’Yeta 14
14
Paulo pi Baranaba be Ikoniaa
1Eri eca ’dini Ikoniaa, yi fi tualu pari ’ba Yahudini yi okuzuria, yi olu e’yo, ’dini ’ba ongulumuru kakau, ’ba Yahudini azini ’ba Girikini indi, yi a’i ani. 2#’Yeta 13:45’Ba Yahudini a’ipi ku ’diyi yi enga ’ba luruni, yi oja ’ba ’diyi ma asi onzi adripi nde ’diyi vu. 3#’Yeta 19:11; Mar 16:20; Ebra 2:4’Dini yi ovu ’dale o’du fudri ci e’yo oluzu uri kokoru Opi ma e’yosi; Opi eri nze ’ba dri asi ndriza ini ma e’yo ma eti, okpo fezu yi dri eceta pi ’yezu tali osutaru ’diyi be. 4Te ’ba aku amboru nde alia ’diyi yi co yi ma esele iri; azini ’diyi le ’ba Yahudini, azini ’diyi le ’ba ti opele ’diyi’i. 5#’Yeta 14:19; 2 Tim 3:11Te ’ba Juruni azini ’ba Yahudini ’diyi, ’ba yi dri cepi ’diyi be, yi le omba ’ba e’yo ’yezu yi ruaa atriru, yi o’bezu onisi indi. 6#Mat 10:23Te yi ka e’yo nderi eri ra, yi apa aku amboru angu Lukaonia ma alia ’diyia, yi ma ru Lusitera azini Derebe, azini angu ovupi yi ageia ogogoria; 7#’Yeta 11:19, 20’dale yi ovu e’yo bari oluria.
Paulo pi inzizu Baranaba be adrouleri
8 #
’Yeta 3:2; 9:33; Yoh 9:1 Te Lusiteraa agu alu ripi valesi ecopi acipi kuri indi; eri osi trua andri ma alia pa acoza be ’dani, acini nga drio aluni ku. 9#’Yeta 3:4; Mat 9:28Agu nderi eri Pauloni e’yo oluria; Paulo su mile ruania okposi, erini neria eri ovu a’ita i pazuri be, 10eri ’yo o’duko urusi kini, Mi so pa urulesi. Eri mbu uru, ’ba ad aci, 11#’Yeta 28:6’Ba ongulumuru ka e’yo Pauloni ’yeleri ndre, yi enga o’duko yini uru, yi ’yo ti Lukaonianisi, Mungu yi esi va ama vu wura be ekile ’bale! 12Yi ’da Baranaba ma ru Zeu’i, yi ’da Paulo ma ru Herima’i, erini ovule ’ba e’yo olupi turisi. 13Atalau edeta edepi Zeuniri, ojio erini ovu aku amboru nderi drilia amveleru, eri eji tiago edezaru patibi onyiafarusi ’diyi kalitilea, yi le edeta ede ’ba ongulumuru be tualu. 14Te ’ba ti opele ’diyi Baranaba pi Paulo be, yi ka e’yo nderi eri ’bo, yi osi bongo yini, yi onzu ’ba ongulumuru ma eseliasi, yi otre okposi ’yozu kini, 15#Efu 20:11; Zab 146:6; Isa 37:16; Yer 32:17; Yak 5:17Agu ’diyi la! Emi e’yo ’diyi ’ye ’dini a’disi ya? Ama’i ama ovu ’ba rua be ekile emile, re ama olu emi dri e’yo bari kini emi ma oja emi e’yo toko toko ’diyi kuzu, emi ma a’i Mungu idriru ’bu ’bapi nyaku pi, miri pie, afa alenia ’diyi pie driari, 16#’Yeta 17:30Ewu agapi ’boria, eri ku ndra ’ba Juruni dria acizu waa yini lelerile; 17#Zab 147:8; Yer 5:24te ti, kuni i e’yo eti nzeza kokoru ku, te eri ’ye onyiru, eri fe emi dri ozoo ’buari, ewu nyakani kazu ’diyi be, erini feria emi aleni traria nyakasi azini emi asini garia ayikosi. 18Te e’yo yini ’yole ’diyisi yi oga ’ba ongulumuru ewasi edeta edezu yi dri,
19 #
2 Kor 11:25; 2 Tim 3:11 Te ’ba Yahudini engapi Antio kiaa azini koniaa ’diyi eca ’dale; yi esu ’ba ongulumuru ma bile Pauloni o’bezu onisi. Yi ka eri o’be ’bo, yi se eri aku tia amve, yini egale kini dra ’borisi, 20Te ’ba Yesu vuti bipi ’diyini pa soria eri ageia, eri enga ra, fi aku amborua; te drusi ’dini, eri fu mu Derebea tualu Baranaba be. 21#Mat 28:19Yi ka de e’yo bari oluzu aku amboru nderi ma alia ’bo, yi ka ’ba kakau oja ’ba Yesu vuti bipiriru ’bo, yi nga mvi Lusiteraa azini ikoniaa azini Antiokiaa, 22#’Yeta 11:23; 1 Tes 3:3; Mat 7:14’ba Yesu vuti bipi ’diyi ma asi otuzu ovuzu okporu, yi ma asi omizu indi yi ma te a’ita nderi ma alia ’dani, ’yozu onyiruni ama ma fi suru Mungunia geri inzata kakau ma aliarisi. 23#’Yeta 13:3Te yi ka ’ba ’wara ope yi dri kanisa vusi ’bo, yini Mungu ziria nyaka ’daza be, yi ku yi Opi yini a’ile ’bori dri.
Mvizu Antiokia Suriaariari
24Yi aga Pisidiaasi, yi eca Pamfuliaa. 25Yi ka e’yo olu Perigaa ’bo, yi si Ataliaa; 26#’Yeta 13:1, 2engazu ’dale yi fi oguru alia muzo Antiokiaa, pari ndra ’bani yi kuzu asi ndriza Munguni dri azi yini dele curu’do ’bori ’yezuria. 27#1 Kor 16:9; ’Yeta 11:18Yi ka eca ra, yi oku ’ba kanisani tualu, yi ece yi dri e’yo dria Munguni ’yele tualu yi beri, azini e’yo Munguni jotile a’itaniri zizu ’ba Jururu driri. 28Yi ovu ’dale o’du kakau tualu ’ba Yesu vuti bipi ’diyi be.
Currently Selected:
’Yeta 14: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
’Yeta 14
14
Paulo pi Baranaba be Ikoniaa
1Eri eca ’dini Ikoniaa, yi fi tualu pari ’ba Yahudini yi okuzuria, yi olu e’yo, ’dini ’ba ongulumuru kakau, ’ba Yahudini azini ’ba Girikini indi, yi a’i ani. 2#’Yeta 13:45’Ba Yahudini a’ipi ku ’diyi yi enga ’ba luruni, yi oja ’ba ’diyi ma asi onzi adripi nde ’diyi vu. 3#’Yeta 19:11; Mar 16:20; Ebra 2:4’Dini yi ovu ’dale o’du fudri ci e’yo oluzu uri kokoru Opi ma e’yosi; Opi eri nze ’ba dri asi ndriza ini ma e’yo ma eti, okpo fezu yi dri eceta pi ’yezu tali osutaru ’diyi be. 4Te ’ba aku amboru nde alia ’diyi yi co yi ma esele iri; azini ’diyi le ’ba Yahudini, azini ’diyi le ’ba ti opele ’diyi’i. 5#’Yeta 14:19; 2 Tim 3:11Te ’ba Juruni azini ’ba Yahudini ’diyi, ’ba yi dri cepi ’diyi be, yi le omba ’ba e’yo ’yezu yi ruaa atriru, yi o’bezu onisi indi. 6#Mat 10:23Te yi ka e’yo nderi eri ra, yi apa aku amboru angu Lukaonia ma alia ’diyia, yi ma ru Lusitera azini Derebe, azini angu ovupi yi ageia ogogoria; 7#’Yeta 11:19, 20’dale yi ovu e’yo bari oluria.
Paulo pi inzizu Baranaba be adrouleri
8 #
’Yeta 3:2; 9:33; Yoh 9:1 Te Lusiteraa agu alu ripi valesi ecopi acipi kuri indi; eri osi trua andri ma alia pa acoza be ’dani, acini nga drio aluni ku. 9#’Yeta 3:4; Mat 9:28Agu nderi eri Pauloni e’yo oluria; Paulo su mile ruania okposi, erini neria eri ovu a’ita i pazuri be, 10eri ’yo o’duko urusi kini, Mi so pa urulesi. Eri mbu uru, ’ba ad aci, 11#’Yeta 28:6’Ba ongulumuru ka e’yo Pauloni ’yeleri ndre, yi enga o’duko yini uru, yi ’yo ti Lukaonianisi, Mungu yi esi va ama vu wura be ekile ’bale! 12Yi ’da Baranaba ma ru Zeu’i, yi ’da Paulo ma ru Herima’i, erini ovule ’ba e’yo olupi turisi. 13Atalau edeta edepi Zeuniri, ojio erini ovu aku amboru nderi drilia amveleru, eri eji tiago edezaru patibi onyiafarusi ’diyi kalitilea, yi le edeta ede ’ba ongulumuru be tualu. 14Te ’ba ti opele ’diyi Baranaba pi Paulo be, yi ka e’yo nderi eri ’bo, yi osi bongo yini, yi onzu ’ba ongulumuru ma eseliasi, yi otre okposi ’yozu kini, 15#Efu 20:11; Zab 146:6; Isa 37:16; Yer 32:17; Yak 5:17Agu ’diyi la! Emi e’yo ’diyi ’ye ’dini a’disi ya? Ama’i ama ovu ’ba rua be ekile emile, re ama olu emi dri e’yo bari kini emi ma oja emi e’yo toko toko ’diyi kuzu, emi ma a’i Mungu idriru ’bu ’bapi nyaku pi, miri pie, afa alenia ’diyi pie driari, 16#’Yeta 17:30Ewu agapi ’boria, eri ku ndra ’ba Juruni dria acizu waa yini lelerile; 17#Zab 147:8; Yer 5:24te ti, kuni i e’yo eti nzeza kokoru ku, te eri ’ye onyiru, eri fe emi dri ozoo ’buari, ewu nyakani kazu ’diyi be, erini feria emi aleni traria nyakasi azini emi asini garia ayikosi. 18Te e’yo yini ’yole ’diyisi yi oga ’ba ongulumuru ewasi edeta edezu yi dri,
19 #
2 Kor 11:25; 2 Tim 3:11 Te ’ba Yahudini engapi Antio kiaa azini koniaa ’diyi eca ’dale; yi esu ’ba ongulumuru ma bile Pauloni o’bezu onisi. Yi ka eri o’be ’bo, yi se eri aku tia amve, yini egale kini dra ’borisi, 20Te ’ba Yesu vuti bipi ’diyini pa soria eri ageia, eri enga ra, fi aku amborua; te drusi ’dini, eri fu mu Derebea tualu Baranaba be. 21#Mat 28:19Yi ka de e’yo bari oluzu aku amboru nderi ma alia ’bo, yi ka ’ba kakau oja ’ba Yesu vuti bipiriru ’bo, yi nga mvi Lusiteraa azini ikoniaa azini Antiokiaa, 22#’Yeta 11:23; 1 Tes 3:3; Mat 7:14’ba Yesu vuti bipi ’diyi ma asi otuzu ovuzu okporu, yi ma asi omizu indi yi ma te a’ita nderi ma alia ’dani, ’yozu onyiruni ama ma fi suru Mungunia geri inzata kakau ma aliarisi. 23#’Yeta 13:3Te yi ka ’ba ’wara ope yi dri kanisa vusi ’bo, yini Mungu ziria nyaka ’daza be, yi ku yi Opi yini a’ile ’bori dri.
Mvizu Antiokia Suriaariari
24Yi aga Pisidiaasi, yi eca Pamfuliaa. 25Yi ka e’yo olu Perigaa ’bo, yi si Ataliaa; 26#’Yeta 13:1, 2engazu ’dale yi fi oguru alia muzo Antiokiaa, pari ndra ’bani yi kuzu asi ndriza Munguni dri azi yini dele curu’do ’bori ’yezuria. 27#1 Kor 16:9; ’Yeta 11:18Yi ka eca ra, yi oku ’ba kanisani tualu, yi ece yi dri e’yo dria Munguni ’yele tualu yi beri, azini e’yo Munguni jotile a’itaniri zizu ’ba Jururu driri. 28Yi ovu ’dale o’du kakau tualu ’ba Yesu vuti bipi ’diyi be.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.