Yosua 6
6
Yerikoni agazuri
1Isu de etu ’dasi Yeriko ovu opizaru kirikiri anzi Israelini ma e’yosi; ’ba aluni efuni amve ku, kani fini alenia ku indio 2#Yos 2:9; Lip 11:21; 2 Sam 5:19; Neh 9:24; Dan 5:18, 19Yehova ’yo Yosua ma tia, Mi ndre, ma fe Yerikoni mi dria ’bo, opi amboru aleniari pi, ’ba amboru asi agupirusi ’diyi be. 3Emi nga aku nderi ma agei eci kuru, emi ’ba dria ombani ’diyi, acizu aku nderi ma ageiasi kuru pale alu. Emi nga ’ye ’dini ’dini o’du paleko azia. 4#Lip 7:16; Kal 10:8’Ba edeta edepi aziri ’diyi yi nga kabilo o’yu edele gukaru aziri ’diyi o’du sanduku ma drilia; o’du aziririsi emi nga aku nderi ma agei eci paleko aziri, ’ba edeta edepi ’diyi nga di guka vu ra. 5Te eri nga ovu ’dini, yi ka guka kabilo o’yuru ’diyi vu okposi biribiri ’bo, emi ka guka o’duko eri ra, ’ba dria yi nga cere o’be o’duko urusi; te abi aku nderini nga e’de wayi va ani, ’ba dria alu aluni nga tu i ma drilia kilili. 6’Dini Yosua Nuni mvi nga ba edeta,edepi ’diyi omve, ’yo yi ma tia kini, Emi ’du sanduku aziza ndeni ’diri, ’ba edeta edepi ’diyi ma o’du guka kabilo o’yuru aziri ’diyi sanduku Yehovani ma driliani. 7Eri ’yo vini ’ba ongulumuru ma tia kini, Emi aga drile, emi mu aku nde ma agei ecizu, emi ku ’ba afa ombani ’dupi ’diyi ma aga sanduku Yehovani ma driliani.
8 #
Yos 4:13
Te eri nga eca ’dini, Yosua ka e’yo ’yo ’ba nde ma tia ’bo, ’ba edeta edepi aziri guka kabilo o’yuru, o’dupi Yehova ma milia ’diyi nga aga drile, yi nga guka vu ra, sanduku aziza Yehovanirini mu di yi ma vutisi. 9#Kal 10:25; Isa 42:12, 13Azini ’ba afa ombani ’dupi ’diyi mu ’ba edeta edepi guka vupi ’diyi ma drilia, te ’ba vutialeru ’diyi mu di sanduku ma vutisi, te ’ba edeta edepi ’diyi ri mu guka vusi ’dani, 10Yosua azi ’ba nde ma tia kini, Emi ma o’be cere ku, ma ’yo o’dukosi ku, e’yo aluni ma efu emi tilia ku indi, kpere o’du mani ’yozu emi ma o’be cereria, emi di nga cere o’be ndo. 11’Dini yi aci sanduku Yehovani ’diri be aku ’diri ma agei ecizu pale alu ra; yi mvi pari yini hema asozuria, yi la pari ndea ’daa.
12 #
Azi 31:25
Yosua nga enga ’darisi o’bitisi drio drio, ’ba edeta edepi ’diyi nga sanduku Yehovani ’du uru indio 13#1 Sur 15:26; Gal 6:9Azini ’ba edeta edepi aziri guka kabilo o’yuru aziri o’dupi sanduku Yehovani ma drilia ’diyi aga drilei guka vuzu asiru ’dani; ’ba afa ombani o’dupi ’diyi mu yi ma drilia, te ’ba vutialeru ’diyi mu sanduku Yehovani ma vutia, te ’ba edeta edepi ’diyi ri mu guka vu si ’dani. 14O’du iririsi yi eci aku nde ma agei pale alu, yi atri dri pari yini hema asozuria ndo. Yi ’ye ’dini ’dini o’du paleko azia. 15Eri nga eca o’du azirisi ’dini, yi enga drio angu sarasi, yi aci aku agei ecizu ekile okorile pale aziri, lu o’du ’da ma vusi a’dule yi eci aku nderi ma agei pale aziri. 16#Lip 7:20; 2 Sur 13:14Te eri eca ’dini, yi ka ’ye pale aziri, ’ba edeta edepi ’diyi ka guka vu ra, Yosua nga di ’yo ’ba nde ma tia kini, Emi o’be di cere yi; Yehovani aku ’diri fele emi dri ’borisi. 17#E’do 12:3; Yos 2:4; 1 Sam 15:6; Mat 10:41; 25:40; Ebra 6:10; 11:31; Yak 2:25Azini aku nderi nga ovu trizaru Yehova dri, eri’i afa alenia ’diyi pie dria; pe lu Rahabu oku awuoururi kiri nga ace idriruni, eri’i ’ba dria eri vile joa ’diyi be, a’disiku erini ndra ’ba amani ti pele ’diyi ozile rarisi. 18#Azi 7:26; 13:17; Yos 7:1, 11, 12; Isa 52:11; Rum 12:9; 2 Kor 6:17; Efe 5:11; 1 Tes 5:22; Yos 7:25; 1 Opi 18:17, 18; Yon 1:12Te emi’i, emi ma mba emi ta afa trizaru ’diyisi, emi ka eri fe ovuzu trizaru Mungu dri ’bo, emi kazu afa trizaru ’diyi ma azi ’duzu eminiru ku; geri ’disi emi nga pari ’ba Israelinini hema asozuri fe ovuzu trizaru, azini emi nga eri ecandi ra. 19Te dahabu dria, mele pie, afazu molaru pie, afazu ayaru ’diyi pie, yi ovu alaru Yehova dri; yi nga fi pari lonyi Yehovani ma ta mbazuria. 20#Ebra 11:30Ka’dini ’ba nde nga cere o’be, azini ’ba edeta edepi ’diyi vu guka. Te eri nga eca ’dini, ’ba nde ka o’duko gukani eri ’bo, yi o’be cere o’duko urusi, coti abi e’de di wayi va, ’dini ’ba yi tu aku nderi ma alia, ’ba alu alu tu i drilia kilili, yi bi aku nderi ani. 21#Azi 7:2; 20:16, 17; 1 Sam 15:3, 8, 18, 19; 1 Opi 20:42; Yer 48:18; Eceza 18:21Yi otri, yi ja afa dria ovupi aku ride ma alia ’diyi ma dri, agupi piyi oku be, ’ba o’di piyi ’ba deza be, ti pie, kabilo pie, akanya pie dria sei ma sisi ra.
22 #
Yos 2:14; Ebra 11:31 Te Yosua ’yo ’ba ndra iri angu ma orile gapi ’diyi ma tia kini, Emi ma fi oku awuouru ’dari ma joa, emi ma ofu oku nderi amve, afa ovupi eri ma joa ’diyi be dria, ekile emini ndra oyo sole eri vurile. 23#Yos 2:13Karile angu ma orile gapi ’dayi nga fi eri vile joa, yi nga Rahabu pi ofu ati pie, andri pie, adripi pie, afa erini ’diyi pie dria; ’ba eri ma enyatiru ’diyi yi ofu yi dria indi, yi nga yi ’ba pari ’ba Israelinini hema asozuri ma ageia amveleru. 24Vilerisi yi ve aku ’diri acisi, afa ovupi alenia ’diyi pie dria; te dahabu, mele pie, afazu molaru azini ayaru ’diyi pie, yi nga yi ji ’ba pari jo Yehovani ma lonyi ta mbazuria. 25#Ebra 11:31; Mat 1:5Te Yosua nga oku awuouru Rahabu pi opa idriru, ’ba eri ati vile akua ’diyi pie, ’ba erini pie dria; te eri nga ovu ’ba Israelini ma eselia ’dani kpere ecazu ani o’du andru ’diri ma alia, erini ’ba Yosuani ti pele Yeriko ma orile gazu ’diyi ozilerisi. 26#1 Opi 16:34; Mal 1:4Yosua nga ’ba ’diyi azi oyo sozasi o’du ’dasi kini, Agu ma ovu trizaru Yehova milia eri ka nga enga aku Yerikoni ’diri sizu dika. Erini ngaria nduni e’doria, mva erini okori nga drani, Te erini ngaria kalitile edreria mva erini vileri nga drani. 27#E’do 39:2; Azi 31:8, 23; Yos 1:5; 3:7; Lip 1:19; 2 Sam 7:9; 8:6; Rum 8:31; Yos 9:1, 3; 1 Sam 2:30’Dini Yehova ovu Yosua be; te ru erini ku angu dri dria ani.
Currently Selected:
Yosua 6: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
Yosua 6
6
Yerikoni agazuri
1Isu de etu ’dasi Yeriko ovu opizaru kirikiri anzi Israelini ma e’yosi; ’ba aluni efuni amve ku, kani fini alenia ku indio 2#Yos 2:9; Lip 11:21; 2 Sam 5:19; Neh 9:24; Dan 5:18, 19Yehova ’yo Yosua ma tia, Mi ndre, ma fe Yerikoni mi dria ’bo, opi amboru aleniari pi, ’ba amboru asi agupirusi ’diyi be. 3Emi nga aku nderi ma agei eci kuru, emi ’ba dria ombani ’diyi, acizu aku nderi ma ageiasi kuru pale alu. Emi nga ’ye ’dini ’dini o’du paleko azia. 4#Lip 7:16; Kal 10:8’Ba edeta edepi aziri ’diyi yi nga kabilo o’yu edele gukaru aziri ’diyi o’du sanduku ma drilia; o’du aziririsi emi nga aku nderi ma agei eci paleko aziri, ’ba edeta edepi ’diyi nga di guka vu ra. 5Te eri nga ovu ’dini, yi ka guka kabilo o’yuru ’diyi vu okposi biribiri ’bo, emi ka guka o’duko eri ra, ’ba dria yi nga cere o’be o’duko urusi; te abi aku nderini nga e’de wayi va ani, ’ba dria alu aluni nga tu i ma drilia kilili. 6’Dini Yosua Nuni mvi nga ba edeta,edepi ’diyi omve, ’yo yi ma tia kini, Emi ’du sanduku aziza ndeni ’diri, ’ba edeta edepi ’diyi ma o’du guka kabilo o’yuru aziri ’diyi sanduku Yehovani ma driliani. 7Eri ’yo vini ’ba ongulumuru ma tia kini, Emi aga drile, emi mu aku nde ma agei ecizu, emi ku ’ba afa ombani ’dupi ’diyi ma aga sanduku Yehovani ma driliani.
8 #
Yos 4:13
Te eri nga eca ’dini, Yosua ka e’yo ’yo ’ba nde ma tia ’bo, ’ba edeta edepi aziri guka kabilo o’yuru, o’dupi Yehova ma milia ’diyi nga aga drile, yi nga guka vu ra, sanduku aziza Yehovanirini mu di yi ma vutisi. 9#Kal 10:25; Isa 42:12, 13Azini ’ba afa ombani ’dupi ’diyi mu ’ba edeta edepi guka vupi ’diyi ma drilia, te ’ba vutialeru ’diyi mu di sanduku ma vutisi, te ’ba edeta edepi ’diyi ri mu guka vusi ’dani, 10Yosua azi ’ba nde ma tia kini, Emi ma o’be cere ku, ma ’yo o’dukosi ku, e’yo aluni ma efu emi tilia ku indi, kpere o’du mani ’yozu emi ma o’be cereria, emi di nga cere o’be ndo. 11’Dini yi aci sanduku Yehovani ’diri be aku ’diri ma agei ecizu pale alu ra; yi mvi pari yini hema asozuria, yi la pari ndea ’daa.
12 #
Azi 31:25
Yosua nga enga ’darisi o’bitisi drio drio, ’ba edeta edepi ’diyi nga sanduku Yehovani ’du uru indio 13#1 Sur 15:26; Gal 6:9Azini ’ba edeta edepi aziri guka kabilo o’yuru aziri o’dupi sanduku Yehovani ma drilia ’diyi aga drilei guka vuzu asiru ’dani; ’ba afa ombani o’dupi ’diyi mu yi ma drilia, te ’ba vutialeru ’diyi mu sanduku Yehovani ma vutia, te ’ba edeta edepi ’diyi ri mu guka vu si ’dani. 14O’du iririsi yi eci aku nde ma agei pale alu, yi atri dri pari yini hema asozuria ndo. Yi ’ye ’dini ’dini o’du paleko azia. 15Eri nga eca o’du azirisi ’dini, yi enga drio angu sarasi, yi aci aku agei ecizu ekile okorile pale aziri, lu o’du ’da ma vusi a’dule yi eci aku nderi ma agei pale aziri. 16#Lip 7:20; 2 Sur 13:14Te eri eca ’dini, yi ka ’ye pale aziri, ’ba edeta edepi ’diyi ka guka vu ra, Yosua nga di ’yo ’ba nde ma tia kini, Emi o’be di cere yi; Yehovani aku ’diri fele emi dri ’borisi. 17#E’do 12:3; Yos 2:4; 1 Sam 15:6; Mat 10:41; 25:40; Ebra 6:10; 11:31; Yak 2:25Azini aku nderi nga ovu trizaru Yehova dri, eri’i afa alenia ’diyi pie dria; pe lu Rahabu oku awuoururi kiri nga ace idriruni, eri’i ’ba dria eri vile joa ’diyi be, a’disiku erini ndra ’ba amani ti pele ’diyi ozile rarisi. 18#Azi 7:26; 13:17; Yos 7:1, 11, 12; Isa 52:11; Rum 12:9; 2 Kor 6:17; Efe 5:11; 1 Tes 5:22; Yos 7:25; 1 Opi 18:17, 18; Yon 1:12Te emi’i, emi ma mba emi ta afa trizaru ’diyisi, emi ka eri fe ovuzu trizaru Mungu dri ’bo, emi kazu afa trizaru ’diyi ma azi ’duzu eminiru ku; geri ’disi emi nga pari ’ba Israelinini hema asozuri fe ovuzu trizaru, azini emi nga eri ecandi ra. 19Te dahabu dria, mele pie, afazu molaru pie, afazu ayaru ’diyi pie, yi ovu alaru Yehova dri; yi nga fi pari lonyi Yehovani ma ta mbazuria. 20#Ebra 11:30Ka’dini ’ba nde nga cere o’be, azini ’ba edeta edepi ’diyi vu guka. Te eri nga eca ’dini, ’ba nde ka o’duko gukani eri ’bo, yi o’be cere o’duko urusi, coti abi e’de di wayi va, ’dini ’ba yi tu aku nderi ma alia, ’ba alu alu tu i drilia kilili, yi bi aku nderi ani. 21#Azi 7:2; 20:16, 17; 1 Sam 15:3, 8, 18, 19; 1 Opi 20:42; Yer 48:18; Eceza 18:21Yi otri, yi ja afa dria ovupi aku ride ma alia ’diyi ma dri, agupi piyi oku be, ’ba o’di piyi ’ba deza be, ti pie, kabilo pie, akanya pie dria sei ma sisi ra.
22 #
Yos 2:14; Ebra 11:31 Te Yosua ’yo ’ba ndra iri angu ma orile gapi ’diyi ma tia kini, Emi ma fi oku awuouru ’dari ma joa, emi ma ofu oku nderi amve, afa ovupi eri ma joa ’diyi be dria, ekile emini ndra oyo sole eri vurile. 23#Yos 2:13Karile angu ma orile gapi ’dayi nga fi eri vile joa, yi nga Rahabu pi ofu ati pie, andri pie, adripi pie, afa erini ’diyi pie dria; ’ba eri ma enyatiru ’diyi yi ofu yi dria indi, yi nga yi ’ba pari ’ba Israelinini hema asozuri ma ageia amveleru. 24Vilerisi yi ve aku ’diri acisi, afa ovupi alenia ’diyi pie dria; te dahabu, mele pie, afazu molaru azini ayaru ’diyi pie, yi nga yi ji ’ba pari jo Yehovani ma lonyi ta mbazuria. 25#Ebra 11:31; Mat 1:5Te Yosua nga oku awuouru Rahabu pi opa idriru, ’ba eri ati vile akua ’diyi pie, ’ba erini pie dria; te eri nga ovu ’ba Israelini ma eselia ’dani kpere ecazu ani o’du andru ’diri ma alia, erini ’ba Yosuani ti pele Yeriko ma orile gazu ’diyi ozilerisi. 26#1 Opi 16:34; Mal 1:4Yosua nga ’ba ’diyi azi oyo sozasi o’du ’dasi kini, Agu ma ovu trizaru Yehova milia eri ka nga enga aku Yerikoni ’diri sizu dika. Erini ngaria nduni e’doria, mva erini okori nga drani, Te erini ngaria kalitile edreria mva erini vileri nga drani. 27#E’do 39:2; Azi 31:8, 23; Yos 1:5; 3:7; Lip 1:19; 2 Sam 7:9; 8:6; Rum 8:31; Yos 9:1, 3; 1 Sam 2:30’Dini Yehova ovu Yosua be; te ru erini ku angu dri dria ani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.