Zefaniya 2

Mbubakakumbilwa kuti beempe

1Amubungane, amubungane, nomusyobo uunyina nsoni, 2ciindi cibikkidwe nocitanasika, buzuba nobutana pupuluka mbuli bungu, bukali bwa Mwami Leza bupati nobutana musikila. 3Amukombe Mwami Leza nywebo nyoonse nobabombe munyika, nywebo nomucita nzyalailila. Amucite ziluleme amulibombye, ambweni muyookwabilil wa mubuzuba bwabukali bwa Mwami Leza.

Kunyonyoonwa kwamisyobo iizingulukide Isilayeli

4Munzi wa Gaza uyoosiigwa, wa Asyikeloni uyooba tongo. Aci lungu-lungu munzi wa Asyidodi uyoosyaala mbuboobu, wa Ekiloni uyooolwa. 5Maawe kulindinywe Nobakeleti, nomukkala kumbali aalwizi, majwi aa Mwami Leza aamba zyamapenzi aanu, ayebo ocisi ca Kenani, nyika ya Bafilisiti. “Ndiyoomunyonyoona, taakwe naba omwe uuyoosyaala pe.” 6Nyika iili kumbali lyalwizi, kukkala Bakeleti, iyooba busena bwabeembezi azimpati zyambelele. 7Iyooba nyika yabantu basyeede bamusyobo wa Juda, ooko nkoba yoojana macezezyo. Kumangolezya banoonoolala mumaanda aamunzi wa Asyike loni. Mwami Leza wabo uyoobabamba, uyoobaboozezya zyoolwe zyabo.

8Ndakamvwa kusampaula kwa Bamowabu, amatusi aa Baamoni, bakasampaula bantu bangu ambubakakanza nyika yabo. 9“Nkaako mbubonya mbuli mbwendi muumi,” mbwaamba Mwami Leza Singuzuzyoonse, wa Isilayeli, “Kasimpe cisi ca Mowabu ciyooba mbuli munzi wa Sodomu, Baamoni bayooba mbuli bamu Gomola, busena buzwida bwizu amalindi-lindi amunyo, iitakkalwi lyoonse. Bantu bangu basyeede bayoobasaala, bantu bangu bacipona bayootola nyika yabo.”

10Nceeci ncobayoojana mukulisumpula kwabo, mukusampaula akusabula bantu ba Mwami Leza Singuzuzyoonse. 11Mwami Leza uyoobayoosya aakunyonyoona baleza babo boonse munyika. Misyobo yoonse iili kunkomwe yamulonga iyoomukomba, yoonse iyoo mukomba munyika yayo.

12Anywebo no Bakusyi, muyoojaigwa apanga lyangu munkondo.

13Uyootandabika janza lyakwe kunyika kuti akanyonyoone Baasi liya, uyoosiya Nineva yaba tongo lini, iyooyuma nta mbuli nkanda. 14Butanga amatanga ayoobuta ooko, azilenge zyamisyobo-misyobo zyoonse. Batumba amasikusiku ziyookkala amisemo yawo. Kulila kwabo kunooyooyooma mumpulungwido, bacikwaangala banooli amilyango yawo, zicinda zyamulombe ziyoosyaala aatuba. 15Ngooyu munzi uulisaantide, uukkede muluumuno. Wakalyaambauzya wati, “Iyoobuya, taakwe uuli mbuli ndime pe.” Amubone mbuumwaigwa, waba ciyubilo cabanyama bamusokwe! Boonse bainda munsi lyawo balasabula akuutondeka ntuku.

Currently Selected:

Zefaniya 2: Tonga96

Highlight

Copy

Compare