Intembauzyo 90
90
BBUKU LYANE
(Intembauzyo 90—106)
Kukomba kwa Mozesi muntu wa Leza
1O Mwami tukkede mulinduwe, tukkede mulinduwe kwamazyalani oonse.
2Zilundu kazitana lengwa, kotana akubumba nyika, kuzwa lili alili nduwe Leza.
3Ulapilusya bantu kubulongo koti, “Amupiluke kubulongo nobantu.”
4Kulinduwe myaka iili cuulu, ilibuyo mbuli buzuba bwainda bwajilo,
mbuli kaindi kamasiku.
5Ulakukulula bantu balafwa mbuli kulota, bali mbuli bwizu cifumo-fumo.
6Nikuba kuti cifumo-fumo bulafwefwema, kumangolezya bulapusama akunyana.
7Watunyonyoona abukali bwako, mukunyema kwako watusubula.
8Wabikka ndubizyo zyesu kumbele lyako, zinyonyoono zyesu zisisidwe
wazibikka mumumuni wako.
9Mazuba aabuumi bwesu atwentana akaambo kabukali bwako,
myaka yesu ili mbuli kutongela.
10Myaka yabuumi bwesu ili makumi aali ciloba,
naa twaba aanguzu alasika kumakumi aali lusele.
Pele njamakatazyo amapenzi, myaka eeyi ilafwambaana kumana,
swebo tulazimaana, twafwidilila.
11Nguni uuzi nguzu zyabukali bwako buleta kuyoowa kupati?
Nkaako bantu baleelede kuyoowa.
12Twiisye, tuzibe kuti buumi bwesu mbufwiifwi, ndendilyo nitukonzya kusongwaala.
13Lijate, O Mwami, ino unootukalalide kwaciindi cilamfu buti?
14Kobeetelela bantu bako, tondezya luyando lwako lutazungaani cifumo-fumo,
tutangale akukondwa mazuba eesu oonse.
15Tutangazye kwamazuba manji aali mbuli ngookatupenzya,
abe mbuli myaka eeyi njitwakajisi makatazyo.
16Tondezya milimo yako kubabelesi bako, utondezye bulemu bwako kubana bako.
17Luzyalo lwa Mwami Leza wesu lube alindiswe, aleleke zyoonse nzyotucita,
iiyi, aleleke milimo yoonse njotucita amaanza eesu.
Currently Selected:
Intembauzyo 90: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
