’Yeta 2
2
Emuza Orindi Alatararuriniri
1 #
Lev 23:15-21; Azi 16:9-11; ’Yeta 1:14 O’du Pentekositori ka eca ’bo, isu yi dria oku yi tualu pari alua. 2#’Yeta 4:31Mbeleru noza enga ’bua ekile Oliriko nopi okposirile, eri ga jo alia tre pari yini rizuria. 3#Mat 3:11Andre awaza e’da yi milia ekile aci ma dizale, ri yi dria alu alu. 4#’Yeta 4:31; 10:44-46; 19:6’Ba ’diyi dria ga Orindi Alarararusi tre, yi ’ba e’yo ’yo ti ndu ndusi, ekile Orindini fele yi dri ’yozurile.
5 #
’Yeta 13:26
Isu ’ba Yahudini Mungu rupi engapi suru dria ’bu ma etia ’diyia ’diyi adri ovu Yerusalemua. 6Yini o’duko noza ’dirini eriria, ’ba ongulumuru oku yi tualu, yi osu tu a’disiku ’ba ’diyini e’yo ’yoria yi alu alu eri e’yoni yi ma ngulupi ma tisi. 7Yi dria ovu taisi osuta be to, ’yozu, Emi lu, ’ba e’yo ’yopi ’doyi yi ovuni dria ’ba Galilia ’diyi’i ku ya? 8Ama alu alu eri e’yo ’yoza yini ti ama ngulupinirisi ngoni ngoni ya? 9’Ba Paritia ’diyi pi ’ba Mediaa ’diyi pie, ’ba Elamua ’diyi pie, azini ’ba engapi Mesopotamiaa ’diyi, Yudiaa ’diyi, Kapadokiaa ’diyi, Pontoa azini Asiaa ’diyi, 10Ferugiaa azini Pamfuliaa ’diyi, Misiria azini ’ba engapi esele Libiani ovupi ogogo Kurenearia ’diyi, azini ’ba emupi engapi Rumia ’diyi, ’ba Yahudini azini ’ba yi ojapi ecapi Yahudiouru ’diyi, 11’ba Kiretea ’diyi pi ’ba Arabuaa ’diyi pie, ama eri yini azi amboru Munguni ’diyi ma e’yo oluria ti ama ngulupinisi. 12Te yi dria osu osu tu, yi aba aba, ozizu yi ma eselia ceni ceni kini, ’Dori a’di e’yo efini ya? 13Te ’ba azini nga ’yo oguta be kini, ’Ba ’diyi ati ati ewa afufusi ka!
Peteroni e’yo oluzu o’du Pentekositonisiri
14Te Peteroni pa soria ’ba mudri drini alu ’diyi be, eri ’yo yi tia o’duko urusi kini, Emi ’ba Yudiaa ’diyi, azini emi ’ba dria adripi ovupi Yerusalemua ’diyi, emi ma ni ’eyo ’diri, emi co bile e’yo mani ’yoleri vu. 15Te ’ba ’doyi yi atini ewasi emini egalerile ku, te eri kiri etu na a’joni; 16#Yoe 2:28-32te e’yo ’dori eri e’yo ndra nabi Yoelini ’yoleri:
17 #
Yoe 2:28-32
Eri nga eca ’dinile o’du vilerisi,
Mungu ’yo, ma nga Orindi mani osu ’ba dria ma dria;
agupianzi emini azini ezoanzi emini yi nga e’yo ondri,
karile emini yi nga afa ndrezandre,
mbaza emini, oro bini nga yi obini;
18adaru, ma nga Orindi mani osu ati’ba mani agupiru azini ati’ba mani okuru ’diyi ma dria o’du nde ’diyisi;
yi nga efu nabiru ani.
19Ma nga tali osutaru ofu uru ’bua azini eceta nyakua va indi,
ari, azini aci, azini acika acini;
20etuni nga i oja iniru,
mbani nga i oja arile,
de nga o’du Opini ecani ku,
o’du amboru kuzaruri.
21 #
Rum 10:13
Eri nga eca ’dinile,
’ba dria ru Opini omvepi ’diyi nga ovu pazaru.
22 #
Yoh 3:2
Emi agupi Israelini, emi eri e’yo ’dori: Yesu ’ba Nazaretia, ndra Munguni ecele emi milia azi amborusi azini tali osutaru ’diyisi, azini eceta Munguni ’yele erisi emi eselia ’diyisiri, ekile emi ngulupini nilerile- 23#Mat 27:35; Mar 15:24; Luk 23:33; Yoh 19:18; ’Yeta 4:28; 1 Pet 1:20’ba ’diri, emini ndra fele juru dri ekile Munguni lele pele ndra okokelerileri, emi di eri pati ruaa, fu eri ’ba onzi ma dria. 24#Mat 28:5-6; ’Yeta 3:15; Mar 16:6; Luk 24:5Te Mungu enga eri uru, ayu eri candi drani ma alia, a’disiku drata econi, eri ombezaru ku. 25#Zab 16:8-11Te Daudi ’yo ndra eri ma e’yosi, Ma ne Opi etuzu ma milia, eri ovu ma dri ndiria, ma ngani aba ku beni;
26e’yo ’disi asi mani ovu ayikosi,
andre mani ga ongosi tre;
rua mani nga vini ovu e’yere e’yo tezu.,
27 #
’Yeta 13:35
A’disiku mi ngani orindi mani ku Pari ’ba drazaniri ma alia ku,
mi ngani ’Ba Alatararu miniri ku mazu ku.
28Mi ece ma dri geri idrini ’bo; mi nga fe asi mani ma ga ayikosi tre mani mile mini ndrelerisi.
29 #
’Yeta 13:36; 1 Opi 2:10 Adripi, ma eco a’bi amani Daudi ma e’yo ’yozaru emi tia uri kokoru; eri dra ra, yi sa eri ra, azini nyadri erini ovu ama eselia ecazu andru. 30#Zab 132:11; 89:3, 4; 2 Sam 7:12-13Erini ovule nabinirisi, erini niria Mungu so oyo i dri kini a’bimva alua’bianzi ini ma eseliari nga ri oguna ini dria, 31#Zab 16:10eri ondri e’yo, ’yo e’yo Kristoni engazu ’ba draza eseliari, ’yozu Mungu kuni eri Pari ’ba drazaniri ma alia ku, rua erini mani ku indi. 32Mungu enga Yesu ’diri ra; ama dria ovu ’ba e’yo ’diri ma eti nzepi ’diyiru. 33#’Yeta 1:4’Dini Munguni eri ’baria uru i ma dri ndiria, azini erini aziza Orindi Alatararuni isuzu Ata dri ’boria, eri osu te e’yo emini nele, emini erile curu’do ’dori. 34#Zab 110:1Te ’Daudi tuni uru ’bua ku; te eri ma ngulupi ’yo,
Opi ’yo Opi mani ma tia,
Mi ri ma dri ndiria,
35de nga ma ’bani ari’ba mini ovuzu afa mi pa ’bazu driniariru ku.
36 #
’Yeta 5:31
Onyiru ’ba Israelini ’diyi dria ma ni ndi ndi kini Mungu ’ba Yesu emini dile pati ruaa ’diri Opiru azini Kristo’i.
37 #
’Yeta 16:30
Yini e’yo ’diri eriria eri li yi ma asi, yi yo Petero pi ma tia ’ba ti opele azini diyi be indi, Ama adripi la ama nga ’ye sini ya? 38#’Yeta 3:17-19; Luk 24:47Petero nga e’yo ori ri yi tia kini, Emi oja emi asi, emi bi baputizi emi alu alu ru Yesu Kristonisi, e’yo onzi emini wuzu; emi nga di feta Orindi Alatararuni a’i ani. 39#Yoe 2:32; Isa 57:19Te aziza nde ovu emi dri, anzi emini pie, ’ba dria ovupi ziri ’dale Opi Munguni ngale omvele ’diyi dri indi. 40#Azi 32:5; Fil 2:15Eri nze yi dri e’yo eti kakau, matu ’bazu yi vu ’yozu, Emi ma pa emi ngulupi engazu suruti onzi ’dori ma aliarisi. 41#’Yeta 4:4; 5:14’Dini fe baputizi ’ba e’yo erini a’ipi ’diyi dri, te o’du ’darisi ’ba alifu na yi o’ba yi ’ba-a’ipi ’diyi ma ruaa. 42#’Yeta 20:7Yi fe yi asi dria imbata ’ba ti opele ’diyini erizu ’dani, ti ecizu tualu, enya otiria nyaria Mungu ziza be indi.
Adriza ’ba a’ipi ’diyini
43Uri bi ’ba dria; ’ba ti opele ’diyi yi ’ye tali kakau eceta amboru be. 44#’Yeta 4:32-35’Ba a’ipi ’diyi dria yi ovu pari alua, yi eci afa yini dria tualu; 45yi ofe anyapa azini afa yini be je, yi awa yi ’ba dria dri ekile ’ba alu aluni ovule afa kokorurile. 46#’Yeta 2:42Etuzu yi ovu asi tezasi asi alusi, hekalua azini enya nyaria aku yinia, yi nya enya yini ayikosi asi lokiri kokorurisi, 47#’Yeta 4:4; 5:14; 11:21; 14:1Mungu inzizu azini ovuzu ’ba dria vu ayikosi. Etu vusi alu alu dria Opi o’ba ’ba erini opale ’diyi yi ma ruaa.
Currently Selected:
’Yeta 2: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
’Yeta 2
2
Emuza Orindi Alatararuriniri
1 #
Lev 23:15-21; Azi 16:9-11; ’Yeta 1:14 O’du Pentekositori ka eca ’bo, isu yi dria oku yi tualu pari alua. 2#’Yeta 4:31Mbeleru noza enga ’bua ekile Oliriko nopi okposirile, eri ga jo alia tre pari yini rizuria. 3#Mat 3:11Andre awaza e’da yi milia ekile aci ma dizale, ri yi dria alu alu. 4#’Yeta 4:31; 10:44-46; 19:6’Ba ’diyi dria ga Orindi Alarararusi tre, yi ’ba e’yo ’yo ti ndu ndusi, ekile Orindini fele yi dri ’yozurile.
5 #
’Yeta 13:26
Isu ’ba Yahudini Mungu rupi engapi suru dria ’bu ma etia ’diyia ’diyi adri ovu Yerusalemua. 6Yini o’duko noza ’dirini eriria, ’ba ongulumuru oku yi tualu, yi osu tu a’disiku ’ba ’diyini e’yo ’yoria yi alu alu eri e’yoni yi ma ngulupi ma tisi. 7Yi dria ovu taisi osuta be to, ’yozu, Emi lu, ’ba e’yo ’yopi ’doyi yi ovuni dria ’ba Galilia ’diyi’i ku ya? 8Ama alu alu eri e’yo ’yoza yini ti ama ngulupinirisi ngoni ngoni ya? 9’Ba Paritia ’diyi pi ’ba Mediaa ’diyi pie, ’ba Elamua ’diyi pie, azini ’ba engapi Mesopotamiaa ’diyi, Yudiaa ’diyi, Kapadokiaa ’diyi, Pontoa azini Asiaa ’diyi, 10Ferugiaa azini Pamfuliaa ’diyi, Misiria azini ’ba engapi esele Libiani ovupi ogogo Kurenearia ’diyi, azini ’ba emupi engapi Rumia ’diyi, ’ba Yahudini azini ’ba yi ojapi ecapi Yahudiouru ’diyi, 11’ba Kiretea ’diyi pi ’ba Arabuaa ’diyi pie, ama eri yini azi amboru Munguni ’diyi ma e’yo oluria ti ama ngulupinisi. 12Te yi dria osu osu tu, yi aba aba, ozizu yi ma eselia ceni ceni kini, ’Dori a’di e’yo efini ya? 13Te ’ba azini nga ’yo oguta be kini, ’Ba ’diyi ati ati ewa afufusi ka!
Peteroni e’yo oluzu o’du Pentekositonisiri
14Te Peteroni pa soria ’ba mudri drini alu ’diyi be, eri ’yo yi tia o’duko urusi kini, Emi ’ba Yudiaa ’diyi, azini emi ’ba dria adripi ovupi Yerusalemua ’diyi, emi ma ni ’eyo ’diri, emi co bile e’yo mani ’yoleri vu. 15Te ’ba ’doyi yi atini ewasi emini egalerile ku, te eri kiri etu na a’joni; 16#Yoe 2:28-32te e’yo ’dori eri e’yo ndra nabi Yoelini ’yoleri:
17 #
Yoe 2:28-32
Eri nga eca ’dinile o’du vilerisi,
Mungu ’yo, ma nga Orindi mani osu ’ba dria ma dria;
agupianzi emini azini ezoanzi emini yi nga e’yo ondri,
karile emini yi nga afa ndrezandre,
mbaza emini, oro bini nga yi obini;
18adaru, ma nga Orindi mani osu ati’ba mani agupiru azini ati’ba mani okuru ’diyi ma dria o’du nde ’diyisi;
yi nga efu nabiru ani.
19Ma nga tali osutaru ofu uru ’bua azini eceta nyakua va indi,
ari, azini aci, azini acika acini;
20etuni nga i oja iniru,
mbani nga i oja arile,
de nga o’du Opini ecani ku,
o’du amboru kuzaruri.
21 #
Rum 10:13
Eri nga eca ’dinile,
’ba dria ru Opini omvepi ’diyi nga ovu pazaru.
22 #
Yoh 3:2
Emi agupi Israelini, emi eri e’yo ’dori: Yesu ’ba Nazaretia, ndra Munguni ecele emi milia azi amborusi azini tali osutaru ’diyisi, azini eceta Munguni ’yele erisi emi eselia ’diyisiri, ekile emi ngulupini nilerile- 23#Mat 27:35; Mar 15:24; Luk 23:33; Yoh 19:18; ’Yeta 4:28; 1 Pet 1:20’ba ’diri, emini ndra fele juru dri ekile Munguni lele pele ndra okokelerileri, emi di eri pati ruaa, fu eri ’ba onzi ma dria. 24#Mat 28:5-6; ’Yeta 3:15; Mar 16:6; Luk 24:5Te Mungu enga eri uru, ayu eri candi drani ma alia, a’disiku drata econi, eri ombezaru ku. 25#Zab 16:8-11Te Daudi ’yo ndra eri ma e’yosi, Ma ne Opi etuzu ma milia, eri ovu ma dri ndiria, ma ngani aba ku beni;
26e’yo ’disi asi mani ovu ayikosi,
andre mani ga ongosi tre;
rua mani nga vini ovu e’yere e’yo tezu.,
27 #
’Yeta 13:35
A’disiku mi ngani orindi mani ku Pari ’ba drazaniri ma alia ku,
mi ngani ’Ba Alatararu miniri ku mazu ku.
28Mi ece ma dri geri idrini ’bo; mi nga fe asi mani ma ga ayikosi tre mani mile mini ndrelerisi.
29 #
’Yeta 13:36; 1 Opi 2:10 Adripi, ma eco a’bi amani Daudi ma e’yo ’yozaru emi tia uri kokoru; eri dra ra, yi sa eri ra, azini nyadri erini ovu ama eselia ecazu andru. 30#Zab 132:11; 89:3, 4; 2 Sam 7:12-13Erini ovule nabinirisi, erini niria Mungu so oyo i dri kini a’bimva alua’bianzi ini ma eseliari nga ri oguna ini dria, 31#Zab 16:10eri ondri e’yo, ’yo e’yo Kristoni engazu ’ba draza eseliari, ’yozu Mungu kuni eri Pari ’ba drazaniri ma alia ku, rua erini mani ku indi. 32Mungu enga Yesu ’diri ra; ama dria ovu ’ba e’yo ’diri ma eti nzepi ’diyiru. 33#’Yeta 1:4’Dini Munguni eri ’baria uru i ma dri ndiria, azini erini aziza Orindi Alatararuni isuzu Ata dri ’boria, eri osu te e’yo emini nele, emini erile curu’do ’dori. 34#Zab 110:1Te ’Daudi tuni uru ’bua ku; te eri ma ngulupi ’yo,
Opi ’yo Opi mani ma tia,
Mi ri ma dri ndiria,
35de nga ma ’bani ari’ba mini ovuzu afa mi pa ’bazu driniariru ku.
36 #
’Yeta 5:31
Onyiru ’ba Israelini ’diyi dria ma ni ndi ndi kini Mungu ’ba Yesu emini dile pati ruaa ’diri Opiru azini Kristo’i.
37 #
’Yeta 16:30
Yini e’yo ’diri eriria eri li yi ma asi, yi yo Petero pi ma tia ’ba ti opele azini diyi be indi, Ama adripi la ama nga ’ye sini ya? 38#’Yeta 3:17-19; Luk 24:47Petero nga e’yo ori ri yi tia kini, Emi oja emi asi, emi bi baputizi emi alu alu ru Yesu Kristonisi, e’yo onzi emini wuzu; emi nga di feta Orindi Alatararuni a’i ani. 39#Yoe 2:32; Isa 57:19Te aziza nde ovu emi dri, anzi emini pie, ’ba dria ovupi ziri ’dale Opi Munguni ngale omvele ’diyi dri indi. 40#Azi 32:5; Fil 2:15Eri nze yi dri e’yo eti kakau, matu ’bazu yi vu ’yozu, Emi ma pa emi ngulupi engazu suruti onzi ’dori ma aliarisi. 41#’Yeta 4:4; 5:14’Dini fe baputizi ’ba e’yo erini a’ipi ’diyi dri, te o’du ’darisi ’ba alifu na yi o’ba yi ’ba-a’ipi ’diyi ma ruaa. 42#’Yeta 20:7Yi fe yi asi dria imbata ’ba ti opele ’diyini erizu ’dani, ti ecizu tualu, enya otiria nyaria Mungu ziza be indi.
Adriza ’ba a’ipi ’diyini
43Uri bi ’ba dria; ’ba ti opele ’diyi yi ’ye tali kakau eceta amboru be. 44#’Yeta 4:32-35’Ba a’ipi ’diyi dria yi ovu pari alua, yi eci afa yini dria tualu; 45yi ofe anyapa azini afa yini be je, yi awa yi ’ba dria dri ekile ’ba alu aluni ovule afa kokorurile. 46#’Yeta 2:42Etuzu yi ovu asi tezasi asi alusi, hekalua azini enya nyaria aku yinia, yi nya enya yini ayikosi asi lokiri kokorurisi, 47#’Yeta 4:4; 5:14; 11:21; 14:1Mungu inzizu azini ovuzu ’ba dria vu ayikosi. Etu vusi alu alu dria Opi o’ba ’ba erini opale ’diyi yi ma ruaa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.