गणांई 33
33
मिसर देशा का मोआब किहै-किहै पुजै
1ज़ुंण इज़राईली मोसा अर हारणा संघै मिसर देशा का आऐ, 2तिन्नैं बाता ज़िधी-ज़िधी बी आपणीं हेल़्ही बशैल़ी डेरै पाऐ, मोसा डाहै तिन्नां ज़ैगे नाअं लिखी अर गणी ज़िहअ बिधाता तेऊ लै हुकम किअ त। तिंयां ज़ैगा ती ईंयां:
3-4पंद्रा च़ैत्रे धैल़ी लागै तिंयां मिसर देशे रामसेस नगरी का ऊवार्णे दुजी धैल़ी आजू हांढदै ज़हा धैल़ी बिधाता सोभी मिसरी लोगे ज़ेठै शोहरू मारी करै तिन्नें देअ-देबी संघी सज़ा दैनी ती। मिसरी लोग तै आपणैं तिन्नां मुल्दै दाबदै लागै दै अर तिन्नें हेरदी-हेरदी निखल़ै इज़राईली मिसर देशा छ़ाडी ढोलै-नगारै कनान देशा बाखा लै।
5रामसेस नगरी का पुजै इज़राईली सक्कोत, संघा पाऐ तिधी आपणैं डेरै। 6तिधा का आजू हांढी पाऐ तिन्नैं एताम डेरै ज़ुंण रेगीस्ताने सिऊंआं दी आसा। 7तेखअ फिरै तिंयां तिधा का पिहीरोत बाखा लै ज़ुंण बाल-सपोन सम्हनै आसा। संघा पाऐ तिन्नैं मिगदोल नेल़ डेरै।
8पिहीरोता का लागै तिंयां आजू हांढदै। ज़ांऊं बिधाता तिंयां लाल समुंदरा पार टपाऊऐ, तिधा आजू रहै तिंयां चिई धैल़ै तैणीं एताम रेगीस्तानै आजू हांढदै लागी संघा पाऐ मारा नाओंए ज़ैगा डेरै। 9तिधा का आजू डेऊई पाऐ तिन्नैं एलीम डेरै ज़िधी बारा पाणींए सोबल़ा अर सत्तर खज़ूरे बूट आसा।
10एलीम ज़ैगा का लागै तिंयां आजू हांढदै संघा पाऐ तिन्नैं लाल समुंदरा नेल़ आपणैं डेरै, 11तिधा का फिरै तिंयां पुर्बा बाखा संघा पाऐ तिन्नैं सीन रेगीस्ताने पछ़म सिऊंआं दी डेरै।
12-14तिधा का डेऊऐ तिंयां आजू संघा पाऐ तिन्नैं दोपका, तेखअ आलूश अर खिरी रपडीम नाओंए ज़ैगा आपणैं डेरै अर तिधी निं तिन्नां झुटणा लै पाणीं भेटअ। 15इहअ करै लागै तिंयां तिधा का आजू हांढदै खिरी पुजै तिंयां सीनाई शुन्नैं रेगीस्तानै।
16-36इज़राईली लागै सीनाई रेगीस्ताना का कादेश डेऊणा लै आजू हांढदै अर तेखअ पाऐ तिन्नैं किब्रोतहत्ताबा पुजी डेरै। तिधा का आजू डेऊई पाऐ तिन्नैं हसेरोत, रित्मा, रिमोन-प्रिंज़ा, लिब्ना, रिस्सा, कोल़हथा, शेपेर धारा, हरादा, मखलोत, ताहात, तेराह, मित्का, हेशमोन, मोसरोत, बेने-जाकन, हूर-गदाद, ज़ोताबाता, अब्रोन, एजोन-गेबर अर खिरी पाऐ तिन्नैं सीन रेगीस्तानै कादेश डेरै।
37तिधा का आजू डेऊई पाऐ तिन्नैं हूर धारा नेल़ डेरै ज़ुंण एदोम देशे सिऊंआं दी आसा। 38-39हारण प्रोहत उखल़अ उझै हूर धारा प्रैंदा लै ज़िहअ बिधाता तेऊ लै हुकम किअ त। संघा गअ सह तिधी एकी शौआ त्रेई साले अमरा शाऊंणै साज़ै धैल़ै ज़ांऐं। इज़राईली गई ती तधू मिसर देशा का निखल़ी च़ाल़्ही साला अर च़ार भिन्नैं निभी।#गण. 20:22-28; बधा. 10:6; 32:50
40कनान देशे अराद नगरीओ राज़अ रहा त दखण रेगीस्ताना बाखा नगेब, तेऊए कानै बी पुजी अह खबर कि इज़राईली आसा एछदै लागै।#गण. 21:1
41-47हूर धारा का लागै इज़राईली मोआब देशा लै आजू हांढदै। बाता पाऐ तिन्नैं सलमोना, पूनोन, ओबोत, मोआब सिऊंआं दी लेई-अबरीम ज़ैगा, दबोन-गाड, अलमोन-दिबलातैम, नेबो धारा नेल़ अबरीम धारा आपणैं डेरै।
48खिरी होथै तिंयां अबरीम धारा का मोआब जरदण नदीए बाढै जेरिहो नगरी नेल़ अराबा रेगीस्ताना लै, संघा पाऐ तिधी आर बाखा डेरै। 49तिधी पाऐ तिन्नैं बेथ-जासमोत पोर्ही अबेल-शितीम तैणीं जरदण नदीए बाढै अराबा रेगीस्तानै डेरै।
बिधाता दैनअ कनानी संघै जुधा करनैओ हुकम
50इज़राईली थिऐ मोआब सरलै रेगीस्तानै जरदण नदीए बाढै आर बाखा जेरिहो नगरी नेल़ डेरै पाऐ दै। तिधी बोलअ बिधाता मोसा लै, 51“इज़राईली का डाह इहअ खोज़ी ज़ेभै तम्हैं जरदण नदी पार टपी कनान देशै डेओए, 52तम्हैं काढै तिन्नां मणछा ज़ोरा-ज़ोरी पोर्ही ज़ुंण तिधी बस्सै दै आसा, तिन्नें पात्थरे मुहुर्ती अर तिन्नें बेदी पाऐ चोल़ी फाल़ी ज़िधी तिंयां पूज़ा करा। 53तेखअ गिम्मै तेऊ सारै देशा आप्पू लै, संघा बस्सै तिधी, किल्हैकि अह ज़ैगा आसा मंऐं तम्हां ई लै दैनी दी कि एऊ देशे मालक लोल़ी तम्हैं हुऐ।
54“आप्पू मांझ़ै तेऊ देशा बांडणां लै पाऐ परच़ी, तेथ खोज़ूं हुंह तम्हां का गोत्र अर टोलीए साबै कहा लै किधी अर केतरी ज़ैगा दैणीं। ज़हा गोत्रा दी खास्सी टोली अर मणछ आसा, तिन्नां लै दैऐ खास्सी ज़ैगा अर ज़हा गोत्रा दी थोल़ै आसा, तिन्नां लै दैऐ थोल़ी ज़ैगा बांडी।#गण. 26:54-56
55“पर ज़ै तम्हैं तेऊ देशै बस्सै दै तिन्नां मणछा पठी पोर्ही नांईं काढे, तिधी रहै दै तिंयां लोग हणैं तम्हां लै आछी छ़िंडणैं आल़ै झ़ाकल़ अर कुछी खुभै दै कांडै ज़िहै। तिंयां हणैं कबल्लै तम्हां लै आजू बी फाही। 56तिन्नां लऐ पठी पोर्ही काढी नांईं ता मुंह करनी थारी बी बूरी दशा ज़िहअ मंऐं तिन्नां लै आसा सोठी डाहअ द।”
Currently Selected:
गणांई 33: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
गणांई 33
33
मिसर देशा का मोआब किहै-किहै पुजै
1ज़ुंण इज़राईली मोसा अर हारणा संघै मिसर देशा का आऐ, 2तिन्नैं बाता ज़िधी-ज़िधी बी आपणीं हेल़्ही बशैल़ी डेरै पाऐ, मोसा डाहै तिन्नां ज़ैगे नाअं लिखी अर गणी ज़िहअ बिधाता तेऊ लै हुकम किअ त। तिंयां ज़ैगा ती ईंयां:
3-4पंद्रा च़ैत्रे धैल़ी लागै तिंयां मिसर देशे रामसेस नगरी का ऊवार्णे दुजी धैल़ी आजू हांढदै ज़हा धैल़ी बिधाता सोभी मिसरी लोगे ज़ेठै शोहरू मारी करै तिन्नें देअ-देबी संघी सज़ा दैनी ती। मिसरी लोग तै आपणैं तिन्नां मुल्दै दाबदै लागै दै अर तिन्नें हेरदी-हेरदी निखल़ै इज़राईली मिसर देशा छ़ाडी ढोलै-नगारै कनान देशा बाखा लै।
5रामसेस नगरी का पुजै इज़राईली सक्कोत, संघा पाऐ तिधी आपणैं डेरै। 6तिधा का आजू हांढी पाऐ तिन्नैं एताम डेरै ज़ुंण रेगीस्ताने सिऊंआं दी आसा। 7तेखअ फिरै तिंयां तिधा का पिहीरोत बाखा लै ज़ुंण बाल-सपोन सम्हनै आसा। संघा पाऐ तिन्नैं मिगदोल नेल़ डेरै।
8पिहीरोता का लागै तिंयां आजू हांढदै। ज़ांऊं बिधाता तिंयां लाल समुंदरा पार टपाऊऐ, तिधा आजू रहै तिंयां चिई धैल़ै तैणीं एताम रेगीस्तानै आजू हांढदै लागी संघा पाऐ मारा नाओंए ज़ैगा डेरै। 9तिधा का आजू डेऊई पाऐ तिन्नैं एलीम डेरै ज़िधी बारा पाणींए सोबल़ा अर सत्तर खज़ूरे बूट आसा।
10एलीम ज़ैगा का लागै तिंयां आजू हांढदै संघा पाऐ तिन्नैं लाल समुंदरा नेल़ आपणैं डेरै, 11तिधा का फिरै तिंयां पुर्बा बाखा संघा पाऐ तिन्नैं सीन रेगीस्ताने पछ़म सिऊंआं दी डेरै।
12-14तिधा का डेऊऐ तिंयां आजू संघा पाऐ तिन्नैं दोपका, तेखअ आलूश अर खिरी रपडीम नाओंए ज़ैगा आपणैं डेरै अर तिधी निं तिन्नां झुटणा लै पाणीं भेटअ। 15इहअ करै लागै तिंयां तिधा का आजू हांढदै खिरी पुजै तिंयां सीनाई शुन्नैं रेगीस्तानै।
16-36इज़राईली लागै सीनाई रेगीस्ताना का कादेश डेऊणा लै आजू हांढदै अर तेखअ पाऐ तिन्नैं किब्रोतहत्ताबा पुजी डेरै। तिधा का आजू डेऊई पाऐ तिन्नैं हसेरोत, रित्मा, रिमोन-प्रिंज़ा, लिब्ना, रिस्सा, कोल़हथा, शेपेर धारा, हरादा, मखलोत, ताहात, तेराह, मित्का, हेशमोन, मोसरोत, बेने-जाकन, हूर-गदाद, ज़ोताबाता, अब्रोन, एजोन-गेबर अर खिरी पाऐ तिन्नैं सीन रेगीस्तानै कादेश डेरै।
37तिधा का आजू डेऊई पाऐ तिन्नैं हूर धारा नेल़ डेरै ज़ुंण एदोम देशे सिऊंआं दी आसा। 38-39हारण प्रोहत उखल़अ उझै हूर धारा प्रैंदा लै ज़िहअ बिधाता तेऊ लै हुकम किअ त। संघा गअ सह तिधी एकी शौआ त्रेई साले अमरा शाऊंणै साज़ै धैल़ै ज़ांऐं। इज़राईली गई ती तधू मिसर देशा का निखल़ी च़ाल़्ही साला अर च़ार भिन्नैं निभी।#गण. 20:22-28; बधा. 10:6; 32:50
40कनान देशे अराद नगरीओ राज़अ रहा त दखण रेगीस्ताना बाखा नगेब, तेऊए कानै बी पुजी अह खबर कि इज़राईली आसा एछदै लागै।#गण. 21:1
41-47हूर धारा का लागै इज़राईली मोआब देशा लै आजू हांढदै। बाता पाऐ तिन्नैं सलमोना, पूनोन, ओबोत, मोआब सिऊंआं दी लेई-अबरीम ज़ैगा, दबोन-गाड, अलमोन-दिबलातैम, नेबो धारा नेल़ अबरीम धारा आपणैं डेरै।
48खिरी होथै तिंयां अबरीम धारा का मोआब जरदण नदीए बाढै जेरिहो नगरी नेल़ अराबा रेगीस्ताना लै, संघा पाऐ तिधी आर बाखा डेरै। 49तिधी पाऐ तिन्नैं बेथ-जासमोत पोर्ही अबेल-शितीम तैणीं जरदण नदीए बाढै अराबा रेगीस्तानै डेरै।
बिधाता दैनअ कनानी संघै जुधा करनैओ हुकम
50इज़राईली थिऐ मोआब सरलै रेगीस्तानै जरदण नदीए बाढै आर बाखा जेरिहो नगरी नेल़ डेरै पाऐ दै। तिधी बोलअ बिधाता मोसा लै, 51“इज़राईली का डाह इहअ खोज़ी ज़ेभै तम्हैं जरदण नदी पार टपी कनान देशै डेओए, 52तम्हैं काढै तिन्नां मणछा ज़ोरा-ज़ोरी पोर्ही ज़ुंण तिधी बस्सै दै आसा, तिन्नें पात्थरे मुहुर्ती अर तिन्नें बेदी पाऐ चोल़ी फाल़ी ज़िधी तिंयां पूज़ा करा। 53तेखअ गिम्मै तेऊ सारै देशा आप्पू लै, संघा बस्सै तिधी, किल्हैकि अह ज़ैगा आसा मंऐं तम्हां ई लै दैनी दी कि एऊ देशे मालक लोल़ी तम्हैं हुऐ।
54“आप्पू मांझ़ै तेऊ देशा बांडणां लै पाऐ परच़ी, तेथ खोज़ूं हुंह तम्हां का गोत्र अर टोलीए साबै कहा लै किधी अर केतरी ज़ैगा दैणीं। ज़हा गोत्रा दी खास्सी टोली अर मणछ आसा, तिन्नां लै दैऐ खास्सी ज़ैगा अर ज़हा गोत्रा दी थोल़ै आसा, तिन्नां लै दैऐ थोल़ी ज़ैगा बांडी।#गण. 26:54-56
55“पर ज़ै तम्हैं तेऊ देशै बस्सै दै तिन्नां मणछा पठी पोर्ही नांईं काढे, तिधी रहै दै तिंयां लोग हणैं तम्हां लै आछी छ़िंडणैं आल़ै झ़ाकल़ अर कुछी खुभै दै कांडै ज़िहै। तिंयां हणैं कबल्लै तम्हां लै आजू बी फाही। 56तिन्नां लऐ पठी पोर्ही काढी नांईं ता मुंह करनी थारी बी बूरी दशा ज़िहअ मंऐं तिन्नां लै आसा सोठी डाहअ द।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.