गिणती 19
19
शुद्ध ऊणे री बिधि
1यहोवे मूसा ओर हारूणो खे बोलेया, 2“बिधानो री जेसा बिदिया री आज्ञा यहोवा देओआ से ये ए; कि तूँ इस्राएलिया खे बोल कि मांगे एक लाल बिना नुक्शो री बाच्छी लई आओ, जेसा रे कोई बी दाग या कमी नि ओ ओर जेसा रिया क्याड़िया पाँदे कदी बी जूँगड़ा नि ओ राखेया रा। 3तूँ तेसा बाच्छिया खे एलीआजार पुरोईतो खे दे ओर से तेसा खे डेरे ते बारे लई जाओ ओर कोई तेसा खे एलीआजार पुरोईतो रे सामणे बलिदान करो; 4तेबे एलीआजार पुरोईत आपणी गूठिया साथे तेसा रा कुछ खून लई की पवित्र तम्बूए रे सामणे री तरफा सात बार छिड़को। 5तेबे कोई तेसा बाच्छिया खे खाल, मास, खून ओर गोबरो समेत तेस सामणे फूकी देओ; 6पुरोईत देवदारो री लकड़ी, जूब ओर लाल रंगो रा टाल्ला लई की जिदे बाच्छी फूखणे लगी री ओ तेते आगी रे पाई दो।#19:6 इब्रानी 9:19 7तिजी ते बाद पुरोईत आपणे टाल्ले तोओ ओर नाओं, इजी ते बाद से डेरे रे आई सकोआ, फेर बी से साँजा तक अशुद्ध रणा। 8जो माणूं तेसा खे फूको से बी पाणिए साथे आपणे टाल्ले तोओ ओर नाओ ओर से बी साँजा तक अशुद्ध रणा। 9फेर कोई शुद्ध मर्द तेसा बाच्छिया री स्वा कट्ठी करी की डेरे ते बारे केसी साफ जगा रे राखी देओ ओर से स्वा इस्राएलिया री मण्डल़िया खे अशुद्धता ते छुड़ाणे वाल़े पाणिए खे राखी री रओ; से तो पापो ते शुद्ध ऊणे रिया तँईं ए।#19:9 इब्रानी 9:13 10ओर जो माणूं बाच्छिया री स्वा कट्ठी करो से आपणे टाल्ले तोओ ओर से बी साँजा तक अशुद्ध रणा। ये इस्राएलिया खे ओर तिना बीचे रणे वाल़े परदेशिया खे बी सदा री रवाज रणी।”
मुड़दा छूणे ते अशुद्धता
11जो कोई बी माणूं केसी मुड़दे खे छूँओ से साता दिना तक अशुद्ध रणा; 12फेर एड़ा माणूं तीजे दिने ओर सातुए दिने आपू खे पाणिए ते तोई की शुद्ध करो तेबे से शुद्ध ऊणा। पर जे से तीजे दिने ओर सातुए दिने आपू खे शुद्ध नि करो, तो से शुद्ध नि ठईरना। 13जे से केसी मरे रे माणूंए खे छुँईं की अपवित्र ऊईरा ओ ओर जदुओ तक आपू खे शुद्ध नि करी लओ तो से यहोवे रे मिलणे वाल़े तम्बूए खे अशुद्ध करोआ, इजी खे एड़ा माणूं इस्राएली लोका बीचा ते निकाल़ेया जाणा; कऊँकि शुद्ध करने वाल़ा पाणी तेस पाँदे नि छिड़की राखेया; तेबेई तो से अशुद्ध रया ओर तेसरी अशुद्धता तेसदे बणी री रणी।
14जे कोई माणूं डेरे रे मरी जाओ तो बिधान ये ए कि जितणे तेते डेरे रे रओ, या तिदे जाओ, सेयो सब सात दिना तक अशुद्ध रओ। 15ओर हर एक खुला पांडा, जेते पाँदे कोई टक्कण लगेया रा नि ओ तो से अशुद्ध ठईरना। 16ओर जो कोई मैदानो रे तलवारी की काये रे खे या आपू मरे रे माणूंए खे या माणूंए री आड्डिया खे या केसी री कब्रा खे छूँओ तो से साता दिना तक अशुद्ध रणा। 17अशुद्ध माणूंए खे फूकी री पापबलिया री स्वाई बीचा ते कुछ लई कि पांडे रे पाई कि तिजी पाँदे ताजा पाणी पाया जाओ; 18तेबे से माणूं जो रवाजा रे मुताबिक शुद्ध करी राखेया से जूब लई की तेते पाणिए रे डबोई कि तेस पाणिए खे तेते डेरे पाँदे ओर जितणे पांडे ओर माणूं तिदे ओ तिना पाँदे छिड़को ओर से माणूंए री आड्डिया खे या मारे रेया खे या आपणी मौता ते मरे रेया खे या कब्रा खे छूणे वाल़ेया पाँदे छिड़की देओ; 19से शुद्ध मर्द तीजे दिने ओर सातुए दिने तेस अशुद्ध माणूंए पाँदे पाणी छिड़को। ईंयाँ से तिना खे सातुए दिने शुद्ध करो, शुद्ध ऊणे वाल़े लोक आपणे टाल्ले तोयी की ओर पाणिए साथे नाह्यी की साँजा तक शुद्ध ऊई जाणे।#19:19 इब्रानी 9:13
20पर जो कोई अशुद्ध माणूं आपणे आपू खे शुद्ध नि करो तो से माणूं यहोवे री मण्डल़िया बीचा ते निकाल़ेया जाणा कऊँकि तिने यहोवे री पवित्र जगा अशुद्ध करी राखी ओर अशुद्धता ते छुड़ाणे वाल़ा पाणी तेस पाँदे नि छिड़केया, इजी बजअ ते से अशुद्ध ठईरना। 21ओर ये तिना खे सदा री रवाज रणी। जो माणूं अशुद्धता ते छुड़ाणे वाल़ा पाणी छिड़को से बी आपणे टाल्ले तोई लो ओर जो कोई तेस अशुद्धता ते छुड़ाणे वाल़े पाणिए खे छूँओ से बी साँजा तक अशुद्ध रणा। 22ओर जो कुछ से अशुद्ध माणूं छूँओ से बी अशुद्ध ठईरना ओर जो माणूं तेसा चीजा खे छूँओ से बी साँजा तक अशुद्ध रओ।
Currently Selected:
गिणती 19: BGH
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
गिणती 19
19
शुद्ध ऊणे री बिधि
1यहोवे मूसा ओर हारूणो खे बोलेया, 2“बिधानो री जेसा बिदिया री आज्ञा यहोवा देओआ से ये ए; कि तूँ इस्राएलिया खे बोल कि मांगे एक लाल बिना नुक्शो री बाच्छी लई आओ, जेसा रे कोई बी दाग या कमी नि ओ ओर जेसा रिया क्याड़िया पाँदे कदी बी जूँगड़ा नि ओ राखेया रा। 3तूँ तेसा बाच्छिया खे एलीआजार पुरोईतो खे दे ओर से तेसा खे डेरे ते बारे लई जाओ ओर कोई तेसा खे एलीआजार पुरोईतो रे सामणे बलिदान करो; 4तेबे एलीआजार पुरोईत आपणी गूठिया साथे तेसा रा कुछ खून लई की पवित्र तम्बूए रे सामणे री तरफा सात बार छिड़को। 5तेबे कोई तेसा बाच्छिया खे खाल, मास, खून ओर गोबरो समेत तेस सामणे फूकी देओ; 6पुरोईत देवदारो री लकड़ी, जूब ओर लाल रंगो रा टाल्ला लई की जिदे बाच्छी फूखणे लगी री ओ तेते आगी रे पाई दो।#19:6 इब्रानी 9:19 7तिजी ते बाद पुरोईत आपणे टाल्ले तोओ ओर नाओं, इजी ते बाद से डेरे रे आई सकोआ, फेर बी से साँजा तक अशुद्ध रणा। 8जो माणूं तेसा खे फूको से बी पाणिए साथे आपणे टाल्ले तोओ ओर नाओ ओर से बी साँजा तक अशुद्ध रणा। 9फेर कोई शुद्ध मर्द तेसा बाच्छिया री स्वा कट्ठी करी की डेरे ते बारे केसी साफ जगा रे राखी देओ ओर से स्वा इस्राएलिया री मण्डल़िया खे अशुद्धता ते छुड़ाणे वाल़े पाणिए खे राखी री रओ; से तो पापो ते शुद्ध ऊणे रिया तँईं ए।#19:9 इब्रानी 9:13 10ओर जो माणूं बाच्छिया री स्वा कट्ठी करो से आपणे टाल्ले तोओ ओर से बी साँजा तक अशुद्ध रणा। ये इस्राएलिया खे ओर तिना बीचे रणे वाल़े परदेशिया खे बी सदा री रवाज रणी।”
मुड़दा छूणे ते अशुद्धता
11जो कोई बी माणूं केसी मुड़दे खे छूँओ से साता दिना तक अशुद्ध रणा; 12फेर एड़ा माणूं तीजे दिने ओर सातुए दिने आपू खे पाणिए ते तोई की शुद्ध करो तेबे से शुद्ध ऊणा। पर जे से तीजे दिने ओर सातुए दिने आपू खे शुद्ध नि करो, तो से शुद्ध नि ठईरना। 13जे से केसी मरे रे माणूंए खे छुँईं की अपवित्र ऊईरा ओ ओर जदुओ तक आपू खे शुद्ध नि करी लओ तो से यहोवे रे मिलणे वाल़े तम्बूए खे अशुद्ध करोआ, इजी खे एड़ा माणूं इस्राएली लोका बीचा ते निकाल़ेया जाणा; कऊँकि शुद्ध करने वाल़ा पाणी तेस पाँदे नि छिड़की राखेया; तेबेई तो से अशुद्ध रया ओर तेसरी अशुद्धता तेसदे बणी री रणी।
14जे कोई माणूं डेरे रे मरी जाओ तो बिधान ये ए कि जितणे तेते डेरे रे रओ, या तिदे जाओ, सेयो सब सात दिना तक अशुद्ध रओ। 15ओर हर एक खुला पांडा, जेते पाँदे कोई टक्कण लगेया रा नि ओ तो से अशुद्ध ठईरना। 16ओर जो कोई मैदानो रे तलवारी की काये रे खे या आपू मरे रे माणूंए खे या माणूंए री आड्डिया खे या केसी री कब्रा खे छूँओ तो से साता दिना तक अशुद्ध रणा। 17अशुद्ध माणूंए खे फूकी री पापबलिया री स्वाई बीचा ते कुछ लई कि पांडे रे पाई कि तिजी पाँदे ताजा पाणी पाया जाओ; 18तेबे से माणूं जो रवाजा रे मुताबिक शुद्ध करी राखेया से जूब लई की तेते पाणिए रे डबोई कि तेस पाणिए खे तेते डेरे पाँदे ओर जितणे पांडे ओर माणूं तिदे ओ तिना पाँदे छिड़को ओर से माणूंए री आड्डिया खे या मारे रेया खे या आपणी मौता ते मरे रेया खे या कब्रा खे छूणे वाल़ेया पाँदे छिड़की देओ; 19से शुद्ध मर्द तीजे दिने ओर सातुए दिने तेस अशुद्ध माणूंए पाँदे पाणी छिड़को। ईंयाँ से तिना खे सातुए दिने शुद्ध करो, शुद्ध ऊणे वाल़े लोक आपणे टाल्ले तोयी की ओर पाणिए साथे नाह्यी की साँजा तक शुद्ध ऊई जाणे।#19:19 इब्रानी 9:13
20पर जो कोई अशुद्ध माणूं आपणे आपू खे शुद्ध नि करो तो से माणूं यहोवे री मण्डल़िया बीचा ते निकाल़ेया जाणा कऊँकि तिने यहोवे री पवित्र जगा अशुद्ध करी राखी ओर अशुद्धता ते छुड़ाणे वाल़ा पाणी तेस पाँदे नि छिड़केया, इजी बजअ ते से अशुद्ध ठईरना। 21ओर ये तिना खे सदा री रवाज रणी। जो माणूं अशुद्धता ते छुड़ाणे वाल़ा पाणी छिड़को से बी आपणे टाल्ले तोई लो ओर जो कोई तेस अशुद्धता ते छुड़ाणे वाल़े पाणिए खे छूँओ से बी साँजा तक अशुद्ध रणा। 22ओर जो कुछ से अशुद्ध माणूं छूँओ से बी अशुद्ध ठईरना ओर जो माणूं तेसा चीजा खे छूँओ से बी साँजा तक अशुद्ध रओ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.