'Ba Levini 4
4
Edeta e’yo onzi edezu ’diyi
1Yehova nga di ’yo Musa tia kini, 2#Lev 5:15, 17; Kal 15:22; 1 Sam 14:27; Zab 19:12Mi ’yo Israeli anzipi ma tia kini, ’Ba azini ka e’yo onzi ’ye ani-akosi, ka e’yo Yehovani azile ma ’ye ku ’diyi ma azi alu ’ye, 3#Lev 8:12; 21:10; Ebra 5:3; Lev 9:2’ba nde ka ovu ’ba kuhaniru yini odu osule drinia ’bori, ka e’yo eza, ’dini e’yo onzi ejizu ’ba ongulumuru ma dria, ka’dini e’yo onzi erinisi eri ma fe tiago aluduru nyebile kokoru Yehova dri edeta e’yo onzi edezuriru. 4Eri ma eji tiago nderi hema ti ecizaniri ma tilia Yehova drilia, ma ti i ma dri tiago nderi ma dri olu’bua, ma li ti nderi Yehova drilia. 5#Lev 16:14; Kal 19:4; Ebra 9:13Kuhani yini odu osule drinia ’bori ma ebe ti nderi ma ari ma azi, ma eji hema ti ecizaniria; 6#Isa 42:21; Yoh 8:29; Rum 3:24; 2 Kor 5:19; Efe 2:13; Eceza 5:9te kuhani ma su i ma drileju ari nde ma alia, ma oya eri paleko aziri Yehova ma drilia, bongo jo ale alizu pari alatararuriari ma drilia, 7#Lev 9:9; 16:18; Ebra 9:21-25; Lev 5:9Kuhani ma ’ba ari nde ma azi pari obiese arikariru vezuri ma o’yu ma dria, Yehova ma drilia, hema ti ecizaniri ma alia, te eri ma osu ari acepiri dria pari edeta veza edezu ovupi hema ti ecizanirima tileari ma ndua. 8Te eri ma ti tiago edeta e’yo onzi edezuriruri ma ose dria, oso raururi pi, oso dria otile fi ma ruaari pie, 9orofi iri ’diyi pie, oso ruania gualeruri pie, aridria’bure ogu ruaari pie, ma nze yi orofi be tualu, 10(ekile yini oso nzele monio edeta asi anzurunirini ma ruaarile), te kuhani ma ve yi pari edeta veza edezuri ma dria. 11#Efu 29:14; Kal 19:5Te tiago nderi ma enyiriko pi, kalanyani dria pi, drini pi, pani pi, fi aleniari pi, warani pie, 12#Lev 6:11; Ebra 13:11adani ma ji ti nderi ma joloko pi pari ’bani hema asozuri ma tia amve, pari ofale alaru yini adrizu ofuta dazuria, ma ’ba eri eja dria,
13 #
Kal 15:24; Yos 7:11; Lev 5:2-4, 17 ’Ba ongulumuru Israelini dria ka e’yo onzi ’ye aniakosi, e’yo nde ka ovu zizaru ’ba ongulumuru ma milia, yi ka e’yo Yehovani azile ma ’ye ku ’diyi ma azi ’ye ra, ka ovu ani e’yo onzi be yi ma dria; 14e’yo yini ’yeleri ka i e’da ra, ’ba ongulumuru ma eji tiago aluduru edeta e’yo onzi edezuriru, ma eji eri hema ti ecizaniri ma drilia; 15#Efu 29:10-19; Lev 1:4; 3:2; Isa 53:6; Mat 8:17; Ebra 9:28; 1 Pet 2:24’ba ’wara ’ba ongulumuruni ’diyi ma oti yi ma idri tiago nde ma dri olu’bua Yehova ma drilia, ma li tiago nderi Yehova ma drilia. 16#Ebra 9:12-14Te kuhani odu osule drinia ’bori ma ebe tiago nderi ma ari ma azi, ejizu hema ti ecizaniria, 17te kuhani ma su i ma drileju ari nde ma alia, ma oya eri paleko aziri Yehova drilia, bongo jo ale alizu pari alatararuriari ma drilia. 18Eri ma ’ba ari nde ma azi pari edeta edezu Yehova ma drilia hema ti ecizaniri ma aliari ma o’yu ma dria; te eri ma osu ari acepiri dria pari edeta veza edezu ovupi hema ti ecizaniri ma tiliari ma ndua. 19Te eri ma ti ’osoni dria, ma eve eri pari edeta edezuri ma dria. 20#Kal 15:25; Dan 9:24; Rum 5:11; Ebra 2:17; 10:10-12; 1 Yoh 1:7; 2:2Eri ma ’ye tiago ndesi ’dini; eri ma ’ye tiago nde dirisi ekile erini ’yele tiago edeta e’yo onzi edezurinirisirile; kuhani ma ede e’yo onzi yini, dini e’yo onzi yini ma ovu wuzaru ani. 21Eri ma ji tiago nderi pari ’bani hema asozuri ma tia amve, ma eve eri ekile erini tiago okori evelerile; eri edeta e’yo onzi edezu ’ba ongulumuru ’diyi driri’i.
22 #
Efu 18:21; Kal 16:2; Ezr 9:2; ’Yeta 3:17; 2 Sam 21:1-3 Opi ka eza ra, ka e’yo Yehova Mungu erinirini azile ma ’ye ku ’diyi ma azi ’ye aniakosi, ka ovu ani e’yo onzi be i ma dria, 23ka e’yo onzi erini ’yeleri ece eri dri ra, eri ma eji ndriago nyebile kokoruri edeta iniriru. 24Eri ma ti i ma dri ndri nderi ma dri olu’bua, ma li eri pari yini adrizu edeta veza lizuria Yehova ma drilia; eri edeta e’yo onzi edezu ri’i. 25Te kuhani ma ebe ari edeta e’yo onzi edezuriniri ma azi drilejusi, ma ’ba eri pari edeta veza edezuri ma o’yu ma dria, te eri ma osu ari acepiri pari edeta veza edezuri ma ndua. 26#Lev 3:5; Kal 15:28Te eri ma eve osoni dria pari edeta edezuri ma dria, ekile erini edeta asi anzuruniri ma oso evelerile; kuhani ma ede e’yo erini e’yo onzi erinisi, ’diyi e’yo onzi erini ma ovu wuzaru ani. 27#Kal 15:27-28; Ekl 7:20’Ba toko ’diyi ma azi alu ka e’yo onzi ’ye aniakosi, ka e’yo Yehovani azile ma ’ye ku ’diyi ma azi ’ye, ka ovu ani e’yo onzi be eri ma dria, 28ka e’yo onzi erini ’yeleri ece eri dri ra, eri ma eji ndriaroni nyebile kokoru edeta iniriru, e’yo onzi erini ezalerisi. 29#Lev 4:4, 24Eri ma ti i ma dri edeta e’yo onzi edezuri ma dria, ma li edeta e’yo onzi edezu nderi pari yini adrizu edeta veza edezuria. 30Te kuhani ma ebe ari ma azi i ma drilejusi, ma ’ba eri pari edeta veza edezuri ma o’yu ma dria, te eri ma osu ari acepiri dria pari edeta edezuri ma ndua. 31#Lev 3:14; Efu 29:18; Lev 1:9; Ezr 6:10Eri ma ti osoni dria ekile yini edeta asi anzuruni ’diyi ma oso tilerile, kuhani ma eve eri pari edeta edezuri ma dria, aji arikariru Yehova dri; kuhani ma ede e’yo onzi erini, e’yo onzi erini ma ovu wuzaru ani.
32 #
Isa 53:7; Yoh 1:29; ’Yeta 8:32; 1 Pet 1:19; Eceza 5:6-14; 13:8 Eri ka kabilomva eji edeta ini e’yo onzi edezuriru, eri ma eji kabiloaroni nyebile kokoruri. 33Eri ma ti i ma dri edeta e’yo onzi edezuri ma dria, ma li eri edeta e’yo onzi edezuriru pari yini adrizu edeta veza lizuria. 34Te kuhani ma ebe edeta e’yo onzi edezuri ma ari ma azi i ma drilejusi, ma ’ba eri pari edeta veza edezuri ma o’yu ma dria, te eri ma osu ari acepiri dria pari edeta, ledezuri ma ndua. 35#Lev 3:5; Dan 9:24; Rum 5:11; Ebra 9:8-28; 1 Yoh 1:7; 2:2Eri ma ti osoni dria ekile yini kabilomva edeta asi anzuruniri ma oso tilerile, te kuhani ma eve eri pari edeta edezuri ma dria, ekile yini adrile edeta edele Yehova dri acisi ’diyi evelerile; kuhani ma ede e’yo erini, e’yo onzi erini ’yelerisi, e’yo onzi erini ma ovu wuzaru ani.
Currently Selected:
'Ba Levini 4: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
'Ba Levini 4
4
Edeta e’yo onzi edezu ’diyi
1Yehova nga di ’yo Musa tia kini, 2#Lev 5:15, 17; Kal 15:22; 1 Sam 14:27; Zab 19:12Mi ’yo Israeli anzipi ma tia kini, ’Ba azini ka e’yo onzi ’ye ani-akosi, ka e’yo Yehovani azile ma ’ye ku ’diyi ma azi alu ’ye, 3#Lev 8:12; 21:10; Ebra 5:3; Lev 9:2’ba nde ka ovu ’ba kuhaniru yini odu osule drinia ’bori, ka e’yo eza, ’dini e’yo onzi ejizu ’ba ongulumuru ma dria, ka’dini e’yo onzi erinisi eri ma fe tiago aluduru nyebile kokoru Yehova dri edeta e’yo onzi edezuriru. 4Eri ma eji tiago nderi hema ti ecizaniri ma tilia Yehova drilia, ma ti i ma dri tiago nderi ma dri olu’bua, ma li ti nderi Yehova drilia. 5#Lev 16:14; Kal 19:4; Ebra 9:13Kuhani yini odu osule drinia ’bori ma ebe ti nderi ma ari ma azi, ma eji hema ti ecizaniria; 6#Isa 42:21; Yoh 8:29; Rum 3:24; 2 Kor 5:19; Efe 2:13; Eceza 5:9te kuhani ma su i ma drileju ari nde ma alia, ma oya eri paleko aziri Yehova ma drilia, bongo jo ale alizu pari alatararuriari ma drilia, 7#Lev 9:9; 16:18; Ebra 9:21-25; Lev 5:9Kuhani ma ’ba ari nde ma azi pari obiese arikariru vezuri ma o’yu ma dria, Yehova ma drilia, hema ti ecizaniri ma alia, te eri ma osu ari acepiri dria pari edeta veza edezu ovupi hema ti ecizanirima tileari ma ndua. 8Te eri ma ti tiago edeta e’yo onzi edezuriruri ma ose dria, oso raururi pi, oso dria otile fi ma ruaari pie, 9orofi iri ’diyi pie, oso ruania gualeruri pie, aridria’bure ogu ruaari pie, ma nze yi orofi be tualu, 10(ekile yini oso nzele monio edeta asi anzurunirini ma ruaarile), te kuhani ma ve yi pari edeta veza edezuri ma dria. 11#Efu 29:14; Kal 19:5Te tiago nderi ma enyiriko pi, kalanyani dria pi, drini pi, pani pi, fi aleniari pi, warani pie, 12#Lev 6:11; Ebra 13:11adani ma ji ti nderi ma joloko pi pari ’bani hema asozuri ma tia amve, pari ofale alaru yini adrizu ofuta dazuria, ma ’ba eri eja dria,
13 #
Kal 15:24; Yos 7:11; Lev 5:2-4, 17 ’Ba ongulumuru Israelini dria ka e’yo onzi ’ye aniakosi, e’yo nde ka ovu zizaru ’ba ongulumuru ma milia, yi ka e’yo Yehovani azile ma ’ye ku ’diyi ma azi ’ye ra, ka ovu ani e’yo onzi be yi ma dria; 14e’yo yini ’yeleri ka i e’da ra, ’ba ongulumuru ma eji tiago aluduru edeta e’yo onzi edezuriru, ma eji eri hema ti ecizaniri ma drilia; 15#Efu 29:10-19; Lev 1:4; 3:2; Isa 53:6; Mat 8:17; Ebra 9:28; 1 Pet 2:24’ba ’wara ’ba ongulumuruni ’diyi ma oti yi ma idri tiago nde ma dri olu’bua Yehova ma drilia, ma li tiago nderi Yehova ma drilia. 16#Ebra 9:12-14Te kuhani odu osule drinia ’bori ma ebe tiago nderi ma ari ma azi, ejizu hema ti ecizaniria, 17te kuhani ma su i ma drileju ari nde ma alia, ma oya eri paleko aziri Yehova drilia, bongo jo ale alizu pari alatararuriari ma drilia. 18Eri ma ’ba ari nde ma azi pari edeta edezu Yehova ma drilia hema ti ecizaniri ma aliari ma o’yu ma dria; te eri ma osu ari acepiri dria pari edeta veza edezu ovupi hema ti ecizaniri ma tiliari ma ndua. 19Te eri ma ti ’osoni dria, ma eve eri pari edeta edezuri ma dria. 20#Kal 15:25; Dan 9:24; Rum 5:11; Ebra 2:17; 10:10-12; 1 Yoh 1:7; 2:2Eri ma ’ye tiago ndesi ’dini; eri ma ’ye tiago nde dirisi ekile erini ’yele tiago edeta e’yo onzi edezurinirisirile; kuhani ma ede e’yo onzi yini, dini e’yo onzi yini ma ovu wuzaru ani. 21Eri ma ji tiago nderi pari ’bani hema asozuri ma tia amve, ma eve eri ekile erini tiago okori evelerile; eri edeta e’yo onzi edezu ’ba ongulumuru ’diyi driri’i.
22 #
Efu 18:21; Kal 16:2; Ezr 9:2; ’Yeta 3:17; 2 Sam 21:1-3 Opi ka eza ra, ka e’yo Yehova Mungu erinirini azile ma ’ye ku ’diyi ma azi ’ye aniakosi, ka ovu ani e’yo onzi be i ma dria, 23ka e’yo onzi erini ’yeleri ece eri dri ra, eri ma eji ndriago nyebile kokoruri edeta iniriru. 24Eri ma ti i ma dri ndri nderi ma dri olu’bua, ma li eri pari yini adrizu edeta veza lizuria Yehova ma drilia; eri edeta e’yo onzi edezu ri’i. 25Te kuhani ma ebe ari edeta e’yo onzi edezuriniri ma azi drilejusi, ma ’ba eri pari edeta veza edezuri ma o’yu ma dria, te eri ma osu ari acepiri pari edeta veza edezuri ma ndua. 26#Lev 3:5; Kal 15:28Te eri ma eve osoni dria pari edeta edezuri ma dria, ekile erini edeta asi anzuruniri ma oso evelerile; kuhani ma ede e’yo erini e’yo onzi erinisi, ’diyi e’yo onzi erini ma ovu wuzaru ani. 27#Kal 15:27-28; Ekl 7:20’Ba toko ’diyi ma azi alu ka e’yo onzi ’ye aniakosi, ka e’yo Yehovani azile ma ’ye ku ’diyi ma azi ’ye, ka ovu ani e’yo onzi be eri ma dria, 28ka e’yo onzi erini ’yeleri ece eri dri ra, eri ma eji ndriaroni nyebile kokoru edeta iniriru, e’yo onzi erini ezalerisi. 29#Lev 4:4, 24Eri ma ti i ma dri edeta e’yo onzi edezuri ma dria, ma li edeta e’yo onzi edezu nderi pari yini adrizu edeta veza edezuria. 30Te kuhani ma ebe ari ma azi i ma drilejusi, ma ’ba eri pari edeta veza edezuri ma o’yu ma dria, te eri ma osu ari acepiri dria pari edeta edezuri ma ndua. 31#Lev 3:14; Efu 29:18; Lev 1:9; Ezr 6:10Eri ma ti osoni dria ekile yini edeta asi anzuruni ’diyi ma oso tilerile, kuhani ma eve eri pari edeta edezuri ma dria, aji arikariru Yehova dri; kuhani ma ede e’yo onzi erini, e’yo onzi erini ma ovu wuzaru ani.
32 #
Isa 53:7; Yoh 1:29; ’Yeta 8:32; 1 Pet 1:19; Eceza 5:6-14; 13:8 Eri ka kabilomva eji edeta ini e’yo onzi edezuriru, eri ma eji kabiloaroni nyebile kokoruri. 33Eri ma ti i ma dri edeta e’yo onzi edezuri ma dria, ma li eri edeta e’yo onzi edezuriru pari yini adrizu edeta veza lizuria. 34Te kuhani ma ebe edeta e’yo onzi edezuri ma ari ma azi i ma drilejusi, ma ’ba eri pari edeta veza edezuri ma o’yu ma dria, te eri ma osu ari acepiri dria pari edeta, ledezuri ma ndua. 35#Lev 3:5; Dan 9:24; Rum 5:11; Ebra 9:8-28; 1 Yoh 1:7; 2:2Eri ma ti osoni dria ekile yini kabilomva edeta asi anzuruniri ma oso tilerile, te kuhani ma eve eri pari edeta edezuri ma dria, ekile yini adrile edeta edele Yehova dri acisi ’diyi evelerile; kuhani ma ede e’yo erini, e’yo onzi erini ’yelerisi, e’yo onzi erini ma ovu wuzaru ani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.