2 Samueli 1
1
Daudini Saulo ma draza ma e’yo erizuri
1 #
1 Sam 11:11; 30:17, 26; 1 Opi 20:29, 30 Eri nga eca ’dini Sauloni drazuri ma vutia, Daudini emvizu ’ba Amalekini ofuzuri ma vutia, Daudi nga awo Zikilagia o’du iri; 2#2 Sam 4:10; E’do 37:29; 44:13; Kal 14:6; Yos 7:6; 11:35; 1 Sam 4:12; Yob 1:20; ’Yeta 14:14eri nga eca ’dini o’du narisi, agu alu engapi pari Sauloni ovuzuriari nga eca bongo suza asizaru be, omvu nyaku i dria. Eri eca ’dini, erini ecaria Daudi vu, eri eco i va inzita fezu. 3Te Daudi nga ’yo eri tia, Mi enga ngoa ya? Eri ’yo eri tia, Ma enga apazu pari Israelini ovuzuria. 4#1 Sam 4:16Te Daudi ’yo eri tia, E’yo ’dale ngoni ya? Ma zi mi tia, mi olu ma dri. Eri omvi eri tia kini, ’Ba ongulumuru apa ombasi, te ’ba kakau e’de va, odra ra; te Saulo Pi mvi ini Yonatani be odra indi. 5Te Daudi ’yo karilau e’yo nde olupi eri tiari be, Mi ni ngoni ya Saulo pi mvi ini Yonatani be yi odra ra? 6#1 Sam 31:1-6; 1 Sur 10:1-6Karilau e’yo nde olupi eri tiari ’yo, Mani ovuria oni Giliboa dria ma isu Sauloni ruuru erini i atiria aju erini ma ruaa; te mi ne, gari pi asikari tupi akanya dria ’diyi eca ogogo eri ma vutia. 7Eri ka i oja lu i vutia, eri ne ma ra, omve ma. Ma omvi eri tia, Ma ’do’i. 8Te eri ’yo ma tia, Mi a’di’i ya? Ma omvi eri tia, Ma Amalekini. 9Te eri ’yo ma tia Mi so pa ma ageia, mi fu ma; toko ku candi amboru bi ma ’bo, te idri mani ovu nga ma alia ’dani. 10#Lip 9:54E’yo ’disi ma so pa eri ageia, ma fu eri, a’disiku ma ni adaru eri econi ovuzaru idriru erini e’dezu vari ma vutia ku; ma ’du oku ovupi eri driari, gbala eri wuari be, ma eji yi opi mani vu ’do. 11#Yos 7:6; 2 Sam 3:31; 13:31; 2 Sur 34:27; Ezr 9:3; Yoe 2:13’Di ma vutia, Daudi nga bongo erini bi, nga yi asi yi; ’ba dria ovupi ’eri be ’diyi ’ye ’dini indi; 12yi ovu candisi, yi owu, yi ga nyaka nyako si cazu ondresi Saulo pi ma e’yosi, mvi Yonatani pie, ’ba Yehovani pie, suru Israelini pie, a’disiku yini o’dele va seisirisi. 13Te Daudi ’yo karilau e’yo nde olupi eri driri ma tia, Mi enga ngoa ya? Eri omvi e’yo kini, Ma ovu ani’bo mvani, Amalekini. 14#Kal 12:8; 1 Sam 24:6; Zab 105:15Te Daudi ’yo eri tia, Mi ovuni lurisi ku dri mini ejuzu ’ba Yehovani odu osule driniari fuzu ngoni ya? 15#Lip 8:20; 1 Sam 22:17, 18; 2 Sam 4:10; 1 Opi 2:25, 34, 46Te Daudi nga karilau alu omve, ’yozu, Mi mu ogogo, mi ’de eri dria. Eri co eri, ’dini eri dra kai, 16#1 Sam 26:9; 1 Opi 2:32; Luk 19:22Te Daudi nga ’yo eri tia, Ari mini ma ovu mi ngulupi ma dria; a’disiku ti mini su asu mi ngulupi ma ruaa, ’yozu, Ma fu ’ba Yehovani odu osule driniari.
Imvo ongo Daudini ngole Saulo pi ma drazasi Yonatani beri
17Te Daudi wu candisi Saulo pi e’yosi Yonatani mvi erini be, wuta ’dorisi, 18#Yos 10:13azini eri azi yi ma imba anzi Yudani dri ongo nde osunisi mi ne, eri ovu sizaru buku Yasarini ma alia. Eri ’yo!
19Israeli la, diza mini ovu ofuzaru i pari uruleru ’diyia!
’Ba okporu ’diyi o’de ’doni ya!
20 #
Lip 16:23; 1 Sam 31:9; Mik 1:10; Efu 15:20; Lip 11:34; 1 Sam 18:6; 31:4 Mi olu e’yo nderi Gatu alia ku,
mi oji eri gboko Asikelonia ’diyia ku indi;
’ba Filisitiaa ’diyi ma ezoanzi kazu ovuzu ayikosi ku,
’ba agele liza a’ipi ku ’diyi ma ezoanzi kazu yi enyazu ku.
21 #
Lip 5:23; Yob 3:3, 4; Yer 20:14; 1 Sam 10:1 Emi oni Giliboaa ’diyi,
andrali kani ozoo ma ovu emi dria ku,
kani efi amvua ’bani fele edetaru ’diyi ma ovu yo indi!
A’disiku ’dale gombere ’ba okporuni ovu ’bezaru tokole,
gombere Sauloni ekile gombere ’ba odu osule drinia kuri vilerile.
22 #
1 Sam 18:4
Osu Yonatanini ojani i vile ari ’ba fule ’diyisi ku,
kani oso ’ba okporu ’diyinisi ku indi,
sei Sauloni emvini pirini ku.
23 #
Lip 14:18
Saulo pi Yonatani be, yi ndri tu,
le vini yi tu ewu yini ovuzu idrirurisi!
Te coni yi esele drata yinisi ku indi;
yi ovu ongu be aga ongu ajini ra,
yi ovu okpo be aga okpo kamini ra.
24Emi ezoanzi Israelini, emi owu Sauloni,
eri’i emi supi ndrizaru bongo ekarusiri,
eri’i onyiafa meleru supi bongo emini ma ruaari.
25’Ba okporu e’de ’doni omba eselia!
Fu Yonatanini pari mini uruleruria.
26 #
1 Sam 18:1, 3; 19:2; 20:17 Ma ovu candisi mi e’yosi, ma adri Yonatani;
mi ovu ndra onyiru tu ma vu leta mini ma vuri ovu ndra onyiru tu,
aga leta okuni ra.
27’Ba okporu e’de ’doni,
i azini afa a’di ’dizu ’diyi deru ’bo ’doni!
Currently Selected:
2 Samueli 1: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
2 Samueli 1
1
Daudini Saulo ma draza ma e’yo erizuri
1 #
1 Sam 11:11; 30:17, 26; 1 Opi 20:29, 30 Eri nga eca ’dini Sauloni drazuri ma vutia, Daudini emvizu ’ba Amalekini ofuzuri ma vutia, Daudi nga awo Zikilagia o’du iri; 2#2 Sam 4:10; E’do 37:29; 44:13; Kal 14:6; Yos 7:6; 11:35; 1 Sam 4:12; Yob 1:20; ’Yeta 14:14eri nga eca ’dini o’du narisi, agu alu engapi pari Sauloni ovuzuriari nga eca bongo suza asizaru be, omvu nyaku i dria. Eri eca ’dini, erini ecaria Daudi vu, eri eco i va inzita fezu. 3Te Daudi nga ’yo eri tia, Mi enga ngoa ya? Eri ’yo eri tia, Ma enga apazu pari Israelini ovuzuria. 4#1 Sam 4:16Te Daudi ’yo eri tia, E’yo ’dale ngoni ya? Ma zi mi tia, mi olu ma dri. Eri omvi eri tia kini, ’Ba ongulumuru apa ombasi, te ’ba kakau e’de va, odra ra; te Saulo Pi mvi ini Yonatani be odra indi. 5Te Daudi ’yo karilau e’yo nde olupi eri tiari be, Mi ni ngoni ya Saulo pi mvi ini Yonatani be yi odra ra? 6#1 Sam 31:1-6; 1 Sur 10:1-6Karilau e’yo nde olupi eri tiari ’yo, Mani ovuria oni Giliboa dria ma isu Sauloni ruuru erini i atiria aju erini ma ruaa; te mi ne, gari pi asikari tupi akanya dria ’diyi eca ogogo eri ma vutia. 7Eri ka i oja lu i vutia, eri ne ma ra, omve ma. Ma omvi eri tia, Ma ’do’i. 8Te eri ’yo ma tia, Mi a’di’i ya? Ma omvi eri tia, Ma Amalekini. 9Te eri ’yo ma tia Mi so pa ma ageia, mi fu ma; toko ku candi amboru bi ma ’bo, te idri mani ovu nga ma alia ’dani. 10#Lip 9:54E’yo ’disi ma so pa eri ageia, ma fu eri, a’disiku ma ni adaru eri econi ovuzaru idriru erini e’dezu vari ma vutia ku; ma ’du oku ovupi eri driari, gbala eri wuari be, ma eji yi opi mani vu ’do. 11#Yos 7:6; 2 Sam 3:31; 13:31; 2 Sur 34:27; Ezr 9:3; Yoe 2:13’Di ma vutia, Daudi nga bongo erini bi, nga yi asi yi; ’ba dria ovupi ’eri be ’diyi ’ye ’dini indi; 12yi ovu candisi, yi owu, yi ga nyaka nyako si cazu ondresi Saulo pi ma e’yosi, mvi Yonatani pie, ’ba Yehovani pie, suru Israelini pie, a’disiku yini o’dele va seisirisi. 13Te Daudi ’yo karilau e’yo nde olupi eri driri ma tia, Mi enga ngoa ya? Eri omvi e’yo kini, Ma ovu ani’bo mvani, Amalekini. 14#Kal 12:8; 1 Sam 24:6; Zab 105:15Te Daudi ’yo eri tia, Mi ovuni lurisi ku dri mini ejuzu ’ba Yehovani odu osule driniari fuzu ngoni ya? 15#Lip 8:20; 1 Sam 22:17, 18; 2 Sam 4:10; 1 Opi 2:25, 34, 46Te Daudi nga karilau alu omve, ’yozu, Mi mu ogogo, mi ’de eri dria. Eri co eri, ’dini eri dra kai, 16#1 Sam 26:9; 1 Opi 2:32; Luk 19:22Te Daudi nga ’yo eri tia, Ari mini ma ovu mi ngulupi ma dria; a’disiku ti mini su asu mi ngulupi ma ruaa, ’yozu, Ma fu ’ba Yehovani odu osule driniari.
Imvo ongo Daudini ngole Saulo pi ma drazasi Yonatani beri
17Te Daudi wu candisi Saulo pi e’yosi Yonatani mvi erini be, wuta ’dorisi, 18#Yos 10:13azini eri azi yi ma imba anzi Yudani dri ongo nde osunisi mi ne, eri ovu sizaru buku Yasarini ma alia. Eri ’yo!
19Israeli la, diza mini ovu ofuzaru i pari uruleru ’diyia!
’Ba okporu ’diyi o’de ’doni ya!
20 #
Lip 16:23; 1 Sam 31:9; Mik 1:10; Efu 15:20; Lip 11:34; 1 Sam 18:6; 31:4 Mi olu e’yo nderi Gatu alia ku,
mi oji eri gboko Asikelonia ’diyia ku indi;
’ba Filisitiaa ’diyi ma ezoanzi kazu ovuzu ayikosi ku,
’ba agele liza a’ipi ku ’diyi ma ezoanzi kazu yi enyazu ku.
21 #
Lip 5:23; Yob 3:3, 4; Yer 20:14; 1 Sam 10:1 Emi oni Giliboaa ’diyi,
andrali kani ozoo ma ovu emi dria ku,
kani efi amvua ’bani fele edetaru ’diyi ma ovu yo indi!
A’disiku ’dale gombere ’ba okporuni ovu ’bezaru tokole,
gombere Sauloni ekile gombere ’ba odu osule drinia kuri vilerile.
22 #
1 Sam 18:4
Osu Yonatanini ojani i vile ari ’ba fule ’diyisi ku,
kani oso ’ba okporu ’diyinisi ku indi,
sei Sauloni emvini pirini ku.
23 #
Lip 14:18
Saulo pi Yonatani be, yi ndri tu,
le vini yi tu ewu yini ovuzu idrirurisi!
Te coni yi esele drata yinisi ku indi;
yi ovu ongu be aga ongu ajini ra,
yi ovu okpo be aga okpo kamini ra.
24Emi ezoanzi Israelini, emi owu Sauloni,
eri’i emi supi ndrizaru bongo ekarusiri,
eri’i onyiafa meleru supi bongo emini ma ruaari.
25’Ba okporu e’de ’doni omba eselia!
Fu Yonatanini pari mini uruleruria.
26 #
1 Sam 18:1, 3; 19:2; 20:17 Ma ovu candisi mi e’yosi, ma adri Yonatani;
mi ovu ndra onyiru tu ma vu leta mini ma vuri ovu ndra onyiru tu,
aga leta okuni ra.
27’Ba okporu e’de ’doni,
i azini afa a’di ’dizu ’diyi deru ’bo ’doni!
Bible in Lugbara © United Bible Societies, 1966.