'Ba Levini 19
19
Azita ’bani ovuzu alatararuri pi e’yo liza kililiruri be
1Yehova ’yo Musa tia kini, 2#Lev 11:44-45; 20:7, 26; 1 Pet 1:16; Efu 19:6; Efe 1:4; 1 Tes 4:7Mi ’yo anzi Israelini ongulumuru ’diyi ma tia dria, ’yozu kini, Emi ma ovu alatararu; a’disiku ma’i Yehova Mungu mini, ma alatararu. 3#Efu 20:8, 12; 31:13; Azi 5:12, 16; E’do 2:2; Neh 9:14; 13:15-21; Isa 56:2; 58:13; Mar 2:27; Ebra 4:9Emi dria alu alu ma inzi emi ati pi emi andri be, emi ma mba sabato mani ’diyi ma ta indi ma Yehova Mungu eminiri’i. 4#Lev 26:1; Efu 20:3-5, 23; 34:17; Azi 27:15; 1 Kor 10:14Emi oja emi wura inzile inzi ’diyi vu ku, emi ede emi dri Mungu edele aya rapi acisirisi ’diyi ku: ma Yehova Mungu eminiri’i.
5Emi ka afa feza asi anzuruni ’diyi ma edeta ede Yehova dri, emi ma ede eri ’dini emi ma ovu a’izaru ani beni. 6Ma nya eri o’du emini eri edezurisi, kani drusi; azu jolokoni ka ace cazu kpere o’du naria,ma eve eri acisi. 7’Ba ka eri nya o’du nasi, werea ti, eri afa ngule onziri’i; ngani eri a’i ku, 8te ’ba dria alu alu eri nyapiri nga e’yo onzi ini ’du i’i, a’disiku eri eza afa alatararu Yehovaniri ra; yi nga ’ba nderi ma dri ja o’dipi ma eseliasi ra. 9#Lev 23:22; Azi 15:1-18; 24:19-22; Efu 23:11; Rut 2:15Emi ka anya angu eminia ’diyi lo, mi ma lo teketeke kpere amvu ma kalatia ku, mi ma nda anya vile anya lozu ’bori ma vutia vini ku indio 10#Zab 41:1; 140:12; O’be 14:31; 22:16; Ekl 5:8; Isa 3:12-15; Yak 2:1-9Mi ma ti zabibu vile amvu mini zabibuniri ma alia ku, ma oku zabibu efi lupi va amvu mini zabibuniria ’diyi vini ku indi; mi ma ku yi alia pi dri ani’bo be ma Yehova Mungu eminiri’i.
11 #
Efu 20:15, 16; Azi 5:19, 20; 1 Opi 13:18; Yer 9:3-5; ’Yeta 5:3, 4; Efe 4:25 Emi ogu afa ku, emi ’ye lokiri ku, emi li inzo emi eselia ku. 12#Efu 20:7; Azi 5:11; Mat 5:33Emi ma otri emi ma rusi inzoru, mini Mungu mini ma ru ezazu ’dini ku: ma Yehova’i.
13 #
Azi 24:14-15; Mal 3:5; Yak 5:4 Mi ma inza ’ba mi jo ejeleari mile mbasi ku, mi ogu afa erini ku. ’Ba azi ngapi oyasiri ma oya ma la mi vu ini rra cazu o’bitisi ku. 14#Azi 27:18; Rum 14:13; 1 Pet 2:17Mi ma o’da ’ba bile kokoru ku, mi ma ala vini kumu ’ba mile kokori ma drilia eri elizu ku indi, te mi ma ru Mungu mini: ma Yehova’i. 15#Efu 23:6-8; Azi 16:19; Zab 82:2; O’be 24:23; Yak 2:9Emi ma ’ye e’yo kililiru kuri e’yo liza ma alia aluni ku; mi ma ope ’ba alioru erini ovule alionirisi ku, mi ma inzi vini ’ba amboru erini ovule ambonirisi ku indi, te mi ma li ’ba mi jo ejeleari ma e’yo kililiru. 16#1 Opi 21:13; Mat 26:60Mi ma aci ’dale ’dole ’ba mini ma eselia ’ba ru ojizu asule ku, mi ma so pa asu suzu ’ba mi jo ejeleari ma ruaa eri ma ari adazu ku indi: ma Yehova’i.
17 #
Mat 18:15; E’do 27:41; 1 Yoh 2:9, 11; 3:15; Luk 17:3 Mi ma ngu mi adripini onzi mi asia ku, te mi ma ega ’ba mi jo ejeleari ma dria, mi kazu ovuzu e’yo onzi be mi dria eri ma e’yosi ku. 18#Mat 5:43, 44; 19:19; 22:39; Mar 12:31; Luk 10:27; Rum 13:9; 12:17; Gal 5:4; Yak 2:8Mi ma ofe arioti ’ba ma ruaa ku, mi ma ti o’dipianzi ma e’yo mi asia ku, te mi ma le ’ba mi jo ejeleari mini mi ngulupi lelerile: ma Yehova’i. 19#Azi 22:9-11Emi ma mba azita mani ’diyi ma ta. Mi ma fe monio minini anyapa andini amvazu ku; mi ma ri ori suruti iri amvu mini ma alia ku; mi ma su mi ruaa bongo cile suruti iri osazaruri ku.
20’Ba ka ali ’ba ati’bo okururisi, de isu azi eri fezu okuru ’ba azini dri ’bo, te onzeni nga eri ku, truni nga vini eri ku indi, ka’dini yi ma fe panga yi dri. Te ngani yi ofu ku, a’disiku erini ovule truzaru kurisi; 21te agu nde ma eji edeta ezata ini edezuri Yehova vu hema ti ecizaniri ma tilia, ada kabiloago edeta ezata edezuriru. 22Kuhanini nga e’yo onzi erini ede Yehova ma drilia kabiloago edeta ezata edezurirurisi e’yo onzi erini ’yele ’borisi; e’yo onzi erini ’yele ’bori nga ovu ani wuzaru eri dri beni.
23Emi ka nga fi angu nde ma alia, ka nga pati dria ma suruti ndu ndu ’diyi sa nyakaru ’bo, patiefi nde ma ovu emi dri ekile afa lile kurile; yi ma ovu emi dri afa lile kurile eli na, ma nya ku. 24#Azi 12:17, 18Eli suria patiefi yini dria nga ovu alatararu, inzita fezu Yehova dri. 25Te eli towirisi emi nga pati nde ’diyi ma efi nya ra, yi ma ka ani drile drile emi dri beni: ma Yehova Mungu eminiri’i.
26 #
E’do 9:4; Lev 7:26-27; 17:10-14; Azi 12:16, 23; 15:23; 18:10; 2 Opi 17:17 Emi ma nya afa aluni ma za arini be tualu ku. Emi ma nda ’ba azini ma dra eri ondrizu ku, emi ma ndri andri ku indio 27#Lev 21:5; Azi 14:1; Yer 9:26Emi ma ga emi dribi ti ku, emi ma fa emi tibi ma kala ku indio 28#Azi 14:1Emi ma osi emi rua imvosi ’ba drapi ’bo ’diyi ma e’yosi aluni ku, emi ma lo vini wura ecetaru emi ruaa aluni ku indi: ma Yehova’i.
29 #
Azi 23:17
Mi ma eza mi zi eri fezu fuzu awuouru ku, angu kazu fuzu ali o’bazaniru ku, angu kazu gazu tre e’yo onzisi ku. 30#Lev 26:2; Ekl 5:1Emi ma mba sabato mani ’diyi ma ta, ma inzi pari alatararu maniri: ma Yehova’i. 31#Azi 18:11; 1 Sam 28:3; 2 Opi 23:4; Isa 8:19Emi ma oja emi ojou adrou ma o’duko zipi ’diyi vu ku, kani ’ba ojouru ’diyi vu ku indi; emi ma nda yi, emini emi ezazu yi be ku: ma Yehova’i.
32 #
1 Opi 2:19; O’be 20:29; 23:22; 1 Tim 5:1 Mi ma enga urulesi ’ba ozoforo beri ma drilia, emi ma inzi ’ba eli be treri ma mileti, emi ma ru Mungu emini: ma Yehova’i.
33 #
Efu 22:21; Azi 24:17-18; 27:19 Ani’bo ka ovu mi be angu mini ma alia, mi ma ’ye eri onzi ku. 34#Efu 12:48; Azi 10:19Ani’bo ovupi emi eseliari ma ovu emi dri ekile kari’ba tile angu mini ma aliarile, mi ma le eri ekile mini mi ngulupi lelerile; a’disiku emi ovu ndra ani’baru angu Misirini ma alia: ma Yehova Mungu eminiri’i. 35#Azi 25:13-16; O’be 20:10; Eze 45:10Emi ma ’ye e’yo kililiru kuri e’yo liza ma alia aluni ku, kani pati afa ma izu ’bezurisi, kani ratili afa ma nziza o’bizurisi, kani afazu afa o’bizurisi dria ku indio 36#Azi 25:13, 15; O’be 20:10Emi ma ovu ratili adadaru ’diyi pi be, afa nziza o’bizu adadaru ’diyi pie, afazu abakaru adadaru ’diyi pie, otekua adadaru ’diyi pie: ma Yehova Mungu eminiri, emi ofupi ejipi angu Misiriasiri’i. 37#Azi 6:25; 5:1; Lev 18:4, 5Emi ma mba azita mani ’diyi ma ta dria, e’yo liza mani ’diyi be, yi ’yezu: ma Yehova’i.
Currently Selected:
'Ba Levini 19: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
'Ba Levini 19
19
Azita ’bani ovuzu alatararuri pi e’yo liza kililiruri be
1Yehova ’yo Musa tia kini, 2#Lev 11:44-45; 20:7, 26; 1 Pet 1:16; Efu 19:6; Efe 1:4; 1 Tes 4:7Mi ’yo anzi Israelini ongulumuru ’diyi ma tia dria, ’yozu kini, Emi ma ovu alatararu; a’disiku ma’i Yehova Mungu mini, ma alatararu. 3#Efu 20:8, 12; 31:13; Azi 5:12, 16; E’do 2:2; Neh 9:14; 13:15-21; Isa 56:2; 58:13; Mar 2:27; Ebra 4:9Emi dria alu alu ma inzi emi ati pi emi andri be, emi ma mba sabato mani ’diyi ma ta indi ma Yehova Mungu eminiri’i. 4#Lev 26:1; Efu 20:3-5, 23; 34:17; Azi 27:15; 1 Kor 10:14Emi oja emi wura inzile inzi ’diyi vu ku, emi ede emi dri Mungu edele aya rapi acisirisi ’diyi ku: ma Yehova Mungu eminiri’i.
5Emi ka afa feza asi anzuruni ’diyi ma edeta ede Yehova dri, emi ma ede eri ’dini emi ma ovu a’izaru ani beni. 6Ma nya eri o’du emini eri edezurisi, kani drusi; azu jolokoni ka ace cazu kpere o’du naria,ma eve eri acisi. 7’Ba ka eri nya o’du nasi, werea ti, eri afa ngule onziri’i; ngani eri a’i ku, 8te ’ba dria alu alu eri nyapiri nga e’yo onzi ini ’du i’i, a’disiku eri eza afa alatararu Yehovaniri ra; yi nga ’ba nderi ma dri ja o’dipi ma eseliasi ra. 9#Lev 23:22; Azi 15:1-18; 24:19-22; Efu 23:11; Rut 2:15Emi ka anya angu eminia ’diyi lo, mi ma lo teketeke kpere amvu ma kalatia ku, mi ma nda anya vile anya lozu ’bori ma vutia vini ku indio 10#Zab 41:1; 140:12; O’be 14:31; 22:16; Ekl 5:8; Isa 3:12-15; Yak 2:1-9Mi ma ti zabibu vile amvu mini zabibuniri ma alia ku, ma oku zabibu efi lupi va amvu mini zabibuniria ’diyi vini ku indi; mi ma ku yi alia pi dri ani’bo be ma Yehova Mungu eminiri’i.
11 #
Efu 20:15, 16; Azi 5:19, 20; 1 Opi 13:18; Yer 9:3-5; ’Yeta 5:3, 4; Efe 4:25 Emi ogu afa ku, emi ’ye lokiri ku, emi li inzo emi eselia ku. 12#Efu 20:7; Azi 5:11; Mat 5:33Emi ma otri emi ma rusi inzoru, mini Mungu mini ma ru ezazu ’dini ku: ma Yehova’i.
13 #
Azi 24:14-15; Mal 3:5; Yak 5:4 Mi ma inza ’ba mi jo ejeleari mile mbasi ku, mi ogu afa erini ku. ’Ba azi ngapi oyasiri ma oya ma la mi vu ini rra cazu o’bitisi ku. 14#Azi 27:18; Rum 14:13; 1 Pet 2:17Mi ma o’da ’ba bile kokoru ku, mi ma ala vini kumu ’ba mile kokori ma drilia eri elizu ku indi, te mi ma ru Mungu mini: ma Yehova’i. 15#Efu 23:6-8; Azi 16:19; Zab 82:2; O’be 24:23; Yak 2:9Emi ma ’ye e’yo kililiru kuri e’yo liza ma alia aluni ku; mi ma ope ’ba alioru erini ovule alionirisi ku, mi ma inzi vini ’ba amboru erini ovule ambonirisi ku indi, te mi ma li ’ba mi jo ejeleari ma e’yo kililiru. 16#1 Opi 21:13; Mat 26:60Mi ma aci ’dale ’dole ’ba mini ma eselia ’ba ru ojizu asule ku, mi ma so pa asu suzu ’ba mi jo ejeleari ma ruaa eri ma ari adazu ku indi: ma Yehova’i.
17 #
Mat 18:15; E’do 27:41; 1 Yoh 2:9, 11; 3:15; Luk 17:3 Mi ma ngu mi adripini onzi mi asia ku, te mi ma ega ’ba mi jo ejeleari ma dria, mi kazu ovuzu e’yo onzi be mi dria eri ma e’yosi ku. 18#Mat 5:43, 44; 19:19; 22:39; Mar 12:31; Luk 10:27; Rum 13:9; 12:17; Gal 5:4; Yak 2:8Mi ma ofe arioti ’ba ma ruaa ku, mi ma ti o’dipianzi ma e’yo mi asia ku, te mi ma le ’ba mi jo ejeleari mini mi ngulupi lelerile: ma Yehova’i. 19#Azi 22:9-11Emi ma mba azita mani ’diyi ma ta. Mi ma fe monio minini anyapa andini amvazu ku; mi ma ri ori suruti iri amvu mini ma alia ku; mi ma su mi ruaa bongo cile suruti iri osazaruri ku.
20’Ba ka ali ’ba ati’bo okururisi, de isu azi eri fezu okuru ’ba azini dri ’bo, te onzeni nga eri ku, truni nga vini eri ku indi, ka’dini yi ma fe panga yi dri. Te ngani yi ofu ku, a’disiku erini ovule truzaru kurisi; 21te agu nde ma eji edeta ezata ini edezuri Yehova vu hema ti ecizaniri ma tilia, ada kabiloago edeta ezata edezuriru. 22Kuhanini nga e’yo onzi erini ede Yehova ma drilia kabiloago edeta ezata edezurirurisi e’yo onzi erini ’yele ’borisi; e’yo onzi erini ’yele ’bori nga ovu ani wuzaru eri dri beni.
23Emi ka nga fi angu nde ma alia, ka nga pati dria ma suruti ndu ndu ’diyi sa nyakaru ’bo, patiefi nde ma ovu emi dri ekile afa lile kurile; yi ma ovu emi dri afa lile kurile eli na, ma nya ku. 24#Azi 12:17, 18Eli suria patiefi yini dria nga ovu alatararu, inzita fezu Yehova dri. 25Te eli towirisi emi nga pati nde ’diyi ma efi nya ra, yi ma ka ani drile drile emi dri beni: ma Yehova Mungu eminiri’i.
26 #
E’do 9:4; Lev 7:26-27; 17:10-14; Azi 12:16, 23; 15:23; 18:10; 2 Opi 17:17 Emi ma nya afa aluni ma za arini be tualu ku. Emi ma nda ’ba azini ma dra eri ondrizu ku, emi ma ndri andri ku indio 27#Lev 21:5; Azi 14:1; Yer 9:26Emi ma ga emi dribi ti ku, emi ma fa emi tibi ma kala ku indio 28#Azi 14:1Emi ma osi emi rua imvosi ’ba drapi ’bo ’diyi ma e’yosi aluni ku, emi ma lo vini wura ecetaru emi ruaa aluni ku indi: ma Yehova’i.
29 #
Azi 23:17
Mi ma eza mi zi eri fezu fuzu awuouru ku, angu kazu fuzu ali o’bazaniru ku, angu kazu gazu tre e’yo onzisi ku. 30#Lev 26:2; Ekl 5:1Emi ma mba sabato mani ’diyi ma ta, ma inzi pari alatararu maniri: ma Yehova’i. 31#Azi 18:11; 1 Sam 28:3; 2 Opi 23:4; Isa 8:19Emi ma oja emi ojou adrou ma o’duko zipi ’diyi vu ku, kani ’ba ojouru ’diyi vu ku indi; emi ma nda yi, emini emi ezazu yi be ku: ma Yehova’i.
32 #
1 Opi 2:19; O’be 20:29; 23:22; 1 Tim 5:1 Mi ma enga urulesi ’ba ozoforo beri ma drilia, emi ma inzi ’ba eli be treri ma mileti, emi ma ru Mungu emini: ma Yehova’i.
33 #
Efu 22:21; Azi 24:17-18; 27:19 Ani’bo ka ovu mi be angu mini ma alia, mi ma ’ye eri onzi ku. 34#Efu 12:48; Azi 10:19Ani’bo ovupi emi eseliari ma ovu emi dri ekile kari’ba tile angu mini ma aliarile, mi ma le eri ekile mini mi ngulupi lelerile; a’disiku emi ovu ndra ani’baru angu Misirini ma alia: ma Yehova Mungu eminiri’i. 35#Azi 25:13-16; O’be 20:10; Eze 45:10Emi ma ’ye e’yo kililiru kuri e’yo liza ma alia aluni ku, kani pati afa ma izu ’bezurisi, kani ratili afa ma nziza o’bizurisi, kani afazu afa o’bizurisi dria ku indio 36#Azi 25:13, 15; O’be 20:10Emi ma ovu ratili adadaru ’diyi pi be, afa nziza o’bizu adadaru ’diyi pie, afazu abakaru adadaru ’diyi pie, otekua adadaru ’diyi pie: ma Yehova Mungu eminiri, emi ofupi ejipi angu Misiriasiri’i. 37#Azi 6:25; 5:1; Lev 18:4, 5Emi ma mba azita mani ’diyi ma ta dria, e’yo liza mani ’diyi be, yi ’yezu: ma Yehova’i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.