vu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.