गिणती 7
7
बेदिया रे अभिषेको पाँदे त्योआरो री पेंट
1जेबे मूसे मिलणे वाल़ा तम्बू खड़ा कित्तेया ओर सारे समानो साथे तिजी रा अभिषेक करी की तिजी खे पवित्र कित्तेया ओर सारे समानो साथे बेदिया रा बी अभिषेक करी की से पवित्र कित्ती, 2तेबे इस्राएली लोक बारा गोत्रा दे जो आपणे-आपणे पितरा रे कराने रे मुखिया ओर गोत्रा रे बी परदान ऊई की गिणती करने रे कामो पाँदे ठराई राखे थे, सेयो यहोवे रे सामणे पेंट लई आए, 3तिना री पेंट छे परी री गडिया ओर 12 बल़द थे, मतलब दो-दो परदाना री तरफा ते एक-एक गड्डी ओर एक-एक परदानो री तरफा ते एक-एक बल़द; इना खे सेयो मिलणे वाल़े तम्बूए रे सामणे यहोवे रे नेड़े लईगे।
4तेबे यहोवे मूसे खे बोलेया, 5“तिना चीजा खे तूँ तिना ते लई लओ कि मिलणे वाल़े तम्बूए री सेवा रे कामे आओ, तूँ इना खे लेवी वंशो रे एक-एक कुलो रे खास कामो रे मुताबिक तिना खे बांडी दे।” 6तेबे मूसे सेयो सब गडिया ओर बल़द लई की लेविया खे देईते।
7गेर्शोनो रे वंशो खे तिना रे सेवा रे कामो रे मुताबिक तिने दो गडिया ओर चार बल़द दित्ते;
8फेर मरारिए रे वंशो खे तिना रे सेवा रे कामो रे मुताबिक तिने चार गडिया ओर आठ बल़द दित्ते; यो सब हारूण पुरोईतो रे पाऊ ईतामारो रे अक्को रे काम करो थे।
9पर कहात वंशो रे लोका खे तिने कुछ नि दित्तेया, कऊँकि तिना खे पवित्र चीजा रा ये काम था कि सेयो तिजी खे आपणी कान्दा पाँदे चकी लो। 10फेर जेबे बेदिया रा अभिषेक ऊआ तेबे परदान तिजी रे संस्कारो री पेंट बेदिया रे नेड़े लई जाणे लगे।
11तेबे यहोवे मूसे खे बोलेया, “बेदिया खे पवित्र करने खे परदान लोक आपणी-आपणी पेंट आपणे-आपणे ठराए रे दिने चढ़ाओ।” 12इजी खे जो मर्द पईले दिने आपणी पेंट ल्याया से यहूदा रे गोत्रो रा अम्मीनादाबो रा पाऊ नहशोन था; 13तेसरी पेंट ये थी, मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 14फेर तूपो ते परी री 120 ग्राम सूईने री एक तंग्यारटी; 15होमबलिया खे एक बाच्छू, एक खाडू ओर एकी सालो रा एक पेडा रा बच्चा; 16पापबलिया खे एक बाकरा; 17ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। अम्मीनादाबो रे पाऊ नहशोनो री येई पेंट थी।
18दूजे दिने इस्साकार गोत्रो रा परदान सूआरो रा पाऊ नतनेल पेंट ली आया; 19से पेंट ये थी, पवित्र जगा रे शकेलो रे साबो ते डेढ़ किलो चाँदिए री परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 20फेर तूपो ते परी री 120 ग्राम सूईने रा एक तंग्यारटी; 21होमबलिया खे एक बाच्छू, एक खाडू ओर एकी सालो रा एक पेडा रा बच्चा; 22पापबलिया खे एक बाकरा; 23ओर मेलबलिया खे दो बल़द, ओर पाँज खाडू ओर पाँज बाकरे, ओर एक-एक सालो रे पाँज पेडा रे बच्चे। सूआरो रे पाऊ नतनेलो री येई पेंट थी।
24ओर तीजे दिने जबूलूनियो गोत्रो रा परदान हेलोनो रा पाऊ एलीआब ये पेंट ली आया, 25तेसरी पेंट ये थी कि पवित्र जगा रे शकेलो रे साबो ते डेढ़ किलो चाँदिए री परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत मिले रे मैदे ते परे रे थे; 26फेर तूपो ते परी री 120 ग्राम सूईने री एक तंग्यारटी; 27होमबलिया खे एक बाच्छू, एक खाडू ओर एकी सालो रा एक पेडा रा बच्चा; 28पापबलिया खे एक बाकरा; 29ओर मेलबलिया खे दो बल़द ओर पाँज खाडू ओर पाँज बाकरे, ओर एक-एक सालो रे पाँज पेडा रे बच्चे। हेलोनो रे पाऊ एलीआबो री येई पेंट थी।
30ओर चौथे दिने रूबेन गोत्रो रा परदान शदेऊरो रा पाऊ एलीसूर ये पेंट ली आया, 31तेसरी पेंट ये थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 32फेर तूपो ते परी री 120 ग्राम सूईने री एक तंग्यारटी; 33होमबलिया खे एक बाच्छू; एक खाडू ओर एकी सालो रा एक पेडा रा बच्चा; 34पापबलिया खे एक बाकरा; 35ओर मेलबलिया खे दो बल़द, ओर पाँज खाडू ओर पाँज बाकरे, ओर एक-एक सालो रे पाँज पेडा रे बच्चे। शदेऊरो रे पाऊ एलीसूरो री येई पेंट थी।
36पाँजुए दिने शिमोन गोत्रो रा परदान सुरीशद्दै रा पाऊ शलूमीएल ये पेंट लई आया 37तेसरी पेंट ये थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 38फेर तूपो ते परी री 120 ग्राम सूईने री एक तंग्यारटी; 39होमबलिया खे एक बाच्छू, एक खाडू ओर एकी सालो रा एक पेडा रा बच्चा; 40पापबलिया खे एक बाकरा; 41ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। सुरीशद्दै रे पाऊ शलूमीएलो री येई पेंट थी।
42ओर छठे दिने गाद गोत्रो रा परदान दूएलो रा पाऊ एल्यासाप ये पेंट ली आया, 43तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 44फेर तूपो ते परी री 120 ग्राम सूईने री एक तंग्यारटी; 45होमबलिया खे एक बाच्छू, एक खाडू ओर एकी सालो रा एक पेडा रा बच्चा; 46पापबलिया खे एक बाकरा; 47ओर मेलबलिया खे दो बल़द, ओर पाँज खाडू ओर पाँज बाकरे, ओर एक-एक सालो रे पाँज पेडा रे बच्चे। दूएलो रे पाऊ एल्यासापो री येई पेंट थी।
48सातुए दिने एप्रैम गोत्रो रा परदान अम्मीहूदो रा पाऊ एलीशामा ये पेंट ली आया। 49तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 50फेर तूपो ते परी री 120 ग्राम सूईने री एक तंग्यारटी; 51होमबलिया खे एक बाच्छू, एक खाडू ओर एकी सालो रा एक पेडा रा बच्चा; 52पापबलिया खे एक बाकरा; 53ओर मेलबलिया खे दो बल़द, ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। अम्मीहूदो रे पाऊ एलीशामा री येई पेंट थी।
54आठुए दिने मनश्शे रे गोत्रो रा परदान पदासूरो रा पाऊ गम्लीएल ये पेंट ली आया, 55तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 56फेर तूपो ते परी री 120 ग्राम सूईने री एक तंग्यारटी; 57होमबलिया खे एक बाच्छू, एक खाडू ओर एकी सालो रा एक पेडा रा बच्चा; 58पापबलिया खे एक बाकरा; 59ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। पदासूरो रे पाऊ गम्लीएलो री येई पेंट थी।
60नऊए दिने बिन्यामीन गोत्रो रा परदान गिदोनिए रा पाऊ अबीदान ये पेंट ली आया, 61तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 62फेर तूपो ते परी री 120 ग्राम सूईने री एक तंग्यारटी; 63होमबलिया खे एक बाच्छू, एक खाडू ओर एकी सालो रा एक पेडा रा बच्चा; 64पापबलिया खे एक बाकरा; 65ओर मेलबलिया खे दो बल़द, ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। गिदोनिए रे पाऊ अबीदानो री येई पेंट थी।
66दसुए दिने दान गोत्रो रा परदान अम्मीशद्दै रा पाऊ अहीएजेर ये पेंट ली आया, 67तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 68फेर तूपो ते परी री 120 ग्राम सूईने री एक तंग्यारटी; 69होमबलिया खे एक बाच्छू, एक खाडू ओर एकी सालो रा एक पेडा रा बच्चा; 70पापबलिया खे एक बाकरा; 71ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। अम्मीशद्दै रे पाऊ अहीएजेरो री येई पेंट थी।
72ग्यारुए दिने आशेर गोत्रो रा परदान ओक्रानो रा पाऊ पगीएल ये पेंट लई की आया। 73तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 74फेर तूपो ते परी री 120 ग्राम सूईने री एक तंग्यारटी; 75होमबलिया खे एक बाच्छू, एक खाडू ओर एकी सालो रा एक पेडा रा बच्चा; 76पापबलिया खे एक बाकरा; 77ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। ओक्रानो रे पाऊ पगीएलो री येई पेंट थी।
78ओर बारूए दिने नप्ताली गोत्रो रा परदान एनानो रा पाऊ अहीरा ये पेंट ली आया, 79तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 80फेर तूपो ते परी री 120 ग्राम सूईने री एक तंग्यारटी; 81होमबलिया खे एक बाच्छू, एक खाडू ओर एकी सालो रा एक पेडा रा बच्चा; 82पापबलिया खे एक बाकरा; 83ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। एनानो रे पाऊ अहीरा री येई पेंट थी।
84बेदिया रे अभिषेको रे बखते इस्राएलो रे बारा गोत्रा रे बारा परदाना री तरफा ते चढ़ाई री पेंट येई ऊई, मतलब चाँदिए रिया बारा पराती, चाँदिए रे बारा कटोरे ओर सूईने रिया बारा तंग्यारटिया।
85एक-एक चाँदिए री परात डेढ़ किलो री, एक-एक चाँदिए रा कटोरा 840 ग्रामो रा था ओर पवित्र जगा रे शकेलो रे साबो ते ये सब चाँदिए रे पांडे 27 किलो 600 ग्राम थे।
86फेर तूपो ते परी रिया सूईने रिया बारा तंग्यारटिया जो पवित्र जगा रे शकेलो रे साबो ते 120-120 ग्रामो री थिया, सेयो सब तंग्यारटिया 1 किलो 440 ग्राम सूईने री थिया।
87फेर होमबलिया खे सब मिलाई की 12 बाच्छू, 12 खाडू, ओर एक-एक सालो रे 12 पेडा रे बच्चे, आपणे-आपणे नज्जो री बलिया समेत थे; फेर पापबलिया रे सारे बाकरे 12 थे;
88ओर मेलबलिया खे सब मिलाई की 24 बाच्छू ओर 60 खाडू ओर 60 बाकरे ओर एक-एक सालो रे 60 पेडा रे बच्चे थे। बेदिया रा अभिषेक ऊणे ते बाद संस्कारो खे चढ़ाई री पेंट येई ऊई।
89ओर जेबे मूसा यहोवे ते गल्ला करने खे मिलणे वाल़े तम्बूए दे गया, तेबे तिने दया रे आसणो पाँदा ते, जो गवाईया री चिट्ठिया रे सन्दूको पाँदे था, दुँईं करूबो बीचा ते तेसरी आवाज सुणी जो तेस साथे गल्ला करने लगी रा था; ईंयाँ यहोवा तेसते गल्ला करो था।
Currently Selected:
गिणती 7: BGH
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
गिणती 7
7
बेदिया रे अभिषेको पाँदे त्योआरो री पेंट
1जेबे मूसे मिलणे वाल़ा तम्बू खड़ा कित्तेया ओर सारे समानो साथे तिजी रा अभिषेक करी की तिजी खे पवित्र कित्तेया ओर सारे समानो साथे बेदिया रा बी अभिषेक करी की से पवित्र कित्ती, 2तेबे इस्राएली लोक बारा गोत्रा दे जो आपणे-आपणे पितरा रे कराने रे मुखिया ओर गोत्रा रे बी परदान ऊई की गिणती करने रे कामो पाँदे ठराई राखे थे, सेयो यहोवे रे सामणे पेंट लई आए, 3तिना री पेंट छे परी री गडिया ओर 12 बल़द थे, मतलब दो-दो परदाना री तरफा ते एक-एक गड्डी ओर एक-एक परदानो री तरफा ते एक-एक बल़द; इना खे सेयो मिलणे वाल़े तम्बूए रे सामणे यहोवे रे नेड़े लईगे।
4तेबे यहोवे मूसे खे बोलेया, 5“तिना चीजा खे तूँ तिना ते लई लओ कि मिलणे वाल़े तम्बूए री सेवा रे कामे आओ, तूँ इना खे लेवी वंशो रे एक-एक कुलो रे खास कामो रे मुताबिक तिना खे बांडी दे।” 6तेबे मूसे सेयो सब गडिया ओर बल़द लई की लेविया खे देईते।
7गेर्शोनो रे वंशो खे तिना रे सेवा रे कामो रे मुताबिक तिने दो गडिया ओर चार बल़द दित्ते;
8फेर मरारिए रे वंशो खे तिना रे सेवा रे कामो रे मुताबिक तिने चार गडिया ओर आठ बल़द दित्ते; यो सब हारूण पुरोईतो रे पाऊ ईतामारो रे अक्को रे काम करो थे।
9पर कहात वंशो रे लोका खे तिने कुछ नि दित्तेया, कऊँकि तिना खे पवित्र चीजा रा ये काम था कि सेयो तिजी खे आपणी कान्दा पाँदे चकी लो। 10फेर जेबे बेदिया रा अभिषेक ऊआ तेबे परदान तिजी रे संस्कारो री पेंट बेदिया रे नेड़े लई जाणे लगे।
11तेबे यहोवे मूसे खे बोलेया, “बेदिया खे पवित्र करने खे परदान लोक आपणी-आपणी पेंट आपणे-आपणे ठराए रे दिने चढ़ाओ।” 12इजी खे जो मर्द पईले दिने आपणी पेंट ल्याया से यहूदा रे गोत्रो रा अम्मीनादाबो रा पाऊ नहशोन था; 13तेसरी पेंट ये थी, मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 14फेर तूपो ते परी री 120 ग्राम सूईने री एक तंग्यारटी; 15होमबलिया खे एक बाच्छू, एक खाडू ओर एकी सालो रा एक पेडा रा बच्चा; 16पापबलिया खे एक बाकरा; 17ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। अम्मीनादाबो रे पाऊ नहशोनो री येई पेंट थी।
18दूजे दिने इस्साकार गोत्रो रा परदान सूआरो रा पाऊ नतनेल पेंट ली आया; 19से पेंट ये थी, पवित्र जगा रे शकेलो रे साबो ते डेढ़ किलो चाँदिए री परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 20फेर तूपो ते परी री 120 ग्राम सूईने रा एक तंग्यारटी; 21होमबलिया खे एक बाच्छू, एक खाडू ओर एकी सालो रा एक पेडा रा बच्चा; 22पापबलिया खे एक बाकरा; 23ओर मेलबलिया खे दो बल़द, ओर पाँज खाडू ओर पाँज बाकरे, ओर एक-एक सालो रे पाँज पेडा रे बच्चे। सूआरो रे पाऊ नतनेलो री येई पेंट थी।
24ओर तीजे दिने जबूलूनियो गोत्रो रा परदान हेलोनो रा पाऊ एलीआब ये पेंट ली आया, 25तेसरी पेंट ये थी कि पवित्र जगा रे शकेलो रे साबो ते डेढ़ किलो चाँदिए री परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत मिले रे मैदे ते परे रे थे; 26फेर तूपो ते परी री 120 ग्राम सूईने री एक तंग्यारटी; 27होमबलिया खे एक बाच्छू, एक खाडू ओर एकी सालो रा एक पेडा रा बच्चा; 28पापबलिया खे एक बाकरा; 29ओर मेलबलिया खे दो बल़द ओर पाँज खाडू ओर पाँज बाकरे, ओर एक-एक सालो रे पाँज पेडा रे बच्चे। हेलोनो रे पाऊ एलीआबो री येई पेंट थी।
30ओर चौथे दिने रूबेन गोत्रो रा परदान शदेऊरो रा पाऊ एलीसूर ये पेंट ली आया, 31तेसरी पेंट ये थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 32फेर तूपो ते परी री 120 ग्राम सूईने री एक तंग्यारटी; 33होमबलिया खे एक बाच्छू; एक खाडू ओर एकी सालो रा एक पेडा रा बच्चा; 34पापबलिया खे एक बाकरा; 35ओर मेलबलिया खे दो बल़द, ओर पाँज खाडू ओर पाँज बाकरे, ओर एक-एक सालो रे पाँज पेडा रे बच्चे। शदेऊरो रे पाऊ एलीसूरो री येई पेंट थी।
36पाँजुए दिने शिमोन गोत्रो रा परदान सुरीशद्दै रा पाऊ शलूमीएल ये पेंट लई आया 37तेसरी पेंट ये थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 38फेर तूपो ते परी री 120 ग्राम सूईने री एक तंग्यारटी; 39होमबलिया खे एक बाच्छू, एक खाडू ओर एकी सालो रा एक पेडा रा बच्चा; 40पापबलिया खे एक बाकरा; 41ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। सुरीशद्दै रे पाऊ शलूमीएलो री येई पेंट थी।
42ओर छठे दिने गाद गोत्रो रा परदान दूएलो रा पाऊ एल्यासाप ये पेंट ली आया, 43तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 44फेर तूपो ते परी री 120 ग्राम सूईने री एक तंग्यारटी; 45होमबलिया खे एक बाच्छू, एक खाडू ओर एकी सालो रा एक पेडा रा बच्चा; 46पापबलिया खे एक बाकरा; 47ओर मेलबलिया खे दो बल़द, ओर पाँज खाडू ओर पाँज बाकरे, ओर एक-एक सालो रे पाँज पेडा रे बच्चे। दूएलो रे पाऊ एल्यासापो री येई पेंट थी।
48सातुए दिने एप्रैम गोत्रो रा परदान अम्मीहूदो रा पाऊ एलीशामा ये पेंट ली आया। 49तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 50फेर तूपो ते परी री 120 ग्राम सूईने री एक तंग्यारटी; 51होमबलिया खे एक बाच्छू, एक खाडू ओर एकी सालो रा एक पेडा रा बच्चा; 52पापबलिया खे एक बाकरा; 53ओर मेलबलिया खे दो बल़द, ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। अम्मीहूदो रे पाऊ एलीशामा री येई पेंट थी।
54आठुए दिने मनश्शे रे गोत्रो रा परदान पदासूरो रा पाऊ गम्लीएल ये पेंट ली आया, 55तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 56फेर तूपो ते परी री 120 ग्राम सूईने री एक तंग्यारटी; 57होमबलिया खे एक बाच्छू, एक खाडू ओर एकी सालो रा एक पेडा रा बच्चा; 58पापबलिया खे एक बाकरा; 59ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। पदासूरो रे पाऊ गम्लीएलो री येई पेंट थी।
60नऊए दिने बिन्यामीन गोत्रो रा परदान गिदोनिए रा पाऊ अबीदान ये पेंट ली आया, 61तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 62फेर तूपो ते परी री 120 ग्राम सूईने री एक तंग्यारटी; 63होमबलिया खे एक बाच्छू, एक खाडू ओर एकी सालो रा एक पेडा रा बच्चा; 64पापबलिया खे एक बाकरा; 65ओर मेलबलिया खे दो बल़द, ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। गिदोनिए रे पाऊ अबीदानो री येई पेंट थी।
66दसुए दिने दान गोत्रो रा परदान अम्मीशद्दै रा पाऊ अहीएजेर ये पेंट ली आया, 67तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 68फेर तूपो ते परी री 120 ग्राम सूईने री एक तंग्यारटी; 69होमबलिया खे एक बाच्छू, एक खाडू ओर एकी सालो रा एक पेडा रा बच्चा; 70पापबलिया खे एक बाकरा; 71ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। अम्मीशद्दै रे पाऊ अहीएजेरो री येई पेंट थी।
72ग्यारुए दिने आशेर गोत्रो रा परदान ओक्रानो रा पाऊ पगीएल ये पेंट लई की आया। 73तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 74फेर तूपो ते परी री 120 ग्राम सूईने री एक तंग्यारटी; 75होमबलिया खे एक बाच्छू, एक खाडू ओर एकी सालो रा एक पेडा रा बच्चा; 76पापबलिया खे एक बाकरा; 77ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। ओक्रानो रे पाऊ पगीएलो री येई पेंट थी।
78ओर बारूए दिने नप्ताली गोत्रो रा परदान एनानो रा पाऊ अहीरा ये पेंट ली आया, 79तेसरी ये पेंट थी मतलब पवित्र जगा रे शकेलो रे साबो ते डेढ़ किलो चाँदिए री एक परात ओर 840 ग्राम चाँदिए रा एक कटोरा, ये दोनो नज्जो री बलिया खे तेलो समेत ओर मैदे ते परे रे थे; 80फेर तूपो ते परी री 120 ग्राम सूईने री एक तंग्यारटी; 81होमबलिया खे एक बाच्छू, एक खाडू ओर एकी सालो रा एक पेडा रा बच्चा; 82पापबलिया खे एक बाकरा; 83ओर मेलबलिया खे दो बल़द ओर पाँज खाडू ओर पाँज बाकरे ओर एक-एक सालो रे पाँज पेडा रे बच्चे। एनानो रे पाऊ अहीरा री येई पेंट थी।
84बेदिया रे अभिषेको रे बखते इस्राएलो रे बारा गोत्रा रे बारा परदाना री तरफा ते चढ़ाई री पेंट येई ऊई, मतलब चाँदिए रिया बारा पराती, चाँदिए रे बारा कटोरे ओर सूईने रिया बारा तंग्यारटिया।
85एक-एक चाँदिए री परात डेढ़ किलो री, एक-एक चाँदिए रा कटोरा 840 ग्रामो रा था ओर पवित्र जगा रे शकेलो रे साबो ते ये सब चाँदिए रे पांडे 27 किलो 600 ग्राम थे।
86फेर तूपो ते परी रिया सूईने रिया बारा तंग्यारटिया जो पवित्र जगा रे शकेलो रे साबो ते 120-120 ग्रामो री थिया, सेयो सब तंग्यारटिया 1 किलो 440 ग्राम सूईने री थिया।
87फेर होमबलिया खे सब मिलाई की 12 बाच्छू, 12 खाडू, ओर एक-एक सालो रे 12 पेडा रे बच्चे, आपणे-आपणे नज्जो री बलिया समेत थे; फेर पापबलिया रे सारे बाकरे 12 थे;
88ओर मेलबलिया खे सब मिलाई की 24 बाच्छू ओर 60 खाडू ओर 60 बाकरे ओर एक-एक सालो रे 60 पेडा रे बच्चे थे। बेदिया रा अभिषेक ऊणे ते बाद संस्कारो खे चढ़ाई री पेंट येई ऊई।
89ओर जेबे मूसा यहोवे ते गल्ला करने खे मिलणे वाल़े तम्बूए दे गया, तेबे तिने दया रे आसणो पाँदा ते, जो गवाईया री चिट्ठिया रे सन्दूको पाँदे था, दुँईं करूबो बीचा ते तेसरी आवाज सुणी जो तेस साथे गल्ला करने लगी रा था; ईंयाँ यहोवा तेसते गल्ला करो था।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.