Intembauzyo 7
7
Lwiimbo lwakaimba Devedi, kwaamba zya Kusyi Mubenjamini, kweendelana a Syigayoni
1O Mwami Leza wangu, mulinduwe mwenjubide kondifutula
kuzwa kuli boonse banditanda undivune.
2Kuti batandikwamauni mbuli syuumbwa akundizapaula
tubeela-beela, kaatakwe sikundivuna.
3O Mwami Leza wangu, naandacita eeci, akuzulwa,
4naa ndabisizya mweenzuma, naa ndasaala sinkondoma kaatakwe kaambo,
5nkokuti sinkondoma anditandaanye akundeenzya,
andisiye muvu nkefwide, nkelede mubulongo.
6Nyamuka, O Mwami Leza, mubukali bwako,
nyamukila lutuzi lwabaabo bandipenzya.
Nkaako nyamuka, O Leza wangu nduwe uuti ciluleme cicitike.
7Ababungane bantu kulinduwe,
nkabela ubeendelezye acuuno cako cabwami kujulu.
8Leza oobeteka bantu banji, kosola mulandu wangu
kweendelana abululami bwangu, mukuti mebo nnyina kaambo.
9Bupyopyongani bwasizibi abumaninine.
Pele baluleme kobaimika nji, yebo oolingula mizeezo amyoyo, yebo, O Leza, uululeme.
10Intobo yangu ngu Leza uusumpukide,
uufutula baluleme mumyoyo.
11Leza ngomubetesi uululeme.
Ngonguwe uusubula babi lyoonse.
12Naa kuti muntu wakaka kusanduka,
Leza ulakwenga panga lyakwe,
ulabamba buta bwakwe ulabululamika.
13Walibambila zibelesyo zyakujazya, amivwi yakwe yamulilo.
14Ncobeni sizibi ulamita bubi, ulatumbuka bubi, akuzyala zyakubeja.
15Ulasya dindi akulilansya amana ulawida muli ndilyo, mudindi lyakwe mwini.
16Bubi bwakwe buboolela amutwe wakwe mwini,
kupilingana kwakwe kulamuwida mwini.
17Ndalumba Mwami Leza nkaambo uliluleme,
alimwi ndinootembaula zina lya Leza uusumpukide.
Currently Selected:
Intembauzyo 7: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
