ज़ैहसू 4
4
आदगारीए टोल्हा
1ज़ांऊं सोभै इज़राईली मणछ जरदण नदी टपी पारा बाखा निखल़ै, बिधाता बोलअ ज़ैहसू लै इहअ, 2“परज़ा मांझ़ै छ़ांट बारा मर्ध सोभी गोत्रा का एक-एक, 3तिन्नां लै कर इहअ हुकम कि जरदण नदी मांझ़ा का ज़िधी प्रोहत आसा खल़्हुऐ दै, तिधा का च़का बारा टोल्हा तिन्नां टोल्हा डाहै तिधी, ज़िधी तम्हां आझ़ राची डेरअ पाणअ।”
4ज़ैहसू शादै तिंयां बारा मर्ध ज़ुंण तेऊ इज़राईले बारा गोत्रा मांझ़ै थिऐ छ़ांटै दै, 5संघा बोलअ ज़ैहसू तिन्नां लै, “जरदण नदी दी डेओआ आपणैं परमेशर बिधाते करारे मणशू आजू। तम्हैं सोभै च़का तिधा का हर गोत्रे साबै मांझ़ा-मांझ़ी का एक-एक टोल्ह आपणीं कान्हा। 6ईंयां टोल्हा हणीं आगली पोस्ती दी ऐहा गल्ले आदगारी कि बिधाता हाम्हां लै किज़ै आसा किअ द। ज़ेभै आजू थारै लान्हैं सुन्हैं इहअ पुछ़ै कि ईंयां टोल्हा इधी किज़ू लै आसा?#लेब. 6:20 7तेभै खोज़ै तम्हैं इहअ कि ज़ांऊं बिधाते करारो मणशू दरैऊआ एसी बाती पार टपअ, तेभै हुअ त जरदण नदीओ पाणीं बहूंणअ बंद। ईंयां टोल्हा हणीं सदा इज़राईली लै आदगारी कि इधी किज़ै हुअ त।”
8ज़िहअ ज़ैहसू बोलअ, तिन्नैं बारा मणछै किअ तिहअ ई। ज़िहअ बिधाता ज़ैहसू लै हुकम किअ त, तिन्नैं च़कै जरदण नदी मांझ़ा-मांझ़ी का इज़राईलीए बारा गोत्रे साबै बारा टोल्हा आपणीं कान्हा संघा डाहै तिन्नैं तिधी बशैल़ी ज़िधी तिन्नां डेरै पाणै तै। 9जरदण नदी मांझ़ा-मांझ़ी ज़िधी प्रोहत बिधाते करारे मणशू च़की खल़्हुई तै रहै दै, तिधी बी किऐ ज़ैहसू बारा टोल्हा खल़ी, तिंयां आसा आझ़ तैणीं बी तिधी तिहै ई। 10प्रोहत रहै बिधाते करारे मणशू च़की जरदण नदी मांझ़ा-मांझ़ी तेभै तैणीं खल़्हुई ज़ेभै तैणीं तिंयां गल्ला पूरी निं हुई ज़ुंण बिधाता ज़ैहसू लै हुकम किअ त अर मोसा बी थिअ ज़ैहसू लै इहअ ई करना लै बोलअ द। सोभ लोग टपै छ़ेक्कै-छ़ेक्कै ठुर्हदा दरैऊआ पार।
11ज़ांऊं सोभै इज़राईली दरैऊए दुजै बाढै पुजै, तेखअ टपै खिरी प्रोहत बी बिधाते करारे मणशू संघै दरैऊआ पार, संघा निखल़ै तिहै ई सोभी लोगा आजू। 12रूबेन, गाद अर मनिश्शे आधै गोत्रे लोग टपै अस्त्र-शस्त्रा पाई सोभी इज़राईली आजू पारा बाखा लै ज़िहअ मोसा तिन्नां लै बोली त डाहअ द। 13तिंयां ढाई गोत्रे तै कोई च़ाल़्ही हज़ार जुध करनै आल़ै मणछ अस्त्र-शस्त्रा पाई ज़ुंण जरदण नदी पार बाखा जेरिहो नगरी नेल़ अराबा रेगीस्तानै बिधाता नदरी अर होरी इज़राईली का आजू पुजै, 14तधू ज़ुंण बिधाता किअ, तेता भाल़ी हुअ इहअ असर कि तेखअ मनअ इज़राईली ज़ैहसू बी महान मणछ। तधा बाद किअ तिन्नैं जोशूओ बी तेऊए सारी ज़िन्दगी तिहअ ई अदर ज़िहअ तिंयां मोसा गूरो अदर करा तै।
15खिरी बोलअ बिधाता ज़ैहसू का इहअ, 16“करारे मणशू च़कणै आल़ै इना प्रोहता लै बी कर जरदण नदी का बागै निखल़णेंओ हुकम।” 17ज़ैहसू किअ प्रोहता लै जरदण नदी मांझ़ा का पार टपणैंओ हुकम। 18ज़ांऊं प्रोहत बिधाते करारे मणशू संघै पार बाखा बाढै पुजै, नढैऊऐ लागअ जरदण नदीओ पाणीं आजू बहूंदअ अर दरैऊए बाढ हुऐ भिई तलमल्लै।
19ईंयां आसा दसा च़ैत्रे#4:19 च़ैत्रे इब्रानी दी अबीब अर निसान गल्ला ज़धू इज़राईली जरदण नदी टपी पार डेऊऐ, संघा पाऐ तिन्नैं जेरिहो नगरीए पुर्बा बाखा सिऊंआं गिलगाल नाओंए ज़ैगा आपणैं डेरै। 20ज़ुंण टोल्हा जरदण नदी मांझ़ा-मांझ़ी का काढी ती, तिंयां बी डाही ज़ैहसू तिधी गिलगाल खल़ै करी। 21तेखअ बोलअ तेऊ इज़राईली लै इहअ, “आजू ज़ै थारै लान्हैं इहअ पुछ़े कि ईंयां टोल्हा इधी किज़ू आसा, 22तेभै खोज़ै तम्हैं तिन्नां का इहअ कि इज़राईली आऐ तै जरदण दरैऊआ शुक्की ज़ैगा बाती ज़ांघा हांढी आर बाखा लै। 23तिन्नां का खोज़ै कि ज़ांऊं तैणीं सोभै इज़राईली जरदण नदी टपी आर बाखा निं निखल़ै तेभै तैणीं डाही ती बिधाता जरदण नदी एकी बाखा रोक्की करै शकेऊई, ज़िहअ तेऊ लाल समुंदर मांझ़ा-मांझ़ी का शकेऊअ त।#लुआ. 14:21 24एता करै लोल़ी सोभी देशे लोगा का थोघ लागअ कि बिधाता का किहअ महान बल आसा अर तम्हैं बी करै सदा आपणैं परमेशर बिधातो अदर।”
Currently Selected:
ज़ैहसू 4: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
ज़ैहसू 4
4
आदगारीए टोल्हा
1ज़ांऊं सोभै इज़राईली मणछ जरदण नदी टपी पारा बाखा निखल़ै, बिधाता बोलअ ज़ैहसू लै इहअ, 2“परज़ा मांझ़ै छ़ांट बारा मर्ध सोभी गोत्रा का एक-एक, 3तिन्नां लै कर इहअ हुकम कि जरदण नदी मांझ़ा का ज़िधी प्रोहत आसा खल़्हुऐ दै, तिधा का च़का बारा टोल्हा तिन्नां टोल्हा डाहै तिधी, ज़िधी तम्हां आझ़ राची डेरअ पाणअ।”
4ज़ैहसू शादै तिंयां बारा मर्ध ज़ुंण तेऊ इज़राईले बारा गोत्रा मांझ़ै थिऐ छ़ांटै दै, 5संघा बोलअ ज़ैहसू तिन्नां लै, “जरदण नदी दी डेओआ आपणैं परमेशर बिधाते करारे मणशू आजू। तम्हैं सोभै च़का तिधा का हर गोत्रे साबै मांझ़ा-मांझ़ी का एक-एक टोल्ह आपणीं कान्हा। 6ईंयां टोल्हा हणीं आगली पोस्ती दी ऐहा गल्ले आदगारी कि बिधाता हाम्हां लै किज़ै आसा किअ द। ज़ेभै आजू थारै लान्हैं सुन्हैं इहअ पुछ़ै कि ईंयां टोल्हा इधी किज़ू लै आसा?#लेब. 6:20 7तेभै खोज़ै तम्हैं इहअ कि ज़ांऊं बिधाते करारो मणशू दरैऊआ एसी बाती पार टपअ, तेभै हुअ त जरदण नदीओ पाणीं बहूंणअ बंद। ईंयां टोल्हा हणीं सदा इज़राईली लै आदगारी कि इधी किज़ै हुअ त।”
8ज़िहअ ज़ैहसू बोलअ, तिन्नैं बारा मणछै किअ तिहअ ई। ज़िहअ बिधाता ज़ैहसू लै हुकम किअ त, तिन्नैं च़कै जरदण नदी मांझ़ा-मांझ़ी का इज़राईलीए बारा गोत्रे साबै बारा टोल्हा आपणीं कान्हा संघा डाहै तिन्नैं तिधी बशैल़ी ज़िधी तिन्नां डेरै पाणै तै। 9जरदण नदी मांझ़ा-मांझ़ी ज़िधी प्रोहत बिधाते करारे मणशू च़की खल़्हुई तै रहै दै, तिधी बी किऐ ज़ैहसू बारा टोल्हा खल़ी, तिंयां आसा आझ़ तैणीं बी तिधी तिहै ई। 10प्रोहत रहै बिधाते करारे मणशू च़की जरदण नदी मांझ़ा-मांझ़ी तेभै तैणीं खल़्हुई ज़ेभै तैणीं तिंयां गल्ला पूरी निं हुई ज़ुंण बिधाता ज़ैहसू लै हुकम किअ त अर मोसा बी थिअ ज़ैहसू लै इहअ ई करना लै बोलअ द। सोभ लोग टपै छ़ेक्कै-छ़ेक्कै ठुर्हदा दरैऊआ पार।
11ज़ांऊं सोभै इज़राईली दरैऊए दुजै बाढै पुजै, तेखअ टपै खिरी प्रोहत बी बिधाते करारे मणशू संघै दरैऊआ पार, संघा निखल़ै तिहै ई सोभी लोगा आजू। 12रूबेन, गाद अर मनिश्शे आधै गोत्रे लोग टपै अस्त्र-शस्त्रा पाई सोभी इज़राईली आजू पारा बाखा लै ज़िहअ मोसा तिन्नां लै बोली त डाहअ द। 13तिंयां ढाई गोत्रे तै कोई च़ाल़्ही हज़ार जुध करनै आल़ै मणछ अस्त्र-शस्त्रा पाई ज़ुंण जरदण नदी पार बाखा जेरिहो नगरी नेल़ अराबा रेगीस्तानै बिधाता नदरी अर होरी इज़राईली का आजू पुजै, 14तधू ज़ुंण बिधाता किअ, तेता भाल़ी हुअ इहअ असर कि तेखअ मनअ इज़राईली ज़ैहसू बी महान मणछ। तधा बाद किअ तिन्नैं जोशूओ बी तेऊए सारी ज़िन्दगी तिहअ ई अदर ज़िहअ तिंयां मोसा गूरो अदर करा तै।
15खिरी बोलअ बिधाता ज़ैहसू का इहअ, 16“करारे मणशू च़कणै आल़ै इना प्रोहता लै बी कर जरदण नदी का बागै निखल़णेंओ हुकम।” 17ज़ैहसू किअ प्रोहता लै जरदण नदी मांझ़ा का पार टपणैंओ हुकम। 18ज़ांऊं प्रोहत बिधाते करारे मणशू संघै पार बाखा बाढै पुजै, नढैऊऐ लागअ जरदण नदीओ पाणीं आजू बहूंदअ अर दरैऊए बाढ हुऐ भिई तलमल्लै।
19ईंयां आसा दसा च़ैत्रे#4:19 च़ैत्रे इब्रानी दी अबीब अर निसान गल्ला ज़धू इज़राईली जरदण नदी टपी पार डेऊऐ, संघा पाऐ तिन्नैं जेरिहो नगरीए पुर्बा बाखा सिऊंआं गिलगाल नाओंए ज़ैगा आपणैं डेरै। 20ज़ुंण टोल्हा जरदण नदी मांझ़ा-मांझ़ी का काढी ती, तिंयां बी डाही ज़ैहसू तिधी गिलगाल खल़ै करी। 21तेखअ बोलअ तेऊ इज़राईली लै इहअ, “आजू ज़ै थारै लान्हैं इहअ पुछ़े कि ईंयां टोल्हा इधी किज़ू आसा, 22तेभै खोज़ै तम्हैं तिन्नां का इहअ कि इज़राईली आऐ तै जरदण दरैऊआ शुक्की ज़ैगा बाती ज़ांघा हांढी आर बाखा लै। 23तिन्नां का खोज़ै कि ज़ांऊं तैणीं सोभै इज़राईली जरदण नदी टपी आर बाखा निं निखल़ै तेभै तैणीं डाही ती बिधाता जरदण नदी एकी बाखा रोक्की करै शकेऊई, ज़िहअ तेऊ लाल समुंदर मांझ़ा-मांझ़ी का शकेऊअ त।#लुआ. 14:21 24एता करै लोल़ी सोभी देशे लोगा का थोघ लागअ कि बिधाता का किहअ महान बल आसा अर तम्हैं बी करै सदा आपणैं परमेशर बिधातो अदर।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.