'Ba Levini 22
22
Afa feza pini ovuzu alatararuri
1Yehova ’yo Musa tia kini, 2#Kal 6:3; 15:31; Efu 13:12; 28:38; Kal 18:32; Azi 15:19Mi ’yo Aroni pi ma tia anzipi be kini yi ma co yi esele afa alatararu anzi Israelini ’diyini, yini ’bale ndu alatararu ma dri ’diyi be, ’dini yi ma eza ru mani alatararuri ku; ma Yehova’i. 3#Lev 7:20Mi ’yo yi tia kini, Ori emini ma eselia, a’bianzi emini vusi dria, ’ba esipi ogogo afa alatararu anzi Israelinini o’bale ndu alatararu Yehova dri ’diyi vu, erini ovuria alatara kokoruri, eri ka ovu a’di’i ti, yi nga ’ba nderi ma idri dri ja ma miliasi ra: ma Yehova’i. 4#Lev 15:2, 13; Kal 19:11, 22’Ba Aroni ma oriru ofuni nyale ’Irari kani afani razu ruania viruri, econi afa alatararu ’diyi ma azi aluni nyazaru ku, de nga eri atini alatararu ku. ’Ba dria alu alu afa ovupi alatara kokoru avu ma e’yosiri elopiri, kani agu agupi yi dapi i ruaari elopiri, 5#Lev 11:24; 15:7, 19kani ’ba dria alu alu afa acipi aci valesi ’bani ani ecozu ovuzu alatara ’kokoru ’diyi ma azi elopiri, kani ’ba ’ba ’bani ecole ani alatara aka isuzu vuniari elopiri, alatara ako erini ka ovu suruti ngoni ngori ti- 6#Ebra 10:22’ba e’yo ’dinile ’diyi ma azi elopiri ma ovu ala tara kokoru cazu kpere ondresi, eri ma nya afa alatararu ’diyi ma azi aluni ku, de nga eri Ojini i rua yisi ku. 7#Kal 18:11Te etu ka di ’de ’bo, eri nga ovu alatararu; ’di ma vutia eri nga afa alatararu ’diyi ma azi nya ra, erini ovule eri ma nyakarisi. 8#Efu 22:31; Lev 17:15; Eze 44:31Eri ma nya afa drapi ceniri, kani afa nguruni cileniri, i ezazu afa nderisi ku: ma Yehova’i. 9#Efu 28:43; Kal 18:22E’yo ’disi yi ma mba e’yo mani azileri ma ta, yi kazu ani e’yo onzi isuzu yi ma dria, odrazu ani yini eri ezalerisi ku: ma Yehova yi ’bapi alatararuri’i.
10 #
Efu 29:33; Kal 3:10; 1 Sam 21:6 Ani’bo aluni ma nya afa alatararu ’diyi ma azi ku. ’Ba emupi omuru kuhani vileri, kani ati’bo azi ngapi oyasiri, ma nya vini afa ala tararuri ku indi; 11te kuhani ka ’ba azini je iniru silingi inisi, ati’bo nderi nga afa nderi nya ra; azini ’ba tile eri vile joa ’diyi nga vini nyaka erini nya indio 12Te kuhani zini, ani’bo ka jeni, eri ma asi edeta ’dule ururi afa alatararu ’diyi ma eseliari nya ku. 13#E’do 38:11; Kal 18:11Te kuhani ma zi ka ovu awuziouru, kani agupini drole ’bo, kani mva kokoru, eri ka emvi i ati vile joa ’bo, ekile erini ovuzu ndra zamvasirile, eri nga i ati ma enya nya ra; te ani’bo aluni ma nya enya ’diri ku. 14#Lev 5:15, 16’Ba azini ka afa alatararuri ma azi nya nikokoru, eri ma ’ba esele alu towiniri drinia, ma fe afa alatararu nderi kuhani dri. 15#Kal 18:33Yi ma eza afa alatararu anzi Israelini ’diyini fele Yehova dri ’diyi ku, 16fezu ani yini ezata e’yo onzi ejipi yi ma driari ezazu, yini afa yini alatararu ’diyi nyalerisi: a’disiku ma Yehova yi ’bapi alatararuri’i. 17Te Yehova ’yo Musa tia kini, 18#Kal 15:14Mi ’yo Aroni pi ma tia, anzipi be, anzi Israelini ’diyi pie dria, mi ’yo yi tia kini, ’Ba azini suru Israelini ma eseliari, kani ani’ba Israeli eselia ’diyi ma eseliari, ka edeta ini ofe, ka afa agu ndeni oyoni sole fezaru ’diyi ma azi, kani afa fele ceni ’diyi ma azi, yini edele Yehova dri edeta vezaruri, 19emi ma ede anyapa agoru nyebile kokoru, kani ti eselia, kani kabilo eselia, kani ndri eseliari, ma a’i ani emi beni. 20#Azi 17:1; 15:21; Mal 1:8, 14; Efe 5:27; Ebra 9:14; 1 Pet 1:19Emi ma fe afa aluni nyebile be i ruaari ku, a’disiku ngani afa ’dinile ’diri a’i emi dri ku. 21#Kal 15:3, 8; Azi 23:21; Zab 61:8; 65:1; Ekl 5:4, 5’Ba azini ka edeta afa feza asi anzuru ’diyiniri ede Yehova dri, ka ovu afa erini oyoni sole fezaruri, kani afa fele ceniri ti, ka fe engazu ti eselia, kani kabilo eselia, eri ma ovu rua be alaru ka, yi eri a’i ndo; nyebile ma ovu ruania aluni ku. 22Anyapa mile kokoru, kani nyozaru, kani acozaru, kani bile be ruaari, kani sirisirini sileri, kani garini ozaleri, emi ma fe afa ’dinile ’diyi Yehova dri ku, ma ede yi edeta edele acisiriru Yehova dri pari edeta edezuri ma dria vini ku indio 23#Lev 21:18Emi eco tiago kani kabilomva afani efuzu eri ruaa ereniruri, kani rua ma esele azinini ovuzu yori fezaru edeta ceniriru ra; te ngani eri a’i afa agu ndeni oyoni sole fezaruriru ku. 24Emi ma fe anyapa otufinini bile isule rari, kani anzile anziri, kani afule rari, kani nzele piri, Yehova dri edetaru ku, emi ma ’ye angu eminia ’dini ku; 25#Kal 15:15; Mal 1:14te anyapa ’dinile emini a’ile ani’bo dri ’diyi, emi ma fe yi Mungu eminiri ma enyaru ku indio Nyebileko yi ruaarini yi ezalerisi, ngani ovu a’izaru emi dri ku.
26Yehova nga ’yo Musa tia kini, 27#Efu 22:30Ti ka ti ra, kani kabiloni, kani ndrini, mva ma ovu andri vu o’du aziri; engazu o’du arorisi yi nga eri a’i edeta edele acisi Yehova dririru. 28#Azi 22:6Te ti andriru kani kabilo andriru, emi ma oli yi mvi be iri tro o’du alu ma alia ku. 29#Zab 107:22; 116:17; Amo 4:5Emi ka edeta awa’diforuri ede Yehova dri, emi ma ede eri yini ani emi a’izu beni. 30Ma nya eri de coti o’du nde ’darisi, ma ku jolokoni cazu o’bitisi ku; ma Yehova’i. 31#Lev 19:37; Kal 15:40; Azi 4:40E’yo ’disi emi ma mba azita mani ’diyi ma ta, ma ’ye yi ma Yehova’i. 32#Isa 6:3; Mat 6:9; Luk 11:2; Yoh 12:28Emi ma eza ma ru, alatararuri ku, te ma nga ovu inzizaru alatararu anzi Israelini ’diyi ma eselia ra; ma Yehova emi ’bapi alatararu, 33#Efu 6:7emi ofupi ejipi angu Misiriasi ovuzu ani Mungu eminiruri’i: ma Yehova’i.
Currently Selected:
'Ba Levini 22: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
'Ba Levini 22
22
Afa feza pini ovuzu alatararuri
1Yehova ’yo Musa tia kini, 2#Kal 6:3; 15:31; Efu 13:12; 28:38; Kal 18:32; Azi 15:19Mi ’yo Aroni pi ma tia anzipi be kini yi ma co yi esele afa alatararu anzi Israelini ’diyini, yini ’bale ndu alatararu ma dri ’diyi be, ’dini yi ma eza ru mani alatararuri ku; ma Yehova’i. 3#Lev 7:20Mi ’yo yi tia kini, Ori emini ma eselia, a’bianzi emini vusi dria, ’ba esipi ogogo afa alatararu anzi Israelinini o’bale ndu alatararu Yehova dri ’diyi vu, erini ovuria alatara kokoruri, eri ka ovu a’di’i ti, yi nga ’ba nderi ma idri dri ja ma miliasi ra: ma Yehova’i. 4#Lev 15:2, 13; Kal 19:11, 22’Ba Aroni ma oriru ofuni nyale ’Irari kani afani razu ruania viruri, econi afa alatararu ’diyi ma azi aluni nyazaru ku, de nga eri atini alatararu ku. ’Ba dria alu alu afa ovupi alatara kokoru avu ma e’yosiri elopiri, kani agu agupi yi dapi i ruaari elopiri, 5#Lev 11:24; 15:7, 19kani ’ba dria alu alu afa acipi aci valesi ’bani ani ecozu ovuzu alatara ’kokoru ’diyi ma azi elopiri, kani ’ba ’ba ’bani ecole ani alatara aka isuzu vuniari elopiri, alatara ako erini ka ovu suruti ngoni ngori ti- 6#Ebra 10:22’ba e’yo ’dinile ’diyi ma azi elopiri ma ovu ala tara kokoru cazu kpere ondresi, eri ma nya afa alatararu ’diyi ma azi aluni ku, de nga eri Ojini i rua yisi ku. 7#Kal 18:11Te etu ka di ’de ’bo, eri nga ovu alatararu; ’di ma vutia eri nga afa alatararu ’diyi ma azi nya ra, erini ovule eri ma nyakarisi. 8#Efu 22:31; Lev 17:15; Eze 44:31Eri ma nya afa drapi ceniri, kani afa nguruni cileniri, i ezazu afa nderisi ku: ma Yehova’i. 9#Efu 28:43; Kal 18:22E’yo ’disi yi ma mba e’yo mani azileri ma ta, yi kazu ani e’yo onzi isuzu yi ma dria, odrazu ani yini eri ezalerisi ku: ma Yehova yi ’bapi alatararuri’i.
10 #
Efu 29:33; Kal 3:10; 1 Sam 21:6 Ani’bo aluni ma nya afa alatararu ’diyi ma azi ku. ’Ba emupi omuru kuhani vileri, kani ati’bo azi ngapi oyasiri, ma nya vini afa ala tararuri ku indi; 11te kuhani ka ’ba azini je iniru silingi inisi, ati’bo nderi nga afa nderi nya ra; azini ’ba tile eri vile joa ’diyi nga vini nyaka erini nya indio 12Te kuhani zini, ani’bo ka jeni, eri ma asi edeta ’dule ururi afa alatararu ’diyi ma eseliari nya ku. 13#E’do 38:11; Kal 18:11Te kuhani ma zi ka ovu awuziouru, kani agupini drole ’bo, kani mva kokoru, eri ka emvi i ati vile joa ’bo, ekile erini ovuzu ndra zamvasirile, eri nga i ati ma enya nya ra; te ani’bo aluni ma nya enya ’diri ku. 14#Lev 5:15, 16’Ba azini ka afa alatararuri ma azi nya nikokoru, eri ma ’ba esele alu towiniri drinia, ma fe afa alatararu nderi kuhani dri. 15#Kal 18:33Yi ma eza afa alatararu anzi Israelini ’diyini fele Yehova dri ’diyi ku, 16fezu ani yini ezata e’yo onzi ejipi yi ma driari ezazu, yini afa yini alatararu ’diyi nyalerisi: a’disiku ma Yehova yi ’bapi alatararuri’i. 17Te Yehova ’yo Musa tia kini, 18#Kal 15:14Mi ’yo Aroni pi ma tia, anzipi be, anzi Israelini ’diyi pie dria, mi ’yo yi tia kini, ’Ba azini suru Israelini ma eseliari, kani ani’ba Israeli eselia ’diyi ma eseliari, ka edeta ini ofe, ka afa agu ndeni oyoni sole fezaru ’diyi ma azi, kani afa fele ceni ’diyi ma azi, yini edele Yehova dri edeta vezaruri, 19emi ma ede anyapa agoru nyebile kokoru, kani ti eselia, kani kabilo eselia, kani ndri eseliari, ma a’i ani emi beni. 20#Azi 17:1; 15:21; Mal 1:8, 14; Efe 5:27; Ebra 9:14; 1 Pet 1:19Emi ma fe afa aluni nyebile be i ruaari ku, a’disiku ngani afa ’dinile ’diri a’i emi dri ku. 21#Kal 15:3, 8; Azi 23:21; Zab 61:8; 65:1; Ekl 5:4, 5’Ba azini ka edeta afa feza asi anzuru ’diyiniri ede Yehova dri, ka ovu afa erini oyoni sole fezaruri, kani afa fele ceniri ti, ka fe engazu ti eselia, kani kabilo eselia, eri ma ovu rua be alaru ka, yi eri a’i ndo; nyebile ma ovu ruania aluni ku. 22Anyapa mile kokoru, kani nyozaru, kani acozaru, kani bile be ruaari, kani sirisirini sileri, kani garini ozaleri, emi ma fe afa ’dinile ’diyi Yehova dri ku, ma ede yi edeta edele acisiriru Yehova dri pari edeta edezuri ma dria vini ku indio 23#Lev 21:18Emi eco tiago kani kabilomva afani efuzu eri ruaa ereniruri, kani rua ma esele azinini ovuzu yori fezaru edeta ceniriru ra; te ngani eri a’i afa agu ndeni oyoni sole fezaruriru ku. 24Emi ma fe anyapa otufinini bile isule rari, kani anzile anziri, kani afule rari, kani nzele piri, Yehova dri edetaru ku, emi ma ’ye angu eminia ’dini ku; 25#Kal 15:15; Mal 1:14te anyapa ’dinile emini a’ile ani’bo dri ’diyi, emi ma fe yi Mungu eminiri ma enyaru ku indio Nyebileko yi ruaarini yi ezalerisi, ngani ovu a’izaru emi dri ku.
26Yehova nga ’yo Musa tia kini, 27#Efu 22:30Ti ka ti ra, kani kabiloni, kani ndrini, mva ma ovu andri vu o’du aziri; engazu o’du arorisi yi nga eri a’i edeta edele acisi Yehova dririru. 28#Azi 22:6Te ti andriru kani kabilo andriru, emi ma oli yi mvi be iri tro o’du alu ma alia ku. 29#Zab 107:22; 116:17; Amo 4:5Emi ka edeta awa’diforuri ede Yehova dri, emi ma ede eri yini ani emi a’izu beni. 30Ma nya eri de coti o’du nde ’darisi, ma ku jolokoni cazu o’bitisi ku; ma Yehova’i. 31#Lev 19:37; Kal 15:40; Azi 4:40E’yo ’disi emi ma mba azita mani ’diyi ma ta, ma ’ye yi ma Yehova’i. 32#Isa 6:3; Mat 6:9; Luk 11:2; Yoh 12:28Emi ma eza ma ru, alatararuri ku, te ma nga ovu inzizaru alatararu anzi Israelini ’diyi ma eselia ra; ma Yehova emi ’bapi alatararu, 33#Efu 6:7emi ofupi ejipi angu Misiriasi ovuzu ani Mungu eminiruri’i: ma Yehova’i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.