Yakoboni 1
1
Zita ’ba zizu ci ciri
1 #
Mat 13:55; Mar 6:3; ’Yeta 15:13, 23; 1 Pet 1:1; Gal 1:19 Yakobo, ati’bo Munguni azini Opi Yesu Kristoniri, Suru mudri drini iri yi erepi ndu ndu ’diyi vu: Ma zi emi ci ci,
Ondua engapi Mungu vuri
2 #
Rum 5:3-5; 1 Pet 1:6 Emi ka ovu obeta ndu ndu ma alia, ma adripi, e’yo ’diri ma ovu emi dri ayikoru, 3#1 Pet 1:7emini niria o’biza a’ita emini o’bizuri eri asi teza eji. 4Emi ku asi teza ma de azi ini dri fuzu ’yeke, emi ma ovu ani fudri ci afa dria be ’yeke, emini ani ecezu e’yo alunisi ku.
5 #
O’be 2:3-6
Te ’ba azini emi eselia ka ece onduasi ra, eri ma zi Mungu afa fepi ’ba dria dri avasi, egapi ’ba dria kuri ma tia, eri nga ovu fezaro eri dri. 6#Mar 11:24Te eri ma zi a’itasi, abaza kokoru, te ’ba asisile abaza beri si ekile yi mbuza mirini olini drole azini adile ’dale’dolerile. 7Agu nderi ma ega, i asia kini i nga afa azini isu Opi dri, ’dini ku; 8eri ’ba asi iri be, oyapi oya geri ini ma aliasi driari’i.
9 #
Yak 2:5
Te adripi valeruri ma ovu ayiko be yini eri ’bale ururisi, 10#Isa 40:6-7; 1 Pet 1:24azini ’ba afa e’iruri ma ovu vini ayiko be yini eri ’bale valerisi, erini ngale lule va ekile ase fulerisi. 11Te etuni adri efu oli aciru be, eri fe aseni onyu onyu; funi nga lu va, wura ndriza erini nga avi ra. ’Dinile alu indi ’ba afa e’iruri nga dri ja acita erini ma alia ra.
Obeta ’ba o’bizuri
12 #
Dan 12:12; 2 Tim 4:8; 1 Pet 5:4; 1 Kor 9:25; Eceza 2:10 ’Ba pa sopi obeta ma alia ci asi tezasiri eri drilebaru, a’disiku eri ka nga o’bita eri o’bizuri aga ’bo, eri nga ekilaza idrini Opini ndra azile ’ba eri lepi ’diyi driri isu ra. 13’Ba ovupi obezaruri ma ’yo kini, Mungu obe mani, ’dini aluni ku; te ’ba econi Mungu obezaru e’yo onzisi ku, Mungu obeni vini ’ba ku indi; 14#Rum 7:7-10te ’ba alu alu ovu obezaru li erinini eri sele jile bileni ewilerisi. 15’Di ma vutia, li ka mva isu i alia ’bo, eri ti ezatani; te ezata nde ka mba ra, eri osi dratani.
16Adripi mani lele ’diyi la, ’ba, ma ici emi ku. 17#1 Yoh 1:5; Mat 7:11Afa feza onyiru dria, azini feta kililiru ’diyi dria ibi enga uru, esizu va engazu Ata diza beri vu, Ata nde i ojapi ku ovupi endrilendri ojataniri be kuri’i. 18#Yoh 1:13; 1 Pet 1:23Eri asini lelerisi, eri ti ama e’yo adarurisi, ama ma ovu ani afa erini ’bale ’diyi ma esele afa kapi okoriru.
’Ba e’yo Munguni ’yepi ’diyi
19 #
Ekl 7:9
Adripi mani lele ’diyi, emi ma ni ’diri. ’Ba dria ma ovu e’yo erizu mbele, e’yo ’yozu e’yere, adra ’bazu mbele ku, 20#Efe 4:26a’disiku adra ’bani ’yeni e’yo kililiru Munguniri ku. 21#Kol 3:8; 1 Pet 2:1E’yo ’disi emi ma nze e’yo ondiru dria, azini asi onzi karakarau agapi rari pie, yi ’bezu amve, emi ma a’i e’yo ovupi sazaru emi asia ecopi orindi emini papiri asi e’yeresi.
22 #
Mat 7:26; Rum 2:13 Te emi ma ovu ’ba e’yo ’yepi ’diyiru, te ’ba e’yo eripi bilesi toko ’yepi ku yi ngulupi icipi inzosi ’diyiru ku. 23Te ’ba ka ovu ’ba e’yo eripi bilesi toko ’yepi kuriru, eri ovu ekile ’ba i ma ngulupi ma mileti ndrepi mandara ma aliarile; 24te eri ka i mileti ama ’bo, eri mu ra, coti mileti erini te e’dapi ngoni yari avi eri dri ra. 25#Yak 2:12; Rum 8:2; Yoh 13:17Te ’ba lupi azita kililiru trutaniri ma aliari, ka adri alenia ’dani, ka ovu ’ba e’yo eripi avipi mbeleri’i ku, te ’ba ’yeta ’yepi rari’i, ’ba ’diri eri nga ovu drilebaru erini ’yeta ’yeria.
26 #
Zab 34:13
’Ba azini ka ega i ma asia i bi dini Mungu inzizuri ’bo, de nga eri ombeni i andre ku, te eri ici i ma asi, dini agu ’dirini Mungu inzizuri eri toko. 27Dini Mungu inzizu alaru ezata kokoru Mungu Ata ma miliari eri ’di’i imvoanzi pi andrizu awuzi pie ocoko yini ma alia, azini ’bani i ma agei tezu e’yo nyakuni kazu eri ezazu ku.
Currently Selected:
Yakoboni 1: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
Yakoboni 1
1
Zita ’ba zizu ci ciri
1 #
Mat 13:55; Mar 6:3; ’Yeta 15:13, 23; 1 Pet 1:1; Gal 1:19 Yakobo, ati’bo Munguni azini Opi Yesu Kristoniri, Suru mudri drini iri yi erepi ndu ndu ’diyi vu: Ma zi emi ci ci,
Ondua engapi Mungu vuri
2 #
Rum 5:3-5; 1 Pet 1:6 Emi ka ovu obeta ndu ndu ma alia, ma adripi, e’yo ’diri ma ovu emi dri ayikoru, 3#1 Pet 1:7emini niria o’biza a’ita emini o’bizuri eri asi teza eji. 4Emi ku asi teza ma de azi ini dri fuzu ’yeke, emi ma ovu ani fudri ci afa dria be ’yeke, emini ani ecezu e’yo alunisi ku.
5 #
O’be 2:3-6
Te ’ba azini emi eselia ka ece onduasi ra, eri ma zi Mungu afa fepi ’ba dria dri avasi, egapi ’ba dria kuri ma tia, eri nga ovu fezaro eri dri. 6#Mar 11:24Te eri ma zi a’itasi, abaza kokoru, te ’ba asisile abaza beri si ekile yi mbuza mirini olini drole azini adile ’dale’dolerile. 7Agu nderi ma ega, i asia kini i nga afa azini isu Opi dri, ’dini ku; 8eri ’ba asi iri be, oyapi oya geri ini ma aliasi driari’i.
9 #
Yak 2:5
Te adripi valeruri ma ovu ayiko be yini eri ’bale ururisi, 10#Isa 40:6-7; 1 Pet 1:24azini ’ba afa e’iruri ma ovu vini ayiko be yini eri ’bale valerisi, erini ngale lule va ekile ase fulerisi. 11Te etuni adri efu oli aciru be, eri fe aseni onyu onyu; funi nga lu va, wura ndriza erini nga avi ra. ’Dinile alu indi ’ba afa e’iruri nga dri ja acita erini ma alia ra.
Obeta ’ba o’bizuri
12 #
Dan 12:12; 2 Tim 4:8; 1 Pet 5:4; 1 Kor 9:25; Eceza 2:10 ’Ba pa sopi obeta ma alia ci asi tezasiri eri drilebaru, a’disiku eri ka nga o’bita eri o’bizuri aga ’bo, eri nga ekilaza idrini Opini ndra azile ’ba eri lepi ’diyi driri isu ra. 13’Ba ovupi obezaruri ma ’yo kini, Mungu obe mani, ’dini aluni ku; te ’ba econi Mungu obezaru e’yo onzisi ku, Mungu obeni vini ’ba ku indi; 14#Rum 7:7-10te ’ba alu alu ovu obezaru li erinini eri sele jile bileni ewilerisi. 15’Di ma vutia, li ka mva isu i alia ’bo, eri ti ezatani; te ezata nde ka mba ra, eri osi dratani.
16Adripi mani lele ’diyi la, ’ba, ma ici emi ku. 17#1 Yoh 1:5; Mat 7:11Afa feza onyiru dria, azini feta kililiru ’diyi dria ibi enga uru, esizu va engazu Ata diza beri vu, Ata nde i ojapi ku ovupi endrilendri ojataniri be kuri’i. 18#Yoh 1:13; 1 Pet 1:23Eri asini lelerisi, eri ti ama e’yo adarurisi, ama ma ovu ani afa erini ’bale ’diyi ma esele afa kapi okoriru.
’Ba e’yo Munguni ’yepi ’diyi
19 #
Ekl 7:9
Adripi mani lele ’diyi, emi ma ni ’diri. ’Ba dria ma ovu e’yo erizu mbele, e’yo ’yozu e’yere, adra ’bazu mbele ku, 20#Efe 4:26a’disiku adra ’bani ’yeni e’yo kililiru Munguniri ku. 21#Kol 3:8; 1 Pet 2:1E’yo ’disi emi ma nze e’yo ondiru dria, azini asi onzi karakarau agapi rari pie, yi ’bezu amve, emi ma a’i e’yo ovupi sazaru emi asia ecopi orindi emini papiri asi e’yeresi.
22 #
Mat 7:26; Rum 2:13 Te emi ma ovu ’ba e’yo ’yepi ’diyiru, te ’ba e’yo eripi bilesi toko ’yepi ku yi ngulupi icipi inzosi ’diyiru ku. 23Te ’ba ka ovu ’ba e’yo eripi bilesi toko ’yepi kuriru, eri ovu ekile ’ba i ma ngulupi ma mileti ndrepi mandara ma aliarile; 24te eri ka i mileti ama ’bo, eri mu ra, coti mileti erini te e’dapi ngoni yari avi eri dri ra. 25#Yak 2:12; Rum 8:2; Yoh 13:17Te ’ba lupi azita kililiru trutaniri ma aliari, ka adri alenia ’dani, ka ovu ’ba e’yo eripi avipi mbeleri’i ku, te ’ba ’yeta ’yepi rari’i, ’ba ’diri eri nga ovu drilebaru erini ’yeta ’yeria.
26 #
Zab 34:13
’Ba azini ka ega i ma asia i bi dini Mungu inzizuri ’bo, de nga eri ombeni i andre ku, te eri ici i ma asi, dini agu ’dirini Mungu inzizuri eri toko. 27Dini Mungu inzizu alaru ezata kokoru Mungu Ata ma miliari eri ’di’i imvoanzi pi andrizu awuzi pie ocoko yini ma alia, azini ’bani i ma agei tezu e’yo nyakuni kazu eri ezazu ku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.