'Ba Levini 25
25
Eli sabatoruri pi eli kali towi yubileruri be
1 #
Efu 23:10-11
Yehova nga di ’yo Musa tia oni Sinai ma dria kini, 2#Efu 23:10; Lev 26:34, 35; 2 Sur 36:21Mi ’yo anzi Israelini ’diyi ma tia, mi kini, Emi ka nga fi angu mani fele emi driri ma alia ’boria, nyakuni nga sabato ma ta mba Yehova dri. 3Mi ma ri ori amvu mini ma alia, mi ma ede zabibu pati mini ’diyi ma rua, ma oku efini kapi ’diyi eli azia; 4te eli aziriri sabato ava liza inzitaniri nyaku dri, sabato Yehova driri’i; mi ma ri ori amvu minia ku, ma ede Vini zabibu pati ma rua ku. 5#2 Opi 19:29; Isa 37:30Afa engapi kapi ceni afa kaza mini ma eseliari mi ma lo ku, azini zabibu efi, zabibu pati mini ruani edele kurini kale ’diyi, mi ma oti vini ku; eri nga ovu eli ava liza inzitaniri nyakuni. 6Sabato nyakuni nderi nga nyaka fe emi drini; mi dri, ati’bo miniri pie, ati’bo okuru miniri pie, ati’bo mini azi ngapi oyasiri pie, ani’bo ovupi mi beri pie; 7ti mini ’diyi pie, anyapa dria ovupi angu minia ’diyi pie dria; efi kazani dria ma ovu yi ma nyakaru.
8Mi ma la mi dri sabato aziri elini, dria eli aziri pale aziri, ’dini ewu sabato aziri eliniri nga ovu mi dri eli kali su drini oromi. 9#Lev 23:24; 16:20, 30Mba aziri ma o’du mudririsi mi ma fe guka o’duko be ururi ma awu ma ku; o’du e’yo onzi edezurisi emi ma fe guka awu ma ku angu emini ma alia dria, 10#Efu 20:2; Ezr 6:3; Isa 49:24, 25; Yer 34:8, 15, 17; Luk 4:19; Gal 5:1; Kal 36:4Emi ma ’ba eli kali towiri alatararu, ma azi e’yo trutani angu ma alia dria, ’ba dria ovupi alenia ’diyi dri; eri ma ovu emi dri eli yubileru guka awuniri’i; emi dria alu alu ma mvi emi vile angua, emi dria alu alu ma mvi ’ba emini vu. 11Eli kali towi nderi ma ovu emi dri eli yubile guka awuniriru; eli nderisi emi ma ri ori ku, ma lo afa engapi ceniri vini ku, ma oti zabibu efi zabibu pati mini ruani edele kurini kale ’diyi vini ku. 12A’disiku eri eli yubileru guka awuniri’i; eri ma ovu emi dri alatararu; emi nga afa kaza erini amvuari nya ra. 13#Lev 27:24; Kal 36:4’Ba dria alu alu ma mvi angu yinia eli yubileru guka awuni ’dorisi. 14#Lev 19:13; 1 Sam 12:3; Zab 10:18; Mik 2:2; 1 Kor 6:8Mi ka fe afa ozi mi agyi vu, kani mi ka afa je mi agyi dri, emi ma ’ye ’lokiri emi eselia ku. 15Mi ma je afa mi agyi dri eli yubileru guka awuniri ma vutia ’diyi vusi, eri ma fe afa ozizu mi dri eli nyakuni ngazu afa kazu ’diyi vusi. 16Eli ka ovu kakau mi ma fe ajeni ma ere i, te eli ka ovu were mi ma omvi ajeni ra, a’disiku agu nderi eri mi dri afa loza fe ozi kalafe elinini ovulerileni. 17#O’be 14:31; 22:22; Yer 7:6; Eze 22:29; 1 Tes 4:6Emi ma ’ye lokiri emi eselia ku, te emi ma ru Mungu emini; te ma Yehova Mungu eminiri’i. 18#Lev 26:5; Azi 12:10; Zab 4:8; O’be 1:33; Yer 23:6E’yo ’disi emi ma ’ye azita mani ’diyi, ma mba e’yo liza mani,’diyi ma ta, yi ’yezu; emi ma ovu ani angu nderi ma alia e’yo ’yaasi. 19Nyakuni nga efi ini ka, emi nga nya trazu indi, emi nga ovu alenia, e’yo ’yaasi. 20#Mat 6:25; Kal 11:4-13; 2 Opi 6:15Emi ka ’yo kini, Eli aziririsi ama nga a’di nya ya? emi ndre, ama ngani ori ri ku, ama ngani vini afa kaza amani lo ku. 21#Efu 16:29; Azi 28:8; Zab 33:12; 119:2; O’be 3:33; 8:32; 1 Tim 4:8Eli aziarisi ma nga asi ndriza mani azi emi dria, eri nga ani afa ka dri fuzu eli na paria. 22#2 Opi 19:29; Yos 5:11Eli arorisi emi nga ori ri emini de afa kaza oku ’dari nyaria; cazu kpere eli oromiria ’bani afa kaza o’diruri okuria emi nga afa kaza okuri nya ’dani. 23#Azi 32:43; 2 Sur 7:20; Zab 24:1; 85:1; Isa 8:8; Hos 9:3; Yoe 2:18; Zab 119:19; 1 Pet 2:11’Ba ma fe angu ozizu ovuzu ’ba ma afaru ’dani ’dani ku, a’disiku angu nderi mani; te emi ovu ani’ba azini ’ba emupi emu ’diyi ma be. 24Angu emini ma alia dria emi ma a’i ’bani angu nderi onzezu. 25#Rut 2:20; 3:2Alio ka mi adrini nde ra, eri ka ozi ani angu ini ma azi, ka’dini ori’ba erini ogogori ma emu, ma onze afa i adrini fele ozile ’bori. 26Te ’ba azini ka ovu ’ba ecopi angu nderi onzepiri be ku, te vutinia eri ka ofu afa e’iru dika, ka afa isu fudri eri onzezu, 27eri ma la eli o’depi oziza ma vutia ’diyi, ma omvi silingi agapi drile tu ’diyi ’ba ndra erini eri ozizu vuniari dri; eri ma nga, di mvi fi angu inia beni. 28Te eri ka eco angu nderi omvizu i ngulupisi ku, afa erini ozile ’bori ma ovu di ’dani ’ba ndra eri jepiri ma dria cazu kpere eli yubileru guka awuniria; eli yubileru nderisi ma omvi eri ra, eri ma nga di mvi fi angu inia dika beni.
29’Ba azini ka jo ovupi aku amboru abi kaliru beri ma aliari fe ozizu, eri eco eri onzezu eli alu pi o’du erini eri ozizuri ma vutia; eri ma ovu okpo be eri onzezu eli alu pi. 30Ka eri onze eli alu nderi ma alia ku, ka’dini jo nde ovupi aku abi kaliru beri ma aliari ma ovu ’dani ’ba eri jepi ndrari ma afaru a’bianzi erini vusi dria; ma omvi eri eli yubilerurisi ku. 31Te ma la jo ovupi aku nyiri abi kaliru kokoru ’diyi ma alia ’diyi tualu amvu angu nderia ’diyi be; eco yi onzezu ra, azini ma omvi yi eli yubilerurisi. 32#Yos 21:2Te ti, aku ambo ambo ’ba Levini, jo ovupi aku yi vile ’diyi ma alia ’diyi, ’ba Levini eco yi onzezu ewuniria dria, 33Te ’ba azini ka afa je ’ba Levini dri, ma omvi jo fele ozileri pi, aku eri ma afaruri be, eli yubilerurisi; a’disiku jo ovupi aku ambo ambo ’ba Levini ’diyi ma alia ’diyi ove ’yi ma afaru zu anzi Israelini ’diyi ma eselia. 34#’Yeta 4:36Te ma fe amvu angu aku ambo ambo yini ’diyi ma ageiaria ’diyi ozizu ku; a’disiku eri ovu afa yiniru ’dani’dani. 35#Azi 15:7-8; Zab 37:26; O’be 14:31; Luk 6:35; ’Yeta 11:29; Rum 12:18; 1 Yoh 3:17Alio ka mi adrini nde, ka eco ani i ngulupi ma aza ko i ma drisi mi be ku, mi ma ko azani mi’i; eri ma ovu mi be ekile ani’bole azini ’ba emupi emurile. 36#Efu 22:25; Azi 23:19; Neh 5:7; Zab 15:5; O’be 28:8; Eze 18:8, 13, 17Mi ma a’i erini mari omvizu ereni be, kani orodri be drinia ku, te mi ma ru Mungu mini; mi adri ma ovu mi be ani. 37#Efu 22:25; Azi 23:19-20Mi ma fe mari eri dri mini ereni isuzu drini ’dini ku, mi ma fe vini nyaka mini eri dri mariru orodri isuzu ani drinia ’dini ku indio 38Ma ovu Yehova Mungu emini emi ofupi angu Misiriariasi, angu Kananini fezu emi dri, mani ovuzu Mungu eminiri’i. 39#Efu 21:2-6; 22:3; Azi 15:12-18; 1 Opi 9:22; 2 Opi 4:1; Yer 34:14Te alia ka mi adrini nde mi ageia, ka i fe je mi dri, mi ma fe eri ma nga azi ekile ati’bole ku, 40te eri ma ovu mi be ekile ati’bo azi ngapi oyasirile, kani ekile ’ba emupi emurile. Eri ma nga azi mi be cazu eli yubileru guka awuniria; 41eli ndesi ma fu di mi vusi ra, eri’i i anzipi be tualu, ma mvi ’ba ini vu, mvizu angu i ma a’bipiniria indi. 42#Rum 6:22; 1 Kor 7:23A’disiku yi ovu ati’ba mani, mani ofule ndra angu Misiriariasi ’diyi; ma fe yi je ati’bale ku. 43#Efu 1:13, 14; 2:23; 3:7, 9; 5:14; Isa 47:6; Efe 6:9; Kol 4:1; Efu 1:17, 21; Azi 25:18; Mal 3:5Mi ma ovu opiru eri ma drilia okposi ku, te mi ma ru Mungu miniri, 44Te ati’ba mini agupiru ’diyi pi okuru ’diyi be, mini ngazu ovuzu yi be ’diyi ma e’yoni ’di: emi eco ati’ba agupiru pi jezaru okuru ’diyi be, suru emi ecepi kuru ’diyi ma eselia ra. 45Emi eco vini ani’ba ovupi emi be ’diyi ma anzi ma azi jezaru, ori’ba yini ovupi emi be otile emi vile angua ’diyi ma azi indi; yi eco ovuzu afa eminiru. 46Emi nga yi ku emi anzipi emi ma vutia ’diyi dri ra, ovuzu awuruso yiniru o’du dria; emi eco ati’ba emini isuzaru yi eselia ra, te emi ma ovu opiru adripi emini ’ba Israelini ’diyi ma drilia, ’ba aluni ovuzu i agyini ma drilia okposi, ’dini ku. 47Ani’bo kani ’ba emupi emu ovupi mi beri ka ofu afa e’iru, re alio ka mi adrini nde eri ma ageia, eri ka i ngulupi fe je ani’bo dri kani ’ba emupi emu ovupi mi beri dri, kani ani’bo nderi ma ori’ba dri, 48ka’dini erini i jezu ’bori ma vutia, eco ’ba azinini eri onzezaru ra; adripi erini ma azi alu eco eri onzezaru ra, 49kani eri ma atapiru, kani eri ma atapiro ma mvi, kani ’ba dria ori’ba erini ogogori eco eri onzezaru ra; kani eri ka ofu afa e’iru, eri ceo i ma ngulupi onzezaru ra. 50Eri ma la eli ma kalafe ’ba i jepiri be, engazu eli erini i fezu jezu eri driria cazu eli yubileruria, azini aje eri onzezuri ma ovu eli nde ’diyi ma kalafe vusi; ma la ewu erini ovuzu eri beri ekile ewu ati’bo azi ngapi oyasirinirile. 51Eli ka nga ace kakau, eri ma omvi aje eri onzeizuri engazu aje ndra eri jezuri ma leselia eli ’diyi ma kalafe vusi. 52Te eli ecepi caze eli yubileruria ’diyi ka nga ace were, eri ma la e’yo eri be; eri ma omvi aje eri onzezuri eli erini vusi. 53Eri ma ovu eri be ekile ati’bo azi ngapi oyasi eli vusi eli vusirile: eri ma ovu opiru eri ma drilia okposi mi milia ku. 54Te ka eri onze geri ’diyi ma azisiku,ma otru yi eli yubilenirisi, eri’i anzipi be. 55A’disiku anzi Israelini ’diyi ovu ’ati’baru ma dri; vi ati’ba mani, mani ofule ejile angu Misiriarisi ’diyi: ma Yehova Mungu eminiri’i.
Currently Selected:
'Ba Levini 25: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
'Ba Levini 25
25
Eli sabatoruri pi eli kali towi yubileruri be
1 #
Efu 23:10-11
Yehova nga di ’yo Musa tia oni Sinai ma dria kini, 2#Efu 23:10; Lev 26:34, 35; 2 Sur 36:21Mi ’yo anzi Israelini ’diyi ma tia, mi kini, Emi ka nga fi angu mani fele emi driri ma alia ’boria, nyakuni nga sabato ma ta mba Yehova dri. 3Mi ma ri ori amvu mini ma alia, mi ma ede zabibu pati mini ’diyi ma rua, ma oku efini kapi ’diyi eli azia; 4te eli aziriri sabato ava liza inzitaniri nyaku dri, sabato Yehova driri’i; mi ma ri ori amvu minia ku, ma ede Vini zabibu pati ma rua ku. 5#2 Opi 19:29; Isa 37:30Afa engapi kapi ceni afa kaza mini ma eseliari mi ma lo ku, azini zabibu efi, zabibu pati mini ruani edele kurini kale ’diyi, mi ma oti vini ku; eri nga ovu eli ava liza inzitaniri nyakuni. 6Sabato nyakuni nderi nga nyaka fe emi drini; mi dri, ati’bo miniri pie, ati’bo okuru miniri pie, ati’bo mini azi ngapi oyasiri pie, ani’bo ovupi mi beri pie; 7ti mini ’diyi pie, anyapa dria ovupi angu minia ’diyi pie dria; efi kazani dria ma ovu yi ma nyakaru.
8Mi ma la mi dri sabato aziri elini, dria eli aziri pale aziri, ’dini ewu sabato aziri eliniri nga ovu mi dri eli kali su drini oromi. 9#Lev 23:24; 16:20, 30Mba aziri ma o’du mudririsi mi ma fe guka o’duko be ururi ma awu ma ku; o’du e’yo onzi edezurisi emi ma fe guka awu ma ku angu emini ma alia dria, 10#Efu 20:2; Ezr 6:3; Isa 49:24, 25; Yer 34:8, 15, 17; Luk 4:19; Gal 5:1; Kal 36:4Emi ma ’ba eli kali towiri alatararu, ma azi e’yo trutani angu ma alia dria, ’ba dria ovupi alenia ’diyi dri; eri ma ovu emi dri eli yubileru guka awuniri’i; emi dria alu alu ma mvi emi vile angua, emi dria alu alu ma mvi ’ba emini vu. 11Eli kali towi nderi ma ovu emi dri eli yubile guka awuniriru; eli nderisi emi ma ri ori ku, ma lo afa engapi ceniri vini ku, ma oti zabibu efi zabibu pati mini ruani edele kurini kale ’diyi vini ku. 12A’disiku eri eli yubileru guka awuniri’i; eri ma ovu emi dri alatararu; emi nga afa kaza erini amvuari nya ra. 13#Lev 27:24; Kal 36:4’Ba dria alu alu ma mvi angu yinia eli yubileru guka awuni ’dorisi. 14#Lev 19:13; 1 Sam 12:3; Zab 10:18; Mik 2:2; 1 Kor 6:8Mi ka fe afa ozi mi agyi vu, kani mi ka afa je mi agyi dri, emi ma ’ye ’lokiri emi eselia ku. 15Mi ma je afa mi agyi dri eli yubileru guka awuniri ma vutia ’diyi vusi, eri ma fe afa ozizu mi dri eli nyakuni ngazu afa kazu ’diyi vusi. 16Eli ka ovu kakau mi ma fe ajeni ma ere i, te eli ka ovu were mi ma omvi ajeni ra, a’disiku agu nderi eri mi dri afa loza fe ozi kalafe elinini ovulerileni. 17#O’be 14:31; 22:22; Yer 7:6; Eze 22:29; 1 Tes 4:6Emi ma ’ye lokiri emi eselia ku, te emi ma ru Mungu emini; te ma Yehova Mungu eminiri’i. 18#Lev 26:5; Azi 12:10; Zab 4:8; O’be 1:33; Yer 23:6E’yo ’disi emi ma ’ye azita mani ’diyi, ma mba e’yo liza mani,’diyi ma ta, yi ’yezu; emi ma ovu ani angu nderi ma alia e’yo ’yaasi. 19Nyakuni nga efi ini ka, emi nga nya trazu indi, emi nga ovu alenia, e’yo ’yaasi. 20#Mat 6:25; Kal 11:4-13; 2 Opi 6:15Emi ka ’yo kini, Eli aziririsi ama nga a’di nya ya? emi ndre, ama ngani ori ri ku, ama ngani vini afa kaza amani lo ku. 21#Efu 16:29; Azi 28:8; Zab 33:12; 119:2; O’be 3:33; 8:32; 1 Tim 4:8Eli aziarisi ma nga asi ndriza mani azi emi dria, eri nga ani afa ka dri fuzu eli na paria. 22#2 Opi 19:29; Yos 5:11Eli arorisi emi nga ori ri emini de afa kaza oku ’dari nyaria; cazu kpere eli oromiria ’bani afa kaza o’diruri okuria emi nga afa kaza okuri nya ’dani. 23#Azi 32:43; 2 Sur 7:20; Zab 24:1; 85:1; Isa 8:8; Hos 9:3; Yoe 2:18; Zab 119:19; 1 Pet 2:11’Ba ma fe angu ozizu ovuzu ’ba ma afaru ’dani ’dani ku, a’disiku angu nderi mani; te emi ovu ani’ba azini ’ba emupi emu ’diyi ma be. 24Angu emini ma alia dria emi ma a’i ’bani angu nderi onzezu. 25#Rut 2:20; 3:2Alio ka mi adrini nde ra, eri ka ozi ani angu ini ma azi, ka’dini ori’ba erini ogogori ma emu, ma onze afa i adrini fele ozile ’bori. 26Te ’ba azini ka ovu ’ba ecopi angu nderi onzepiri be ku, te vutinia eri ka ofu afa e’iru dika, ka afa isu fudri eri onzezu, 27eri ma la eli o’depi oziza ma vutia ’diyi, ma omvi silingi agapi drile tu ’diyi ’ba ndra erini eri ozizu vuniari dri; eri ma nga, di mvi fi angu inia beni. 28Te eri ka eco angu nderi omvizu i ngulupisi ku, afa erini ozile ’bori ma ovu di ’dani ’ba ndra eri jepiri ma dria cazu kpere eli yubileru guka awuniria; eli yubileru nderisi ma omvi eri ra, eri ma nga di mvi fi angu inia dika beni.
29’Ba azini ka jo ovupi aku amboru abi kaliru beri ma aliari fe ozizu, eri eco eri onzezu eli alu pi o’du erini eri ozizuri ma vutia; eri ma ovu okpo be eri onzezu eli alu pi. 30Ka eri onze eli alu nderi ma alia ku, ka’dini jo nde ovupi aku abi kaliru beri ma aliari ma ovu ’dani ’ba eri jepi ndrari ma afaru a’bianzi erini vusi dria; ma omvi eri eli yubilerurisi ku. 31Te ma la jo ovupi aku nyiri abi kaliru kokoru ’diyi ma alia ’diyi tualu amvu angu nderia ’diyi be; eco yi onzezu ra, azini ma omvi yi eli yubilerurisi. 32#Yos 21:2Te ti, aku ambo ambo ’ba Levini, jo ovupi aku yi vile ’diyi ma alia ’diyi, ’ba Levini eco yi onzezu ewuniria dria, 33Te ’ba azini ka afa je ’ba Levini dri, ma omvi jo fele ozileri pi, aku eri ma afaruri be, eli yubilerurisi; a’disiku jo ovupi aku ambo ambo ’ba Levini ’diyi ma alia ’diyi ove ’yi ma afaru zu anzi Israelini ’diyi ma eselia. 34#’Yeta 4:36Te ma fe amvu angu aku ambo ambo yini ’diyi ma ageiaria ’diyi ozizu ku; a’disiku eri ovu afa yiniru ’dani’dani. 35#Azi 15:7-8; Zab 37:26; O’be 14:31; Luk 6:35; ’Yeta 11:29; Rum 12:18; 1 Yoh 3:17Alio ka mi adrini nde, ka eco ani i ngulupi ma aza ko i ma drisi mi be ku, mi ma ko azani mi’i; eri ma ovu mi be ekile ani’bole azini ’ba emupi emurile. 36#Efu 22:25; Azi 23:19; Neh 5:7; Zab 15:5; O’be 28:8; Eze 18:8, 13, 17Mi ma a’i erini mari omvizu ereni be, kani orodri be drinia ku, te mi ma ru Mungu mini; mi adri ma ovu mi be ani. 37#Efu 22:25; Azi 23:19-20Mi ma fe mari eri dri mini ereni isuzu drini ’dini ku, mi ma fe vini nyaka mini eri dri mariru orodri isuzu ani drinia ’dini ku indio 38Ma ovu Yehova Mungu emini emi ofupi angu Misiriariasi, angu Kananini fezu emi dri, mani ovuzu Mungu eminiri’i. 39#Efu 21:2-6; 22:3; Azi 15:12-18; 1 Opi 9:22; 2 Opi 4:1; Yer 34:14Te alia ka mi adrini nde mi ageia, ka i fe je mi dri, mi ma fe eri ma nga azi ekile ati’bole ku, 40te eri ma ovu mi be ekile ati’bo azi ngapi oyasirile, kani ekile ’ba emupi emurile. Eri ma nga azi mi be cazu eli yubileru guka awuniria; 41eli ndesi ma fu di mi vusi ra, eri’i i anzipi be tualu, ma mvi ’ba ini vu, mvizu angu i ma a’bipiniria indi. 42#Rum 6:22; 1 Kor 7:23A’disiku yi ovu ati’ba mani, mani ofule ndra angu Misiriariasi ’diyi; ma fe yi je ati’bale ku. 43#Efu 1:13, 14; 2:23; 3:7, 9; 5:14; Isa 47:6; Efe 6:9; Kol 4:1; Efu 1:17, 21; Azi 25:18; Mal 3:5Mi ma ovu opiru eri ma drilia okposi ku, te mi ma ru Mungu miniri, 44Te ati’ba mini agupiru ’diyi pi okuru ’diyi be, mini ngazu ovuzu yi be ’diyi ma e’yoni ’di: emi eco ati’ba agupiru pi jezaru okuru ’diyi be, suru emi ecepi kuru ’diyi ma eselia ra. 45Emi eco vini ani’ba ovupi emi be ’diyi ma anzi ma azi jezaru, ori’ba yini ovupi emi be otile emi vile angua ’diyi ma azi indi; yi eco ovuzu afa eminiru. 46Emi nga yi ku emi anzipi emi ma vutia ’diyi dri ra, ovuzu awuruso yiniru o’du dria; emi eco ati’ba emini isuzaru yi eselia ra, te emi ma ovu opiru adripi emini ’ba Israelini ’diyi ma drilia, ’ba aluni ovuzu i agyini ma drilia okposi, ’dini ku. 47Ani’bo kani ’ba emupi emu ovupi mi beri ka ofu afa e’iru, re alio ka mi adrini nde eri ma ageia, eri ka i ngulupi fe je ani’bo dri kani ’ba emupi emu ovupi mi beri dri, kani ani’bo nderi ma ori’ba dri, 48ka’dini erini i jezu ’bori ma vutia, eco ’ba azinini eri onzezaru ra; adripi erini ma azi alu eco eri onzezaru ra, 49kani eri ma atapiru, kani eri ma atapiro ma mvi, kani ’ba dria ori’ba erini ogogori eco eri onzezaru ra; kani eri ka ofu afa e’iru, eri ceo i ma ngulupi onzezaru ra. 50Eri ma la eli ma kalafe ’ba i jepiri be, engazu eli erini i fezu jezu eri driria cazu eli yubileruria, azini aje eri onzezuri ma ovu eli nde ’diyi ma kalafe vusi; ma la ewu erini ovuzu eri beri ekile ewu ati’bo azi ngapi oyasirinirile. 51Eli ka nga ace kakau, eri ma omvi aje eri onzeizuri engazu aje ndra eri jezuri ma leselia eli ’diyi ma kalafe vusi. 52Te eli ecepi caze eli yubileruria ’diyi ka nga ace were, eri ma la e’yo eri be; eri ma omvi aje eri onzezuri eli erini vusi. 53Eri ma ovu eri be ekile ati’bo azi ngapi oyasi eli vusi eli vusirile: eri ma ovu opiru eri ma drilia okposi mi milia ku. 54Te ka eri onze geri ’diyi ma azisiku,ma otru yi eli yubilenirisi, eri’i anzipi be. 55A’disiku anzi Israelini ’diyi ovu ’ati’baru ma dri; vi ati’ba mani, mani ofule ejile angu Misiriarisi ’diyi: ma Yehova Mungu eminiri’i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.