रोमी 15
15
दुजे करनी बढोतरी
1म्हारअ विश्वास आसा पाक्कअ, हाम्हां का आसा थोघ कि इना गल्ला करै निं किछ़ै फरक पल़दअ, पर हाम्हैं निं ईंयां गल्ला सिधी आप्पू खुश करना लै लोल़ी किई। हाम्हां लागा दुजे बैहम अर डरे बारै बी खैल करनअ ज़ुंण इहअ सोठा कि ईंयां गल्ला आसा गलत। 2हाम्हां सोभी लागा इहअ भलअ करनअ ज़ेता करै होरीए दिल खुश होए अर ज़ेता करै तिन्नां विश्वासा दी पाक्कै हणां लै मज़त होए।
3मसीहा बी निं आपणीं देही खुश करने कोशिश किई, पर ज़िहअ पबित्र शास्त्रा दी आसा लिखअ द,#भज. 69:9
“हे परमेशर, ज़ेभै होर ताह बेइज़त करा, तेभै हआ हुंह बी शर्मिंदअ।”
4ज़ेतरी बी गल्ला पैहलै का आसा पबित्र शास्त्रा दी लिखी दी, तिंयां आसा म्हारी शिक्षे तैणीं लिखी दी कि हाम्हैं सबर अर पबित्र शास्त्रा करै हाम्हां हैअ अर आशा होए।
5हुंह करा परमेशरा का तम्हां लै एही प्राथणां कि सह तम्हां लै सबर अर हैअ दैए अर तेता करै तम्हां मसीहा ईशू दी एक हई मिल़ी-ज़ुल़ी रहणें मज़त होए। 6ताकि तम्हैं एक हई परमेशर प्रभू मसीहा ईशूए बाबे ज़ै-ज़ैकार करे।
खुशीओ समाद आसा सोभी लै
7एते तैणीं मना एकी-दुजै, ज़िहै तम्हैं परमेशरे प्रतप्पा लै मसीहा मनअ। 8ऐहा गल्ला डाहा आद कि मसीहा बणअ परमेशरे ऐहा गल्ला प्रगट करना लै इज़राईली मणछा लै दास कि परमेशर आसा शुचअ अर तेऊ करनी सह करार पूरी ज़ुंण तेऊ तिन्नें दादा-बाबा का किई ती।#मोत्त. 15:24
9पर सह आअ होरी ज़ाती लै बी मज़त करदअ, कि तिन्नां लै बी तेता करै परमेशरो प्रतप्प प्रगट होए ज़ुंण परमेशरै तिन्नां लै झींण किई। ज़िहअ पबित्र शास्त्रा दी आसा लिखअ द,#2 शमू. 22:50; भज. 18:49
“मुंह करनअ होरी ज़ाती दी तेरअ शूकर,
मुंह बोल़णीं तेरै नाओंए गिहा।”
10तेखअ आसा एकी होरी ज़ैगा इहअ बी लिखअ द,
“हे होरी ज़ातीए लोगो,
तेऊए परज़ा संघै मनाऊंआं खुशी।”
11तेखअ आसा पबित्र शास्त्रा दी इहअ बी बोलअ द,#भज. 117:1
“देशा-देशे लोगो, सोभै ज़ाती करा बिधाते ज़ै-ज़ैकार!
पृथूई दी सोभै मणछ करा तेऊए बड़ैई!”
12तेखअ बोला पबित्र शास्त्रा दी परमेशरो गूर ईशायाह इहअ,#ईशा. 11:11
“ईशैई#15:12 ईशैई ईशैई आसा दाबेद राज़ैओ बाब, मरिअम ज़हा का मसीहा ज़ल्म लअ सह थिई दाबेदे खिंबा का। तै आसा इधी ईशू ईशैईओ खिंबा का, परमेशरे अह करार हुई तेभै पूरी ज़ांऊं आजू ईशैई खिंबा दी ईशू मणछे देही दी आअ। का टिर्खणअ एक ज़लैल़अ,
तेऊ करनअ होरी ज़ातीए लोगा दी राज़
तिन्नां हणीं तेऊ दी आशा।”#1 शमू. 16:11-13
13हुंह करा परमेशरा का अरज़ ज़ुंण आशा दैणैं आल़अ आसा, तम्हैं ज़ै विश्वास डाहे, तम्हैं लोल़ी तेऊ सोभी रंगे नंद अर शांती करै भरी दैनै, ताकि पबित्र आत्में शगती संघै थारी आशा बढदी रहे।
पल़सीओ ऐहा च़िठी लिखणेओ मकसद
14ए मेरै भाईओ, मुखा आसा थारै बारै पाक्कअ थोघ कि तम्हैं आसा आप्पू बी भलाई करै भर्हुऐ दै अर परमेशरे ज्ञैना दी आसा तम्हैं भरपूर अर एकी-दुजै सका सखाऊई फल़ाऊई।
15तैबी आसा मंऐं तम्हां लै किधी-किधी आद फरेऊंणे तैणीं बडी हिम्मत डाही लिखअ द। अह हुअ तेऊ जशे बज़्हा ज़ुंण परमेशरै मुल्है आसा दैनअ द, 16कि हुंह होरी ज़ाती लै प्रभू ईशू मसीहो दास हई परमेशरे खुशीए समादे च़ाकरी प्रोहता ज़ेही करी सकूं, ज़िहअ करै हुंह होरी ज़ातीए लोगा बी परमेशरा लै भैंटा ज़िहै दैई सकूं ज़ेता करै सह खुश हआ ज़ुंण पबित्र आत्मां पबित्र किऐ।
17तैही सका हुंह मसीहा ईशू करै परमेशरे च़ाकरी करना लै घमंड करी। 18मुंह आसा ऐहा गल्ला खोज़णें हिम्मत, कि ज़ुंण मसीहा मुंह करै किअ, हुंह हुअ होरी ज़ातीए लोगा मांझ़ै ऐहा गल्लो समाद खोज़णा लै सफल कि तिंयां बी सका परमेशर बाखा फिरी। ज़ांऊं तिन्नैं मेरी गल्ला शूणीं अर मेरै काम भाल़ै, तिन्नैं किअ मसीहा दी विश्वास।
19ज़ुंण शगती मुंह परमेशरा का भेटी तेता करै करा हुंह शगती आल़ै नछ़ैण अर च़मत्कार, एरुशलेम नगरी का ओर्ही इल्लुरिकुमा तैणीं किअ मंऐं हर ज़ैगा ईशू मसीहे खुशीए समादो पूरअ-पूरअ प्रच़ार।
20हुंह च़ाहा इहअ कि ज़िधी-ज़िधी ईशू मसीहो नाअं नांईं पुजअ आथी, तिधी-तिधी खोज़णअ ईशू मसीहो खुशीओ समाद, इहअ निं हआ कि हुंह होरीए आथरी दी आपणअ घअर बणाऊं। 21पर ज़िहअ पबित्र शास्त्रा दी आसा लिखअ द हुंह च़ाहा तिहअ करनअ,#ईशा. 52:15
“ज़हा सेटा तेऊओ खुशीओ समाद नांईं पुजअ,
तिन्नां ई मणछा का शुझणअ सह,
अर तिन्नां बी एछणी अह गल्ल समझ़
ज़ुंण तिन्नैं आझ़ तैणीं नां शूणीं अर नां सोठी ती।”
पल़सीए रोम देशा लै हांढ दैणें सोठ
22खास्सी साला ओर्ही च़ाहा त हुंह तम्हां सेटा लै एछणअ अर हुंह तम्हां सेटा एछी सकअ। किल्हैकि मंऐं किई तिन्नां ज़ैगा पुजणें कोशिश ज़िधी अज़ी मसीहो खुशीओ समाद निं पुजअ।
23पर ऐबै निं इना मुल्खै एही ज़ैगा रही ज़िधी ईशू मसीहो खुशीओ समाद निं पुजअ। 24ज़ेभै हुंह स्पेन देशा लै डेऊणअ, तेभै डेऊणअ मुंह तिधा तम्हां बाती एछी, मुंह आसा आशा कि तेऊ सफरा दी हणीं तम्हां संघै मेरी ज़रूर मुलाकात, अर ज़ेभै तम्हां संघै रही मेरअ ज़िऊ भर्हिए ता, हुंह च़ाहा इहअ कि तेभै करै तम्हैं मेरी तिधा आजू स्पेन डेऊणे सफरा लै मज़त।
25पर एभै आसा हुंह एरुशलेम नगरी लै च़ाल्लअ द ताकि हुंह तिधे विश्वासी भाई लै दान पजैल़ी सकूं। 26किल्हैकि मकिदुनिया अर यूनान मुल्खे टोलीए लोगा लागअ इहअ ठीक कि एरुशलेम नगरी विश्वासी मांझ़ै गरीब मणछा लै करनअ थोल़अ च़ंदअ कठा।
27तिन्नैं किअ अह दिला का खुशी-खुशी, पर तिंयां थिऐ तिन्नैं ऋणी बी, किल्हैकि होरी ज़ातीए लोगा भेटी एरुशलेम नगरीए विश्वासी का खुशीए समादे आत्मिक बर्गत, अर तिन्नैं बी समझ़अ इहअ कि एते बदल़ै तिंयां ज़ेतरअ बी हई सके तेतरी तिन्नां एरुशलेम रहणैं आल़ै गरीब विश्वासीए ढब्बै-धेल्लै दान दैई मज़त करे।
28तैही च़ाल्लअ हुंह पैहलै एरुशलेम नगरी लै ताकि विश्वासी भाई-बैहणी ज़ुंण ढब्बै-धेल्लै कठा आसा किऐ दै, तिंयां दैणैं मुंह सभाल़ी अर तेखअ डेऊणअ मुंह तम्हां बाती एछी स्पेन देशा लै। 29हुंह ज़ाणा ऐहा गल्ला कि ज़ेभै हुंह तम्हां सेटा लै एछणअ तेभै करनी मुंह तम्हां संघै मसीहे आत्मिक बर्गता तम्हां संघै साझ़ू।
30भाईओ, म्हारै प्रभू ईशूए पबित्र आत्मां अर झ़ूरी आद फरेऊई करै करा हुंह तम्हां का अरज़ कि मुंह संघै रहा मुल्है परमेशरा सेटा प्राथणां करदै लागी। 31ताकि हुंह यहूदी का बच़ी रहूं ज़ुंण विश्वास निं करदै, अर ज़ुंण दान मंऐं एरुशलेम नगरीए विश्वासी लै आसा लाअ द निंईं, तेता करै लोल़ी तिन्नां खुशी हुई। 32हुंह परमेशरे मरज़ी दी तम्हां सेटा एछी खुशी-खुशी थोल़ै धैल़ै राम करी सकूं।
33हुंह करा एही प्राथणां कि परमेशर ज़ुंण शांती दैआ, सह लोल़ी सदा तम्हां संघै रहअ। एवमस्तू।
Currently Selected:
रोमी 15: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
रोमी 15
15
दुजे करनी बढोतरी
1म्हारअ विश्वास आसा पाक्कअ, हाम्हां का आसा थोघ कि इना गल्ला करै निं किछ़ै फरक पल़दअ, पर हाम्हैं निं ईंयां गल्ला सिधी आप्पू खुश करना लै लोल़ी किई। हाम्हां लागा दुजे बैहम अर डरे बारै बी खैल करनअ ज़ुंण इहअ सोठा कि ईंयां गल्ला आसा गलत। 2हाम्हां सोभी लागा इहअ भलअ करनअ ज़ेता करै होरीए दिल खुश होए अर ज़ेता करै तिन्नां विश्वासा दी पाक्कै हणां लै मज़त होए।
3मसीहा बी निं आपणीं देही खुश करने कोशिश किई, पर ज़िहअ पबित्र शास्त्रा दी आसा लिखअ द,#भज. 69:9
“हे परमेशर, ज़ेभै होर ताह बेइज़त करा, तेभै हआ हुंह बी शर्मिंदअ।”
4ज़ेतरी बी गल्ला पैहलै का आसा पबित्र शास्त्रा दी लिखी दी, तिंयां आसा म्हारी शिक्षे तैणीं लिखी दी कि हाम्हैं सबर अर पबित्र शास्त्रा करै हाम्हां हैअ अर आशा होए।
5हुंह करा परमेशरा का तम्हां लै एही प्राथणां कि सह तम्हां लै सबर अर हैअ दैए अर तेता करै तम्हां मसीहा ईशू दी एक हई मिल़ी-ज़ुल़ी रहणें मज़त होए। 6ताकि तम्हैं एक हई परमेशर प्रभू मसीहा ईशूए बाबे ज़ै-ज़ैकार करे।
खुशीओ समाद आसा सोभी लै
7एते तैणीं मना एकी-दुजै, ज़िहै तम्हैं परमेशरे प्रतप्पा लै मसीहा मनअ। 8ऐहा गल्ला डाहा आद कि मसीहा बणअ परमेशरे ऐहा गल्ला प्रगट करना लै इज़राईली मणछा लै दास कि परमेशर आसा शुचअ अर तेऊ करनी सह करार पूरी ज़ुंण तेऊ तिन्नें दादा-बाबा का किई ती।#मोत्त. 15:24
9पर सह आअ होरी ज़ाती लै बी मज़त करदअ, कि तिन्नां लै बी तेता करै परमेशरो प्रतप्प प्रगट होए ज़ुंण परमेशरै तिन्नां लै झींण किई। ज़िहअ पबित्र शास्त्रा दी आसा लिखअ द,#2 शमू. 22:50; भज. 18:49
“मुंह करनअ होरी ज़ाती दी तेरअ शूकर,
मुंह बोल़णीं तेरै नाओंए गिहा।”
10तेखअ आसा एकी होरी ज़ैगा इहअ बी लिखअ द,
“हे होरी ज़ातीए लोगो,
तेऊए परज़ा संघै मनाऊंआं खुशी।”
11तेखअ आसा पबित्र शास्त्रा दी इहअ बी बोलअ द,#भज. 117:1
“देशा-देशे लोगो, सोभै ज़ाती करा बिधाते ज़ै-ज़ैकार!
पृथूई दी सोभै मणछ करा तेऊए बड़ैई!”
12तेखअ बोला पबित्र शास्त्रा दी परमेशरो गूर ईशायाह इहअ,#ईशा. 11:11
“ईशैई#15:12 ईशैई ईशैई आसा दाबेद राज़ैओ बाब, मरिअम ज़हा का मसीहा ज़ल्म लअ सह थिई दाबेदे खिंबा का। तै आसा इधी ईशू ईशैईओ खिंबा का, परमेशरे अह करार हुई तेभै पूरी ज़ांऊं आजू ईशैई खिंबा दी ईशू मणछे देही दी आअ। का टिर्खणअ एक ज़लैल़अ,
तेऊ करनअ होरी ज़ातीए लोगा दी राज़
तिन्नां हणीं तेऊ दी आशा।”#1 शमू. 16:11-13
13हुंह करा परमेशरा का अरज़ ज़ुंण आशा दैणैं आल़अ आसा, तम्हैं ज़ै विश्वास डाहे, तम्हैं लोल़ी तेऊ सोभी रंगे नंद अर शांती करै भरी दैनै, ताकि पबित्र आत्में शगती संघै थारी आशा बढदी रहे।
पल़सीओ ऐहा च़िठी लिखणेओ मकसद
14ए मेरै भाईओ, मुखा आसा थारै बारै पाक्कअ थोघ कि तम्हैं आसा आप्पू बी भलाई करै भर्हुऐ दै अर परमेशरे ज्ञैना दी आसा तम्हैं भरपूर अर एकी-दुजै सका सखाऊई फल़ाऊई।
15तैबी आसा मंऐं तम्हां लै किधी-किधी आद फरेऊंणे तैणीं बडी हिम्मत डाही लिखअ द। अह हुअ तेऊ जशे बज़्हा ज़ुंण परमेशरै मुल्है आसा दैनअ द, 16कि हुंह होरी ज़ाती लै प्रभू ईशू मसीहो दास हई परमेशरे खुशीए समादे च़ाकरी प्रोहता ज़ेही करी सकूं, ज़िहअ करै हुंह होरी ज़ातीए लोगा बी परमेशरा लै भैंटा ज़िहै दैई सकूं ज़ेता करै सह खुश हआ ज़ुंण पबित्र आत्मां पबित्र किऐ।
17तैही सका हुंह मसीहा ईशू करै परमेशरे च़ाकरी करना लै घमंड करी। 18मुंह आसा ऐहा गल्ला खोज़णें हिम्मत, कि ज़ुंण मसीहा मुंह करै किअ, हुंह हुअ होरी ज़ातीए लोगा मांझ़ै ऐहा गल्लो समाद खोज़णा लै सफल कि तिंयां बी सका परमेशर बाखा फिरी। ज़ांऊं तिन्नैं मेरी गल्ला शूणीं अर मेरै काम भाल़ै, तिन्नैं किअ मसीहा दी विश्वास।
19ज़ुंण शगती मुंह परमेशरा का भेटी तेता करै करा हुंह शगती आल़ै नछ़ैण अर च़मत्कार, एरुशलेम नगरी का ओर्ही इल्लुरिकुमा तैणीं किअ मंऐं हर ज़ैगा ईशू मसीहे खुशीए समादो पूरअ-पूरअ प्रच़ार।
20हुंह च़ाहा इहअ कि ज़िधी-ज़िधी ईशू मसीहो नाअं नांईं पुजअ आथी, तिधी-तिधी खोज़णअ ईशू मसीहो खुशीओ समाद, इहअ निं हआ कि हुंह होरीए आथरी दी आपणअ घअर बणाऊं। 21पर ज़िहअ पबित्र शास्त्रा दी आसा लिखअ द हुंह च़ाहा तिहअ करनअ,#ईशा. 52:15
“ज़हा सेटा तेऊओ खुशीओ समाद नांईं पुजअ,
तिन्नां ई मणछा का शुझणअ सह,
अर तिन्नां बी एछणी अह गल्ल समझ़
ज़ुंण तिन्नैं आझ़ तैणीं नां शूणीं अर नां सोठी ती।”
पल़सीए रोम देशा लै हांढ दैणें सोठ
22खास्सी साला ओर्ही च़ाहा त हुंह तम्हां सेटा लै एछणअ अर हुंह तम्हां सेटा एछी सकअ। किल्हैकि मंऐं किई तिन्नां ज़ैगा पुजणें कोशिश ज़िधी अज़ी मसीहो खुशीओ समाद निं पुजअ।
23पर ऐबै निं इना मुल्खै एही ज़ैगा रही ज़िधी ईशू मसीहो खुशीओ समाद निं पुजअ। 24ज़ेभै हुंह स्पेन देशा लै डेऊणअ, तेभै डेऊणअ मुंह तिधा तम्हां बाती एछी, मुंह आसा आशा कि तेऊ सफरा दी हणीं तम्हां संघै मेरी ज़रूर मुलाकात, अर ज़ेभै तम्हां संघै रही मेरअ ज़िऊ भर्हिए ता, हुंह च़ाहा इहअ कि तेभै करै तम्हैं मेरी तिधा आजू स्पेन डेऊणे सफरा लै मज़त।
25पर एभै आसा हुंह एरुशलेम नगरी लै च़ाल्लअ द ताकि हुंह तिधे विश्वासी भाई लै दान पजैल़ी सकूं। 26किल्हैकि मकिदुनिया अर यूनान मुल्खे टोलीए लोगा लागअ इहअ ठीक कि एरुशलेम नगरी विश्वासी मांझ़ै गरीब मणछा लै करनअ थोल़अ च़ंदअ कठा।
27तिन्नैं किअ अह दिला का खुशी-खुशी, पर तिंयां थिऐ तिन्नैं ऋणी बी, किल्हैकि होरी ज़ातीए लोगा भेटी एरुशलेम नगरीए विश्वासी का खुशीए समादे आत्मिक बर्गत, अर तिन्नैं बी समझ़अ इहअ कि एते बदल़ै तिंयां ज़ेतरअ बी हई सके तेतरी तिन्नां एरुशलेम रहणैं आल़ै गरीब विश्वासीए ढब्बै-धेल्लै दान दैई मज़त करे।
28तैही च़ाल्लअ हुंह पैहलै एरुशलेम नगरी लै ताकि विश्वासी भाई-बैहणी ज़ुंण ढब्बै-धेल्लै कठा आसा किऐ दै, तिंयां दैणैं मुंह सभाल़ी अर तेखअ डेऊणअ मुंह तम्हां बाती एछी स्पेन देशा लै। 29हुंह ज़ाणा ऐहा गल्ला कि ज़ेभै हुंह तम्हां सेटा लै एछणअ तेभै करनी मुंह तम्हां संघै मसीहे आत्मिक बर्गता तम्हां संघै साझ़ू।
30भाईओ, म्हारै प्रभू ईशूए पबित्र आत्मां अर झ़ूरी आद फरेऊई करै करा हुंह तम्हां का अरज़ कि मुंह संघै रहा मुल्है परमेशरा सेटा प्राथणां करदै लागी। 31ताकि हुंह यहूदी का बच़ी रहूं ज़ुंण विश्वास निं करदै, अर ज़ुंण दान मंऐं एरुशलेम नगरीए विश्वासी लै आसा लाअ द निंईं, तेता करै लोल़ी तिन्नां खुशी हुई। 32हुंह परमेशरे मरज़ी दी तम्हां सेटा एछी खुशी-खुशी थोल़ै धैल़ै राम करी सकूं।
33हुंह करा एही प्राथणां कि परमेशर ज़ुंण शांती दैआ, सह लोल़ी सदा तम्हां संघै रहअ। एवमस्तू।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.