Intembauzyo 92
92
Lwiimbo lwabuzuba bwa Sabata
1Ncibotu kutembaula Mwami Leza, kwiimba nyimbo zilumbaizya zina lyako,
O Sijulu wamajulu.
2Nyimbo zyaambilizya zyaluyando lwako lutazungaani cifumo-fumo,
zyaambilizya kusyomeka kwako masiku.
3Nyimbo zyakankobela kaminjeya iili kkumi, zyakalumbu kakandendema.
4Nkaambo yebo, O Mwami Leza, nduwe oonditondezya milimo yako,
ndaimba cakukondwa akaambo kamilimo njocita.
5Milimo yako Omwami Leza, mipati kapati, miyeeyo yako tiizibwi.
6Ciyanga tacikonzyi kuziba, bafuba-fuba tabakonzyi kumvwisya.
7Nikuba kuti basizibi balamena mbuli bwizu,
nikuba kuti boonse bacita zibi balafwefwema,
pele bayoonyonyoonwa mane kukabe kutamani.
8Pele yebo, O Mwami Leza, bulemu mbubwako lyoonse alyoonse.
9Masimpe, basinkondonyoko O Leza, masimpe, basinkondonyoko
bayoonyonyoonwa, bacita zibi bayoomwaisigwa.
10Pele mebo wandiyumya mbuli munyati, wandinanika mafuta aanjoloma.
11Ndalibonena kuzundwa kwabasinkondoma,
ndalimvwida amatwi aangu kulila kwabaabo babi bandilwana.
12Balulami balazwidilila mbuli tukunka, balakomena mbuli mukamba waku Lebanoni.
13Bali muŋanda ya Mwami Leza, bayoozwidilila muŋanda ya Leza wesu.
14Banoocizyala nibacembaala, lyoonse banoosyuuka akuba aanguzu.
15Banooambilizya kuti, “Mwami Leza uliluleme,
ngomwaala wangu kunyina busofwaazi mulinguwe.”
Currently Selected:
Intembauzyo 92: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
