2 Samueli 3
3
1 #
Zab 46:9; Isa 2:4; Mik 4:3; Mat 10:35, 36; Gal 5:17; Efe 6:12 A’di ’diza izu ovu suru Sauloni pi ma eselia suru Daudini be; te okpo Daudini zo dika dika, te isuru Sauloni ma okpo de i dika dika.
Daudi ma anzipi otile Hebironia ’diyi
2 #
1 Sur 3:1; 1 Sam 25:43 Te Daudi ti anzi Hebironia osipi okori Aminoni’i, Ahinoamu Yezireeli zi vileri’i; 3#2 Sam 13:37; 1 Sam 27:8iriri Kileabu’i, Abigaili Nabali ’ba Karimeliari ma awuzi vileri’i; nari Abisalomu’i, Maaka Talimai opi Gesuriari zi ma mvi’i; 4#1 Opi 1:5; 2:13-25suri Adoniya Hagiti mvi’i; towiri Sefatia Abitali mvi’i; 5aziari Itireamu oku Daudini Egila vileri’i. Daudi ti ’diyi Hebironia.
Abinerini lezu aziza azizu Daudi beri
6 #
2 Sam 2:8, 9; 2 Sur 25:8 Eri nga eca ’dini, a’di ’dizani ovuria suru Saulo pini ma eselia suru Daudini beria, Abineri eca okporu suru Sauloni ma eselia. 7#2 Sam 21:8, 10Te Saulo ovu oku ati’boru be, ru erini Rizipa, Aya zi’i; re Isiboseti ’yo Abineri ma tia. Mi fi oku ati’boru ma atini vu a’di e’yosi ya? 8#Azi 23:18; 1 Sam 24:15; 2 Sam 16:9Te Abineri nga ovu adra be tu e’yo Isibosetini ’yolerisi, eri ’yo ra kini, Ma ovu Yuda ma oce drini ya? Andru ma ece asi onyiru mani suru mi ati Sauloni pi vu, adripi erini pie, lagyi erini ’diyi pie, ma feni mi Daudi ma dria ku; te ti, andru mi asu su ima ruaa oku ’di ma e’yosi. 9#1 Sam 15:28; 16:1, 12; 1 Sur 12:23; Rut 1:17; 1 Opi 19:2; Zab 78:70; 89:19, 20; ’Yeta 13:22Mungu ma ’ye Abineri vu ’dini, azini agapi rari indi, ma ka e’yo Yehovani oyo sozu Daudi ma e’yosiri ’ye eri dri ku, 10#Lip 20:1; 2 Sam 17:11; 1 Opi 4:25opi nyaza nzezu suru Sauloni ma driasi, azini oguna Daudini ’bazu Israeli pi ma drilia Yuda be, engazu Dania cazu Beerisebaa. 11Te Isiboseti econi e’yo lazini omvizaru Abineri ma tia ku, a’disiku eri ru eri.
12Te Abineri pe ojio ma ti Daudi vu Hebironia, ’yozu kini, Angu ’dori a’dini ya? Mi azi e’yo aziza ma be, te mi ne, dri mani nga ovu mi be Israeli dria esezu mi vu ani. 13#E’do 43:3; 44:23, 26; 1 Sam 18:20Te eri ’yo eri tia, Onyiru; ma nga e’yo aziza azi mi be, te ma azi mi dri e’yo alu ’yezu; eri ’di, mi ka emu ma mile ne, mi ngani ma mile ne ku mi ka Mikali Saulo zini eji oko ku. 14#1 Sam 18:25, 27’Di ma vutia Daudi nga ojio ma ti pe Isiboseti Saulo mvi vu, ’yozu kini, Mi fe ma dri oku mani Mikalini, mani azile ndra ma dri enyiriko agele drilia ’ba Filisitiaa turu alu ’diyi vilerisiri. 15Te Isiboseti nga ’ba ti pe eri ’duzu agupi erini Palitieli Laisi mvi vusi. 16#2 Sam 19:16Te agupi erini mu eri be, eri wu erini muria, bi eri ma vuti cazu Bahurimua. Te Abineri nga ’yo eri tia, Mi mu, mi mvi; te eri mvi ra. 17Te Abineri o’yo e’yo tualu ’ba ’wara Israelini ’diyi be, kini, Ndra emi le Daudini ovuzu opiru emi drilia. 18Te curu’do emi ’ye e’yo nderi; a’disiku Yehova ’yo e’yo Daudini, kini, Ati’bo mani Daudi ma drisi, ma nga ’ba mani Israeli pi opa ’ba Filisitiaa ’diyi pi ma dria, ari’ba dria yini be. 19#1 Sur 12:29Te Abineri ’yo Benyamini ma tia indi; ’di ma vutia Abineri mu Daudi vu Hebironia, e’yo dria ovupi onyiru Israeli pi ma milia suru Benyamini be ’diyi oluzu eri tia. 20’Dini Abineri eca Daudi vu Hebironia, ’ba kali iri erini ’diyi be. Te Daudi ’ba omu Abineri pi dri ’ba ovupi eri be ’diyi be. 21#Azi 14:26; 1 Opi 11:37; Zab 20:4Te Abineri ’yo Daudi ma tia, Ma nga nga, ma nga mu, ma nga Israeli dria oku opi mani opi ambori vu, ’dini yi ma azi e’yo aziza tualu mi be, ’dini mi eco ovuzu opiru ’ba dria mini lele ovuzu opiru yi drilia ’diyi ma drilia. Te Daudi nga di geri fe Abineri dri; eri mu asi anzuru be.
Yoabuni Abinerini fuzuri
22Te mi ne, ati’ba Daudini eca Yoabu be engazu a’diasi, yi eji afa yini opale a’dia tre ’diyi yi be. Te Abineri ovuni Daudi be Hebironia ku, a’disiku erini eri ti pele ra’i erini mule asi anzuru berisi. 23Te Yoabu ka eca asikari ovupi eri be dria ’diyi be, yi olu Yoabu tia kini, Abineri Neri mvi eca opi vu, te eri fe eri dri geri ra, eri mu asi anzuru be. 24’Di ma vutia Yoabu mu opi vu, ’yo ra, Mi ’ye a’dini ya? Mi ne, Abineri eca mi vu; mi fe eri dri geri erini muzu ani a’di e’yosi ya? 25#Kal 27:17; Azi 28:6; 1 Sam 29:6; Zab 121:8; Isa 37:28Mi ni ra, Abineri Neri mvi eca mi icizu, azini fuza mini pi nizu efiza mini be, azini e’yo dria mini ’yele ’diyi nizu indi. 26Te Yoabu ka fu Daudi vusi ’bo, eri pe ojio ti Abineri ma vutia, yi eji eri dika engazu yi Sirania; te Daudi nini e’yo nderi ku. 27#1 Opi 2:5; 2 Sam 20:9, 10; E’do 4:8; 2 Sam 2:23; 4:6Abineri ka emvi Hebironia ’bo, Yoabu ’du eri ji kalaa kalitilia agadua e’yo ’yozu eri tia oyokolosi, ’dale eri so eri alia, ’ dini eri dra ra, eri ma adri Asaheli ma avu ofezu. 28’Di ma vutia, Daudi ka e’yo nderi eri ra, eri ’yo kini, Abineri Neri mvi ma avuari ovuni ma dria kani opi nyaza mani ma dria Yehova ma milia aluani ku, kpere ’dani ’dani. 29#Lip 9:54-57; 1 Opi 2:32, 33; Zab 7:11, 16; 94:22, 23; O’be 2:22; 5:22; Lev 15:2Eri ma ’de be Yoabu pi ma dria i ma ati ma ori’ba be; ori’ba Yoabuni ma eselia ’ba vini efuzu ruaniari, kani ’ba ofu beri, kani ’ba acipi kalisiri, kani ’ba lile seisiri, kani ’ba owupi nyakaakosiri, ’ba ’diyi ma ece ovuzu ’ dani ’ dani ku. 30#2 Sam 2:23’Dini Yoabu pi adri Abisai be, yi fu Abinerini, erini ndra adripi ’yini Asahelini fule a’di eselia Gibeo’niarisi. 31#2 Sam 1:2, 11; Yos 7:6; Lip 11:35; 2 Opi 19:1; E’do 37:34; Yob 16:15; Yoe 1:8Te Daudi nga ’yo Yoabu pi ma tia ’ba dria ovupi eri be ’diyi be kini, Emi osi bongo suza emini, emi su koliba emi opilia’i, emi owu candisi Abinerisi. Te opi Daudi bi avu nderi ma vuti. 32#1 Sam 31:4; 2 Sam 1:12; 18:33; O’be 24:17Te yi sa Abinerini Hebironia; te opi wu o’duko urusi Abineri ma nyadria; te ’ba dria owu indi.
33 #
2 Sam 13:13; Ekl 2:15, 16 Opi wu candisi Abineri ma e’yosi, ’yozu kini,
Abinerini drazu ’ba azazaleri onyiru ya?
34Yi ombeni dri mini bakasi ku,
azini yi ombeni pa mini anzirikusi ku indi;
te ekile ’bani ’dele ’ba onzi ma driliarile mi e’de ’dini.
’Ba dria owu dika eri ma dria. 35#2 Sam 12:17; Yer 16:7; Rut 1:17; 2 Sam 1:12Te ’ba dria eca Daudini omizu nyaka nyazu de nga etu ’deni ku; te Daudi so oyo kini, Mungu ma ’ye ’dini ma vu, azini agapi rari indi, ma ka enya ma aji kani nyaka azini ma aji ’bi de nga etu ’deni ku 36’Ba dria yi ne e’yo nderi, te eri ovu onyiru yi ma milia; ekile e’yo dria opini ’yelerini ovule onyiru ’ba dria ma miliarile. 37’Dini ’ba ongulumuru dria, azini Israeli dria, yi va e’yo Abineri Neri mvini drazuri ovuni e’yo opini ku. 38Opi nga ’yo ati’ba erini ’diyi ma ria kini, Emi nini ku ya, andru opi, ’ba amboru ruri, dra Israeli eselia. 39#2 Sam 19:7, 13; 1 Opi 2:5, 6, 33, 34; Zab 28:4; 62:12; 2 Tim 4:14Te andru ma ovu okpo kokoru, ka tro yi osu odu ma dria ti; ’ba ’diyi Zeruiya anzipi, yi ma aga. Yehova ma ofe ’ba e’yo onzi ’yepiri ekile e’yo onzi erinile!
Currently Selected:
2 Samueli 3: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
2 Samueli 3
3
1 #
Zab 46:9; Isa 2:4; Mik 4:3; Mat 10:35, 36; Gal 5:17; Efe 6:12 A’di ’diza izu ovu suru Sauloni pi ma eselia suru Daudini be; te okpo Daudini zo dika dika, te isuru Sauloni ma okpo de i dika dika.
Daudi ma anzipi otile Hebironia ’diyi
2 #
1 Sur 3:1; 1 Sam 25:43 Te Daudi ti anzi Hebironia osipi okori Aminoni’i, Ahinoamu Yezireeli zi vileri’i; 3#2 Sam 13:37; 1 Sam 27:8iriri Kileabu’i, Abigaili Nabali ’ba Karimeliari ma awuzi vileri’i; nari Abisalomu’i, Maaka Talimai opi Gesuriari zi ma mvi’i; 4#1 Opi 1:5; 2:13-25suri Adoniya Hagiti mvi’i; towiri Sefatia Abitali mvi’i; 5aziari Itireamu oku Daudini Egila vileri’i. Daudi ti ’diyi Hebironia.
Abinerini lezu aziza azizu Daudi beri
6 #
2 Sam 2:8, 9; 2 Sur 25:8 Eri nga eca ’dini, a’di ’dizani ovuria suru Saulo pini ma eselia suru Daudini beria, Abineri eca okporu suru Sauloni ma eselia. 7#2 Sam 21:8, 10Te Saulo ovu oku ati’boru be, ru erini Rizipa, Aya zi’i; re Isiboseti ’yo Abineri ma tia. Mi fi oku ati’boru ma atini vu a’di e’yosi ya? 8#Azi 23:18; 1 Sam 24:15; 2 Sam 16:9Te Abineri nga ovu adra be tu e’yo Isibosetini ’yolerisi, eri ’yo ra kini, Ma ovu Yuda ma oce drini ya? Andru ma ece asi onyiru mani suru mi ati Sauloni pi vu, adripi erini pie, lagyi erini ’diyi pie, ma feni mi Daudi ma dria ku; te ti, andru mi asu su ima ruaa oku ’di ma e’yosi. 9#1 Sam 15:28; 16:1, 12; 1 Sur 12:23; Rut 1:17; 1 Opi 19:2; Zab 78:70; 89:19, 20; ’Yeta 13:22Mungu ma ’ye Abineri vu ’dini, azini agapi rari indi, ma ka e’yo Yehovani oyo sozu Daudi ma e’yosiri ’ye eri dri ku, 10#Lip 20:1; 2 Sam 17:11; 1 Opi 4:25opi nyaza nzezu suru Sauloni ma driasi, azini oguna Daudini ’bazu Israeli pi ma drilia Yuda be, engazu Dania cazu Beerisebaa. 11Te Isiboseti econi e’yo lazini omvizaru Abineri ma tia ku, a’disiku eri ru eri.
12Te Abineri pe ojio ma ti Daudi vu Hebironia, ’yozu kini, Angu ’dori a’dini ya? Mi azi e’yo aziza ma be, te mi ne, dri mani nga ovu mi be Israeli dria esezu mi vu ani. 13#E’do 43:3; 44:23, 26; 1 Sam 18:20Te eri ’yo eri tia, Onyiru; ma nga e’yo aziza azi mi be, te ma azi mi dri e’yo alu ’yezu; eri ’di, mi ka emu ma mile ne, mi ngani ma mile ne ku mi ka Mikali Saulo zini eji oko ku. 14#1 Sam 18:25, 27’Di ma vutia Daudi nga ojio ma ti pe Isiboseti Saulo mvi vu, ’yozu kini, Mi fe ma dri oku mani Mikalini, mani azile ndra ma dri enyiriko agele drilia ’ba Filisitiaa turu alu ’diyi vilerisiri. 15Te Isiboseti nga ’ba ti pe eri ’duzu agupi erini Palitieli Laisi mvi vusi. 16#2 Sam 19:16Te agupi erini mu eri be, eri wu erini muria, bi eri ma vuti cazu Bahurimua. Te Abineri nga ’yo eri tia, Mi mu, mi mvi; te eri mvi ra. 17Te Abineri o’yo e’yo tualu ’ba ’wara Israelini ’diyi be, kini, Ndra emi le Daudini ovuzu opiru emi drilia. 18Te curu’do emi ’ye e’yo nderi; a’disiku Yehova ’yo e’yo Daudini, kini, Ati’bo mani Daudi ma drisi, ma nga ’ba mani Israeli pi opa ’ba Filisitiaa ’diyi pi ma dria, ari’ba dria yini be. 19#1 Sur 12:29Te Abineri ’yo Benyamini ma tia indi; ’di ma vutia Abineri mu Daudi vu Hebironia, e’yo dria ovupi onyiru Israeli pi ma milia suru Benyamini be ’diyi oluzu eri tia. 20’Dini Abineri eca Daudi vu Hebironia, ’ba kali iri erini ’diyi be. Te Daudi ’ba omu Abineri pi dri ’ba ovupi eri be ’diyi be. 21#Azi 14:26; 1 Opi 11:37; Zab 20:4Te Abineri ’yo Daudi ma tia, Ma nga nga, ma nga mu, ma nga Israeli dria oku opi mani opi ambori vu, ’dini yi ma azi e’yo aziza tualu mi be, ’dini mi eco ovuzu opiru ’ba dria mini lele ovuzu opiru yi drilia ’diyi ma drilia. Te Daudi nga di geri fe Abineri dri; eri mu asi anzuru be.
Yoabuni Abinerini fuzuri
22Te mi ne, ati’ba Daudini eca Yoabu be engazu a’diasi, yi eji afa yini opale a’dia tre ’diyi yi be. Te Abineri ovuni Daudi be Hebironia ku, a’disiku erini eri ti pele ra’i erini mule asi anzuru berisi. 23Te Yoabu ka eca asikari ovupi eri be dria ’diyi be, yi olu Yoabu tia kini, Abineri Neri mvi eca opi vu, te eri fe eri dri geri ra, eri mu asi anzuru be. 24’Di ma vutia Yoabu mu opi vu, ’yo ra, Mi ’ye a’dini ya? Mi ne, Abineri eca mi vu; mi fe eri dri geri erini muzu ani a’di e’yosi ya? 25#Kal 27:17; Azi 28:6; 1 Sam 29:6; Zab 121:8; Isa 37:28Mi ni ra, Abineri Neri mvi eca mi icizu, azini fuza mini pi nizu efiza mini be, azini e’yo dria mini ’yele ’diyi nizu indi. 26Te Yoabu ka fu Daudi vusi ’bo, eri pe ojio ti Abineri ma vutia, yi eji eri dika engazu yi Sirania; te Daudi nini e’yo nderi ku. 27#1 Opi 2:5; 2 Sam 20:9, 10; E’do 4:8; 2 Sam 2:23; 4:6Abineri ka emvi Hebironia ’bo, Yoabu ’du eri ji kalaa kalitilia agadua e’yo ’yozu eri tia oyokolosi, ’dale eri so eri alia, ’ dini eri dra ra, eri ma adri Asaheli ma avu ofezu. 28’Di ma vutia, Daudi ka e’yo nderi eri ra, eri ’yo kini, Abineri Neri mvi ma avuari ovuni ma dria kani opi nyaza mani ma dria Yehova ma milia aluani ku, kpere ’dani ’dani. 29#Lip 9:54-57; 1 Opi 2:32, 33; Zab 7:11, 16; 94:22, 23; O’be 2:22; 5:22; Lev 15:2Eri ma ’de be Yoabu pi ma dria i ma ati ma ori’ba be; ori’ba Yoabuni ma eselia ’ba vini efuzu ruaniari, kani ’ba ofu beri, kani ’ba acipi kalisiri, kani ’ba lile seisiri, kani ’ba owupi nyakaakosiri, ’ba ’diyi ma ece ovuzu ’ dani ’ dani ku. 30#2 Sam 2:23’Dini Yoabu pi adri Abisai be, yi fu Abinerini, erini ndra adripi ’yini Asahelini fule a’di eselia Gibeo’niarisi. 31#2 Sam 1:2, 11; Yos 7:6; Lip 11:35; 2 Opi 19:1; E’do 37:34; Yob 16:15; Yoe 1:8Te Daudi nga ’yo Yoabu pi ma tia ’ba dria ovupi eri be ’diyi be kini, Emi osi bongo suza emini, emi su koliba emi opilia’i, emi owu candisi Abinerisi. Te opi Daudi bi avu nderi ma vuti. 32#1 Sam 31:4; 2 Sam 1:12; 18:33; O’be 24:17Te yi sa Abinerini Hebironia; te opi wu o’duko urusi Abineri ma nyadria; te ’ba dria owu indi.
33 #
2 Sam 13:13; Ekl 2:15, 16 Opi wu candisi Abineri ma e’yosi, ’yozu kini,
Abinerini drazu ’ba azazaleri onyiru ya?
34Yi ombeni dri mini bakasi ku,
azini yi ombeni pa mini anzirikusi ku indi;
te ekile ’bani ’dele ’ba onzi ma driliarile mi e’de ’dini.
’Ba dria owu dika eri ma dria. 35#2 Sam 12:17; Yer 16:7; Rut 1:17; 2 Sam 1:12Te ’ba dria eca Daudini omizu nyaka nyazu de nga etu ’deni ku; te Daudi so oyo kini, Mungu ma ’ye ’dini ma vu, azini agapi rari indi, ma ka enya ma aji kani nyaka azini ma aji ’bi de nga etu ’deni ku 36’Ba dria yi ne e’yo nderi, te eri ovu onyiru yi ma milia; ekile e’yo dria opini ’yelerini ovule onyiru ’ba dria ma miliarile. 37’Dini ’ba ongulumuru dria, azini Israeli dria, yi va e’yo Abineri Neri mvini drazuri ovuni e’yo opini ku. 38Opi nga ’yo ati’ba erini ’diyi ma ria kini, Emi nini ku ya, andru opi, ’ba amboru ruri, dra Israeli eselia. 39#2 Sam 19:7, 13; 1 Opi 2:5, 6, 33, 34; Zab 28:4; 62:12; 2 Tim 4:14Te andru ma ovu okpo kokoru, ka tro yi osu odu ma dria ti; ’ba ’diyi Zeruiya anzipi, yi ma aga. Yehova ma ofe ’ba e’yo onzi ’yepiri ekile e’yo onzi erinile!
Bible in Lugbara © United Bible Societies, 1966.